लूका 17

ठोकरअ जो कारण ठवण

(मत्ती 18:6,7,21,22; मर 9:42)

1येशुअ पांजे चेलन खे चयईं, “इंय न थी सग॒ंदो आहे के पाप करण जो प्रलोभन मांणुन जे सामूं न अचे परअ हाय आहे उन मांणूअ ते जेंजे करे पाप करण जो प्रलोभन अचे तो। 2जेके बी मुंजे मथां विश्वास कन ता, उनन मां कें नंढे जे लाए बी अगर कोई पाप करण जो कारण ठए तो, त उन जे लाए इयो सुठो आहे, के हिक वडो॒ चक्‍कीअ जो पाट, उन जे गले में लटकाए उन खे सम्डअ में विधो वञे। 3इन करे सावधान रहो; अगर तवां जो कोई बी विश्वासी भा यां भेण गुनाह करे, त उन खे मना कयो ऐं अगर उहो गुनाह मां तौबां करे, त संदस खे माफ़ कयोस।#मत्ती 18:15 4अगर हू डी॒ंहं में सतअ दफ़ा बी तवां जे खिलाफ गुनाह करे ऐं तवां वट अची सतअ ही दफ़ा चहे#17:4 सतअ दफ़ा जो मतलब इंय कोने के उन खां पो माफ़ न करणो आहे। इन जो मतलब आहे, के चाहे घणहीं दफ़ा बी डी॒ंहं में अचे माफ़ करणो आहे। मुखे माफ़ कर, त उन खे माफ़ कजो।”

विश्वासअ जे बारे में

5प्रेरितन येशुअ खे चयो, “असां जे विश्वासअ खे वधाए।” 6इन ते येशुअ उनन खे चयईं, “अगर तवां जो विश्वास राईअ जे धाणे जेतरो बी हुजे, त तवां इन तूतअ जे वण#17:6 तूतअ जो वण लगभग पंजवीअन खां टीअन फुटन जो हुंदो आहे। खे चवंदवअ, ‘के जड़अ खां निकरी सम्डअ में वञी लग॒’, त उहो बी तवां जी मञींदो।#मत्ती 17:20; 21:21”

हिकअ दासअ जो फ़र्ज

7“मञो तवां जो कोई दास हल काहे यां रिढुन खे चराए करे जड॒ऐं खेतअ मां मोटी अचे, त तवां मां एड़ो केर स्वामी आहे ‘जेको ओढी॒ मलई ही उन खे चहे, अच रोटी खाएण वई रहो’? 8छा तवां उन खे इंय न चवंदव, ‘पहेरयों मुंजे लाए रोटी तैयार कर ऐं जेसताईं मां खाई-पी न वठां तेसताईं बीह करे मुंजी सेवा कर; उन खां पो तूं बी खाई-पी वठजैं’? 9छा स्वामीअ खे पांजे दासअ जी इन गा॒ल जो धन्यवाद करण खपे, के उन पांजे स्वामीअ जो चयो मञयो आहे#17:9 स्वामी पाबंदीअ में न आहे, के उहो उन दासअ खे धन्यवाद चहे यां ईनाम डे॒। ? 10इंय हीं तवां बी जड॒ऐं उहे सब कमअ पूरा कयो जेके स्वामीअ जे तरफां तवां खे करण जे लाए चया वया आइन, त पांजे पाण खे चओ, ‘मां इन लायक न आयां, के परमेश्वर मुखे धन्यवाद करे यां मुंजी साराह करे; छोके मां खाली उहे ही कमअ कया आइन जेके मुखे चया वया हुवा।’ ”

ड॒हन कोढ़िन खे शुद्ध करण

11यरूशलेम वेंदें वक़्त जड॒ऐं येशु सामरिया ऐं गलील जे सीमा-क्षेत्रन मां थी वञी रयो हो, 12त इंय थ्यो, कें गामअ में दाख़िल थींदे वक़्त हुन खे ड॒ह कोढ़ी मिल्या। उनन परयां खां हीं बीह करे, 13वडे॒ वाके सां हुन खे चयऊंस, “हे येशु, हे स्वामी, असां ते रहेम कर!” 14येशुअ उनन खे डि॒सी करे चयईं, “वञो ऐं पांजे पाण खे याजकन खे डे॒खारयो।”#लैव्य 14:1-32 उहे रस्ते में वेंदें वक़्त ही कोढ़अ मां शुद्ध थी वया।#लूका 5:14; लैव्य 13:49; 14:2-3 15तड॒ऐं उनन मां हिकअ ज॒णे इयो डि॒सी करे, के मां कोढ़अ मां शुद्ध थी वयो आयां वडे॒ आवाज़अ सां परमेश्वरअ जी स्तुति कंदे मोटयो। 16उहो येशुअ जे पेरन ते मुंहं भर किरी हुन जो धन्यवाद करण लगो॒; ऐं हू हिक सामरी हुयो। 17इन ते येशुअ चयईं, “छा ड॒हन जा ड॒ह ही ज॒णा कोढ़अ मां शुद्ध न थ्या? त पो बाकी नवअ किथे आइन? 18छा इन सामरीअ जे अलावा बि॒यो केंखे बी इंय न थ्यो के मोटी करे परमेश्वरअ जी स्तुति करे?” 19तड॒ऐं येशुअ उन खे चयईं, “उथी करे हल्यो वञ; तुंजे विश्वासअ तोखे ठीक कयो आहे।#लूका 7:50”

परमेश्वरअ जे राज॒अ जो अचण

(मत्ती 24:23-28,37-41)

20हिक डीं॒ह फ़रीसिन येशुअ खां पुछो, के परमेश्वरअ जो राज॒ कड॒ऐं ईंदो, इन ते येशुअ उनन खे चयईं, “परमेश्वरअ जो राज॒ कुछ एड़ो कोने, के उन खे इन अखियुन सां डि॒सी सग॒जे।#यूह 18:36; 3:3 21मांणू इंय न चई सग॒ंदा आइन, डि॒सो, परमेश्वरअ जो राज॒ ‘हिते आहे’, यां ‘उते आहे’। छोके परमेश्वरअ जो राज॒ तवां जे विचअ में आहे।#यूह 1:26; 12:35”

22उन खां पो येशुअ पांजे चेलन खे चयईं, “उहे डी॒ंहं अचण वारा आइन, जेमें तवां मांणूअ जे पुटअ जे डी॒ंहन मां हिकअ डीं॒हं खे डि॒सण जे लाए सिकंदव परअ हुन खे डि॒सी न सग॒ंदव। 23मांणू तवां खे चवंदा, डि॒सो मांणूअ जो पुट ‘हिते आहे!’ यां डि॒सो, ‘उते आहे!’ परअ तवां उनन जी गा॒ल्युन ते विश्वास करे उनन जे पोयां न हली वञ जो।#लूका 21:8 24छोके जीअं बिजली आसमानअ जे हिकअ छेडे़ खां वठी बे॒ छेड़े ताईं चमकंदी आहे, उअं ही मांणूअ जो पुट बी पांजे डी॒ंहन में प्रघट थींदो।#मत्ती 24:26-27 25परअ हा पहेरयों इयो ज़रूरी आहे, के उहो डा॒ढिन तकलिफुन मां वञे ऐं इन पीढ़ीअ जा मांणू हुन खे तुच्छ समझी करे ठुकराएन।#लूका 9:22” 26“जीअं नूहअ जे डीं॒हन में थ्यो हो,#उत्प 6:5-8 उअं हीं मांणूअ जे पुटअ जे प्रघट थ्यण जे डीं॒हन में बी थींदो।#मत्ती 24:37-39 27जेसताईं नूह जहाजअ में न चढ़यो, तेसताईं मांणू खाईंदा-पीअंदा हुवा ऐं उनन जे विचअ में शादियूं थींदियूं हुयूं। परअ नूहअ जे जहाजअ#उत्प 7:6-24 में चढ़ण खां पो जल-प्रलय अची करे बाकी सबनिन मांणुन खे खत्तम करे छड॒यईं, 28#उत्प 18:20—19:25ऐं सागे॒ तरीके सां हीं जीअं लूतअ जे डीं॒हन में बी थ्यो हो, के मांणू खाईंदा-पीअंदा हुवा, डे॒-वठ कंदा हुवा, वण लगा॒ईंदा ऐं घरअ ठाईंदा हुवा।#उत्प 18:20 29परअ जैं डीं॒हं ते लूत सदोम नगरअ मां बा॒हिर निकतो, त उन हीं डीं॒हं ते आकाशअ मां बाहे ऐं गंदरफअ#17:29 गंदरफअ हिकड़ो पीले रंगअ जो धातू हुंदो आहे जेखें आसानीअ खां बाहे लगी॒ वेंदी आहे ऐं बाहे लग॒ण सां उन मां नुकसानकारक धूआं निकरंदा आइन। इन खे बाहे जा ओला बी चई सग॒बो आहे। जी बरसात उन नगरअ जे मथां अची पई ऐं उन सबनिन मांणुन खे नाश करे छड॒यईं।#उत्प 19:24-25 30उअं हीं मांणूअ जे पुटअ जे प्रघट थ्यण जे डी॒ंहन में बी थींदो। ”

31“उन डींहं ते जेको दाबे॒ ते हुजे, उहो पांजे घरअ मां कुछ खरण जे लाए हेठ न लए; ऐं जेको खेतअ में हुजे उहो घरअ डां॒ न मोटे।#मत्ती 24:17,18; मर 13:15,16 32याद रखजो, लूतअ जी ज़ालअ सां छा थ्यो हो!#उत्प 19:26 33जेको बी पांजी जान बचाएण चाहे उहो उन खे विञाईंदो ऐं जेको उन खे विञाईंदो उहो ही उन खे बचाईंदो।#मत्ती 10:39; 16:25; मर 8:35; लूका 9:24; यूह 12:25 34मां तवां खे चवां तो, उन रात जो ब॒ ज॒णा हिकअ खटअ ते सुम पया हुंदा; हिकअ खे खंयों वेंदो ऐं बे॒ खे छड॒यो वेंदो।#मत्ती 24:40-41 35ब॒ स्त्रीयूं गड॒ मिली करे रोटी ठाईंदी हुंदियूं, हिकअ खे खंयों वेंदो ऐं बी॒अ खे छड॒यो वेंदो। 36[ब॒ ज॒णा खेतअ में कम कंदा हुंदा, हिकअ खे खंयों वेंदो ऐं बे॒ खे छड॒यो वेंदो।]#17:36 जेके यूनानी पत्रियूं मिल्यूं, उनन मां कुछ में इयो वचन नथो मिले।#मत्ती 24:40” 37इयो बु॒धी चेलन येशुअ खां पुछो, “हे प्रभु हे सब किथे थींदो?” येशुअ उनन खे चयो, “जिते लाशूं हुंदियूं उते ही गिद्धअ बी इकट्ठा थींदा।#अय्यू 39:30; मत्ती 24:28”

Currently Selected:

लूका 17: SND

Highlight

Copy