Mga Binuhatan 2
2
Gin-gamhan it Espirito Santo ro mga Tumueuo
1Pag-abot ku Kaadlawan it Pagtililipon nga ginatawag nga *Pentecostes hay nagtililipon ro tanan nga mga tumueuo. 2Gulpi eang nga may tunog halin sa eangit nga matsa hagunos it kabaskog-baskog nga hangin ag rato eang ro andang mabatian sa bilog nga bilding nga andang ginatipunan. 3Nakakita dayon sanda it mga maintok nga matsa dabdab it kaeayo nga nageapnaag ag nagtungtung sa kada isaea kanda. 4Napuno dayon sanda tanan it Espirito Santo ag paagi sa anang gahom hay naghambae dayon sanda it ibang mga linggwahe nga owa nanda pagtun-i.
5Ku ratong tyempo, may idto man sa Jerusalem nga mga *Judio nga matinumanon sa Dyos nga naghalin pa sa kon siin-siin nga lugar sa ibabaw it kalibutan.#2:5 Siguro, bisan sa ibang mga lugar sanda nagaistar hay nag-adto sanda sa Jerusalem para sa Pagtililipon. 6Pagkabati ku kaabo-abo nga mga tawo ngato ku matsa hagunos ngato hay nagdueukon sanda kon siin ro mga tumueuo ag naglitik ro andang ueo. Habatian abi ku kada isaea kanda nga ro anda mismong mga linggwahe't-a ro ginahambae ku mga tumueuo. 7Nangawa gid sanda it duro ngani naghambae sanda, “Bukon abi it mga tagaGalilea ro mga nagahaeambae ngara tanan? 8Hay ham-an it ro mabatian ku kada isaea katon nga linggwahe nga ginahambae nanda hay ro aton 't-a nga binugtawan? 9May iya katon nga tagaPartia, Media ag Elam. Ro iba hay tagaMesopotamia, Judea ag Capadosia, Pontus ag Asya.#2:9 Raya hay ginpangaean ku mga Romano sa sangka lugar nga andang ginsakop. Bukon ra it Asia nga hasayran naton makaron. 10May tagaFrigia man, mga tagaPamfilia, ag Egipto. May mga tagaLibya man nga halin sa mga lugar nga maeapit sa syudad it Cyrene. May mga tagaRoma man nga nagabisita iya. 11Ro iba kanda hay mga Judio ag ro iba hay bukon it mga Judio pero nagsaylo eon sa relihiyon naton nga mga Judio. May mga halin sa isla it Creta ag mga tagaArabia man. Pero bisan sari-sari ro atong mga linggwahe hay mabatian naton ro mga tawo ngara nga nagahambae sa atong mga binugtawang linggwahe parti sa mga makangawa-ngawa nga ginhimo it Dyos.” 12Hangawa gid sanda tanan ag naglitik gid ro andang ueo ag nagpaeangutan-an sanda, “Ano gid ro buot hambaeon kara?” 13Pero ro iba hay nag-intrimis sa mga tumueuo. Hambae nanda, “Mga hilong 't-a ron!”
Ro Mensahi ni Pedro
14Pero tumindog si Pedro kaibahan ku onse nga ka apostoles ag naghambae imaw it mabaskog, “Kamo tanan nga mga kadugo ko nga mga Judio nga mga nagabisita ag nagaistar iya sa Jerusalem, pamati kamo kakon. Ipaathag ko kinyo ro kahueugan kara. 15Bukon it hilong ro mga tawo ngara, pareho ku inyong eaom. Alas nuybi pa eang ra it agahon. 16Raya eon ro katumanan ku ginpasueat it Dyos kato pa sa propeta anay nga si Joel parti sa rayang tyempo.#2:16 Sa Griniyego, raya hay “sa katapusan nga mga inadlaw”. Ro pageubot ku mga Judio karon hay ruyon ro tyempo nga magahari iya sa kalibutan ro Maneueuwas nga ginpromisa it Dyos. Hambae nana,
17 ‘Sa ulihi hay pagamhan ko gid ku akon nga Espirito ro tanan nga mga tawo. Ro inyong mga unga, eaki man o bayi hay magahambae it mga mensahi nga akong ipahambae kanda.
