I YOHANE 10
10
Puu pompakambi anu moiko
10:1-21
1”Kupauakomiu: Menteeano isema anu mewinso a laro rahano bimba nahi telalo a mpewowa, sine momaru a rere watu, onae mia anu monako ka mia puu mporontu; 2sine isema anu mewinso telalo a mpewowa, onae puu pompakambi bimba. 3Tiano anu modagai umungkahio pewowa ka bimba merongeo suarano ka ipoboi ira bimbano montonda needo nte'o'asa ka itaate ira mpeluarako. 4Tewala iluarako iramo luwu bimbano, onae melempa i arodo ka bimba atuudo mentondao, hangano domento'orio suarano. 5Sine mia susua manasa nahi domentondao, tendeano dompolaiakono, hangano suarado mia susua nahi domento'orio.”
6Onaemo anu Dopauako ira i Yesu a mpotundaano, sine nahi dompokonto'orio hapa tinoo-Do mepau kanandio ndi ondae.
7Ka pohona mbo'u Dopotae i Yesu, ”Kupauakomiu, menteeano Ongkuemo pewowa lumako a bimba atuudo. 8Luwuno mia anu hawe se'elu sekono Ongkue, ondaemo mia mponako ka mporontu, ka bimba atuudo nahi domperorongeako ira. 9Ongkuemo pewowa; ba isema mewinso mesala ndi Ongkue, onae ta tekadudui ka ta mewinso ka meluarako ka ipohawe pada ewo. 10Anu monako hawe butu ta monako ka mompepate ka monsolangi; Ongkue hawe, ka dompohawe tuwua, ka domehaweo luwuno mare'ea. 11Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano; 12sine mia tinambo anu komba puu pompakambi, ka komba anu me'ue ira bimba atuu, tempono ikitao serigala hawe, ibinta ira luwu bimba atuu ka i'amba molai, ranta ka ipomperangkami serigala atuu ka sumiarawo ira bimba atuu. 13Onae molai hangano onae mia tinambo ka nahi perio ira bimba atuu. 14Ongkuemo Puu Pompakambi anu moiko ka Kuto'ori ira bimba-Ku ka bimba-Ku domento'ori Aku 15#Mat. 11:27; Luk. 10:22 mengkena kana Ondae i Ama Doto'ori Aku ka Ongkue Kuto'ori Ira i Ama, ka Kupeweengakono penaa-Ku tiado bimba-Ku. 16Hinao mbo'u ndi Ongkue bimba susua, anu komba inso a rahado bimba andio; bimba atuudo asalakono Kutaate ira mbo'u ka ira merongeo suara-Ku ka ira megagi asa bawaa ka aasa puu pompakambi. 17Ondae i Ama Dopehohawa Aku, hangano Kupeweengakono penaa-Ku ka Kuwali tumarimao. 18Nahina maupo te'asa mia umalao inso ndi Ongkue, tendeano Kupeweengakono montonda po'ehe-Ku Ongkue-Ku. Ongkue pabawa meweengakono ka pabawa wali umalao. Onaemo andio anggaa anu tinarima-Ku inso ndi Ondae Ama-Ku.”
19Ka gagiomo mbo'u teposisalaa i olodo to Yahudi hangano pau atuu. Hadio i olodo mpotae, 20”Ipewinsoki Ira onitu nsa'o ka mekombe; tembio ka imperorongeako Ira?” 21Anu mehano mpotae, ”Atuu komba pauno mia pinewinsokino onitu nsa'o; polioke onitu nsa'o mokontewileo matano mia morawu?”
Ondae i Yesu nahi domebehe ira to Yahudi
10:22-39
22Nahi tehine haweakoomo oleo langkai Poronsoa Raha-Do Ue Ala i Yerusale; tempo atuu tempo morini. 23Ka Ondae i Yesu melempa-lempa a Raha-Do Ue Ala, a ntambino i Salomo. 24Onaemo ka domelimbu Ira to Yahudi ka dompotaeako Ira, ”Opiapo mbo'u tehineno Ipo'inee kami mentuwu a laro bulalingo? Tewala Omiu i Mesia, Ipauakami temanasa.” 25Sumangki Ira i Yesu, ”Kupauakomiumo, sine nahi impe'ala-alao; luwuno anggaa anu Kuweweuo a nee-Do Ama-Ku, onaemo anu sumakosiio mongkona Ongkue, 26sine nahi impe'ala-alao, hangano omiu nahi ntewinso bimba-Ku. 27Luwuno bimba-Ku domperorongeakono suara-Ku ka Kuto'ori ira ka domentonda Aku, 28ka Kupoweeako ira tuwua anu nahina tampulaano ka manasa nahi ira memate hawe nahina tampulaano ka maupo te'asa mia nahi ta hina rumontu ira inso a ngkae-Ku. 29Ondae Ama-Ku, anu meweengako ira ndi Ongkue, langkaiopo sekono isemamo koa, ka maupo te'asa mia nahi ta mokorontuo inso a ngkae-Ku. 30Ongkue ka Ondae i Ama aasa koa.”
