Mga Binuhatan 3
3
Ginpamayad nanday Pedro ro Sangka Eupog
1Isaeang adlaw, mga alas tres it hapon, nag-adto sanday Pedro ag Juan sa Templo dahil oras rato it pagpangamuyo. 2Pag-abot nanda sa may pwertahan ku pader it Templo nga kon tawgon hay Pwertahan nga Sadyaan hay may eupog idto. Eupog 't-a eagi ro tawo ngato halin ku anang pagkatawo. Adlaw-adlaw hay ginadaea imaw sa may pwertahan ngato ag idto imaw nagapakalimos sa mga nagasueod. 3Pagkakita nana kay Pedro ag kay Juan nga nagapasueod hay nagpangayo imaw it limos. 4Tinueok imaw nanday Pedro ag Juan ag ginhambae dayon imaw ni Pedro, “Tan-aw kamon.” 5Nagtueok imaw kanda ag nagapaabot-abot nga may andang itao kana. 6Pero naghambae si Pedro, “Owa gid ako it kwarta pero may iya kakon nga itao ko kimo. Sa gahom ni Jesu-Kristo nga tagaNazaret, tindog ag magtikang!” 7Ginbuytan dayon ni Pedro ro tuo nga alima ku ratong tawo agod patindugon. Gulpi eang nga nagkusog ro siki ag ro buko-buko ku ratong tawo. 8Matsa pumisik imaw halin sa anang ginalingkuran, tumindog ag nagtinikang paadto-pabalik. Pagkatapos, nagsunod imaw kanda pasueod sa Templo nga nagatikang, nagaliksi-liksi ag nagadayaw sa Dyos. 9Hakita imaw ku tanan nga mga tawo idto nga nagatinikang-tikang ag nagadayaw sa Dyos. 10Hangawa gid sanda it duro sa natabo kana ay hakilan-an nanda nga imaw tag ratong nagapakalimos anay nga nagapungko sa may Pwertahan nga Sadyaan.
Ro Mensahi ni Pedro Idto sa May Guwa it Templo
11Nagbinuyot ro tawo ngato kanday Pedro ag Juan hasta idto sa parti it Templo nga *Portico ni Solomon kon tawgon. Nagdaeaguso idto kanda ro mga tawo nga nangawa gid it duro. 12Pagkakita kara ni Pedro hay naghambae imaw, “Mga kadugo ko nga mga inapo ni Israel, ham-an it hangawa gid kamo sa natabo ngara? Ag ham-an it makaruyon gid ro inyong tueok kamon? Eaom baea ninyo nga paagi sa among gahom o pagkamatarong hay hapatikang namon ro tawo ngara? 13Ro Dyos nga ginasinimba ni *Abraham, ni Isaac, ni Jacob ag ku iba pa natong kalolo-lolohan ro naghimo kara, ag paagi kara hay ginpadunggan nana ro anang sueuguon nga si Jesus. Rondatong inyong ginpadakop ag ginpaatubang kay Pilato nga ana kunta nga ginabuhian ugaling owa gid kamo magsugot. Mas ginpaeabi pa ninyo nga pabuhian tag sambilog ngato nga tawo. 14Balaan gid imaw ag matarong pero owa ninyo imaw pagpabuhii kundi inyo nga ginpangabay si Pilato nga buhian tag manogpatay it tawo. 15Ro inyo't-a nga ginpapatay hay ro ginahalinan it kabuhi#3:15 Si Jesus ro nagtuga ku tanan (Col 1:16) ag imaw man ro nagatao it kabuhi nga owa it katapusan. pero ginbanhaw imaw it Dyos, ag saksi kami karon. 16Paagi sa gahom ni Jesus hay nagbaskog ro mga siki ku rayang tawo nga inyong hakita ag hasayran nga dati anay nga eupog. Nagsalig imaw kay Jesus pareho kamon ngani nagmayad gid imaw ag hara, kita man ron ninyo tanan.