Ro inyong mga miron hay makakita it mga paeanan-awon.
Ag ro inyong mga eaki nga mga magueang hay makakita ku akong ipakita kanda paagi sa mga damgo.
18 Sa rato nga mga inadlaw, akon man nga pagamhan ku akon nga Espirito bisan ro akon nga mga ulipon, eaki man o bayi, ag magahambae sanda it mga mensahi nga akong ipahambae kanda.
19 Magahimo ako it makangawa-ngawa nga mga butang sa kaeangitan. Ag sa kalibutan hay magagamit ako it dugo, kaeayo, ag madamoe nga aso bilang mga milagrosong pamatuod.
20 Magadueom ro adlaw ag magapuea ro buean nga matsa dugo. Matabo ra tanan bago mag-abot ro importanti gid ag indi matupungan nga adlaw it pagbalik it Ginuo.
21 Ag ro bisan sin-o nga magadangop sa Ginuo makaron hay maeuwas sa adlaw ngato.’ ” # 2:17-21 Joel 2:28-32.
22Naghambae pa gid si Pedro, “Mga kadugo ko nga mga inapo ni Israel, pamati kamo sa akong ihambae ngara. Si Jesus nga tagaNazaret hay ginpadaea iya it Dyos. Ginpamatud-an ra kinyo it Dyos paagi sa mga makangawa-ngawa nga milagro ag mga milagrosong pamatuod nga anang gin-obra paagi kay Jesus. Sayod kamo kara ay iya ron nagkaeanabo kinyo. 23Si Jesus ngara hay ginpatay ninyo paagi sa inyong pagtugyan kana sa alima it mga nagabaliwala sa *Kasuguan it Dyos, ag gineansang nanda imaw sa krus. Pero ginplano eon eagi ron it Dyos kato-kato pa, ag sayod imaw nga matuman ron. 24Pero bisan ginpatay imaw hay ginbanhaw imaw it Dyos ngani nakaeuwas imaw sa gahom it kamatayon, ay imposible gid ma't-a nga makapugong kana ron. 25Ag isaea pa hay natuman kay Jesus ro ginhambae kato anay ni Haring David nga makaraya,
‘Hasayran ko nga kaibahan ko permi ro Ginuo, ag una imaw permi sa akon nga euyo, agod buligan ako nga indi nirbyoson.
26 Ngani nalipay gid ako it duro ag nagasinggit ako sa kalipay. Ag bisan mamatay ako hay sigurado ako nga
27 indi mo ako, o Dyos, pagpabay-an sa lugar it mga patay, ag indi mo pagpabay-an nga maeunot sa eueubngan ako nga imong ginpaeain para eang gid-a nga magserbi kimo.
28 Ginpasayod mo kakon ro daean paadto sa pagkabuhi it uman, ag mangin malipayon gid ako ay makaiba eon ako kimo.’ ”#2:28 Salmo 16:8-11.
29Nagpadayon si Pedro it paghambae. Sinana, “Mga igmanghod, sigurado ako sa akong ihambae ngara kinyo parti sa atong lolo nga si David. Namatay imaw ag gineubong. Iya pa ngani hasta makaron ro anang eueubngan. 30Matsa propeta si David sa anang paghambae kato. Hasayran nana nga nagsumpa ro Dyos nga anang obrahon nga hari ro sambilog sa anang mga inapo.#2:30 Salmo 132:11 ag 2 Sam 7:12-13. 31Ag ro apo ngaron ni David hay ro Maneueuwas nga ginpromisa it Dyos, ag ginpasayod it Dyos kay David nga mabanhaw ro Maneueuwas ngato. Ngani tag ginhambae ni David nga indi imaw pagpabay-an sa lugar it mga patay, ag ro anang eawas hay indi maeunot,#2:31 Salmo 16:10. ro Maneueuwas 't-a ro anang ginapatungdan kato.
