Kuurotokwe 7
7
Stivenol kaunsel toorai kuuguudo kuudoka tovinokwono
1Toruda'ai pris aguto tool Stivenollu aro samuugojokaikono. “A'mwo su tooravuro gumino kuuguudo adumapo su ton nebalo'mdukono oo kuunano'mdukono?” Samuugojokaikono. 2#Mdk. 12:1Toro samuugojoka tovi Stivenol kuudokaikono. “Oo mi nyunumiyago nyugwai'yagoruvavoo, kevu neya donuu'nyulo. Aiyoga nemi nellukweyago Eburaiyamol wagwolago Haran toru yere mabai'movo'no Mesoopootemiya tomuu kuuno mwaloduke toollu Gooti Jurogudo Kuunodokwe tool muunyu kai'muuda'ai wolabo'no abwolluru'marokaikono. 3Toro bwolluru'ma'no sumaiyokwe aro kuudokaikono. “Guu gumi kwako toruke'aro guuge avalo togai'aro tonyu wuugollu'movo'bi moro kwako aguduuwallumi tomuuno dovlavono.” 4#Mdk. 11:31; Mdk. 12:4Toro kuudoka tovi Eburaiyamol kuvinono uumjuno'no Kaldiyada'ai tooravuro kwako tomuu wuugollu'mo'mno sumaiyokwe wagwolago Haran toru'no bo'no abomwalokaikono. Toro towai mwalno mwalno sumaiyokwe gami ganumiyago tool abolokaikono. Toro aboloka toga Gooti tool Eburaiyamollu mollubworomokabino sumaiyokwe subuu'yamju kwiyoka kwako tovi abomai'movokaikono. Kwako su tov aga kevu amwakopo su tov kurukwono. 5#Mdk. 12:7, 13:15, 15:18, 17:8Toro kuvi kuruv Eburaiyamol kwako akavi yiunokuudo abomarokalmaiyo. Aki kwako su tovida'ai yiuno kula'nyo pwekwonodo kuruv gamiyo'mo mwimo'nokakwono. Toro kuvi kuruv Gooti toolluro subuu'yamju kwiyoka su tov gamoro jukweyago kwolaiyo lukomgu sawosunpi tooraino'gwowi kwako su tov wiyo'mo subuu'yamju aduuwiyokaikono. Subuu'yamju aduuwiyoka su tov Eburaiyamol kwolaiyo pwolnodo kwol kuruv yere miyawosunoduke toga aduuwiyokaikono. 6#Mdk. 15:13,14Toro duuwino sumaiyokwe Gooti tool Eburaiyamollu nebal'no aro kuudokaikono. Gumi jukweyago kwolaiyo lukomguda'ai sumo'nupi tooro a'mwo pworavuro kwako pumuuno plavopi a'mwo su tomuuda'ai toorai bomwallo wimo'nupinorogano. Toro wimo'nodopure toorai a'mwo kwako su tomuuda'ai tooro ki'nato womdo uubweyopi 400 kworomo tobuullu bomwallo imo'nodopure su tobuurai kaiyako igolmovlapinorogano. 7#Moll. 3:12Toro igolmovla'mdopure kuvi kuruv nuu Gooti toonyuno'gwowi a'mwo ki'nato womdo kuubwepi su toorai nerumwallumonyugono. Toro airumwallumi toga gumi jukweyago kwolaiyo taiyo sumo'nupi su ton irolo'nugobopi akawai bai'mopinogano. Toro bai'movopi akawai mino ilomonuwopiyapinogano. Kuudokaikono. 8#Mdk. 17:10-14; Mdk. 21:2-4; Mdk. 25:26Gooti tool toro wuujuno sumaiyokwe aki gamoro subuu'yamju su tovino duuwallo'moneyokwe Eburaiyamollu aro adubweyokaikono. “Kevu kemi kwolaiyo tooravuro lakulkulako ton neya domadovogaulo.” Adubweyokaikono. Toro dubweyuno sumaiyokwe Eburaiyamol Aisakollu sawosunokaikono. Toro yawosuno'no Aisakol 8-pela iruko tobuul uuwolo'noduke toga gami ganumiyago tool Aisakolluro lakulkulako tov amadovokaikono. Aki lukomgu Aisakol Jekoopollu sawosunokaikono. Aki Jekoopol 12-pela muugunyo toorai kuunumiyago kwimo'nokaikono. 12-pela muugunyo su tooro nemi nellukweyago kuunodorogano.
9 #
Mdk. 37:11;
Mdk. 37:28;
Mdk. 39:2,21 Nemi nellukweyago su tooro aiyoga Joosepolluno kwekuullu kuudo yau'no sumaveyokwe Ijup'no pla'mdopure a'mwo pworai morapiyo'mno Joosepollu nuugwiyo abiyomaropekono. Toro te Joosepollu ki'nato womdo imwalono'moneyokwe Ijup'no amokavlavopekono. Toro amokavlavopo kuvi kuruv Gooti tool amollomwallajukekono. 10#Mdk. 41:39-41Aki Joosepol yiuwi'nokai jul'nyo pun ma'melaboduke toga Gooti tool pi'mwono kwiyo'mwojajukekono. Aki Gooti tool Joosepollu pi'mwo kuudo tov kuubweyajukekono. Toro uubweyoduke tovida'ai Ijupda'ai a'mwo aguto kig Feroo toolluro sumdo tovi Joosepolluno ilaiyo to'no kwinyajukekono. Toro winoduke toollu Feroo tool wuulo killo'mo ago tovida'ai irolowapiyo'no womdo aguto puvi kwiyokaikono. Womdo su tov kwako Ijup toruke'aro gamoro agwapto toruke'aro tovallu mido mollomwallo imwalono'moneyokwe amolludapiyokaikono.
11 #
Mdk. 42:1,2 Toro molludapino sumaiyokwe Joosepol mido mollomwallo yoduke toga yiuwi'nokai kwako Ijup toruke'aro Kenan toruke'aro tomuu muju'wuulo bwotonyo tov kworokakwono. Toro wo'duke toga nemi nellukweyago su tooro wosamujuko ton yo'mgonanyo'mo ato awo'nomolloporogano. 12Toro pwo'nomollodopure toga Jekoopol wosamujuko ton Ijup toru wo'duke tonyuno kuu'nokaikono. Toro wuu'nyuno sumaiyokwe nemi nellukweyago toorai wosamujuko pun Ijupda'ai wolobiyomorapureyokweyo'mo amodapiyokaikono. Toro tooro Joosepol Ijup toru mwaloduke toollomno wola'mno wosamujuko pun kwolobiyomoraporogano. 13#Mdk. 45:1; Mdk. 45:16Aki toro tooro lukomgu wosamujuko purukwe'aro wolobiyomollo'mo tooro wolodopure toga'no'gwowi Joosepol gami gadai'yago su toorai gavnokweyolluno kuu'maiyo toru'no adodowiyoku'bworosunokaikono. Toro adodowiyoku'bworosunoka tovida'ai Joosepollu gadai'yago tooro kemi kuugwai'yago Joosepolluno, Oo kwoldeyo, kuudo sauroporogano. Aki su toro toga Feroo tool Joosepollu gadai'yago tooraino, Oo kworodeyo, kuudo souromarokaikono. 14#Mdk. 45:9,10,17,18Toruda'ai lukomgu Joosepol gami ganumiyago Jekoopeke'aro gamoro yiuwi'nokai avalo togai'aro ton gamiyomno wolabupureyokweyo'mo amodapiyokaikono. Toro modapino sumaiyokwe yiuwi'nokai Joosepolluro avalo kwolabopo su ton 75 a'mwo abolo ton kwolabopogano. 15#Mdk. 46:1-7Toro wolabino sumaveyokwe Jekoopol Ijup towai mwalno mwalno sumaiyokwe su towai abolokaikono. Aki nemi nellukweyago kworo kuruv avalo su towai aboloporogano. 16#Mdk. 23:3-16Lukomgu Jekoopeke Joosepeke tonumdalluro yogudo ton wagwolago Sekem'no aikomgu mokabino sumaveyokwe a'mwo buuso sumago puvi aulomorosoponumdakono. A'mwo buuso su tov aiyoga Eburaiyamol Amoorolluro muugunyo Sekemda'ai pwolluro a'mwo buuso su tovi silva nuugwiyo tokwe me'no abiyoma'nyungikokwono.
