Luuk 13:18-19

Toruda'ai Jisasol aro kuudokaikono. “Aguto kig Gooti toolluro mido mollomwalodowodo tovino nuu adadomgu'aro ikuduuwallumonyudukono? Aki buro'nyo togai yovekuraikudumonyudukono?” Toro wuujuno sumaiyokwe kuudokaikono. “Aguto kig Gooti toolluro mido mollomwalodowodo tov iko mastet tovuro ikulwiyo tollugwobusukokwono. Iko su tovuro sulo tov yiuno kula'nyokwono. Toro kuvi kuruv aburaudubi toga sulo su tov bwotonyo bogullumelawo'ji iko imo'nonokwono. Aki sulugumdo tovida'ai dokato tooro wolabopi gamoro pilo tonyu kemi ago ton mododupudorogano. Aguto kig Gooti toolluro mido mollomwalo tov su toro to'busukokwono.”