32“Raya mismo nga si Jesus hay ginbanhaw it Dyos, ag mga saksi kita karon tanan. 33Ginpapungko imaw sa pinakadungganon nga pwesto sa tuo it Dyos Ama, ag gintaw-an dayon imaw ku Dyos it otoridad nga itao nga owa it hawid-hawid ro Espirito Santo sa anang mga sumueunod suno sa anang ginpromisa kanda. Ro inyong hakita ag habatian makaron hay katumanan gid karon. 34-35May ginsueat pa gid si David parti sa pagkabanhaw ni Jesus nga makaraya,
‘Naghambae ro Ginuong Dyos sa akon nga Ginuo: # 2:34-35 Raya hay napatungod kay Jesus nga Maneueuwas nga ginpromisa it Dyos.
Pungko sa akong tuo, ag obrahon ko nga tueungtungan ku imong siki ro imong mga kaaway.’ # 2:34-35 Salmo 110:1. Basaha ro pagpaathag kara sa footnote sa Mat 22:44.
Pero bukon it ro ana mismo nga kaugalingon ro anang ginapatungdan kara, dahil bukon it imaw ro nagkayab sa eangit kundi ro anang Ginuo nga si Jesus.
36“Ngani dapat nga kumbinsido gid kita tanan nga mga inapo ni Israel nga si Jesus nga inyong gineansang sa krus hay imaw ro Ginuo ag Maneueuwas nga ginbutang it Dyos.”
37Pagkabati nanda kara hay nakonsensya gid sanda. Nagpangutana dayon sanda kay Pedro ag sa iba pang mga apostoles, “Mga igmanghod, ano ro among himuon?” 38Nagsabat si Pedro, “Ro kada isaea kinyo hay dapat magtalikod sa saea ag magpabawtismo nga gapakilaea nga nagapasakop eon kamo kay Jesu-Kristo nga inyong Ginuo. Dikaron patawaron ro inyong mga saea ag mabaton ninyo ro regalo it Dyos, nga imaw ro Espirito Santo. 39Ginpromisa ra nana kinyo ag sa inyong mga inapo, ag sa tanan nga idto sa maeayo nga nahamueag pa kana, ag sa bisan sin-o nga pagatawgon pa it Ginuo nga atong Dyos nga magpasakop kana.” 40Ag abo pa ro mga ginturo ni Pedro sa mga tawo ag ginhininyo nana sanda nga batunon ro anang ginaturo. Hambae pa gid nana “Magtuo kamo agod maeuwas kamo sa pina nga maabot sa mga tawo sa inyo makaron nga henerasyon nga mga balingahag it paino-ino.” 41Abo ro nagpati sa mensahi ni Pedro ag ginbawtismuhan dayon sanda. Ngani mga tatlong libong ka tawo ro nagdugang sa mga tumueuo ku ratong adlaw. 42Mahugod ag sinsiro sanda sa pagtuon ag sa pagtuman ku mga ginaturo ku mga apostoles. Nagakaeasugot gid sanda sa andang pagtililipon ag sa pagkaon sa pagdumdum ku kamatayon ni Jesus ag sa pagpangamuyo.
Ro Pagkabuhi it mga Tumueuo
43Abo nga mga makangawa-ngawa ag milagrosong pamatuod ro ginaobra ku mga apostoles ngani natahap ro tanan nga mga tawo. 44Ro mga tumueuo hay padayon nga nagtililipon ag ro tanan nga pagkabutang ku kada isaea hay ginabilang nanda nga para man sa andang mga kaibahan. 45Ginabaligya nanda ro andang pagkabutang ag eugta ag ginapanueupod ro kabakeanan sa andang mga kaibahan suno sa andang kinahangean. 46Adlaw-adlaw hay nagatililipon sanda nga may paghiliugyon sa *lagwirta it Templo ag nagasaeo man sanda sa pagkaon sa mga pamaeay#2:46 Kaibahan eon siguro kara ro pagkaon sa pagdumdum ku kamatayon ni Jesus. nga may pagpaubos ag kalipay sa andang tagipusuon. 47Ginadayaw nanda permi ro Dyos ag ginataha man sanda ku tanan nga mga tawo nga bukon pa it tumueuo. Ag adlaw-adlaw hay ginadugangan sanda it Ginuo it mga tawo nga anang ginaeuwas.
Currently Selected:
Mga Binuhatan 2: akl
Highlight
Share
Copy
Want to have your highlights saved across all your devices? Sign up or sign in
2024 (Active) Wycliffe Bible Translators, Inc.