17 #
Moll. 1:7,8 To'no'gwowi Gooti tool Eburaiyamollu subuu'yamju me'no kwiyoka kuvinono nyumo'nyo'mo toga nevuge avalo Isuraiyolda'ai ton Ijup toru mwalodupu kwolallo bwotonyo sowosungovlaiyajupogano. Toro ton yowosungovla'mno yowosungovla'mno sumaveyokwe Ijup toru kwolallo bwotonyo sumo'nopogano. 18Toro imo'nodopure toga Ijup toru mido mollomwallo'moneyokwe a'mwo aguto kig muuduko pwol sumo'nokaikono. A'mwo aguto kig su tool Joosepolluno kuuguudo tovi muu'nyajukekono. 19#Moll. 1:10,11; Moll. 1:22Toro tool nevuge avalo tonyuno kuudo saurokaikono. E, a'mwo abolo akan kwolallo bwotonyo nyumo'numwalpiyo. Toro kuudo yau'no sumaiyokwe nevuge avalo su tonyu youkuu'nuudodowo kaiyako sugollajukekono. Toro igoloduke tovida'ai nevuge avalo tobuuravuro kwolaiyo muudoga toorai romiyoso'mo tool aro adumuuroleyajukekono. Kemoro kwolaiyo muudoga tooro abolpureyokweyo'mo kemi ago tonyuda'ai bilomodukwopiyulo, adumuuroleyajukekono. 20#Moll. 2:2Su toro toga abolo puruv Moosesollu somarokakwono. Kwolaiyo su tool Gooti toolluro sumdo tovi sugumaluko sumo'nyajukekono. Toro toollu gami ganum kwolabolo teyaul kemi ago tovi kuulomollomwalodubul lobako pworapwol kuuwolo'nokaikono. 21#Moll. 2:3-10Toro me'no kuuwolo'noka toga kwa'mgu tomuu abilomodukwopiyopekono. Toro abilomodukwopiyopo toollu Feroo toolluro taiyo tov maro'no gami kwolaiyo kuunodo pwolbusuko amollumwojajukokwono. 22Toro mollumwojoduke toollu yiuwi'nokai Ijupda'ai a'mwo pi'mwo kuudokwe tooro bodupu kuuguudo sodubwasajuporogano. Toro yodubwasodopure tovi Moosesol wuu'nodowo yogalo pi'mwono jokwe sumo'nyajukekono. Aki toro tool womdo judo'no judo'nodo ton yo'mo jurogudokwe sumo'nyajukekono.
23 #
Moll. 2:11-15
Toro tool mwalno mwalno sumaiyokwe 40-pela kworomo tobuul uuwolo'no'no gavuge avalo Isuraiyolda'ai tobuurai iru'mato'mo kwinokaikono. 24Toro tool iru'mato'mo plaino sumaiyokwe kwonoka tov Ijupda'ai a'mwo pwol Isuraiyolda'ai pwekwoji kaiyako igoloduke tekwoji kwonokaikono. Toro wonyuno sumaiyokwe Moosesol gavuge Isuraiyolda'ai tekwoji molluulno sumaiyokwe mido mallo'mo tool a'mwo Ijupda'ai toollu yiuno'no aromiyosokaikono. 25Toro romiyosuno sumaiyokwe kuudo saurokaikono. Oo Isuraiyolda'ai ton mino aro kuudo yanuupinogano. Gooti tool Moosesollu'aro bomollurolovonekumokalokwono'mo jadopiyo. Kuudo yanuupinogano. Moosesol toro kuudo sauroka kuvi kuruv Isuraiyolda'ai tono'gwowi su toro kuudo miyauropogano. 26Toruda'ai aki iruko aikomguda'ai tollugwoji Isuraiyolda'ai pwekwojal kevnokwe tooral mebweyogalo kuullajunyuno sumaleyokwe molo inodole toorallu Moosesol abuuru'marokaikono. Toro toorallu buuru'ma'no sumaiyokwe kemoro sumwoluko tov noullo neya wosunbuleyokweyo'mo aro abuudokaikono. E, kevu iko avalo tovasuda'ai tekwojakul buro'nyo'mo molo doullunadokuulo? 27Toro kuudoganoka kuvi kuruv a'mwo molo kuuno amolloluwosoka su tool Moosesollu yetowapino sumaiyokwe aro kuudokaikono. “Tarevono, guu tooku nemi mido mollonekumwalo'bi kooti yogalo danekullo'moneyokwe ala'mwol ajagubwemokaikudeyo? 28Toro tova'gu suro toga Ijupda'ai a'mwo pwollu aromiyosumwa'judo to'busuko kubalno aga nuu kwonyuda'ai romiyanubwebino'mo tova'gudukono?” Kuudokaikono. 29#Moll. 18:3,4Toro kuudoka tovi Moosesol wuu'nyuno sumaiyokwe luko yo'no lukado avlavokaikono. Toro tool lukado plaino sumaiyokwe kwako Midiyan tomuu ai'movokaikono. Toro ki'mo'mno sumaiyokwe su tomuu bomwallo sumo'nyajukekono. Toro mwalno sumaiyokwe kwolaiyo pworallu sawosunokaikono.