17“Mga igmanghod, kasayod ako nga kamo ag ro inyong mga manogdumaea hay nag-obra it makarato kay Jesus dahil owa kamo kakilaea kon sin-o gid imaw. 18Pero kato pa hay ginpasayod eon it Dyos paagi sa tanan nanang mga propeta nga ro Maneueuwas nga anang ginpromisa hay magaantos ag natuman ra sa inyo ngatong gin-obra kay Jesus. 19Ngani maghinuesoe kamo ag magtalikod sa inyong mga saea ag magpanumbalik sa Dyos agod patawaron nana kamo. 20Kon obrahon ninyo ron, ro mga tyempo it katawhayan hay maabot halin sa Ginuong Dyos, ag maabot ro tyempo nga ana nga paadtunon iya it uman si Jesus nga kato pa hay ginpili eon nana ag ginbutang nga Maneueuwas para kinyo. 21Pero dapat anay nga magpabilin imaw sa eangit hasta sa oras nga ikabalik eon ro tanan sa andang dating mayad nga sitwasyon, suno sa ginhambae it Dyos paagi sa anang balaan nga mga propeta kato anay. 22Parti ma't-a kay Jesus hay daya ro ginhambae ni Moises, ‘Ro Ginuong Dyos nga inyong ginasimba hay magabutang para kinyo it propeta nga pareho kakon nga halin sa inyong mga kadugo. Pamatii ninyo ro tanan nga anang ihambae kinyo.#3:22 Deut 18:15. 23Ro indi magpamati sa ihambae it ruyon nga propeta hay indi eon igtapoe sa mga katawhan it Dyos hasta sa owa it katapusan.’#3:23 Deut 18:19. 24Ag ro tanan man nga propeta umpisa kay Samuel hay nagpahisayod eon eagi parti sa mga nagakaeatabo sa rayang mga inadlaw. 25Kita mismo ro mga inapo ku mga propeta ngato. Hatapoe man kita sa kasugtanan nga gintao it Dyos sa atong mga kalolo-lolohan tag nagpromisa imaw kay Abraham nga, ‘Paagi sa isaea sa imong mga inapo hay akon nga pakamaayuhon ro tanan nga mga tawo sa kalibutan.’#3:25 Gen 12:3, 22:18, ag 26:4. 26Katon 't-a nga mga Judio ginpadaea it Dyos si Jesus nga anang ginbutang nga sueuguon, agod kita ro una nga pakamaayuhon, paagi sa pagbulig katon nga magtalikod sa atong mga maeain nga buhat.”
Currently Selected:
Mga Binuhatan 3: akl
Highlight
Share
Copy
Want to have your highlights saved across all your devices? Sign up or sign in
2024 (Active) Wycliffe Bible Translators, Inc.
Mga Binuhatan 3
3
Ginpamayad nanday Pedro ro Sangka Eupog
1Isaeang adlaw, mga alas tres it hapon, nag-adto sanday Pedro ag Juan sa Templo dahil oras rato it pagpangamuyo. 2Pag-abot nanda sa may pwertahan ku pader it Templo nga kon tawgon hay Pwertahan nga Sadyaan hay may eupog idto. Eupog 't-a eagi ro tawo ngato halin ku anang pagkatawo. Adlaw-adlaw hay ginadaea imaw sa may pwertahan ngato ag idto imaw nagapakalimos sa mga nagasueod. 3Pagkakita nana kay Pedro ag kay Juan nga nagapasueod hay nagpangayo imaw it limos. 4Tinueok imaw nanday Pedro ag Juan ag ginhambae dayon imaw ni Pedro, “Tan-aw kamon.” 5Nagtueok imaw kanda ag nagapaabot-abot nga may andang itao kana. 6Pero naghambae si Pedro, “Owa gid ako it kwarta pero may iya kakon nga itao ko kimo. Sa gahom ni Jesu-Kristo nga tagaNazaret, tindog ag magtikang!” 7Ginbuytan dayon ni Pedro ro tuo nga alima ku ratong tawo agod patindugon. Gulpi eang nga nagkusog ro siki ag ro buko-buko ku ratong tawo. 8Matsa pumisik imaw halin sa anang ginalingkuran, tumindog ag nagtinikang paadto-pabalik. Pagkatapos, nagsunod imaw kanda pasueod sa Templo nga nagatikang, nagaliksi-liksi ag nagadayaw sa Dyos. 9Hakita imaw ku tanan nga mga tawo idto nga nagatinikang-tikang ag nagadayaw sa Dyos. 10Hangawa gid sanda it duro sa natabo kana ay hakilan-an nanda nga imaw tag ratong nagapakalimos anay nga nagapungko sa may Pwertahan nga Sadyaan.
Ro Mensahi ni Pedro Idto sa May Guwa it Templo
11Nagbinuyot ro tawo ngato kanday Pedro ag Juan hasta idto sa parti it Templo nga *Portico ni Solomon kon tawgon. Nagdaeaguso idto kanda ro mga tawo nga nangawa gid it duro. 12Pagkakita kara ni Pedro hay naghambae imaw, “Mga kadugo ko nga mga inapo ni Israel, ham-an it hangawa gid kamo sa natabo ngara? Ag ham-an it makaruyon gid ro inyong tueok kamon? Eaom baea ninyo nga paagi sa among gahom o pagkamatarong hay hapatikang namon ro tawo ngara? 13Ro Dyos nga ginasinimba ni *Abraham, ni Isaac, ni Jacob ag ku iba pa natong kalolo-lolohan ro naghimo kara, ag paagi kara hay ginpadunggan nana ro anang sueuguon nga si Jesus. Rondatong inyong ginpadakop ag ginpaatubang kay Pilato nga ana kunta nga ginabuhian ugaling owa gid kamo magsugot. Mas ginpaeabi pa ninyo nga pabuhian tag sambilog ngato nga tawo. 14Balaan gid imaw ag matarong pero owa ninyo imaw pagpabuhii kundi inyo nga ginpangabay si Pilato nga buhian tag manogpatay it tawo. 15Ro inyo't-a nga ginpapatay hay ro ginahalinan it kabuhi#3:15 Si Jesus ro nagtuga ku tanan (Col 1:16) ag imaw man ro nagatao it kabuhi nga owa it katapusan. pero ginbanhaw imaw it Dyos, ag saksi kami karon. 16Paagi sa gahom ni Jesus hay nagbaskog ro mga siki ku rayang tawo nga inyong hakita ag hasayran nga dati anay nga eupog. Nagsalig imaw kay Jesus pareho kamon ngani nagmayad gid imaw ag hara, kita man ron ninyo tanan.
17“Mga igmanghod, kasayod ako nga kamo ag ro inyong mga manogdumaea hay nag-obra it makarato kay Jesus dahil owa kamo kakilaea kon sin-o gid imaw. 18Pero kato pa hay ginpasayod eon it Dyos paagi sa tanan nanang mga propeta nga ro Maneueuwas nga anang ginpromisa hay magaantos ag natuman ra sa inyo ngatong gin-obra kay Jesus. 19Ngani maghinuesoe kamo ag magtalikod sa inyong mga saea ag magpanumbalik sa Dyos agod patawaron nana kamo. 20Kon obrahon ninyo ron, ro mga tyempo it katawhayan hay maabot halin sa Ginuong Dyos, ag maabot ro tyempo nga ana nga paadtunon iya it uman si Jesus nga kato pa hay ginpili eon nana ag ginbutang nga Maneueuwas para kinyo. 21Pero dapat anay nga magpabilin imaw sa eangit hasta sa oras nga ikabalik eon ro tanan sa andang dating mayad nga sitwasyon, suno sa ginhambae it Dyos paagi sa anang balaan nga mga propeta kato anay. 22Parti ma't-a kay Jesus hay daya ro ginhambae ni Moises, ‘Ro Ginuong Dyos nga inyong ginasimba hay magabutang para kinyo it propeta nga pareho kakon nga halin sa inyong mga kadugo. Pamatii ninyo ro tanan nga anang ihambae kinyo.#3:22 Deut 18:15. 23Ro indi magpamati sa ihambae it ruyon nga propeta hay indi eon igtapoe sa mga katawhan it Dyos hasta sa owa it katapusan.’#3:23 Deut 18:19. 24Ag ro tanan man nga propeta umpisa kay Samuel hay nagpahisayod eon eagi parti sa mga nagakaeatabo sa rayang mga inadlaw. 25Kita mismo ro mga inapo ku mga propeta ngato. Hatapoe man kita sa kasugtanan nga gintao it Dyos sa atong mga kalolo-lolohan tag nagpromisa imaw kay Abraham nga, ‘Paagi sa isaea sa imong mga inapo hay akon nga pakamaayuhon ro tanan nga mga tawo sa kalibutan.’#3:25 Gen 12:3, 22:18, ag 26:4. 26Katon 't-a nga mga Judio ginpadaea it Dyos si Jesus nga anang ginbutang nga sueuguon, agod kita ro una nga pakamaayuhon, paagi sa pagbulig katon nga magtalikod sa atong mga maeain nga buhat.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
2024 (Active) Wycliffe Bible Translators, Inc.