Mga Binuhatan 2
2
Gin-gamhan it Espirito Santo ro mga Tumueuo
1Pag-abot ku Kaadlawan it Pagtililipon nga ginatawag nga *Pentecostes hay nagtililipon ro tanan nga mga tumueuo. 2Gulpi eang nga may tunog halin sa eangit nga matsa hagunos it kabaskog-baskog nga hangin ag rato eang ro andang mabatian sa bilog nga bilding nga andang ginatipunan. 3Nakakita dayon sanda it mga maintok nga matsa dabdab it kaeayo nga nageapnaag ag nagtungtung sa kada isaea kanda. 4Napuno dayon sanda tanan it Espirito Santo ag paagi sa anang gahom hay naghambae dayon sanda it ibang mga linggwahe nga owa nanda pagtun-i.
5Ku ratong tyempo, may idto man sa Jerusalem nga mga *Judio nga matinumanon sa Dyos nga naghalin pa sa kon siin-siin nga lugar sa ibabaw it kalibutan.#2:5 Siguro, bisan sa ibang mga lugar sanda nagaistar hay nag-adto sanda sa Jerusalem para sa Pagtililipon. 6Pagkabati ku kaabo-abo nga mga tawo ngato ku matsa hagunos ngato hay nagdueukon sanda kon siin ro mga tumueuo ag naglitik ro andang ueo. Habatian abi ku kada isaea kanda nga ro anda mismong mga linggwahe't-a ro ginahambae ku mga tumueuo. 7Nangawa gid sanda it duro ngani naghambae sanda, “Bukon abi it mga tagaGalilea ro mga nagahaeambae ngara tanan? 8Hay ham-an it ro mabatian ku kada isaea katon nga linggwahe nga ginahambae nanda hay ro aton 't-a nga binugtawan? 9May iya katon nga tagaPartia, Media ag Elam. Ro iba hay tagaMesopotamia, Judea ag Capadosia, Pontus ag Asya.#2:9 Raya hay ginpangaean ku mga Romano sa sangka lugar nga andang ginsakop. Bukon ra it Asia nga hasayran naton makaron. 10May tagaFrigia man, mga tagaPamfilia, ag Egipto. May mga tagaLibya man nga halin sa mga lugar nga maeapit sa syudad it Cyrene. May mga tagaRoma man nga nagabisita iya. 11Ro iba kanda hay mga Judio ag ro iba hay bukon it mga Judio pero nagsaylo eon sa relihiyon naton nga mga Judio. May mga halin sa isla it Creta ag mga tagaArabia man. Pero bisan sari-sari ro atong mga linggwahe hay mabatian naton ro mga tawo ngara nga nagahambae sa atong mga binugtawang linggwahe parti sa mga makangawa-ngawa nga ginhimo it Dyos.” 12Hangawa gid sanda tanan ag naglitik gid ro andang ueo ag nagpaeangutan-an sanda, “Ano gid ro buot hambaeon kara?” 13Pero ro iba hay nag-intrimis sa mga tumueuo. Hambae nanda, “Mga hilong 't-a ron!”
Ro Mensahi ni Pedro
14Pero tumindog si Pedro kaibahan ku onse nga ka apostoles ag naghambae imaw it mabaskog, “Kamo tanan nga mga kadugo ko nga mga Judio nga mga nagabisita ag nagaistar iya sa Jerusalem, pamati kamo kakon. Ipaathag ko kinyo ro kahueugan kara. 15Bukon it hilong ro mga tawo ngara, pareho ku inyong eaom. Alas nuybi pa eang ra it agahon. 16Raya eon ro katumanan ku ginpasueat it Dyos kato pa sa propeta anay nga si Joel parti sa rayang tyempo.#2:16 Sa Griniyego, raya hay “sa katapusan nga mga inadlaw”. Ro pageubot ku mga Judio karon hay ruyon ro tyempo nga magahari iya sa kalibutan ro Maneueuwas nga ginpromisa it Dyos. Hambae nana,
17 ‘Sa ulihi hay pagamhan ko gid ku akon nga Espirito ro tanan nga mga tawo. Ro inyong mga unga, eaki man o bayi hay magahambae it mga mensahi nga akong ipahambae kanda.
Ro inyong mga miron hay makakita it mga paeanan-awon.
Ag ro inyong mga eaki nga mga magueang hay makakita ku akong ipakita kanda paagi sa mga damgo.
18 Sa rato nga mga inadlaw, akon man nga pagamhan ku akon nga Espirito bisan ro akon nga mga ulipon, eaki man o bayi, ag magahambae sanda it mga mensahi nga akong ipahambae kanda.
19 Magahimo ako it makangawa-ngawa nga mga butang sa kaeangitan. Ag sa kalibutan hay magagamit ako it dugo, kaeayo, ag madamoe nga aso bilang mga milagrosong pamatuod.
20 Magadueom ro adlaw ag magapuea ro buean nga matsa dugo. Matabo ra tanan bago mag-abot ro importanti gid ag indi matupungan nga adlaw it pagbalik it Ginuo.
21 Ag ro bisan sin-o nga magadangop sa Ginuo makaron hay maeuwas sa adlaw ngato.’ ” # 2:17-21 Joel 2:28-32.
22Naghambae pa gid si Pedro, “Mga kadugo ko nga mga inapo ni Israel, pamati kamo sa akong ihambae ngara. Si Jesus nga tagaNazaret hay ginpadaea iya it Dyos. Ginpamatud-an ra kinyo it Dyos paagi sa mga makangawa-ngawa nga milagro ag mga milagrosong pamatuod nga anang gin-obra paagi kay Jesus. Sayod kamo kara ay iya ron nagkaeanabo kinyo. 23Si Jesus ngara hay ginpatay ninyo paagi sa inyong pagtugyan kana sa alima it mga nagabaliwala sa *Kasuguan it Dyos, ag gineansang nanda imaw sa krus. Pero ginplano eon eagi ron it Dyos kato-kato pa, ag sayod imaw nga matuman ron. 24Pero bisan ginpatay imaw hay ginbanhaw imaw it Dyos ngani nakaeuwas imaw sa gahom it kamatayon, ay imposible gid ma't-a nga makapugong kana ron. 25Ag isaea pa hay natuman kay Jesus ro ginhambae kato anay ni Haring David nga makaraya,
‘Hasayran ko nga kaibahan ko permi ro Ginuo, ag una imaw permi sa akon nga euyo, agod buligan ako nga indi nirbyoson.
26 Ngani nalipay gid ako it duro ag nagasinggit ako sa kalipay. Ag bisan mamatay ako hay sigurado ako nga
27 indi mo ako, o Dyos, pagpabay-an sa lugar it mga patay, ag indi mo pagpabay-an nga maeunot sa eueubngan ako nga imong ginpaeain para eang gid-a nga magserbi kimo.
28 Ginpasayod mo kakon ro daean paadto sa pagkabuhi it uman, ag mangin malipayon gid ako ay makaiba eon ako kimo.’ ”#2:28 Salmo 16:8-11.
29Nagpadayon si Pedro it paghambae. Sinana, “Mga igmanghod, sigurado ako sa akong ihambae ngara kinyo parti sa atong lolo nga si David. Namatay imaw ag gineubong. Iya pa ngani hasta makaron ro anang eueubngan. 30Matsa propeta si David sa anang paghambae kato. Hasayran nana nga nagsumpa ro Dyos nga anang obrahon nga hari ro sambilog sa anang mga inapo.#2:30 Salmo 132:11 ag 2 Sam 7:12-13. 31Ag ro apo ngaron ni David hay ro Maneueuwas nga ginpromisa it Dyos, ag ginpasayod it Dyos kay David nga mabanhaw ro Maneueuwas ngato. Ngani tag ginhambae ni David nga indi imaw pagpabay-an sa lugar it mga patay, ag ro anang eawas hay indi maeunot,#2:31 Salmo 16:10. ro Maneueuwas 't-a ro anang ginapatungdan kato.