30 #
Moll. 3:1-10
Toruda'ai 40-pela kworomo tobuul me'no avlavoka toga Moosesol kwako a'mwomaiyo kuu'maiyo toru muumuudo Sainai toollu dolago tomuu ki'movo'no amwallajukekono. Toro mwaloduke toollu ensel pwol wolabo'no abwolluru'marokaikono. Ensel su tool i'jurako tov widuko bomjonugeloduke tovi'aro Moosesollu kwiyalo'nokaikono. 31Moosesol toro tovi wonyuno sumaiyokwe luko amorumoukuropiyokaikono. Toro tool buro'nyo'mdukoneyokwe kuudo yau'no sumaiyokwe wobo toru kuula'no kamwoga somuugonallajukekono. Toro yomuugona'duke toga Aguto Gooti toolluro yogaimaguurai puruv aro wuudoduke tovi kuu'nokaikono. 32Nuu gumi jukweyago Eburaiyameke Aisakeke Jekoopeke tooravuro Gooti toonyugono. Moosesol toro tovi wuu'nyuno sumaiyokwe luko bu'buto yo'no sumdo yenomollo'mo mwinokaikono. 33Toro yoduke toollu Aguto tool aro kuudokaikono. “Guu adakuudo kwako akaru moro pwekwapto torukono. Toro tovino tov gumi suulpweyo tov neya jurolosono.” Kuudokaikono. 34Gooti tool toro wuujuno sumaiyokwe aki aro kuudokaikono. “Ijupda'ai tooro moro a'mwo abolo tobuurai kaiyako igolodopure tonyu me'no wonodumdonyugono. Aki toro tobuuravuro kumdato kwaru kwarupto dai'dopure tonyu me'no wuu'nodumdonyugono. Su toro tobuurai mollurolovomollo'moneyokwe guu Moosesekuji mogwapiyo'mo kwolamonyugono.” Aguto tool Moosesollu toro kuudokaikono.
35 #
Moll. 2:14
Mooses su tool aiyoga Isuraiyolda'ai a'mwo abolo tonyu wiyo'mwojo'mo yoduke kwollu kuruv kisuvolo kwiyopogano. Toro wino sumaveyokwe aro kuudopogano. “Guu tooku nemi mido mollonekumwalo'bi kooti yogalo danekullo'mo su tov ala'mwolluro ajagubweyoka tovida'ai nekullumo'nubino'mekudeyo?” Kuudopogano. Isuraiyolda'ai ton kisuvolo toro kwiyopo kuvi kuruv a'mwo abolo su tonyu mido mollomwalowo'ji aki Ijupda'ai bomollurolovomokalokwiyo'moneyokwe tov Moosesol kwekono. Su tool Gooti toolluro me'no ajesungikekono. Toro toollomno Gooti tool gamoro ensel pwollu amoruuwopiyabokaikono. Ensel su tool i'jurako widuko bomjonugeloduke tovi'aro kwiyalo'nokaikono. 36#Moll. 7:3; Moll. 14:21Toro te Moosesol Ijup toru duuwallo jurogudo judo'no judo'nodo ton wuuduuwalluno sumaiyokwe Isuraiyolda'ai tonyu bomollurolovomokalokwo'no amollubworomokwanokaikono. Toro mollubworomokwanyuno sumaiyokwe Soolwara Weyako toruke'aro kwako a'mwomaiyo kuu'maiyo toruke'aro toru 40-pela kworomo tobuullu mollubworomokwanyuno sumaiyokwe duuwallo jurogudo judo'no judo'nodo pun kuuduuwallajukekono. 37Aki Isuraiyolda'ai tonyu aro kuudokaikono. “Gooti tool mi amonuwopiyaboka to'busuko kubalno kemoro tellukweyago kwolaiyo pwollu kemi proofet ikullumo'nyo'moneyokwe nomekwopiyabwonekono.” Kuuguudo su tov Mooses gavnokwe tool kuudokaikono. 38#Moll. 19:1—20:17Aki nemi nellukweyago tooro kwako a'mwomaiyo kuu'maiyo toru i'bwo'nomwalodopure toga Moosesol muumuudo Sainai toollu ilno sumaiyokwe ensel pwollu wuuru'maro'no gamoro kuuguudo tov amarokaikono. Kuuguudo su tov yiunokuudo mujo'movlaiyo'mokwono. Toro tokwe mokwolabino sumaiyokwe nemi nellukweyago toorai abwolomoruudokaikono. Aki kuuguudo su tov nemi anekullabokaikono.
39Toro kuvi kuruv nemi nellukweyago tooro kaduko mwiyajupekono. Toro toollu kisuvolo wiyo'mno kemoro poowokalago ton Ijup'no aikomgu plaiyo'mo to'no kwinyajuporogano. 40#Moll. 32:1Toro tooro Eroonollu aro kuudoporogano. “Moosesol kwako Ijupda'ai nemi nekumokabo'no muumuudo toollomno suloka su toollu buro'nyo'mno'juki dukwimo'nadopiyo. Nevu a'mwo su toolluno kuudo miyau'mawono. Toro tovino tov nemi sumdomgu mollubworonekumokavlaiyo'moneyokwe tov guu gooti pworai jokwollonekudapiyono.” Kuudoporogano. 41#Moll. 32:2-6Toro wuujuno sumaveyokwe kuunano gooti pwol buulmokau taiyo toolbusuko kula'nokakwe pwollu sokwolludapiyoporogano. Toro yokwolludapino sumaveyokwe ibesa'aiyo pworo romiroudapiyo'mno kevnokweravuro ato tokwe kuunano gooti sokwolludapiyopo su toolluno ilaiyo soporogano. 42Ilaiyo toro sopo kuvi kuruv Gooti toolno'gwowi nemi nellukweyago su toorai buulo kuugunyumopiyokaikono. Aki toro tooro sulugumdo tovida'ai kuujo tooke lobako tooke sullugabwo togai tonyuno ilomoropiyodopure toorai Gooti tool nokwo wonyapino sajukekono. Gooti toolluro toro sajuko tov proofet tooravuro buukiyo tovida'ai kuuguudo me'no wo'dowodo tomgu'aro to'no kuvinono sokaikono. Proofet tooravuro buukiyo tovida'ai kuuguudo tov arokwono.
“Oo Isuraiyoloravoo, kevu kwako a'mwomaiyo kuu'maiyo toru bai'movo'mno 40-pela kworomo tobuullu amwallajuporekikono. Toro mwalodupudo toga mi nyabiyo'moneyokwe sipsip buulmokauworodeyo pworai aromiroudapiyajuporekuldukono? Awiyo, miyo'mo kuunodo maromiroudapiyajuporekikono.
43Toro kworekul kuruv kemi kuunano gooti toollu ilomoropiyo'moneyokwe sel ago puvi amokavlaiyajuporekikono. Kuunano gooti su toolluno yovo tov Moolekolekono. Toro mokavla'mdupu aki sullugabwo toolbusuko kula'nokakwe kuunano gooti pweke'aro amokavlaiyajupekono. Kuunano gooti su toolluno yovo tov Refanolekono. Toro toorallu ilomoropiyodapudorekikono. Toro toorekul kemi ikomago toorai dolago tomuu mwalmwalpino'moneyokwe Bebeloon toru imgu tomuu merekumwallumorekikono.”
Proofet tooravuro buukiyo tovida'ai kuuguudo tov torokwono.
