लूका 19

जक्‍कई नाले जो हिक महसूल उॻाड़ींदड़

1येशु यरीहो नगरअ में दाख़िल थी करे उन मां लंगे रयो हो। 2उन नगरअ में हिक जक्‍कई नाले जो मांणू रवंदो हुयो, जेको महसूल उॻाड़ींदड़न जो सरदार हो ऐं उहो डा॒ढो शाहूकार हो। 3उहो येशुअ खे डि॒सण प्यो चाहे, के उहो केर आहे। परअ भीड़अ जे करे उहो हुन खे डि॒सी न प्यो सगे॒, छोके उहो डेंडो हुयो। 4सो येशुअ खे डि॒सण जे लाए जक्‍कई झट डुक पाए करे उन हीं रस्ते ते हिक गुलेरअ जे वण ते चढ़ी वयो, छोके येशु उन हीं रस्ते तां वञण वारो हो। 5जड॒ऐं येशु उन जग॒ऐ जे पासे पौंतो, त उन मथे डि॒सी जक्‍कई खे चयईं, “हे जक्‍कई झट हेठ लई अच, छोके इयो ज़रूरी आहे के अज॒ मा तुंजे घर रवां।” 6इयो बु॒धी जक्‍कई ओढी॒ मलई हेठ लथो ऐं आनंदअ सां येशुअ खे पांजे घर वठी वयो।

7इयो डि॒सी सब मांणू कुड़कुड़ाए करे चवण लगा॒, “उहो त हिकअ पापी मांणूअ जो महेमान थी करे उन जे घर वयो आहे।#लूका 15:2”

8थोड़ी देर खां पो जड॒ऐं उहे घरअ में ही हुवा, त उते जक्‍कई सबनिन जे सामूं उथी बीठो ऐं येशुअ खे चवण लगो॒, “प्रभु! डि॒स, मां पांजी मिलक्यतअ जो अध हिस्सो कंगालन खे ड॒ई छडी॒ंदुम ऐं जेकड॒ऐं मां केंजो कुछ बी ठगी॒ करे खणी छड॒यो आहे, त उन खे चओणा करे वापस मोटाए छडीं॒दुम।#निर्ग 22:1; गिन 5:6-7” 9इन ते येशुअ उन खे चयईं, “अज॒ इन घरअ में उद्धार आयो आहे, छोके इयो बी अब्राहमअ जो वंशज आहे#19:9 जक्‍कई यहूदी हो, परअ उन परमेश्वर जे मथां अब्राहमअ वांगुर विश्वास कयईं इन जे करे उन जो उद्धार थ्यो।।#लूका 13:16; प्रेरि 3:25 10मांणूअ जो पुट, जेके भटक्यलअ आइन, उनन खे गो॒लण ऐं बचाएण जे लाए आयो आहे।#मत्ती 18:11”

ड॒हन सिक्‍कन जी मिसालअ

(मत्ती 25:14-30)

11जड॒ऐं मांणू इहे गा॒ल्यूं बु॒धन ही प्या, तड॒ऐं येशुअ हिक मिसाल डि॒नो, छोके उहो यरूशलेमअ जे वेझो हो ऐं मांणू इंय प्या समझन, के परमेश्वरअ जो राज॒ हाणे ही प्रघट थ्यण वारो आहे।#लूका 24:21; प्रेरि 1:6 12येशुअ उनन खे चयईं, “हिक शाहूकार मांणू हो। उहो परे कें देशअ डा॒ं वयो ताकि उतां राज॒अ जो अधिकार वठी करे वापस मोटी अचे।#मर 13:34 13उन बा॒हिर वञण खां पहेरयों पांजे ड॒हन नौकरन खे सड॒ कयईं ऐं उनन खे हिक-हिक सोनअ जो सिक्‍को ड॒ई करे चयइन, ‘मुंजे मोटण ताईं इन सोनअ जे सिक्‍कन सां व्यापार कजो।’ 14उन जे देशअ जा मांणू उन शाहूकारअ सां नफरतअ कंदा हुवा। इन करे उतां जे देशवासिन उन शाहूकारअ जे पोयां दूतन जे द्वारा इयो चवाए मोकल्यो, ‘के असां नथा चायूं, के हे मांणू असां जे मथां राज॒ करे।#यूह 1:11’ ”