32“Raya mismo nga si Jesus hay ginbanhaw it Dyos, ag mga saksi kita karon tanan. 33Ginpapungko imaw sa pinakadungganon nga pwesto sa tuo it Dyos Ama, ag gintaw-an dayon imaw ku Dyos it otoridad nga itao nga owa it hawid-hawid ro Espirito Santo sa anang mga sumueunod suno sa anang ginpromisa kanda. Ro inyong hakita ag habatian makaron hay katumanan gid karon. 34-35May ginsueat pa gid si David parti sa pagkabanhaw ni Jesus nga makaraya,
‘Naghambae ro Ginuong Dyos sa akon nga Ginuo: # 2:34-35 Raya hay napatungod kay Jesus nga Maneueuwas nga ginpromisa it Dyos.
Pungko sa akong tuo, ag obrahon ko nga tueungtungan ku imong siki ro imong mga kaaway.’ # 2:34-35 Salmo 110:1. Basaha ro pagpaathag kara sa footnote sa Mat 22:44.
Pero bukon it ro ana mismo nga kaugalingon ro anang ginapatungdan kara, dahil bukon it imaw ro nagkayab sa eangit kundi ro anang Ginuo nga si Jesus.
36“Ngani dapat nga kumbinsido gid kita tanan nga mga inapo ni Israel nga si Jesus nga inyong gineansang sa krus hay imaw ro Ginuo ag Maneueuwas nga ginbutang it Dyos.”
37Pagkabati nanda kara hay nakonsensya gid sanda. Nagpangutana dayon sanda kay Pedro ag sa iba pang mga apostoles, “Mga igmanghod, ano ro among himuon?” 38Nagsabat si Pedro, “Ro kada isaea kinyo hay dapat magtalikod sa saea ag magpabawtismo nga gapakilaea nga nagapasakop eon kamo kay Jesu-Kristo nga inyong Ginuo. Dikaron patawaron ro inyong mga saea ag mabaton ninyo ro regalo it Dyos, nga imaw ro Espirito Santo. 39Ginpromisa ra nana kinyo ag sa inyong mga inapo, ag sa tanan nga idto sa maeayo nga nahamueag pa kana, ag sa bisan sin-o nga pagatawgon pa it Ginuo nga atong Dyos nga magpasakop kana.” 40Ag abo pa ro mga ginturo ni Pedro sa mga tawo ag ginhininyo nana sanda nga batunon ro anang ginaturo. Hambae pa gid nana “Magtuo kamo agod maeuwas kamo sa pina nga maabot sa mga tawo sa inyo makaron nga henerasyon nga mga balingahag it paino-ino.” 41Abo ro nagpati sa mensahi ni Pedro ag ginbawtismuhan dayon sanda. Ngani mga tatlong libong ka tawo ro nagdugang sa mga tumueuo ku ratong adlaw. 42Mahugod ag sinsiro sanda sa pagtuon ag sa pagtuman ku mga ginaturo ku mga apostoles. Nagakaeasugot gid sanda sa andang pagtililipon ag sa pagkaon sa pagdumdum ku kamatayon ni Jesus ag sa pagpangamuyo.
Ro Pagkabuhi it mga Tumueuo
43Abo nga mga makangawa-ngawa ag milagrosong pamatuod ro ginaobra ku mga apostoles ngani natahap ro tanan nga mga tawo. 44Ro mga tumueuo hay padayon nga nagtililipon ag ro tanan nga pagkabutang ku kada isaea hay ginabilang nanda nga para man sa andang mga kaibahan. 45Ginabaligya nanda ro andang pagkabutang ag eugta ag ginapanueupod ro kabakeanan sa andang mga kaibahan suno sa andang kinahangean. 46Adlaw-adlaw hay nagatililipon sanda nga may paghiliugyon sa *lagwirta it Templo ag nagasaeo man sanda sa pagkaon sa mga pamaeay#2:46 Kaibahan eon siguro kara ro pagkaon sa pagdumdum ku kamatayon ni Jesus. nga may pagpaubos ag kalipay sa andang tagipusuon. 47Ginadayaw nanda permi ro Dyos ag ginataha man sanda ku tanan nga mga tawo nga bukon pa it tumueuo. Ag adlaw-adlaw hay ginadugangan sanda it Ginuo it mga tawo nga anang ginaeuwas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2024 (Active) Wycliffe Bible Translators, Inc.