44 #
Moll. 25:9
Toruda'ai nemi nellukweyago tooro kwako a'mwomaiyo kuu'maiyo toru mwalo'mno sel ago puruv amodoporogano. Sel ago su tovi wonodupu, “Gooti tool nevuge domwallo,” ajajupogano. Sel ago su tovi Moosesol yasuwa'no amodokalmaiyo. Toro kwol kuruv yiuno Gooti toolluro kuuduuwalloka tomgu'aro to'no uumjuno'no kuvinono amodokaikono. 45Toro amodoka tovi nemi nellukweyago lukomguda'ai sumo'nopo kworo kuruv sel ago avalo su tovi amokavlaiyajuporogano. Toro mokavla'mdupu Joosuuwal nemi nellukweyago toorai amollubworomokavlaiyajukekono. Toro mollubworomokavla'mdowo Gooti tool a'mwo gabovo mwalodupudo toorai amovomjapiyajukekono. Toro movomjapiyodowo nemi nellukweyago tooro kwako su tonyu amaroporogano. Toro malluno sumaveyokwe Gooti toollu ilomoropiyo'moneyokwe sel ago tov kwako su toru aiko te amodoporogano. Sel ago su tov tono tono mujo'melaboduke toga a'mwo aguto kig Devitol sumo'nokaikono. 46#2Sam. 7:1-16Gooti tool a'mwo aguto kig Devitolluno ilaiyo winodowo gamoro yasuwa'wino sugumaluko pun kuubweyajukokwono. Toro te a'mwo aguto kig Devitol gami jukweyago Jekoopolluro Gooti toolluno ilomoropiyo'moneyokwe ago kuunodo puruv mojo'mo kwinokaikono. A'mwo aguto kig Devitol ago su tovi mojo'moneyokwe Gooti toollu kuudoganokaikono. 47Toro kuudoganoka kuvi kuruv ago su tovi mojo'moneyokwe to'gwowi gamoro muugunyo Sooloomonekono. Toro te Sooloomonol ago kuunodo su tovi amodokaikono.
48Toro amodoka kuvi kuruv Yiuwi'nokai Tonyu Uuwolo'mdowodo Gooti tool a'mwo pworavuro ago mododupudo tonyu mamwallokwekono. Su toro tovino proofet pwolluro yogalo adoka tov arokwono.
49“Aguto Gooti tool adokaikono. Nuu sulugumdo akai'muu mwalodumdo toonyu yiuwi'nokai tonyu mido mollomwalodumdonyugono. Aki yiuwi'nokai kwako akavida'ai ton moro dolago tomuu wo'dupudogano. Toro tovino tov miyo'mo ago puruv ku'nono mamodupinorogano. Aki nuu iruko mwallo'moneyokwe puru kwako akavi nonagutomuugono. 50Nuvnokwe toonyu yiuwi'nokai kwako akavida'ai wo'dupudo ton sokwollaikubweyonyugono.”
Proofet toolluro yogalo adoka tov torokwono.” Stivenol toro kuudokaikono.
51Stivenol kaunsel toorai toro wuujuno sumaiyokwe aki aro kuudokaikono. “A'mwo akarekul dogaipo'nyo yopiyodupu kemoro poowokalago ton lumdo kuulopiyodupudorekikono. Toro toorekul a'mwo pworo Gooti toolluno kuudo muubweyodupudo toorobusuko kubalno yopiyodupudorekikono. Aki aiyoga kemi tellukweyago tooro kisuvolo sajupo toorobusuko kubalno kev kworekul kuruv yiuwi'nokai toga Gooti toolluro Kuullo toollu kisuvolo to'no wiyodupudorekikono. 52Aiyogasuro kemi tellukweyago su tooro yiuwi'nokai Gooti toolluro proofet sumo'nugelabiyajupo kworai kuruv kaiyako sugollajuporogano. Yiuwi'nokai Gooti toolluro proofet pwolno pwolnodo toorai kaiyako toro sugolmelabiyajuporogano. Proofet su tooro aro amoruudomollajuporogano. “Gooti toolluro Sugudo Kuunodo tool nobwonekono.” Toro moruudomollodopure kworai kuruv kemi tellukweyago tooro aromiyosajuporogano. Toro kuvi kuruv aga'no'gwowi Gooti toolluro Sugudo Kuunodo amoruudomollajupo su tool me'no abokaikono. Toro aboka toollu kevu buulo uugunyumopiyo'mno aromiyosopekono. Toro te aga kevu kwolluro romiyosokwe wimo'nodupudorekikono. 53Nuugeravoo, neya duu'nyulo. Gooti tool kemiyo'moneyokwe gamoro loowo su ton ensel pworai uubweyoduke tonyu kevnokwe toorekul amaropokwono. Toro kworekul kuruv loowo su tonyu kisuvolo me'no wiyodupudorekikono.” Stivenol toro kuudokaikono.
Stivenollu sulo tokwe aluvoromiyosopo tovinokwono
54Toro kuudoka tovi kaunsel tooro wuu'no'mno Stivenolluno surodo bwotonyo kuunoporogano. Aki surodo kuunopo su tooro kemoro mago ton tuko ado'noporogano. 55Toro kuvi kuruv Stivenolluno'gwowi Gooti toolluro Kuullo toollu uumjunyo'moneyokwe kuudo ton gamoro poowokalago tovi aullo'mowopiyokakwono. Toro kuullo'mowopiyoduke toga Stivenol muunyu kai'muuno to'no suloonyopiyokaikono. Toro iloonyopino sumaiyokwe Gooti toolluro bako bwotonyo puruv pwopiyoduke tovi kwonokaikono. Aki toro tovi wonyuno sumaiyokwe Jisasol Gooti toolluro anato toru da'mduke toollu kwonokaikono. 56Toro tovi wonyuno sumaiyokwe kaunsel su toorai kuudokaikono. “Oo kevu donuu'nyulo. Nuu sulugumdo tov kudo'aiko kuusoda'mdowo A'mwo Kwolaiyo Kuunodo tool Gooti toolluro anato toru da'mduke toollu kwonmwakono.” Kuudokaikono.
57Toro kuudoka kuvi kuruv a'mwo su tooro yogalo su tovi muu'nyo'mo tooro kemi kaduko ton ato tokwe illulovomwora'no sumaveyokwe deko bwotonyo adelowo'naropogano. Toro delowo'na'no sumaveyokwe Stivenollu galomworallo'moneyokwe yere kuuwoporogano. Toro wino sumaveyokwe agalomworaropekono. 58Toro galomwora'no sumaveyokwe wagwolago tovi kwa'mgu tomuuno abome'nomokalokwopekono. Toro abome'nomokalokwopo tooraida'ai pwolluno yovo tov Soololekono. Aki a'mwo abome'nomokalokwopo su tooravuro pworo sumdomgu kaunsel toorai Stivenolluno kuunano yogalo soukuu'nuudopo toorogano. Toro tooro Stivenollu romiyoso'moneyokwe kemoro nobwaiyo ton Soololluro suvlo tovi wobo toru adosubweyoporogano. Toro me'no dosubweno sumaveyokwe a'mwo abome'nomokalokwopo su tooro Stivenollu sulo togai aluvaromiyoporogano. 59Toro luvaromiyodopure toga Stivenol subusu'nyogalo aro kuudokaikono. “Mi Aguto Jisasoloo, moro kuullo tool gumiyomno domokailawono.” Kuudokaikono. 60Toro wuujuno sumaiyokwe Stivenol gami suduko tov inuguto'no'no aiyowo'mo deko guureji puruv aro adokaikono. “Mi Agutoloo, a'mwo ma'no ma'no sadokwopo akaraino kalo neya agujunono. Aki kemoro ma'no ma'nodo tovuro mubiyo tov nuubwebiyo.” Kuudokaikono. Toro wuujuno sumaiyokwe Stivenol yiuno'no abolokaikono.
