Mga Binuhatan Mga Mapinuslanon nga mga Pamisaea Parti sa Rayang Sueat
Mga Mapinuslanon nga mga Pamisaea Parti sa Rayang Sueat
Rayang sueat hay ginsueat ni Lucas nga isaeang ka doktor nga nagtuo kay Jesus. Hasaksihan mismo nana ro ibang nagkaeanabo nga ginsueat nana rikara dahil kato hay nagamunot-munot man imaw kay apostol Pablo sa anang pagpamanawon sa pagsugid ku Mayad nga Balita. Ro ibang nagkaeanabo hay hasayran nana dahil sa sugid kana ku ibang mga apostoles nga nakasaksi kato. Kasugpon ro sueat ngara ku ginsueat man ni Lucas nga “Ro Mayad nga Balita nga Ginsueat ni Lucas” nga hanungod sa mga ginhimo ag ginturo ni Jesus tag iya pa imaw sa kalibutan. Rayang pangaywa nga sueat ni Lucas hay anang pagsaysay ku padayon nga mga ginhimo ni Jesus paagi sa anang mga apostoles sa gahom ku Espirito Santo nga anang ginpadaea pagkabalik nana sa eangit. Indi magnaba sa 30 anyos nga nakabalik eon si Jesus sa eangit bago ginsueat ni Lucas ro anang sueat ngara.
Sa Daan nga Sagrado nga Kasueatan hay ginhambae it mga propeta nga maabot ro adlaw nga may ipadaea ro Dyos nga Maneueuwas iya sa kalibutan. Tag iya si Jesus sa kalibutan, ro mga Judio hay sakop it ginharian it mga Romano, ag abo nga mga Judio ro nageaom nga si Jesus hay ginpadaea it Dyos agod hilwayon sanda sa paggahom kanda it mga Romano. Pagkasayod nanda nga bukon 't-a gali it duyon ro anang tuyo kundi euwason 't-a ro mga tawo sa pina ku andang mga saea hay owa sanda magpati nga imaw ro Maneueuwas nga ginpadaea it Dyos. Mawron nga hasta makaron hay nagahinueat gihapon sanda sa pag-abot ku ruyong Maneueuwas.
Ngani pagbalik eon ni Jesus sa eangit, ro oeobrahon ku mga apostoles hay mag-adto sa sari-saring mga lugar sa pagturo sa mga tawo nga si Jesus gid ro Maneueuwas nga ginpadaea iya it Dyos. Ro pamatuod karon hay ginbanhaw imaw it Dyos pagkamatay nana sa krus.
Sa sueat ngara hay ginsugid ni Lucas ro mga makangawa-ngawa nga mga ginhimo ku mga apostoles, ro andang pagwali ku Mayad nga Balita umpisa sa syudad it Jerusalem, paadto sa probinsya it Judea ag Samaria ag bisan pa sa mga maeayo nga lugar. Ginabalik-balik gid ni Lucas ro mabahoe nga bulig ku Espirito Santo sa mga apostoles sa pagpaeapnaag nanda ku Mayad nga Balita ag sa paghimo it mga milagro.
Ginsueat man dikara ni Lucas kon mauno ro pag-abo ku mga nagtuo kay Jesus ag kon mauno ro andang pagsugid ku Mayad nga Balita parti kana sa ibang mga lugar. Kaeabanan sa mga nagtuo kay Jesus hay bukon it mga Judio. Abo man nga mga Judio ro nagtuo pero kaeabanan kanda hay owa, ngani owa nanda pagbatuna ro ginaturo ku mga apostoles ag anda man sanda nga ginhingabot pati ro iba pang mga tumueuo. Ginhimo man anay ron ni apostol Pablo kat owa pa't-a imaw nagtuo kay Jesus hasta nga ginpakita kana paagi sa sangka milagro nga ro mensahi parti kay Jesus hay matuod (basaha sa kapitulo 9:1-20). Pagkatapos kato hay nangin manogturo si Pablo ku rato nga mensahi ag owa imaw it kahadlok sa pagturo. Imaw man ro nagsueat it abo nga sueat sa Bag-o nga Kasugtanan. Imaw man ro gin-gamit it Dyos nga magturo sa mga Judio nga nagtuo nga owa't-a it kinahangean nga sundon ku mga tumueuo nga bukon it Judio ro tanan nga kaugalian ku mga Judio agod maeuwas. Maeuwas eang ro isaeang ka tawo, ag makabaton ku Espirito Santo kon magtuo imaw kay Ginuong Jesus, bukon it dahil sa anang pagtuman sa mga kaugalian o mga sueundanan.
Currently Selected:
Mga Binuhatan Mga Mapinuslanon nga mga Pamisaea Parti sa Rayang Sueat: akl
Highlight
Share
Copy
Want to have your highlights saved across all your devices? Sign up or sign in
2024 (Active) Wycliffe Bible Translators, Inc.