Nai Vakatekivu 33
33
Erau sa veitata ko Jekope kei Iso, a rau sa veilomani, 1-15. Sa lesu ki nona vanua ko Iso, 16. Sa yaco ki Sikemi ko Jekope, ka voli vanua kina, 18-20.
1A SA ta cake e na matana ko Jekope, a sa rai yani, ka, raica, sa lako mai ko Iso, kei ira vata kaya na tamata e lewe va na drau. A sa votai iratou na gone kivei Lia, kei Rejeli, vei rau talega na vada. 2A sa lesi rau na vada kei iratou na luvedrau me ratou lako eliu, kei Lia kei na luvena me tarava, kei Rejeli kei Josefa me muri sara. 3A sa liutaki ira yani ko koya, ka cuva vakavitu ki na qele, a sa toro vua na tuakana. 4A sa cici ko Iso me veitata kaya, a sa mokota, ka baleta na domona, ka reguca: a rau sa tagi. 5A sa ta cake e na matana, ka kunei iratou na alewa kei na gone; a sa kaya, O cei ko ira o qo era tiko kei iko? A sa kaya, Na gone ka loloma kina na Kalou vua na nomu tamata. 6Erau sa qai toro mai na vada, koi rau, kei iratou na luvedrau, a ratou sa cuva: 7o Lia talega kei iratou na luvena, eratou sa toro mai, ka cuva: a sa oti, sa qai toro mai ko Josefa kei Rejeli, a rau sa cuva.
8A sa kaya ko koya, A cava na yalomu e nai vavakoso kecega o qo kaʼu a veitata kaya? A sa kaya ko Jekope, A ka meʼu kune loloma kina, vua na noqu turaga. 9A sa kaya ko Iso, Sa levu na noqu ka, na taciqu; me tiko ga kei iko na nomu ka. 10A sa kaya ko Jekope, Me kakua mada, kevaka kaʼu sa mai kune loloma vei iko, mo kautani vei au na noqu ka ni loloma: e na vuku ni sa vaka na noqu raica na mata ni Kalou na noqu raica na matamu, ka ni ko sa yalovinaka vei au: 11mo kauta mada na noqu ka ni loloma sa kauti vei iko; ni sa loloma vei au na Kalou, ia kaʼu sa rawata na ka kecega. A sa cikevi koya, a sa qai kauta.
12A sa kaya ko Iso, Daru yavala mada me daru lako, ia kaʼu na liutaki iko. 13A sa kaya vua ko Jekope, Sa kila na noqu turaga ni ra sa malumalumu na gone, a sa vakaluveni na sipi kei na karavau sa tiko kei au; ni ra na mate kece talega na manumanu, kevaka era na kauti vakabalavu e na siga e dua: 14me lako yani mada na noqu turaga me liutaka na nona tamata; ia koi au, kaʼu na lako vakamalua me vaka era rawata na manumanu sa liutaki au, kei ira na gone, meʼu yacova mada na noqu turaga mai Seira. 15A sa kaya ko Iso, Meʼu lesia mada e so na tamata era tiko kei au, me tiko kei iko. A sa kaya ko koya, Mei cavai o qori? meʼu kune loloma mada vua na noqu turaga.
16A sa lesu ko Iso e na siga ko ya, e nona sala ki Seira. 17A sa lako voli yani ki Sukoci ko Jekope, a sa tara e dua na vale me nona, a sa cakava e so na vale taba ni kau me nodra na nona manumanu: o koya sa vakatokai kina na yaca ni yasana ko ya ko Sukoci [Na vale taba ni kau].
18A SA yaco e na vakacegu ko Jekope, ki na koro ko Sikemi, a ya mai na vanua ko Kenani, ni sa lako mai ko koya mai Petani-erama; a sa birika na nona vale gatu, ka me donuya na koro. 19A sa volia e dua na tiki ni vanua, maivei ira na luve i Emori, na tama i Sikemi, e na yasana ka birika kina na nona vale gatu, a sa dua na drau nai lavo na kenai voli. 20A sa cakava maikea e dua nai cabocabo-ni-soro, a sa vakayacana ko Eli-eloe-Isireli.
Currently Selected:
Nai Vakatekivu 33: FIJ1864
Highlight
Share
Copy
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