Currently Selected:
Kuurotokwe 7: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 7
7
Stivenol kaunsel toorai kuuguudo kuudoka tovinokwono
1Toruda'ai pris aguto tool Stivenollu aro samuugojokaikono. “A'mwo su tooravuro gumino kuuguudo adumapo su ton nebalo'mdukono oo kuunano'mdukono?” Samuugojokaikono. 2#Mdk. 12:1Toro samuugojoka tovi Stivenol kuudokaikono. “Oo mi nyunumiyago nyugwai'yagoruvavoo, kevu neya donuu'nyulo. Aiyoga nemi nellukweyago Eburaiyamol wagwolago Haran toru yere mabai'movo'no Mesoopootemiya tomuu kuuno mwaloduke toollu Gooti Jurogudo Kuunodokwe tool muunyu kai'muuda'ai wolabo'no abwolluru'marokaikono. 3Toro bwolluru'ma'no sumaiyokwe aro kuudokaikono. “Guu gumi kwako toruke'aro guuge avalo togai'aro tonyu wuugollu'movo'bi moro kwako aguduuwallumi tomuuno dovlavono.” 4#Mdk. 11:31; Mdk. 12:4Toro kuudoka tovi Eburaiyamol kuvinono uumjuno'no Kaldiyada'ai tooravuro kwako tomuu wuugollu'mo'mno sumaiyokwe wagwolago Haran toru'no bo'no abomwalokaikono. Toro towai mwalno mwalno sumaiyokwe gami ganumiyago tool abolokaikono. Toro aboloka toga Gooti tool Eburaiyamollu mollubworomokabino sumaiyokwe subuu'yamju kwiyoka kwako tovi abomai'movokaikono. Kwako su tov aga kevu amwakopo su tov kurukwono. 5#Mdk. 12:7, 13:15, 15:18, 17:8Toro kuvi kuruv Eburaiyamol kwako akavi yiunokuudo abomarokalmaiyo. Aki kwako su tovida'ai yiuno kula'nyo pwekwonodo kuruv gamiyo'mo mwimo'nokakwono. Toro kuvi kuruv Gooti toolluro subuu'yamju kwiyoka su tov gamoro jukweyago kwolaiyo lukomgu sawosunpi tooraino'gwowi kwako su tov wiyo'mo subuu'yamju aduuwiyokaikono. Subuu'yamju aduuwiyoka su tov Eburaiyamol kwolaiyo pwolnodo kwol kuruv yere miyawosunoduke toga aduuwiyokaikono. 6#Mdk. 15:13,14Toro duuwino sumaiyokwe Gooti tool Eburaiyamollu nebal'no aro kuudokaikono. Gumi jukweyago kwolaiyo lukomguda'ai sumo'nupi tooro a'mwo pworavuro kwako pumuuno plavopi a'mwo su tomuuda'ai toorai bomwallo wimo'nupinorogano. Toro wimo'nodopure toorai a'mwo kwako su tomuuda'ai tooro ki'nato womdo uubweyopi 400 kworomo tobuullu bomwallo imo'nodopure su tobuurai kaiyako igolmovlapinorogano. 7#Moll. 3:12Toro igolmovla'mdopure kuvi kuruv nuu Gooti toonyuno'gwowi a'mwo ki'nato womdo kuubwepi su toorai nerumwallumonyugono. Toro airumwallumi toga gumi jukweyago kwolaiyo taiyo sumo'nupi su ton irolo'nugobopi akawai bai'mopinogano. Toro bai'movopi akawai mino ilomonuwopiyapinogano. Kuudokaikono. 8#Mdk. 17:10-14; Mdk. 21:2-4; Mdk. 25:26Gooti tool toro wuujuno sumaiyokwe aki gamoro subuu'yamju su tovino duuwallo'moneyokwe Eburaiyamollu aro adubweyokaikono. “Kevu kemi kwolaiyo tooravuro lakulkulako ton neya domadovogaulo.” Adubweyokaikono. Toro dubweyuno sumaiyokwe Eburaiyamol Aisakollu sawosunokaikono. Toro yawosuno'no Aisakol 8-pela iruko tobuul uuwolo'noduke toga gami ganumiyago tool Aisakolluro lakulkulako tov amadovokaikono. Aki lukomgu Aisakol Jekoopollu sawosunokaikono. Aki Jekoopol 12-pela muugunyo toorai kuunumiyago kwimo'nokaikono. 12-pela muugunyo su tooro nemi nellukweyago kuunodorogano.
9 #
Mdk. 37:11;
Mdk. 37:28;
Mdk. 39:2,21 Nemi nellukweyago su tooro aiyoga Joosepolluno kwekuullu kuudo yau'no sumaveyokwe Ijup'no pla'mdopure a'mwo pworai morapiyo'mno Joosepollu nuugwiyo abiyomaropekono. Toro te Joosepollu ki'nato womdo imwalono'moneyokwe Ijup'no amokavlavopekono. Toro amokavlavopo kuvi kuruv Gooti tool amollomwallajukekono. 10#Mdk. 41:39-41Aki Joosepol yiuwi'nokai jul'nyo pun ma'melaboduke toga Gooti tool pi'mwono kwiyo'mwojajukekono. Aki Gooti tool Joosepollu pi'mwo kuudo tov kuubweyajukekono. Toro uubweyoduke tovida'ai Ijupda'ai a'mwo aguto kig Feroo toolluro sumdo tovi Joosepolluno ilaiyo to'no kwinyajukekono. Toro winoduke toollu Feroo tool wuulo killo'mo ago tovida'ai irolowapiyo'no womdo aguto puvi kwiyokaikono. Womdo su tov kwako Ijup toruke'aro gamoro agwapto toruke'aro tovallu mido mollomwallo imwalono'moneyokwe amolludapiyokaikono.
11 #
Mdk. 42:1,2 Toro molludapino sumaiyokwe Joosepol mido mollomwallo yoduke toga yiuwi'nokai kwako Ijup toruke'aro Kenan toruke'aro tomuu muju'wuulo bwotonyo tov kworokakwono. Toro wo'duke toga nemi nellukweyago su tooro wosamujuko ton yo'mgonanyo'mo ato awo'nomolloporogano. 12Toro pwo'nomollodopure toga Jekoopol wosamujuko ton Ijup toru wo'duke tonyuno kuu'nokaikono. Toro wuu'nyuno sumaiyokwe nemi nellukweyago toorai wosamujuko pun Ijupda'ai wolobiyomorapureyokweyo'mo amodapiyokaikono. Toro tooro Joosepol Ijup toru mwaloduke toollomno wola'mno wosamujuko pun kwolobiyomoraporogano. 13#Mdk. 45:1; Mdk. 45:16Aki toro tooro lukomgu wosamujuko purukwe'aro wolobiyomollo'mo tooro wolodopure toga'no'gwowi Joosepol gami gadai'yago su toorai gavnokweyolluno kuu'maiyo toru'no adodowiyoku'bworosunokaikono. Toro adodowiyoku'bworosunoka tovida'ai Joosepollu gadai'yago tooro kemi kuugwai'yago Joosepolluno, Oo kwoldeyo, kuudo sauroporogano. Aki su toro toga Feroo tool Joosepollu gadai'yago tooraino, Oo kworodeyo, kuudo souromarokaikono. 14#Mdk. 45:9,10,17,18Toruda'ai lukomgu Joosepol gami ganumiyago Jekoopeke'aro gamoro yiuwi'nokai avalo togai'aro ton gamiyomno wolabupureyokweyo'mo amodapiyokaikono. Toro modapino sumaiyokwe yiuwi'nokai Joosepolluro avalo kwolabopo su ton 75 a'mwo abolo ton kwolabopogano. 15#Mdk. 46:1-7Toro wolabino sumaveyokwe Jekoopol Ijup towai mwalno mwalno sumaiyokwe su towai abolokaikono. Aki nemi nellukweyago kworo kuruv avalo su towai aboloporogano. 16#Mdk. 23:3-16Lukomgu Jekoopeke Joosepeke tonumdalluro yogudo ton wagwolago Sekem'no aikomgu mokabino sumaveyokwe a'mwo buuso sumago puvi aulomorosoponumdakono. A'mwo buuso su tov aiyoga Eburaiyamol Amoorolluro muugunyo Sekemda'ai pwolluro a'mwo buuso su tovi silva nuugwiyo tokwe me'no abiyoma'nyungikokwono.