15“जड॒ऐं हू राज॒अ जो अधिकार वठी मोटी आयो, तड॒ऐं उन नौकरन खे जेंखे संदस सोनअ जा सिक्‍का डि॒ना हुवा, पाण डा॒ं घुरायो ताकि हू डि॒से, के उनन व्यापार करे केतरो कमायो आहे। 16उनन मां पहेरें नौकरअ अची करे संदस खे चयो, ‘हे राजा! तुंजे डि॒नल सोनअ जे सिक्‍के सां मां ड॒ह सोनअ जा सिक्‍का बि॒या कमाया आइन।’ 17इन ते राजा उन खे चयो, ‘शाबास, मुंजा प्यारा नौकरअ! तूं थोड़े में ही विश्वासयोग्य निकते, इन करे तूं ड॒हन शहेरन ते अधिकार रख।’ 18बे॒ नौकरअ चयईं, ‘हे राजा, तुंजे डि॒नल सोनअ जे सिक्‍के सां, मां पंजअ सोनअ जा सिक्‍का बि॒या कमाया आइन।’ 19राजा उन खे चयो, ‘तूं बी पंजन शहेरन ते अधिकार रख।’ 20टें नौकरअ राजा खे चयो, ‘हे राजा, डि॒स तुंजो इयो सोनअ जो सिक्‍को, मां अंगोछे में बधी॒ रख्यो हो। 21मां तोखां ड॒कां प्यो, छोके तूं ज़ालिम मांणू आईं, जेको बे॒ जी दौलतअ बी खणी तो वठीं जेकी तुंजी जी कोने, जीअं त कोई किसान बे॒ जे खेतअ मां फसलअ कटे करे खणे, जेकी उन न पोखी आहे।’ 22राजा उन खे चयो, ‘हे दुष्‍ट नौकरअ, मां तुंजे चहे ते ही तोखे डो॒ही तो क़रार कयां। मुंजे बारे में तोखे खबरअ हुई के मां ज़ालिम मांणू आयां, जेको मां न रख्यो आहे, उहो मां खणंदो आयां ऐं जेको मां न पोख्यो आहे उहो कटींदो आयां; 23त तूं मुंजो सोनअ जो सिक्‍को बैंक में छो न रखयई? ताकि मां वापस अची करे उन खे व्याजअ सूधो वठां वां।’ 24पो राजा उते बीठल मांणुन खे चयो, ‘इयो सोनअ जो सिक्‍को इन खां वठी करे जैं नौकरअ वट ड॒ह आइन उन खे ड॒ई छड॒यो।’ 25तैंते उनन राजा खे चयो, ‘हे राजा, उन वट पहेरयों हीं ड॒ह सिक्‍का त आइन।’ 26‘राजा उनन खे चयो, जैं वट बी आहे उन खे अञा डि॒नो वेंदो परअ जैं वट कोने, उन खां उहो बी वापस वरतो वेंदो जेको उन वट आहे।#मत्ती 13:12; मर 4:25; लूका 8:18 27हाणे मुंजे उनन दुश्मनन खे, जेके न प्या चाइन के मां उनन जे मथां राज॒ कयां उनन खे हिते वठी अचो ऐं मुंजे सामूं उनन खे मारे छड॒यो’।”

यरूशलेम में येशुअ जो शानअ सां दाख़िल थ्यण

(मत्ती 21:1-11; मर 11:1-11; यूहन्ना 12:12-19)

28इहे सब गा॒ल्यूं चई करे, येशु चेलन जे अग॒यां-अग॒यां यरूशलेमअ डा॒ं वञण लगो॒। 29जड॒ऐं येशु जैतून पहाड़ीअ ते बेतफगे ऐं बेतनिय्याह गामअ जे पासे पौंता, त हुन पांजे बि॒न चेलन खे इंय चई करे मोकल्यो, 30“सामूं वारे गामड़े में वञो, उन में दाख़िल थींदे ही उते तवां खे गड॒हअ जो हिक ब॒चो जेंजे मथां कड॒ऐं कोई बी न वेठो आहे तवां खे ब॒ध्यल मिलंदो। उन खे खोले करे खणी अचो। 31अगर कोई तवां खां पुछे, ‘इन ब॒चे खे तवां छोता खोल्यो?’ त उनन खे चहे जो, ‘प्रभुअ खे इन जी ज़रूरतअ आहे।’ ”

32सो उहे उन गामअ में वया ऐं उनन सब कुछ उते उअं हीं पातो जीअं येशुअ उनन खे चयो हो। 33जड॒ऐं उहे गड॒हअ जे ब॒चे खे खोले रया हुवा, तड॒ऐं उन जे मालिकन उनन खे चयो, “तवां इन ब॒चे खे छो खोले रया आयो?” 34चेलन उन खे चयो, “प्रभुअ खे इन जी ज़रूरतअ आहे।” 35उहे ब॒चे खे येशुअ वट वठी आया ऐं पांजा कपड़ा उन ब॒चे जे मथां विधऊं ऐं येशुअ खे उन जे मथां व्यारे छड॒यऊं। 36जीअं-जीअं येशु अग॒यां वधी रयो हो, त मांणू पांज्यूं चादरूं रस्ते ते विछाईंदा रया।#2 राजा 9:13

37जड॒ऐं येशु जैतून पहाड़ीअ जी लाहीअ ते पौंतो, त संदस जे चेलन जी सजी॒ मंडली उन सामर्थ जे कमन जे कारण, जेके उनन डि॒ठा हुवा आनंदअ सां भरजी करे वडे॒ आवाज़अ सां परमेश्वरअ जी साराह करे इंय चवण लगी॒,

38“धन्य आहे उहो राजा

जेको प्रभुअ जे नाले सां तो अचे!

स्वर्ग॒अ में शांति#19:38 इन जो मतलब इंय कोने, के स्वर्ग॒अ में घोर आ। परअ इन जो मतलब इंय आहे, के येशु जेको राजा आहे ऐं मसीह थी करे मांणुन ऐं परमेश्वरअ जे विचअ में मेल-मिलाप कराएण जे लाए आयो, इन जी वजह सां स्वर्ग॒अ में आनंद तो मनायो वञे। ऐं परमेश्वरअ जी महिमा थे।”#लूका 2:14; भजन 118:26

39उन भीड़अ मां कुछ फ़रीसी हुन खे चवण लगा॒ “हे गुरू, पांजे चेलन खे रोक।#मत्ती 21:15-16” 40तैंते येशुअ उनन खे चयईं, “जेकड॒ऐं इनन माठ कई, त इहे पथरअ पुकारण लग॒ंदा#19:40 इन वचनअ में, पथरअ स्तुति कंदा इयो मतलब कोने, परअ जेके येशुअ जा चेला आइन उहे स्तुति न कन इंय न थी सगं॒दो आहे। ।”

येशुअ जो यरूशलमअ जे लाए रोएण

41जड॒ऐं येशु यरूशलेम जे वेझो पौंतो, त शहेरअ खे डि॒सी करे उन ते रोई पयो#2 राजा 8:11; यूह 11:35, 42ऐं चवण लगो॒, “केडो॒ त सुठो हुजे आं के तूं, हा तूं, अगर अज॒ जे डी॒ंहं खे समझी सगी॒ं आं, के तुंजी शांति केड़िन गा॒ल्युन में आहे! परअ हाणे इहे गा॒ल्यूं तुंजी अखियुन खां लिक्यल आइन।#व्य 32:29; मत्ती 13:14; यूह 12:38 43परअ उहे डी॒ंहं तुंजे मथां ईंदा जड॒ऐं तुंजा दुश्मनअ तोखे चौधारी मोर्चो ब॒धी घेरींदा ऐं चैनी पासन खां तोते हमलो कंदा। 44उहे तोखे ऐं तोमें रवण वारन खे मिट्टीअ में मिलाए छडीं॒दा ऐं तोमें हिक पथरअ ते पथर बी रवण न डी॒ंदा; छोके तो उन वक़्तअ खे न सुञातो तई जड॒ऐं परमेश्वर तोखे बचाएण जे लाए कृपा जी नज़रअ कई हुई।#लूका 21:6”

मंदरअ मां वापारियुन खे कढयो वञण

(मत्ती 21:12-17; मर 11:15-19; यूहन्ना 2:13-22)

45येशु मंदरअ जे अंदर वयो; ऐं उतां वापारिन खे ऐं लेन-देन करण वारन खे बा॒हिर कढण लगो॒, 46ऐं उनन खे चवण लगो॒, “पवित्रशास्त्र में लिख्यल आहे, ‘के मुंजो घर प्रार्थना जो घर हुंदो,’ परअ तवां इन खे डाकुन जी गुफ़ा ठाए छड॒यो आहे।”#यशा 56:7; यिर्म 7:11

47येशु रोज मंदरअ में वञी सिख्या डी॒ंदो हुयो। मुख्ययाजकअ, धर्मशास्त्री ऐं यहूदी सरदारअ येशुअ खे नाश करण जो मौको गो॒लींदा हुवा।#लूका 21:37 48परअ उनन खे कोई मौको न प्यो मिले, के येशुअ खे कीअं नाश कयूं; छोके सब मांणू डा॒ढी चाह सां संदस जी बु॒धंदा हुवा।

Currently Selected:

लूका 19: SND

Highlight

Copy