زبور ۵
۵
پنځم زبور
د ساتنې دپاره دعا
(د سرود ویونکو د مشر دپاره: د شپېلیو سره د داود زبور)
1 واوره ای څښتنه ته ګفتار زما
وکړه پام په اسوېلو زما
2 ای زما پاچا ای زما خدایه!
واوره ته فریاد زما کومک لره
ځکه چې زه تاته دعا کومه
3 هر سهار کې اواز اورې ته زما
هر سهار کې زه کوم درته دعا
انتظار د ځواب کړمه زه له تا
4 نه یې داسې خدای چې خوښوې بدکاري
اوسېدی نه شي له تا سره هېڅ ډول ګناهکار
5 ستا حضور کې کبرجن ودرېدی نه شي
ته نفرت لرې له ټولو بدکارانو
6 ټول دروغجن هلاکوې ته
جابران او چلبازان هم سپکوې ته
7 خو په سبب د ستا له زیاتې او تلپاتې مینې
زه به درشمه ستا کور ته
او ستا له وېرې په سجده به شمه
ستا سپېڅلي کور ته
8 ای څښتنه، زما ډېر دي دښمنان
لارښوونه راته وکړه چې زه وکړم ستا رضا
زما مخې ته کړه خپله لار صفا
9 ځکه چې نشته رښتیا د هغوی په خوله کې
او زړونه یې غواړي د نورو بربادي
او ژبې یې ډکې دي
د ریاکارۍ او چل او وله څخه
ستوني یې خلاص دي لکه د قبر په شان
10 ته سزا هغوی ته ورکړه
او محکوم یې کړه ای خدایه
چې په خپلو دسیسو خپله برباد شي
په سبب د دوی د ډېرو ګناهونو
په سبب د سرکښۍ ستا مقابل کې
هغوی وشړه بیخي له خپل حضوره
11 پرېږده چې وي هغه ټول کسان خوشحال
څوک چې ځان په تا کې پناه مومي
پرېږده چې مدام د خوشحالۍ سندرې ووایي
وساته هغوی چې کوي مینه ستا د نوم سره
په رښتیا چې له امله ستا خوشحال وي
12 ای څښتنه، ورکوې ته برکت نېکانو ته
کړي به ستا رحم حفاظت د هغوی
لکه د سپر په شان
Currently Selected:
زبور ۵: APB
Highlight
Share
Copy
Want to have your highlights saved across all your devices? Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.