17 #
Moll. 1:7,8 To'no'gwowi Gooti tool Eburaiyamollu subuu'yamju me'no kwiyoka kuvinono nyumo'nyo'mo toga nevuge avalo Isuraiyolda'ai ton Ijup toru mwalodupu kwolallo bwotonyo sowosungovlaiyajupogano. Toro ton yowosungovla'mno yowosungovla'mno sumaveyokwe Ijup toru kwolallo bwotonyo sumo'nopogano. 18Toro imo'nodopure toga Ijup toru mido mollomwallo'moneyokwe a'mwo aguto kig muuduko pwol sumo'nokaikono. A'mwo aguto kig su tool Joosepolluno kuuguudo tovi muu'nyajukekono. 19#Moll. 1:10,11; Moll. 1:22Toro tool nevuge avalo tonyuno kuudo saurokaikono. E, a'mwo abolo akan kwolallo bwotonyo nyumo'numwalpiyo. Toro kuudo yau'no sumaiyokwe nevuge avalo su tonyu youkuu'nuudodowo kaiyako sugollajukekono. Toro igoloduke tovida'ai nevuge avalo tobuuravuro kwolaiyo muudoga toorai romiyoso'mo tool aro adumuuroleyajukekono. Kemoro kwolaiyo muudoga tooro abolpureyokweyo'mo kemi ago tonyuda'ai bilomodukwopiyulo, adumuuroleyajukekono. 20#Moll. 2:2Su toro toga abolo puruv Moosesollu somarokakwono. Kwolaiyo su tool Gooti toolluro sumdo tovi sugumaluko sumo'nyajukekono. Toro toollu gami ganum kwolabolo teyaul kemi ago tovi kuulomollomwalodubul lobako pworapwol kuuwolo'nokaikono. 21#Moll. 2:3-10Toro me'no kuuwolo'noka toga kwa'mgu tomuu abilomodukwopiyopekono. Toro abilomodukwopiyopo toollu Feroo toolluro taiyo tov maro'no gami kwolaiyo kuunodo pwolbusuko amollumwojajukokwono. 22Toro mollumwojoduke toollu yiuwi'nokai Ijupda'ai a'mwo pi'mwo kuudokwe tooro bodupu kuuguudo sodubwasajuporogano. Toro yodubwasodopure tovi Moosesol wuu'nodowo yogalo pi'mwono jokwe sumo'nyajukekono. Aki toro tool womdo judo'no judo'nodo ton yo'mo jurogudokwe sumo'nyajukekono.
23 #
Moll. 2:11-15
Toro tool mwalno mwalno sumaiyokwe 40-pela kworomo tobuul uuwolo'no'no gavuge avalo Isuraiyolda'ai tobuurai iru'mato'mo kwinokaikono. 24Toro tool iru'mato'mo plaino sumaiyokwe kwonoka tov Ijupda'ai a'mwo pwol Isuraiyolda'ai pwekwoji kaiyako igoloduke tekwoji kwonokaikono. Toro wonyuno sumaiyokwe Moosesol gavuge Isuraiyolda'ai tekwoji molluulno sumaiyokwe mido mallo'mo tool a'mwo Ijupda'ai toollu yiuno'no aromiyosokaikono. 25Toro romiyosuno sumaiyokwe kuudo saurokaikono. Oo Isuraiyolda'ai ton mino aro kuudo yanuupinogano. Gooti tool Moosesollu'aro bomollurolovonekumokalokwono'mo jadopiyo. Kuudo yanuupinogano. Moosesol toro kuudo sauroka kuvi kuruv Isuraiyolda'ai tono'gwowi su toro kuudo miyauropogano. 26Toruda'ai aki iruko aikomguda'ai tollugwoji Isuraiyolda'ai pwekwojal kevnokwe tooral mebweyogalo kuullajunyuno sumaleyokwe molo inodole toorallu Moosesol abuuru'marokaikono. Toro toorallu buuru'ma'no sumaiyokwe kemoro sumwoluko tov noullo neya wosunbuleyokweyo'mo aro abuudokaikono. E, kevu iko avalo tovasuda'ai tekwojakul buro'nyo'mo molo doullunadokuulo? 27Toro kuudoganoka kuvi kuruv a'mwo molo kuuno amolloluwosoka su tool Moosesollu yetowapino sumaiyokwe aro kuudokaikono. “Tarevono, guu tooku nemi mido mollonekumwalo'bi kooti yogalo danekullo'moneyokwe ala'mwol ajagubwemokaikudeyo? 28Toro tova'gu suro toga Ijupda'ai a'mwo pwollu aromiyosumwa'judo to'busuko kubalno aga nuu kwonyuda'ai romiyanubwebino'mo tova'gudukono?” Kuudokaikono. 29#Moll. 18:3,4Toro kuudoka tovi Moosesol wuu'nyuno sumaiyokwe luko yo'no lukado avlavokaikono. Toro tool lukado plaino sumaiyokwe kwako Midiyan tomuu ai'movokaikono. Toro ki'mo'mno sumaiyokwe su tomuu bomwallo sumo'nyajukekono. Toro mwalno sumaiyokwe kwolaiyo pworallu sawosunokaikono.
