Kuurotokwe 8
8
1Stivenollu toro aromiyosopo tovino Soolol ilaiyo ibwosuno'no aro adokaikono. “Wi, a'mwo akallu aromiyosumapo tov ilaiyokwono.” Adokaikono.
Soolol Jisasolluro a'mwo abolo tonyu kaiyako sugollajuko tovinokwono
Toruda'ai Stivenollu aromiyosopo iruko avalo su tollugwoji yiuwi'nokai wagwolago Jeruusalemda'ai Jisasolluro mollu'bwoto kunyu kuruv kaiyako sugoloporogano. Toro igolodopure toga Jisasolluro a'mwo abolo su tobuuro jul'nyo bwotonyo amaropogano. Kaiyako igolodopure tovino tov yiuwi'nokai Jisasolluro a'mwo abolo su tobuuro gomno gomno lukado plavo'mno proovins Juudiyake'aro proovins Samariyake'aro yiuwi'nokai su tomuu sounopiyopogano. Toro sounopiyopo kuvi kuruv a'mwo kuurotokwe toorono'gwowi wagwolago Jeruusalem tovi muugollu'movo'mno kuuno amwallajuporogano. 2Aki a'mwo gabovo pworo Gooti toollu pi'mwono uumjunodupudorogano. Toro tooro Stivenolluro kulako aboloka tovi boma'no sumaveyokwe kumdato bwotonyo mojo'mno buuso tovi amolsosopekono. 3#Krt. 22:4,5, 26:9-11Toro sopo kuvi kuruv Soololno'gwowi Jisasolluro mollu'bwoto tonyu romiyebuuropiyo'mo kwinokaikono. Toro tool a'mwo abolo su tobuuravuro ago go'no go'nodo tonyu kuulodawo aulogalomallajukekono. Toro kuulogaloma'dowo wuulo killo'mo ago tovi amerosajukekono.
Gooti toolluro kuuguudo sugudo tov kwako Samariya toru amodomollopo tovinokwono
4Toruda'ai Jisasolluro a'mwo abolo lukado me'no sounopiyopo tobuuro gomno gomno tomuu mwalno sumaveyokwe kuuguudo sugudo tov amoruudomollajupogano. 5Toro amoruudomollajupo togasuro a'mwo pwolluno yovo tov Filipolekono. Toro tool Samariyada'ai tooravuro wagwolago bwotonyo puvino kuulno sumaiyokwe Krais toolluno kuuguudo sodubwasajukekono. 6Toro yodubwasoduke tovi wagwolago su tovida'ai a'mwo abolo kwolallo bwotonyo ton bi'bwo'nodupu po'dogalo au'nallajupogano. Aki toro ton Filipolluro duuwallo jurogudo pun wuuduuwalloduke tonyu amuugonallajupogano. 7Su tov aro tovinokwono. Filipol a'mwo abolo tobuuravuro kuullo ma'no ma'nodo kuulomwalodupudo toorai, Buugollu'mokalokwilo, wuudoduke toga kuullo ma'no ma'nodo su tooro deko bwotonyo dodupu a'mwo abolo bwotonyago tobuuraida'ai abuugollu'mokalokwiyajuporogano. Aki a'mwo abolo suvlato abolopingikokwe togai'aro suvlo nomuullugollokwe togai'aro bwotonyago tonyu Filipol sukullajukekono. 8Filipolluro toro ikuloduke tovino wagwolago su tovida'ai a'mwo abolo kuulomwalodupudo ton kemoro poowokalago tov ilaiyo bwotonyo subwosunyajupogano.
9Toro kuvi kuruv wagwolago su tovida'ai a'mwo bulaptokwe amwallajuko pwolluno yovo tov Saimoonolekono. A'mwo su toolluro bulapto yoduke tovi wagwolago Samariyada'ai a'mwo abolo ton wonodupu luko amorumoukuropiyajupogano. Toro te Saimoonol gavnokweyolluno ilomoropinodawo aro ajajukekono. “Oo nuu a'mwo aguto kuunodo toonyugonoo.” Ajajukekono. 10-11Aki yiuwi'nokai a'mwo yovokwe toorogai'aro yovomaiyokwe toorogai'aro a'mwo su toolluro yoduke tonyu wonodupu aro ajajuporogano. “Oo Gooti Jurogudo Kuunodokweyolo dodowado su tool Saimoonol kwekono.” Ajajuporogano. Aki a'mwo su toolluro manyu togada'ai bulapto mujumovla'mduke tonyu wonodupu kuudo kwolallo sourukwapiyajuporogano. Toro tovino tov kemoro kaduko ton a'mwo su toollu yere kuubweyajuporogano. 12Toro uubweyodopure toga Filipolno'gwowi bino sumaiyokwe kuuguudo sugudo tov amoruudokaikono. Kuuguudo sugudo su tov aro tovallunokwono. Aguto kig Gooti toolluro mido mollomwalo tokwe'aro Jisas Kraisolluno yovo tokwe'aro tovalluno amoruudokaikono. Toro moruudoduke tovi a'mwo abolo ton wuu'nodupu, Oo nebalo'mdeyo, kuudo kuubweyajupogano. Toro kuudo uubweyodupudo su ton wonyo kuuvollunyajupogano. 13Aki a'mwo bulaptokwe Saimoonol kwol kuruv kuuguudo sugudo su tovi kuudo uubweyo'no wonyo kuuvollunokaikono. Toro tool Filipollu wobo toru kuumjunyajukekono. Toro uumjunodowo Filipolluro duuwallo jurogudo go'no go'no wuuduuwalloduke tonyu wonodowo luko amorumoukuropiyajukekono.