31Pohona mbo'u dompo'ala watu to Yahudi ta wuno-Do i Yesu. 32Motae Ira i Yesu ndi ondae, ”Hadio anggaa moiko anu te'inso ndi Ondae Ama-Ku anu Kupopokitaakomiu; hangano anggaa isuake i olono ka komiu mewunoa-Kune watu?” 33#Ima. 24:16 Mesangki ira to Yahudi atuu, ”Komba hangano aasa anggaa moiko ka kami mewuno Komiu, tendeano hangano ipepaukiako Ira Ue Ala ka hangano Omiu, maupo butu koa tolino, Ipongkenaakono koroi-Miu saru Ondae Ue Ala.” 34#Pud. 82:6 Dopotaeako ira i Yesu, ”Komba hinaoke teburi a wunta songka Tauramiu: Mepau Akumo: Omiumo pinesombai susua? 35Tewala ondae, ndi sema ipinohawe pau tuu, nineeako pinesombai susua – sine Wunta Mempori asalakono inihii –, 36nde da komiu mpotaeako Ira anu pinokomempori-Do i Ama ka anu Dotena Iramo aiwa i wawontolino: Ipepaukiako Ira Ue Ala! Hangano mepau Akumo: Ongkue Ana-Do Ue Ala? 37Tewala nahi kuweweu ira anggaa-Do Ama-Ku, siimo impe'ala-ala Aku, 38sine tewala Kuweweuo ka nahi behe mpe'ala-ala Aku, impe'ala-alaomo luwuno wineweu atuu, ka imento'oriomo ka mpokohawe laroo, nine Ondae i Ama i laro-Ku ka Ongkue i laro-Do i Ama.”
39Pohona mbo'u dompo'arahako rumako Ira, sine tola Ira inso a ngkaedo.
Ondae i Yesu i asatowano koro Yarade
10:40-42
40 #
Yoh. 1:28
Ka Do'amba i Yesu lumako mbo'u i asatowano koro Yarade, a mpobahoano i Yohane i ndi'upua, ka Do'amba mo'ia i tu'ai. 41Ka hadio mia mehawe ndi Ondae ka dompotae, ”I Yohane lano nahi poweweu maupo te'asa petondoni, sine luwuno anu horio pauo i Yohane mongkona mia andio mentee.” 42Ka hadio mia i tu'ai mpe'ala-ala Ira.
Currently Selected:
I YOHANE 10: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
I YOHANE 10
10
Puu pompakambi anu moiko
10:1-21
1”Kupauakomiu: Menteeano isema anu mewinso a laro rahano bimba nahi telalo a mpewowa, sine momaru a rere watu, onae mia anu monako ka mia puu mporontu; 2sine isema anu mewinso telalo a mpewowa, onae puu pompakambi bimba. 3Tiano anu modagai umungkahio pewowa ka bimba merongeo suarano ka ipoboi ira bimbano montonda needo nte'o'asa ka itaate ira mpeluarako. 4Tewala iluarako iramo luwu bimbano, onae melempa i arodo ka bimba atuudo mentondao, hangano domento'orio suarano. 5Sine mia susua manasa nahi domentondao, tendeano dompolaiakono, hangano suarado mia susua nahi domento'orio.”
6Onaemo anu Dopauako ira i Yesu a mpotundaano, sine nahi dompokonto'orio hapa tinoo-Do mepau kanandio ndi ondae.
7Ka pohona mbo'u Dopotae i Yesu, ”Kupauakomiu, menteeano Ongkuemo pewowa lumako a bimba atuudo. 8Luwuno mia anu hawe se'elu sekono Ongkue, ondaemo mia mponako ka mporontu, ka bimba atuudo nahi domperorongeako ira. 9Ongkuemo pewowa; ba isema mewinso mesala ndi Ongkue, onae ta tekadudui ka ta mewinso ka meluarako ka ipohawe pada ewo. 10Anu monako hawe butu ta monako ka mompepate ka monsolangi; Ongkue hawe, ka dompohawe tuwua, ka domehaweo luwuno mare'ea. 11Ongkuemo Puu Pompakambi anu moiko. Puu Pompakambi anu moiko meweengakono penaano tiado luwuno bimbano; 12sine mia tinambo anu komba puu pompakambi, ka komba anu me'ue ira bimba atuu, tempono ikitao serigala hawe, ibinta ira luwu bimba atuu ka i'amba molai, ranta ka ipomperangkami serigala atuu ka sumiarawo ira bimba atuu. 13Onae molai hangano onae mia tinambo ka nahi perio ira bimba atuu. 14Ongkuemo Puu Pompakambi anu moiko ka Kuto'ori ira bimba-Ku ka bimba-Ku domento'ori Aku 15#Mat. 11:27; Luk. 10:22 mengkena kana Ondae i Ama Doto'ori Aku ka Ongkue Kuto'ori Ira i Ama, ka Kupeweengakono penaa-Ku tiado bimba-Ku. 16Hinao mbo'u ndi Ongkue bimba susua, anu komba inso a rahado bimba andio; bimba atuudo asalakono Kutaate ira mbo'u ka ira merongeo suara-Ku ka ira megagi asa bawaa ka aasa puu pompakambi. 17Ondae i Ama Dopehohawa Aku, hangano Kupeweengakono penaa-Ku ka Kuwali tumarimao. 18Nahina maupo te'asa mia umalao inso ndi Ongkue, tendeano Kupeweengakono montonda po'ehe-Ku Ongkue-Ku. Ongkue pabawa meweengakono ka pabawa wali umalao. Onaemo andio anggaa anu tinarima-Ku inso ndi Ondae Ama-Ku.”
19Ka gagiomo mbo'u teposisalaa i olodo to Yahudi hangano pau atuu. Hadio i olodo mpotae, 20”Ipewinsoki Ira onitu nsa'o ka mekombe; tembio ka imperorongeako Ira?” 21Anu mehano mpotae, ”Atuu komba pauno mia pinewinsokino onitu nsa'o; polioke onitu nsa'o mokontewileo matano mia morawu?”
Ondae i Yesu nahi domebehe ira to Yahudi
10:22-39
22Nahi tehine haweakoomo oleo langkai Poronsoa Raha-Do Ue Ala i Yerusale; tempo atuu tempo morini. 23Ka Ondae i Yesu melempa-lempa a Raha-Do Ue Ala, a ntambino i Salomo. 24Onaemo ka domelimbu Ira to Yahudi ka dompotaeako Ira, ”Opiapo mbo'u tehineno Ipo'inee kami mentuwu a laro bulalingo? Tewala Omiu i Mesia, Ipauakami temanasa.” 25Sumangki Ira i Yesu, ”Kupauakomiumo, sine nahi impe'ala-alao; luwuno anggaa anu Kuweweuo a nee-Do Ama-Ku, onaemo anu sumakosiio mongkona Ongkue, 26sine nahi impe'ala-alao, hangano omiu nahi ntewinso bimba-Ku. 27Luwuno bimba-Ku domperorongeakono suara-Ku ka Kuto'ori ira ka domentonda Aku, 28ka Kupoweeako ira tuwua anu nahina tampulaano ka manasa nahi ira memate hawe nahina tampulaano ka maupo te'asa mia nahi ta hina rumontu ira inso a ngkae-Ku. 29Ondae Ama-Ku, anu meweengako ira ndi Ongkue, langkaiopo sekono isemamo koa, ka maupo te'asa mia nahi ta mokorontuo inso a ngkae-Ku. 30Ongkue ka Ondae i Ama aasa koa.”
31Pohona mbo'u dompo'ala watu to Yahudi ta wuno-Do i Yesu. 32Motae Ira i Yesu ndi ondae, ”Hadio anggaa moiko anu te'inso ndi Ondae Ama-Ku anu Kupopokitaakomiu; hangano anggaa isuake i olono ka komiu mewunoa-Kune watu?” 33#Ima. 24:16 Mesangki ira to Yahudi atuu, ”Komba hangano aasa anggaa moiko ka kami mewuno Komiu, tendeano hangano ipepaukiako Ira Ue Ala ka hangano Omiu, maupo butu koa tolino, Ipongkenaakono koroi-Miu saru Ondae Ue Ala.” 34#Pud. 82:6 Dopotaeako ira i Yesu, ”Komba hinaoke teburi a wunta songka Tauramiu: Mepau Akumo: Omiumo pinesombai susua? 35Tewala ondae, ndi sema ipinohawe pau tuu, nineeako pinesombai susua – sine Wunta Mempori asalakono inihii –, 36nde da komiu mpotaeako Ira anu pinokomempori-Do i Ama ka anu Dotena Iramo aiwa i wawontolino: Ipepaukiako Ira Ue Ala! Hangano mepau Akumo: Ongkue Ana-Do Ue Ala? 37Tewala nahi kuweweu ira anggaa-Do Ama-Ku, siimo impe'ala-ala Aku, 38sine tewala Kuweweuo ka nahi behe mpe'ala-ala Aku, impe'ala-alaomo luwuno wineweu atuu, ka imento'oriomo ka mpokohawe laroo, nine Ondae i Ama i laro-Ku ka Ongkue i laro-Do i Ama.”
39Pohona mbo'u dompo'arahako rumako Ira, sine tola Ira inso a ngkaedo.
Ondae i Yesu i asatowano koro Yarade
10:40-42
40 #
Yoh. 1:28
Ka Do'amba i Yesu lumako mbo'u i asatowano koro Yarade, a mpobahoano i Yohane i ndi'upua, ka Do'amba mo'ia i tu'ai. 41Ka hadio mia mehawe ndi Ondae ka dompotae, ”I Yohane lano nahi poweweu maupo te'asa petondoni, sine luwuno anu horio pauo i Yohane mongkona mia andio mentee.” 42Ka hadio mia i tu'ai mpe'ala-ala Ira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021