30 #
Moll. 3:1-10
Toruda'ai 40-pela kworomo tobuul me'no avlavoka toga Moosesol kwako a'mwomaiyo kuu'maiyo toru muumuudo Sainai toollu dolago tomuu ki'movo'no amwallajukekono. Toro mwaloduke toollu ensel pwol wolabo'no abwolluru'marokaikono. Ensel su tool i'jurako tov widuko bomjonugeloduke tovi'aro Moosesollu kwiyalo'nokaikono. 31Moosesol toro tovi wonyuno sumaiyokwe luko amorumoukuropiyokaikono. Toro tool buro'nyo'mdukoneyokwe kuudo yau'no sumaiyokwe wobo toru kuula'no kamwoga somuugonallajukekono. Toro yomuugona'duke toga Aguto Gooti toolluro yogaimaguurai puruv aro wuudoduke tovi kuu'nokaikono. 32Nuu gumi jukweyago Eburaiyameke Aisakeke Jekoopeke tooravuro Gooti toonyugono. Moosesol toro tovi wuu'nyuno sumaiyokwe luko bu'buto yo'no sumdo yenomollo'mo mwinokaikono. 33Toro yoduke toollu Aguto tool aro kuudokaikono. “Guu adakuudo kwako akaru moro pwekwapto torukono. Toro tovino tov gumi suulpweyo tov neya jurolosono.” Kuudokaikono. 34Gooti tool toro wuujuno sumaiyokwe aki aro kuudokaikono. “Ijupda'ai tooro moro a'mwo abolo tobuurai kaiyako igolodopure tonyu me'no wonodumdonyugono. Aki toro tobuuravuro kumdato kwaru kwarupto dai'dopure tonyu me'no wuu'nodumdonyugono. Su toro tobuurai mollurolovomollo'moneyokwe guu Moosesekuji mogwapiyo'mo kwolamonyugono.” Aguto tool Moosesollu toro kuudokaikono.
35 #
Moll. 2:14
Mooses su tool aiyoga Isuraiyolda'ai a'mwo abolo tonyu wiyo'mwojo'mo yoduke kwollu kuruv kisuvolo kwiyopogano. Toro wino sumaveyokwe aro kuudopogano. “Guu tooku nemi mido mollonekumwalo'bi kooti yogalo danekullo'mo su tov ala'mwolluro ajagubweyoka tovida'ai nekullumo'nubino'mekudeyo?” Kuudopogano. Isuraiyolda'ai ton kisuvolo toro kwiyopo kuvi kuruv a'mwo abolo su tonyu mido mollomwalowo'ji aki Ijupda'ai bomollurolovomokalokwiyo'moneyokwe tov Moosesol kwekono. Su tool Gooti toolluro me'no ajesungikekono. Toro toollomno Gooti tool gamoro ensel pwollu amoruuwopiyabokaikono. Ensel su tool i'jurako widuko bomjonugeloduke tovi'aro kwiyalo'nokaikono. 36#Moll. 7:3; Moll. 14:21Toro te Moosesol Ijup toru duuwallo jurogudo judo'no judo'nodo ton wuuduuwalluno sumaiyokwe Isuraiyolda'ai tonyu bomollurolovomokalokwo'no amollubworomokwanokaikono. Toro mollubworomokwanyuno sumaiyokwe Soolwara Weyako toruke'aro kwako a'mwomaiyo kuu'maiyo toruke'aro toru 40-pela kworomo tobuullu mollubworomokwanyuno sumaiyokwe duuwallo jurogudo judo'no judo'nodo pun kuuduuwallajukekono. 37Aki Isuraiyolda'ai tonyu aro kuudokaikono. “Gooti tool mi amonuwopiyaboka to'busuko kubalno kemoro tellukweyago kwolaiyo pwollu kemi proofet ikullumo'nyo'moneyokwe nomekwopiyabwonekono.” Kuuguudo su tov Mooses gavnokwe tool kuudokaikono. 38#Moll. 19:1—20:17Aki nemi nellukweyago tooro kwako a'mwomaiyo kuu'maiyo toru i'bwo'nomwalodopure toga Moosesol muumuudo Sainai toollu ilno sumaiyokwe ensel pwollu wuuru'maro'no gamoro kuuguudo tov amarokaikono. Kuuguudo su tov yiunokuudo mujo'movlaiyo'mokwono. Toro tokwe mokwolabino sumaiyokwe nemi nellukweyago toorai abwolomoruudokaikono. Aki kuuguudo su tov nemi anekullabokaikono.
39Toro kuvi kuruv nemi nellukweyago tooro kaduko mwiyajupekono. Toro toollu kisuvolo wiyo'mno kemoro poowokalago ton Ijup'no aikomgu plaiyo'mo to'no kwinyajuporogano. 40#Moll. 32:1Toro tooro Eroonollu aro kuudoporogano. “Moosesol kwako Ijupda'ai nemi nekumokabo'no muumuudo toollomno suloka su toollu buro'nyo'mno'juki dukwimo'nadopiyo. Nevu a'mwo su toolluno kuudo miyau'mawono. Toro tovino tov nemi sumdomgu mollubworonekumokavlaiyo'moneyokwe tov guu gooti pworai jokwollonekudapiyono.” Kuudoporogano. 41#Moll. 32:2-6Toro wuujuno sumaveyokwe kuunano gooti pwol buulmokau taiyo toolbusuko kula'nokakwe pwollu sokwolludapiyoporogano. Toro yokwolludapino sumaveyokwe ibesa'aiyo pworo romiroudapiyo'mno kevnokweravuro ato tokwe kuunano gooti sokwolludapiyopo su toolluno ilaiyo soporogano. 42Ilaiyo toro sopo kuvi kuruv Gooti toolno'gwowi nemi nellukweyago su toorai buulo kuugunyumopiyokaikono. Aki toro tooro sulugumdo tovida'ai kuujo tooke lobako tooke sullugabwo togai tonyuno ilomoropiyodopure toorai Gooti tool nokwo wonyapino sajukekono. Gooti toolluro toro sajuko tov proofet tooravuro buukiyo tovida'ai kuuguudo me'no wo'dowodo tomgu'aro to'no kuvinono sokaikono. Proofet tooravuro buukiyo tovida'ai kuuguudo tov arokwono.
“Oo Isuraiyoloravoo, kevu kwako a'mwomaiyo kuu'maiyo toru bai'movo'mno 40-pela kworomo tobuullu amwallajuporekikono. Toro mwalodupudo toga mi nyabiyo'moneyokwe sipsip buulmokauworodeyo pworai aromiroudapiyajuporekuldukono? Awiyo, miyo'mo kuunodo maromiroudapiyajuporekikono.
43Toro kworekul kuruv kemi kuunano gooti toollu ilomoropiyo'moneyokwe sel ago puvi amokavlaiyajuporekikono. Kuunano gooti su toolluno yovo tov Moolekolekono. Toro mokavla'mdupu aki sullugabwo toolbusuko kula'nokakwe kuunano gooti pweke'aro amokavlaiyajupekono. Kuunano gooti su toolluno yovo tov Refanolekono. Toro toorallu ilomoropiyodapudorekikono. Toro toorekul kemi ikomago toorai dolago tomuu mwalmwalpino'moneyokwe Bebeloon toru imgu tomuu merekumwallumorekikono.”
Proofet tooravuro buukiyo tovida'ai kuuguudo tov torokwono.