14Aki Filipol Samariyada'ai a'mwo abolo tonyu Gooti toolluro yogalo tokwe sodubwasajukekono. Toro yodubwasoduke tovi Samariyada'ai a'mwo abolo ton wuu'nodupu yogalo su tov kemiyo'mo ilaiyo amollomallajupogano. Toro molloma'dopure tonyuno Jeruusalemda'ai a'mwo kuurotokwe tooro kuu'noporogano. Toro wuu'nyuno sumaveyokwe a'mwo kuurotokwe pworallu Samariyada'ai a'mwo abolo su tonyomno amorapiyoporogano. Kuurotokwe su tooralluno yovo tov Pitaike Jooneke toorakono. Toro amorapiyopo tooral plaino sumaleyokwe wagwolago Samariya toru ai'movolorakono. 15-16Toro ki'mo'mno sumaleyokwe Jisasolluro a'mwo abolo su tonyuno subusu'nyogalo amadolorakono. Subusu'nyogalo amadolo su tov aro tovinokwono. A'mwo abolo su ton Gooti toolluro Kuullo tool yere mauluumwaloduke kun kuruv Aguto Jisasolluno yovo tovida'ai yiuno wonyo to'no kuuvollunopogano. Toro tovino tov Gooti toolluro Kuullo tool a'mwo abolo su tonyu kuuluumwalono'moneyokwe subusu'nyogalo amadolorakono. 17Subusu'nyogalo toro majuno sumaleyokwe Pitaike Jooneke tooral kemoro ato tokwe a'mwo abolo su tobuuravuro mido tonyu kuubogai'nolorakono. Toro uubogai'nodole toga Gooti toolluro Kuullo tool a'mwo abolo su tobuuravuro poowokalago tovi auluumwalokaikono.
18Kuurotokwe tooralluro toro yodole tovi Saimoonol muugona'no sumaiyokwe kuudo saurokaikono. Oo a'mwo su tooralluro ato uubogai'nodole tovida'ai a'mwo abolo tonyu Gooti toolluro Kuullo tool doma'mavo. Toro kuudo yau'no sumaiyokwe Saimoonol gami nuugwiyo pun momworaro'no a'mwo kuurotokwe toorallu uubiyo'moneyokwe kuumokabokaikono. 19Toro uumokabino sumaiyokwe aro kuudoganokaikono. “Kev toorakulluro jurogudo su tokwe a'mwo abolo punyu Gooti toolluro Kuullo tool uubweyodubulo to'busuko kubalno nuu kwonyu kuruv aval'no yo'mo anyunadopiyo. Toro tovino tov womdo su tovi yo'moneyokwe kemoro jurogudo tov neya donyabilo.” Kuudoganokaikono.
20Toro kuudoganoka kuvi kuruv Pital aro kuudokaikono. “Nemoro jurogudo mollodowado akav Gooti gavnokwe toolluro yasuwa'no nekullabodowodokwono. Su toro tovino guu nuugwiyo tokwe biyomallo'mo kuudo sau'mwakudo tov ku'nono mama'binekugono. Toro kuvi kuruv guuge'aro gumi nuugwiyo tokwe'aro tovakulno'gwowi kaiyako yiunokuudo ju'nugovlaiyulo. 21Gumoro poowokalago tov Gooti toolluro sumdo tovi idopto'no mimo'nodumdekugono. Toro tovino tov guu navubusuko avaiwomdo tov ku'nono mibinekugono. 22Toro kweku kuruv gumi ma'no ma'no pasudo kuulagwo'dowodo su tonyu buulo uugunyumopiyo'bi Gooti toollomno kuudo neya jouragunyumo'nono. Aki gumoro poowokalago tovida'ai ma'no ma'no yo'mo kuulagwo'dowodo su tovuro kirumwallo tovi Aguto tool amanyudukwopiyoneyokwe tovino subusu'nyogalo neya duudogawono.” 23Pital toro wuujuno sumaiyokwe aki aro kuudokaikono. “Oo nuu aga gumino kuudo me'no sourogumakono. Guu Gooti toolluro jurogudo tov yasuwa'no nekubweyodowodo tovino kwanyu sumdo kinuwiyodumdekugono. Toro tookuji ma'no ma'nodo su tov wuulo kirogumwallodowodekudeyo, kuudo saguu'monoo.” Kuudokaikono. 24Pitalluro su toro kuudoka tovino Saimoonol aro kuudokaikono. “Awi, kemoro yiuwi'nokai anyudumalo su tov kuvinono nonyumo'no'jo. Toro tovino tov Aguto tool neya nyo'mwojono'moneyokwe kevu subusu'nyogalo neya duudogaulo.” Kuudokaikono.
25Toruda'ai Pitaike Jooneke tooral dodoluwosunyo'mo kuuguudo tokwe'aro Aguto toolluro kuuguudo sugudo tokwe'aro tonyuno sodubwasajulorakono. Toro tooral me'no yodubwasuno sumaleyokwe kemi wagwolago Jeruusalem'no aikomgu plaiyo'moneyokwe kuugollu'movolorakono. Toro tooral plaino sumaleyokwe Samariyada'ai wagwolago puvi kuulalno amoruudomollolorakono. Toro me'no moruudomolluno sumaleyokwe puuto tomuu kuuno pla'mdubul Samariyada'ai ajumiyo bwotonyago tonyu kuuguudo sugudo tokwe sodubwosuwoleyajulorakono.
Filipol a'mwo Afrikada'ai pwollu kuuguudo sugudo tov sodubwasoka tovinokwono
26Toruda'ai Aguto toolluro ensel pwol Filipollu aro kuudokaikono. “Guu kado pla'bino'mo yovrowoso'bi imomgu wonyo kwolmoka saut tomguno doolawono. Toro wola'bi wagwolago Jeruusalemda'ai Gasa'no wollo'moneyokwe puuto puvi wolai'mo'binekugono.” Kuudokaikono. Puuto kuudoka su tov kwako a'mwomaiyo kuu'maiyo tomuu wo'dowodokwono. 27Toro te Filipol kuvinono uumjuno'no me'no yovrowosunyuno sumaiyokwe avlavokaikono. Toro plaino sumaiyokwe puuto tovi wola'no a'mwo Afrikada'ai pwollu kwonaikono. A'mwo su tool Afrikada'ai abolo aguto kwin tovuro womdokwe pwekono. Aki toro tool abolo aguto su tovuro womdo wiyodowodo toolluno tov gamoro nyopto tov me'no amovlosopiyopekono. Aki toro tool abolo aguto su tovuro kuto ivito nuugwiyodeyo tonyu mido mollomwalokwekono. A'mwo su tool Gooti toollu ilomoropiyo'moneyokwe wino'no Jeruusalem'no sulabokaikono. 28Toro tool me'no illogalabino sumaiyokwe gami agomno aikomgu wollo'mo tool gami karis toollu ilomwalno sumaiyokwe sa'ai hoos tooral ame'nomokwanolekono. Toro me'nomokwanodole toga a'mwo su tool proofet Aisaiyalluro kuuguudo ajakwolloka puvi amomjojogilmovlaiyajukekono. 29Toro momjojogilmovla'mduke toga Gooti toolluro Kuullo tool Filipollu kuudokaikono. “Guu a'mwo akaigwollomno uuwo'bi gami karis toollu wobo toru dodovawono.” 30Toro kuudoka tovi Filipol kano kano wino sumaiyokwe a'mwo su toollu wobo toru adavokaikono. Toro da'mduke toga a'mwo Afrikada'ai su tool Aisaiyalluro puukwollo ajakwolloka tovi mojagiloduke toollu au'nodaiyajukekono. Filipol toro tovi kuu'noda'mno sumaiyokwe a'mwo su toollu samuugojokaikono. “Guu kuuguudo amojagiladokuudo su tovino kavlo tov jukiyouroma'mwakuno?” 31Toro kuudoganoka tovi a'mwo su tool kuudokaikono. “Awiyo, kavlo tovino miyouroma'mwakono. Toro kuvi kuruv a'mwo pwol kuuguudo akavino sodonubwaso'ji to'gwowi nokwo youroma'monyugono.” Toro wuujuno sumaiyokwe aki Filipollu aro kuudoganokaikono. “Guu nuuge nokwo plawosunekudeyo?” Toro kuudoganoka tovi Filipol kaduko wino sumaiyokwe a'mwo su toolluro karis toollu sulomwalokaikono.
32 #
Ais. 53:7,8 Toro ilomwalno sumaiyokwe a'mwo Afrikada'ai tool Gooti toolluro kuuguudo amomjojogilmovlaiyajuko tov arokwono.
“Oo toro tekwoji kaiyako igolodopure toga dado ibwosuno'no gamoro yogalo puru'monodo kuruv maravokaikono. Toro tekwo aro to'busuko sumo'nokaikono. Sipsip pwol gamoro ato tov dovoruupiyomallo'mo toga deko madonekono. Aki sipsip muugunyo pwol noromiyoso'mo meromokavla'mdopure toga deko madonekono. Toro to'busuko kubalno a'mwo su tekwoji noromiyoso'mo yodopure toga gamoro yogaimaguurai puru'monodo kuruv maravokaikono. 33Aki toro tekwoji kuunano kooti yogalo aduuwiyopo toga a'mwo pworo buulo tomuu sobanyo mamollodavopekono. Toro tekwo ma'no ma'no puru'monodo kuruv miyodowodo toollu wogulo duuwo'galo'mno kwako akavi manyu toga mamjomwekovlawo'jokwe aromiyosopekono. Toro aromiyosopo su toolluda'ai kwikweyago kwoloraiyo pun ku'nono mimo'nugelabupinogano. Toro tovino tov a'mwo pworo gamoro kwoloraiyo mimo'nupi su tonyuno kuuguudo mamjodumovla'mwalpinogano.”
Gooti toolluro kuuguudo tov su toro sakwollungikokwono.
34Toro te a'mwo Afrikada'ai tool kuuguudo su tovi mojagilno sumaiyokwe Filipollu aro samuugojokaikono. “Guu kuuguudo akavuro kavlo tov nokwo nyudubinekudeyo. Proofet su toolluro kuuguudo ajakwolloka akav gavnokweyolluno ajakwolloka'mdukono oo a'mwo pwolluno ajakwolloka'mdukono?” Samuugojokaikono. 35Toro samuugojoka tovi Filipol kuudokaikono. “Proofet toolluro kuuguudo ajakwolloka su tov Jisasollunokwono.” Kuudokaikono. Filipol toro wuujuno sumaiyokwe a'mwo Afrikada'ai su toollu kuuguudo sodubwosumovlavokaikono. Muudu'no Aisaiyalluro kuuguudo ajakwolloka su tovida'ai yodubwosumovla'mno yodubwosumovla'mno sumaiyokwe yiuno Jisasolluno kuuguudo sugudo tovino sodubwosopiyokaikono. 36-37Toro yodubwosumovla'mno sumaiyokwe puuto tomuu kuuno plavolno wonyo buugo pwol wo'duke toollu wobo toru ai'movolorakono. Toro ki'mo'mno sumaleyokwe a'mwo Afrikada'ai tool Filipollu kuudokaikono. “Guu wonyo buugo kwosuko akaigwollu doonyopiyawono. Toro te aga nokwo'mo'mno'juki buugo su toollu guu wonyo mogalanuvollubino'mo anyunadopiyo.” Kuudokaikono.
38Toro wuujuno sumaiyokwe a'mwo Afrikada'ai tool a'mwo karis gunyukuromokavla'mduke toollu aduumjukurokaikono. Toro me'no duumjuku'no sumaiyokwe yiuwi'nokai tooral wonyo buugo su toollomno wolno Filipol a'mwo Afrikada'ai toollu amogaluvollokaikono. 39Toro mogaluvolluno sumaiyokwe wonyo buugo toolluda'ai ilabolno kuga'gwo kuuno Aguto toolluro Kuullo tool Filipollu pumuuno yere amokavlavokaikono. Toro amokavlavoka toga a'mwo Afrikada'ai tool Filipollu aki aiko te mwonokaikono. Toro sumo'noka tovi wono'no gami poowokalago tovi ilaiyo ibwosuno'no puuto tovi aiko te avlavokaikono. 40Toro kuvi kuruv Gooti toolluro Kuullo tool Filipollu pumuuno mokavla'mno sumaiyokwe Filipol aro tovi kwonomarokaikono. “Oo wagwolago Asidoot toru dobai'mo'monoo.” Kwonomarokaikono. Toro wonoma'no sumaiyokwe su towai kuuguudo sugudo tokwe amodomollokaikono. Aki toro tool puuto tomuu kuuno plavo'no yiuwi'nokai wagwolago go'no go'no ki'mo'mdowodo tonyu kuuguudo sugudo tov amodomollajukekono. Toro modomolluno modomolluno sumaiyokwe yiuno wagwolago Sisariya towai'no amodomollokaikono.
Currently Selected:
Kuurotokwe 8: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 8
8
1Stivenollu toro aromiyosopo tovino Soolol ilaiyo ibwosuno'no aro adokaikono. “Wi, a'mwo akallu aromiyosumapo tov ilaiyokwono.” Adokaikono.
Soolol Jisasolluro a'mwo abolo tonyu kaiyako sugollajuko tovinokwono
Toruda'ai Stivenollu aromiyosopo iruko avalo su tollugwoji yiuwi'nokai wagwolago Jeruusalemda'ai Jisasolluro mollu'bwoto kunyu kuruv kaiyako sugoloporogano. Toro igolodopure toga Jisasolluro a'mwo abolo su tobuuro jul'nyo bwotonyo amaropogano. Kaiyako igolodopure tovino tov yiuwi'nokai Jisasolluro a'mwo abolo su tobuuro gomno gomno lukado plavo'mno proovins Juudiyake'aro proovins Samariyake'aro yiuwi'nokai su tomuu sounopiyopogano. Toro sounopiyopo kuvi kuruv a'mwo kuurotokwe toorono'gwowi wagwolago Jeruusalem tovi muugollu'movo'mno kuuno amwallajuporogano. 2Aki a'mwo gabovo pworo Gooti toollu pi'mwono uumjunodupudorogano. Toro tooro Stivenolluro kulako aboloka tovi boma'no sumaveyokwe kumdato bwotonyo mojo'mno buuso tovi amolsosopekono. 3#Krt. 22:4,5, 26:9-11Toro sopo kuvi kuruv Soololno'gwowi Jisasolluro mollu'bwoto tonyu romiyebuuropiyo'mo kwinokaikono. Toro tool a'mwo abolo su tobuuravuro ago go'no go'nodo tonyu kuulodawo aulogalomallajukekono. Toro kuulogaloma'dowo wuulo killo'mo ago tovi amerosajukekono.
Gooti toolluro kuuguudo sugudo tov kwako Samariya toru amodomollopo tovinokwono
4Toruda'ai Jisasolluro a'mwo abolo lukado me'no sounopiyopo tobuuro gomno gomno tomuu mwalno sumaveyokwe kuuguudo sugudo tov amoruudomollajupogano. 5Toro amoruudomollajupo togasuro a'mwo pwolluno yovo tov Filipolekono. Toro tool Samariyada'ai tooravuro wagwolago bwotonyo puvino kuulno sumaiyokwe Krais toolluno kuuguudo sodubwasajukekono. 6Toro yodubwasoduke tovi wagwolago su tovida'ai a'mwo abolo kwolallo bwotonyo ton bi'bwo'nodupu po'dogalo au'nallajupogano. Aki toro ton Filipolluro duuwallo jurogudo pun wuuduuwalloduke tonyu amuugonallajupogano. 7Su tov aro tovinokwono. Filipol a'mwo abolo tobuuravuro kuullo ma'no ma'nodo kuulomwalodupudo toorai, Buugollu'mokalokwilo, wuudoduke toga kuullo ma'no ma'nodo su tooro deko bwotonyo dodupu a'mwo abolo bwotonyago tobuuraida'ai abuugollu'mokalokwiyajuporogano. Aki a'mwo abolo suvlato abolopingikokwe togai'aro suvlo nomuullugollokwe togai'aro bwotonyago tonyu Filipol sukullajukekono. 8Filipolluro toro ikuloduke tovino wagwolago su tovida'ai a'mwo abolo kuulomwalodupudo ton kemoro poowokalago tov ilaiyo bwotonyo subwosunyajupogano.
9Toro kuvi kuruv wagwolago su tovida'ai a'mwo bulaptokwe amwallajuko pwolluno yovo tov Saimoonolekono. A'mwo su toolluro bulapto yoduke tovi wagwolago Samariyada'ai a'mwo abolo ton wonodupu luko amorumoukuropiyajupogano. Toro te Saimoonol gavnokweyolluno ilomoropinodawo aro ajajukekono. “Oo nuu a'mwo aguto kuunodo toonyugonoo.” Ajajukekono. 10-11Aki yiuwi'nokai a'mwo yovokwe toorogai'aro yovomaiyokwe toorogai'aro a'mwo su toolluro yoduke tonyu wonodupu aro ajajuporogano. “Oo Gooti Jurogudo Kuunodokweyolo dodowado su tool Saimoonol kwekono.” Ajajuporogano. Aki a'mwo su toolluro manyu togada'ai bulapto mujumovla'mduke tonyu wonodupu kuudo kwolallo sourukwapiyajuporogano. Toro tovino tov kemoro kaduko ton a'mwo su toollu yere kuubweyajuporogano. 12Toro uubweyodopure toga Filipolno'gwowi bino sumaiyokwe kuuguudo sugudo tov amoruudokaikono. Kuuguudo sugudo su tov aro tovallunokwono. Aguto kig Gooti toolluro mido mollomwalo tokwe'aro Jisas Kraisolluno yovo tokwe'aro tovalluno amoruudokaikono. Toro moruudoduke tovi a'mwo abolo ton wuu'nodupu, Oo nebalo'mdeyo, kuudo kuubweyajupogano. Toro kuudo uubweyodupudo su ton wonyo kuuvollunyajupogano. 13Aki a'mwo bulaptokwe Saimoonol kwol kuruv kuuguudo sugudo su tovi kuudo uubweyo'no wonyo kuuvollunokaikono. Toro tool Filipollu wobo toru kuumjunyajukekono. Toro uumjunodowo Filipolluro duuwallo jurogudo go'no go'no wuuduuwalloduke tonyu wonodowo luko amorumoukuropiyajukekono.
14Aki Filipol Samariyada'ai a'mwo abolo tonyu Gooti toolluro yogalo tokwe sodubwasajukekono. Toro yodubwasoduke tovi Samariyada'ai a'mwo abolo ton wuu'nodupu yogalo su tov kemiyo'mo ilaiyo amollomallajupogano. Toro molloma'dopure tonyuno Jeruusalemda'ai a'mwo kuurotokwe tooro kuu'noporogano. Toro wuu'nyuno sumaveyokwe a'mwo kuurotokwe pworallu Samariyada'ai a'mwo abolo su tonyomno amorapiyoporogano. Kuurotokwe su tooralluno yovo tov Pitaike Jooneke toorakono. Toro amorapiyopo tooral plaino sumaleyokwe wagwolago Samariya toru ai'movolorakono. 15-16Toro ki'mo'mno sumaleyokwe Jisasolluro a'mwo abolo su tonyuno subusu'nyogalo amadolorakono. Subusu'nyogalo amadolo su tov aro tovinokwono. A'mwo abolo su ton Gooti toolluro Kuullo tool yere mauluumwaloduke kun kuruv Aguto Jisasolluno yovo tovida'ai yiuno wonyo to'no kuuvollunopogano. Toro tovino tov Gooti toolluro Kuullo tool a'mwo abolo su tonyu kuuluumwalono'moneyokwe subusu'nyogalo amadolorakono. 17Subusu'nyogalo toro majuno sumaleyokwe Pitaike Jooneke tooral kemoro ato tokwe a'mwo abolo su tobuuravuro mido tonyu kuubogai'nolorakono. Toro uubogai'nodole toga Gooti toolluro Kuullo tool a'mwo abolo su tobuuravuro poowokalago tovi auluumwalokaikono.
18Kuurotokwe tooralluro toro yodole tovi Saimoonol muugona'no sumaiyokwe kuudo saurokaikono. Oo a'mwo su tooralluro ato uubogai'nodole tovida'ai a'mwo abolo tonyu Gooti toolluro Kuullo tool doma'mavo. Toro kuudo yau'no sumaiyokwe Saimoonol gami nuugwiyo pun momworaro'no a'mwo kuurotokwe toorallu uubiyo'moneyokwe kuumokabokaikono. 19Toro uumokabino sumaiyokwe aro kuudoganokaikono. “Kev toorakulluro jurogudo su tokwe a'mwo abolo punyu Gooti toolluro Kuullo tool uubweyodubulo to'busuko kubalno nuu kwonyu kuruv aval'no yo'mo anyunadopiyo. Toro tovino tov womdo su tovi yo'moneyokwe kemoro jurogudo tov neya donyabilo.” Kuudoganokaikono.
20Toro kuudoganoka kuvi kuruv Pital aro kuudokaikono. “Nemoro jurogudo mollodowado akav Gooti gavnokwe toolluro yasuwa'no nekullabodowodokwono. Su toro tovino guu nuugwiyo tokwe biyomallo'mo kuudo sau'mwakudo tov ku'nono mama'binekugono. Toro kuvi kuruv guuge'aro gumi nuugwiyo tokwe'aro tovakulno'gwowi kaiyako yiunokuudo ju'nugovlaiyulo. 21Gumoro poowokalago tov Gooti toolluro sumdo tovi idopto'no mimo'nodumdekugono. Toro tovino tov guu navubusuko avaiwomdo tov ku'nono mibinekugono. 22Toro kweku kuruv gumi ma'no ma'no pasudo kuulagwo'dowodo su tonyu buulo uugunyumopiyo'bi Gooti toollomno kuudo neya jouragunyumo'nono. Aki gumoro poowokalago tovida'ai ma'no ma'no yo'mo kuulagwo'dowodo su tovuro kirumwallo tovi Aguto tool amanyudukwopiyoneyokwe tovino subusu'nyogalo neya duudogawono.” 23Pital toro wuujuno sumaiyokwe aki aro kuudokaikono. “Oo nuu aga gumino kuudo me'no sourogumakono. Guu Gooti toolluro jurogudo tov yasuwa'no nekubweyodowodo tovino kwanyu sumdo kinuwiyodumdekugono. Toro tookuji ma'no ma'nodo su tov wuulo kirogumwallodowodekudeyo, kuudo saguu'monoo.” Kuudokaikono. 24Pitalluro su toro kuudoka tovino Saimoonol aro kuudokaikono. “Awi, kemoro yiuwi'nokai anyudumalo su tov kuvinono nonyumo'no'jo. Toro tovino tov Aguto tool neya nyo'mwojono'moneyokwe kevu subusu'nyogalo neya duudogaulo.” Kuudokaikono.
25Toruda'ai Pitaike Jooneke tooral dodoluwosunyo'mo kuuguudo tokwe'aro Aguto toolluro kuuguudo sugudo tokwe'aro tonyuno sodubwasajulorakono. Toro tooral me'no yodubwasuno sumaleyokwe kemi wagwolago Jeruusalem'no aikomgu plaiyo'moneyokwe kuugollu'movolorakono. Toro tooral plaino sumaleyokwe Samariyada'ai wagwolago puvi kuulalno amoruudomollolorakono. Toro me'no moruudomolluno sumaleyokwe puuto tomuu kuuno pla'mdubul Samariyada'ai ajumiyo bwotonyago tonyu kuuguudo sugudo tokwe sodubwosuwoleyajulorakono.
Filipol a'mwo Afrikada'ai pwollu kuuguudo sugudo tov sodubwasoka tovinokwono
26Toruda'ai Aguto toolluro ensel pwol Filipollu aro kuudokaikono. “Guu kado pla'bino'mo yovrowoso'bi imomgu wonyo kwolmoka saut tomguno doolawono. Toro wola'bi wagwolago Jeruusalemda'ai Gasa'no wollo'moneyokwe puuto puvi wolai'mo'binekugono.” Kuudokaikono. Puuto kuudoka su tov kwako a'mwomaiyo kuu'maiyo tomuu wo'dowodokwono. 27Toro te Filipol kuvinono uumjuno'no me'no yovrowosunyuno sumaiyokwe avlavokaikono. Toro plaino sumaiyokwe puuto tovi wola'no a'mwo Afrikada'ai pwollu kwonaikono. A'mwo su tool Afrikada'ai abolo aguto kwin tovuro womdokwe pwekono. Aki toro tool abolo aguto su tovuro womdo wiyodowodo toolluno tov gamoro nyopto tov me'no amovlosopiyopekono. Aki toro tool abolo aguto su tovuro kuto ivito nuugwiyodeyo tonyu mido mollomwalokwekono. A'mwo su tool Gooti toollu ilomoropiyo'moneyokwe wino'no Jeruusalem'no sulabokaikono. 28Toro tool me'no illogalabino sumaiyokwe gami agomno aikomgu wollo'mo tool gami karis toollu ilomwalno sumaiyokwe sa'ai hoos tooral ame'nomokwanolekono. Toro me'nomokwanodole toga a'mwo su tool proofet Aisaiyalluro kuuguudo ajakwolloka puvi amomjojogilmovlaiyajukekono. 29Toro momjojogilmovla'mduke toga Gooti toolluro Kuullo tool Filipollu kuudokaikono. “Guu a'mwo akaigwollomno uuwo'bi gami karis toollu wobo toru dodovawono.” 30Toro kuudoka tovi Filipol kano kano wino sumaiyokwe a'mwo su toollu wobo toru adavokaikono. Toro da'mduke toga a'mwo Afrikada'ai su tool Aisaiyalluro puukwollo ajakwolloka tovi mojagiloduke toollu au'nodaiyajukekono. Filipol toro tovi kuu'noda'mno sumaiyokwe a'mwo su toollu samuugojokaikono. “Guu kuuguudo amojagiladokuudo su tovino kavlo tov jukiyouroma'mwakuno?” 31Toro kuudoganoka tovi a'mwo su tool kuudokaikono. “Awiyo, kavlo tovino miyouroma'mwakono. Toro kuvi kuruv a'mwo pwol kuuguudo akavino sodonubwaso'ji to'gwowi nokwo youroma'monyugono.” Toro wuujuno sumaiyokwe aki Filipollu aro kuudoganokaikono. “Guu nuuge nokwo plawosunekudeyo?” Toro kuudoganoka tovi Filipol kaduko wino sumaiyokwe a'mwo su toolluro karis toollu sulomwalokaikono.
32 #
Ais. 53:7,8 Toro ilomwalno sumaiyokwe a'mwo Afrikada'ai tool Gooti toolluro kuuguudo amomjojogilmovlaiyajuko tov arokwono.
“Oo toro tekwoji kaiyako igolodopure toga dado ibwosuno'no gamoro yogalo puru'monodo kuruv maravokaikono. Toro tekwo aro to'busuko sumo'nokaikono. Sipsip pwol gamoro ato tov dovoruupiyomallo'mo toga deko madonekono. Aki sipsip muugunyo pwol noromiyoso'mo meromokavla'mdopure toga deko madonekono. Toro to'busuko kubalno a'mwo su tekwoji noromiyoso'mo yodopure toga gamoro yogaimaguurai puru'monodo kuruv maravokaikono. 33Aki toro tekwoji kuunano kooti yogalo aduuwiyopo toga a'mwo pworo buulo tomuu sobanyo mamollodavopekono. Toro tekwo ma'no ma'no puru'monodo kuruv miyodowodo toollu wogulo duuwo'galo'mno kwako akavi manyu toga mamjomwekovlawo'jokwe aromiyosopekono. Toro aromiyosopo su toolluda'ai kwikweyago kwoloraiyo pun ku'nono mimo'nugelabupinogano. Toro tovino tov a'mwo pworo gamoro kwoloraiyo mimo'nupi su tonyuno kuuguudo mamjodumovla'mwalpinogano.”
Gooti toolluro kuuguudo tov su toro sakwollungikokwono.
34Toro te a'mwo Afrikada'ai tool kuuguudo su tovi mojagilno sumaiyokwe Filipollu aro samuugojokaikono. “Guu kuuguudo akavuro kavlo tov nokwo nyudubinekudeyo. Proofet su toolluro kuuguudo ajakwolloka akav gavnokweyolluno ajakwolloka'mdukono oo a'mwo pwolluno ajakwolloka'mdukono?” Samuugojokaikono. 35Toro samuugojoka tovi Filipol kuudokaikono. “Proofet toolluro kuuguudo ajakwolloka su tov Jisasollunokwono.” Kuudokaikono. Filipol toro wuujuno sumaiyokwe a'mwo Afrikada'ai su toollu kuuguudo sodubwosumovlavokaikono. Muudu'no Aisaiyalluro kuuguudo ajakwolloka su tovida'ai yodubwosumovla'mno yodubwosumovla'mno sumaiyokwe yiuno Jisasolluno kuuguudo sugudo tovino sodubwosopiyokaikono. 36-37Toro yodubwosumovla'mno sumaiyokwe puuto tomuu kuuno plavolno wonyo buugo pwol wo'duke toollu wobo toru ai'movolorakono. Toro ki'mo'mno sumaleyokwe a'mwo Afrikada'ai tool Filipollu kuudokaikono. “Guu wonyo buugo kwosuko akaigwollu doonyopiyawono. Toro te aga nokwo'mo'mno'juki buugo su toollu guu wonyo mogalanuvollubino'mo anyunadopiyo.” Kuudokaikono.
38Toro wuujuno sumaiyokwe a'mwo Afrikada'ai tool a'mwo karis gunyukuromokavla'mduke toollu aduumjukurokaikono. Toro me'no duumjuku'no sumaiyokwe yiuwi'nokai tooral wonyo buugo su toollomno wolno Filipol a'mwo Afrikada'ai toollu amogaluvollokaikono. 39Toro mogaluvolluno sumaiyokwe wonyo buugo toolluda'ai ilabolno kuga'gwo kuuno Aguto toolluro Kuullo tool Filipollu pumuuno yere amokavlavokaikono. Toro amokavlavoka toga a'mwo Afrikada'ai tool Filipollu aki aiko te mwonokaikono. Toro sumo'noka tovi wono'no gami poowokalago tovi ilaiyo ibwosuno'no puuto tovi aiko te avlavokaikono. 40Toro kuvi kuruv Gooti toolluro Kuullo tool Filipollu pumuuno mokavla'mno sumaiyokwe Filipol aro tovi kwonomarokaikono. “Oo wagwolago Asidoot toru dobai'mo'monoo.” Kwonomarokaikono. Toro wonoma'no sumaiyokwe su towai kuuguudo sugudo tokwe amodomollokaikono. Aki toro tool puuto tomuu kuuno plavo'no yiuwi'nokai wagwolago go'no go'no ki'mo'mdowodo tonyu kuuguudo sugudo tov amodomollajukekono. Toro modomolluno modomolluno sumaiyokwe yiuno wagwolago Sisariya towai'no amodomollokaikono.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida