I YOHANE 9
9
Mia morawu tampu'uno ihina
9:1-41
1Tempono Ondae i Yesu kontongaa-Do telalo, Dokitao asa mia anu morawu tampu'uno ihina. 2Ana guru-Do mpesikeno ndi Ondae, ”Guru, isemake anu moweweu hala, onaeno mia andio ke mia mota'uno, ranta ka ipine'anaako morawu?” 3Sumangki Ira i Yesu, ”Komba onae ka komba mbo'u mia mota'uno, sine hangano luwuno anggaa-Do Ue Ala asalakono pinokomengkaa a ngkoroino. 4Asalakono ka tome'anggao anggaa-Do anu tumena Aku, tekonai da meene; ta hawe wongi, nahina maupo te'asa mia anu mokompo'angga. 5#Mat. 5:14; Yoh. 8:12 Tempono Kukongko i wawontolino, Ongkuemo mewineno wawontolino.” 6Umari-Do pauo luwuno atuu, me'onui Ira a wita, ka Dosaloakono wita onui-Do atuu, ka Do'amba mepahihiakono a matano mia morawu hieno 7ka Dopotaeakono, ”Lakomo, pedolomo a limbo Siloa.” Siloa pengkonaano, ”Anu Tinena.” Ka lumakoomo mia atuu, ka ipedolo ka i'amba mekule matano mongkitaomo.
8Sine pehori-hori rahano ka ondae, anu i ndi'upua mento'orio gagi puu mpo'ema-ema, mpotae, ”Komba onaeke andio, anu wela mo'ema-ema?” 9Hinao anu motae, ”Mentee, onaemo andio.” Hinao mbo'u anu motae, ”Naahi, sine onae kana rupano.” Onaeno mia atuu motae, ”Mentee, ongkuemo atuu.” 10Dompotaeakono, ”Kana'umpe ka igagi mongkita matamu?” 11Sumangki mia atuu, ”Mia anu meneeako i Yesu atuu monsalo wita, mehahiakono a mataku ka Dopotaeakune: Lakomo i Siloa ka pedolomo. Ka ku'amba lumako ka mansaku medolo, mokopongkita akumo.” 12Ka do'amba mpotaeakono, ”Nde i sua Ira?” Sumangki mia atuu, ”Nahi kuto'orio.”
13Ka do'amba mewawao mia anu hieno morawu atuu a nto Parisi. 14Oleo atuu tempono Doponsalo wita i Yesu ka mokontewileo matano mia atuu, onaemo oleo Saba. 15Onaemo pu'uno ka dompesikeno to Parisi ndi onae, kana'umpe ka igagi tewile matano. Sumangki mia atuu, ”Dohahiakono wita sinalo a mataku, ka ku'amba medolo, ka kanandio-andio mokopongkita akumo.” 16Mpotae iramo asa ntia to Parisi atuu, ”Mia andio komba hawe inso ndi Ondae Ue Ala, hangano nahi tuduo oleo Saba.” Asa ntia mbo'u mpotae, ”Kana'umpeke asa mia tehala ka ipokompoweweu kinohali-haliako anu kanandio?” Ka gagiomo teposisalaa i olodo. 17Ka do'amba mpotaeakono mbo'u mia morawu atuu, ”Ka omue hapake potaemu mongkona Ondae, hangano Dowileakomumo matamu?” Sumangki mia atuu, ”Ondaemo aasa nabi.” 18Sine to Yahudi atuu nahi dompompe'ala-ala, nine hieno onae morawu ka da sarai mbo'u ipongkita, ranta ka dompoboi ira mia mota'uno 19ka domensikeno ira, ”Onaemoke andio anamiu, anu pinaumiu nine onae morawu tampu'uno ipine'anaako? Tewala kanatuu kana'umpeke ka ipongkitamo kanandio-andio?” 20Sumangki ira mia mota'uno atuu, ”Anu tino'orimami onaemo, nine onae andio anamami ka nine onae pine'anaako tumampu'u morawu, 21sine ba kana'umpe kanandio-andio ka ipokompongkita, nahi kito'orio, ka isema anu wileakono matano, nahi kito'orio koa mbo'u. Impesikenoakonomo ndi onae, monto'oriomo, ipokopauo koa onaeno mongkona koroino.” 22Ka dopepau kanandio mia mota'uno, hangano doito ira a nto Yahudi, hangano to Yahudi atuudo memoroko iramo nine sompo mia anu mangaku Ondaemo i Mesia, ta liniahako. 23Onaemo pu'uno ka dopotae mia mota'uno, ”Monto'oriomo, impesikenoakonomo ndi onae.”
24Ka i'amba pohona mbo'u domempoboio mia anu hieno morawu atuu ka dompotaeakono, ”Pauomo menteeano i aro-Do Ue Ala; kimento'orio nine mia atuu mia tehala.” 25Sumangki mia atuu, ”Ke mia atuu mia tehala, nahi kuto'orio; sine aasa anu tino'oriku, onaemo nine hieno morawu aku, ka kanandio-andio mokompongkita akumo.” 26Dompotaeakono, ”Hapake anu wineweu-Do ndi omue? Kana'umpeke Dowileakomu matamu?” 27Sumangki mia atuu, ”Kupauakomiumo, ka nahi imperorongeakono; tembio ka imingki merongeo mbo'u? Bara'ura mingki komiu megagi mbo'u ana guru-Do?” 28Saru mpoponggari-nggario dompotaeakono, ”Omue ana guruno mia atuu sine omami ana guruno i Musa. 29Kimento'orio nine mepau Iramo Ue Ala ndi Musa, sine mongkona Ondae atuu nahi kimento'orio ba i sua insoa-Do.” 30Isangki ira mia atuu, ”Kana'umpemo nine nahi imento'orio ba i sua insoa-Do, kahinaano Dowileakunemo mataku. 31Tomento'orio, nine Ondae Ue Ala nahi Doperorongeako ira mia ntehala, tendeano mia anu mesomba ntu'u ka anu weweuo po'ehe-Do. 32Mompu'u i ndi'upua hawe kanandio-andio nahi hori teronge, nine hinao mia anu mowile matano mia anu pine'anaako tumampu'u morawu. 33Tewala mia atuu komba hawe inso ndi Ondae Ue Ala, nahi ta mokompoweweu hapa-hapa.” 34Mesangki ira, ”Omue andio lano pine'anaako a laro hala ka komingki paguru kami?” Ka do'amba mensaario ka ipeluarako.
35Dorongeo i Yesu nine onae domensaariomo ka ipeluarako. Ka Do'amba tepohaweakono ka Dopotae, ”Upe'ala-ala Irake i Ana Manusia?” 36Sumangki mia atuu, ”Isemake Ondae, Ue? Ka kupe'ala-ala Ira.” 37Motae Ira i Yesu ndi onae, ”Komba butu ukita Ira; sine Ondae anu tekonai mepau saru omue, Ondaemo atuu!” 38Ipotae, ”Kupa'ala-ala Ira, Ue!” Ka i'amba menggolontu mesombai Ira. 39Dopotae i Yesu, ”Hawe-Ku i wawontolino Aku mobitara, ba isema anu nahi pongkita, ka ipokopongkita, ka ba isema anu mongkita ka igagi morawu.”
40Pau atuu domerongeo ba opia ira to Parisi anu mekongko i tu'ai ka dompotaeako Ira, ”Nde pengkonaano atuu nine omami mbo'uke memorawu?” 41Sumangki Ira i Yesu, ”Bakanaano imemorawu, nahi komiu ntehala, sine hangano mpotae komiu: Mpongkita kami, ka mo'iaomo mpiha halamiu.”
Currently Selected:
I YOHANE 9: XMZ
Highlight
Share
Copy
Want to have your highlights saved across all your devices? Sign up or sign in
LAI 2021
I YOHANE 9
9
Mia morawu tampu'uno ihina
9:1-41
1Tempono Ondae i Yesu kontongaa-Do telalo, Dokitao asa mia anu morawu tampu'uno ihina. 2Ana guru-Do mpesikeno ndi Ondae, ”Guru, isemake anu moweweu hala, onaeno mia andio ke mia mota'uno, ranta ka ipine'anaako morawu?” 3Sumangki Ira i Yesu, ”Komba onae ka komba mbo'u mia mota'uno, sine hangano luwuno anggaa-Do Ue Ala asalakono pinokomengkaa a ngkoroino. 4Asalakono ka tome'anggao anggaa-Do anu tumena Aku, tekonai da meene; ta hawe wongi, nahina maupo te'asa mia anu mokompo'angga. 5#Mat. 5:14; Yoh. 8:12 Tempono Kukongko i wawontolino, Ongkuemo mewineno wawontolino.” 6Umari-Do pauo luwuno atuu, me'onui Ira a wita, ka Dosaloakono wita onui-Do atuu, ka Do'amba mepahihiakono a matano mia morawu hieno 7ka Dopotaeakono, ”Lakomo, pedolomo a limbo Siloa.” Siloa pengkonaano, ”Anu Tinena.” Ka lumakoomo mia atuu, ka ipedolo ka i'amba mekule matano mongkitaomo.
8Sine pehori-hori rahano ka ondae, anu i ndi'upua mento'orio gagi puu mpo'ema-ema, mpotae, ”Komba onaeke andio, anu wela mo'ema-ema?” 9Hinao anu motae, ”Mentee, onaemo andio.” Hinao mbo'u anu motae, ”Naahi, sine onae kana rupano.” Onaeno mia atuu motae, ”Mentee, ongkuemo atuu.” 10Dompotaeakono, ”Kana'umpe ka igagi mongkita matamu?” 11Sumangki mia atuu, ”Mia anu meneeako i Yesu atuu monsalo wita, mehahiakono a mataku ka Dopotaeakune: Lakomo i Siloa ka pedolomo. Ka ku'amba lumako ka mansaku medolo, mokopongkita akumo.” 12Ka do'amba mpotaeakono, ”Nde i sua Ira?” Sumangki mia atuu, ”Nahi kuto'orio.”
13Ka do'amba mewawao mia anu hieno morawu atuu a nto Parisi. 14Oleo atuu tempono Doponsalo wita i Yesu ka mokontewileo matano mia atuu, onaemo oleo Saba. 15Onaemo pu'uno ka dompesikeno to Parisi ndi onae, kana'umpe ka igagi tewile matano. Sumangki mia atuu, ”Dohahiakono wita sinalo a mataku, ka ku'amba medolo, ka kanandio-andio mokopongkita akumo.” 16Mpotae iramo asa ntia to Parisi atuu, ”Mia andio komba hawe inso ndi Ondae Ue Ala, hangano nahi tuduo oleo Saba.” Asa ntia mbo'u mpotae, ”Kana'umpeke asa mia tehala ka ipokompoweweu kinohali-haliako anu kanandio?” Ka gagiomo teposisalaa i olodo. 17Ka do'amba mpotaeakono mbo'u mia morawu atuu, ”Ka omue hapake potaemu mongkona Ondae, hangano Dowileakomumo matamu?” Sumangki mia atuu, ”Ondaemo aasa nabi.” 18Sine to Yahudi atuu nahi dompompe'ala-ala, nine hieno onae morawu ka da sarai mbo'u ipongkita, ranta ka dompoboi ira mia mota'uno 19ka domensikeno ira, ”Onaemoke andio anamiu, anu pinaumiu nine onae morawu tampu'uno ipine'anaako? Tewala kanatuu kana'umpeke ka ipongkitamo kanandio-andio?” 20Sumangki ira mia mota'uno atuu, ”Anu tino'orimami onaemo, nine onae andio anamami ka nine onae pine'anaako tumampu'u morawu, 21sine ba kana'umpe kanandio-andio ka ipokompongkita, nahi kito'orio, ka isema anu wileakono matano, nahi kito'orio koa mbo'u. Impesikenoakonomo ndi onae, monto'oriomo, ipokopauo koa onaeno mongkona koroino.” 22Ka dopepau kanandio mia mota'uno, hangano doito ira a nto Yahudi, hangano to Yahudi atuudo memoroko iramo nine sompo mia anu mangaku Ondaemo i Mesia, ta liniahako. 23Onaemo pu'uno ka dopotae mia mota'uno, ”Monto'oriomo, impesikenoakonomo ndi onae.”
24Ka i'amba pohona mbo'u domempoboio mia anu hieno morawu atuu ka dompotaeakono, ”Pauomo menteeano i aro-Do Ue Ala; kimento'orio nine mia atuu mia tehala.” 25Sumangki mia atuu, ”Ke mia atuu mia tehala, nahi kuto'orio; sine aasa anu tino'oriku, onaemo nine hieno morawu aku, ka kanandio-andio mokompongkita akumo.” 26Dompotaeakono, ”Hapake anu wineweu-Do ndi omue? Kana'umpeke Dowileakomu matamu?” 27Sumangki mia atuu, ”Kupauakomiumo, ka nahi imperorongeakono; tembio ka imingki merongeo mbo'u? Bara'ura mingki komiu megagi mbo'u ana guru-Do?” 28Saru mpoponggari-nggario dompotaeakono, ”Omue ana guruno mia atuu sine omami ana guruno i Musa. 29Kimento'orio nine mepau Iramo Ue Ala ndi Musa, sine mongkona Ondae atuu nahi kimento'orio ba i sua insoa-Do.” 30Isangki ira mia atuu, ”Kana'umpemo nine nahi imento'orio ba i sua insoa-Do, kahinaano Dowileakunemo mataku. 31Tomento'orio, nine Ondae Ue Ala nahi Doperorongeako ira mia ntehala, tendeano mia anu mesomba ntu'u ka anu weweuo po'ehe-Do. 32Mompu'u i ndi'upua hawe kanandio-andio nahi hori teronge, nine hinao mia anu mowile matano mia anu pine'anaako tumampu'u morawu. 33Tewala mia atuu komba hawe inso ndi Ondae Ue Ala, nahi ta mokompoweweu hapa-hapa.” 34Mesangki ira, ”Omue andio lano pine'anaako a laro hala ka komingki paguru kami?” Ka do'amba mensaario ka ipeluarako.
35Dorongeo i Yesu nine onae domensaariomo ka ipeluarako. Ka Do'amba tepohaweakono ka Dopotae, ”Upe'ala-ala Irake i Ana Manusia?” 36Sumangki mia atuu, ”Isemake Ondae, Ue? Ka kupe'ala-ala Ira.” 37Motae Ira i Yesu ndi onae, ”Komba butu ukita Ira; sine Ondae anu tekonai mepau saru omue, Ondaemo atuu!” 38Ipotae, ”Kupa'ala-ala Ira, Ue!” Ka i'amba menggolontu mesombai Ira. 39Dopotae i Yesu, ”Hawe-Ku i wawontolino Aku mobitara, ba isema anu nahi pongkita, ka ipokopongkita, ka ba isema anu mongkita ka igagi morawu.”
40Pau atuu domerongeo ba opia ira to Parisi anu mekongko i tu'ai ka dompotaeako Ira, ”Nde pengkonaano atuu nine omami mbo'uke memorawu?” 41Sumangki Ira i Yesu, ”Bakanaano imemorawu, nahi komiu ntehala, sine hangano mpotae komiu: Mpongkita kami, ka mo'iaomo mpiha halamiu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
LAI 2021