44 #
Moll. 25:9
Toruda'ai nemi nellukweyago tooro kwako a'mwomaiyo kuu'maiyo toru mwalo'mno sel ago puruv amodoporogano. Sel ago su tovi wonodupu, “Gooti tool nevuge domwallo,” ajajupogano. Sel ago su tovi Moosesol yasuwa'no amodokalmaiyo. Toro kwol kuruv yiuno Gooti toolluro kuuduuwalloka tomgu'aro to'no uumjuno'no kuvinono amodokaikono. 45Toro amodoka tovi nemi nellukweyago lukomguda'ai sumo'nopo kworo kuruv sel ago avalo su tovi amokavlaiyajuporogano. Toro mokavla'mdupu Joosuuwal nemi nellukweyago toorai amollubworomokavlaiyajukekono. Toro mollubworomokavla'mdowo Gooti tool a'mwo gabovo mwalodupudo toorai amovomjapiyajukekono. Toro movomjapiyodowo nemi nellukweyago tooro kwako su tonyu amaroporogano. Toro malluno sumaveyokwe Gooti toollu ilomoropiyo'moneyokwe sel ago tov kwako su toru aiko te amodoporogano. Sel ago su tov tono tono mujo'melaboduke toga a'mwo aguto kig Devitol sumo'nokaikono. 46#2Sam. 7:1-16Gooti tool a'mwo aguto kig Devitolluno ilaiyo winodowo gamoro yasuwa'wino sugumaluko pun kuubweyajukokwono. Toro te a'mwo aguto kig Devitol gami jukweyago Jekoopolluro Gooti toolluno ilomoropiyo'moneyokwe ago kuunodo puruv mojo'mo kwinokaikono. A'mwo aguto kig Devitol ago su tovi mojo'moneyokwe Gooti toollu kuudoganokaikono. 47Toro kuudoganoka kuvi kuruv ago su tovi mojo'moneyokwe to'gwowi gamoro muugunyo Sooloomonekono. Toro te Sooloomonol ago kuunodo su tovi amodokaikono.
48Toro amodoka kuvi kuruv Yiuwi'nokai Tonyu Uuwolo'mdowodo Gooti tool a'mwo pworavuro ago mododupudo tonyu mamwallokwekono. Su toro tovino proofet pwolluro yogalo adoka tov arokwono.
49“Aguto Gooti tool adokaikono. Nuu sulugumdo akai'muu mwalodumdo toonyu yiuwi'nokai tonyu mido mollomwalodumdonyugono. Aki yiuwi'nokai kwako akavida'ai ton moro dolago tomuu wo'dupudogano. Toro tovino tov miyo'mo ago puruv ku'nono mamodupinorogano. Aki nuu iruko mwallo'moneyokwe puru kwako akavi nonagutomuugono. 50Nuvnokwe toonyu yiuwi'nokai kwako akavida'ai wo'dupudo ton sokwollaikubweyonyugono.”
Proofet toolluro yogalo adoka tov torokwono.” Stivenol toro kuudokaikono.
51Stivenol kaunsel toorai toro wuujuno sumaiyokwe aki aro kuudokaikono. “A'mwo akarekul dogaipo'nyo yopiyodupu kemoro poowokalago ton lumdo kuulopiyodupudorekikono. Toro toorekul a'mwo pworo Gooti toolluno kuudo muubweyodupudo toorobusuko kubalno yopiyodupudorekikono. Aki aiyoga kemi tellukweyago tooro kisuvolo sajupo toorobusuko kubalno kev kworekul kuruv yiuwi'nokai toga Gooti toolluro Kuullo toollu kisuvolo to'no wiyodupudorekikono. 52Aiyogasuro kemi tellukweyago su tooro yiuwi'nokai Gooti toolluro proofet sumo'nugelabiyajupo kworai kuruv kaiyako sugollajuporogano. Yiuwi'nokai Gooti toolluro proofet pwolno pwolnodo toorai kaiyako toro sugolmelabiyajuporogano. Proofet su tooro aro amoruudomollajuporogano. “Gooti toolluro Sugudo Kuunodo tool nobwonekono.” Toro moruudomollodopure kworai kuruv kemi tellukweyago tooro aromiyosajuporogano. Toro kuvi kuruv aga'no'gwowi Gooti toolluro Sugudo Kuunodo amoruudomollajupo su tool me'no abokaikono. Toro aboka toollu kevu buulo uugunyumopiyo'mno aromiyosopekono. Toro te aga kevu kwolluro romiyosokwe wimo'nodupudorekikono. 53Nuugeravoo, neya duu'nyulo. Gooti tool kemiyo'moneyokwe gamoro loowo su ton ensel pworai uubweyoduke tonyu kevnokwe toorekul amaropokwono. Toro kworekul kuruv loowo su tonyu kisuvolo me'no wiyodupudorekikono.” Stivenol toro kuudokaikono.
Stivenollu sulo tokwe aluvoromiyosopo tovinokwono
54Toro kuudoka tovi kaunsel tooro wuu'no'mno Stivenolluno surodo bwotonyo kuunoporogano. Aki surodo kuunopo su tooro kemoro mago ton tuko ado'noporogano. 55Toro kuvi kuruv Stivenolluno'gwowi Gooti toolluro Kuullo toollu uumjunyo'moneyokwe kuudo ton gamoro poowokalago tovi aullo'mowopiyokakwono. Toro kuullo'mowopiyoduke toga Stivenol muunyu kai'muuno to'no suloonyopiyokaikono. Toro iloonyopino sumaiyokwe Gooti toolluro bako bwotonyo puruv pwopiyoduke tovi kwonokaikono. Aki toro tovi wonyuno sumaiyokwe Jisasol Gooti toolluro anato toru da'mduke toollu kwonokaikono. 56Toro tovi wonyuno sumaiyokwe kaunsel su toorai kuudokaikono. “Oo kevu donuu'nyulo. Nuu sulugumdo tov kudo'aiko kuusoda'mdowo A'mwo Kwolaiyo Kuunodo tool Gooti toolluro anato toru da'mduke toollu kwonmwakono.” Kuudokaikono.
57Toro kuudoka kuvi kuruv a'mwo su tooro yogalo su tovi muu'nyo'mo tooro kemi kaduko ton ato tokwe illulovomwora'no sumaveyokwe deko bwotonyo adelowo'naropogano. Toro delowo'na'no sumaveyokwe Stivenollu galomworallo'moneyokwe yere kuuwoporogano. Toro wino sumaveyokwe agalomworaropekono. 58Toro galomwora'no sumaveyokwe wagwolago tovi kwa'mgu tomuuno abome'nomokalokwopekono. Toro abome'nomokalokwopo tooraida'ai pwolluno yovo tov Soololekono. Aki a'mwo abome'nomokalokwopo su tooravuro pworo sumdomgu kaunsel toorai Stivenolluno kuunano yogalo soukuu'nuudopo toorogano. Toro tooro Stivenollu romiyoso'moneyokwe kemoro nobwaiyo ton Soololluro suvlo tovi wobo toru adosubweyoporogano. Toro me'no dosubweno sumaveyokwe a'mwo abome'nomokalokwopo su tooro Stivenollu sulo togai aluvaromiyoporogano. 59Toro luvaromiyodopure toga Stivenol subusu'nyogalo aro kuudokaikono. “Mi Aguto Jisasoloo, moro kuullo tool gumiyomno domokailawono.” Kuudokaikono. 60Toro wuujuno sumaiyokwe Stivenol gami suduko tov inuguto'no'no aiyowo'mo deko guureji puruv aro adokaikono. “Mi Agutoloo, a'mwo ma'no ma'no sadokwopo akaraino kalo neya agujunono. Aki kemoro ma'no ma'nodo tovuro mubiyo tov nuubwebiyo.” Kuudokaikono. Toro wuujuno sumaiyokwe Stivenol yiuno'no abolokaikono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida