Acts 14
14
Paul laua ma Barnabas iloko Iconium
1Keualoko Paul laua ma Barnabas nikae Iconium, koꞌolua la uo iloko hale loku na{Jiu} la nokaukaꞌu. Ia kena komaꞌi na{Jiu} ma nakama haGreek la uhakina. 2Ia na{Jiu} kela sehakina la uꞌamaka nousuusu nakama enoho pouli la nohakauoki ma nahakina ana la. 3Ia Paul laua ma Barnabas enoho iloko kemakaꞌina la saika loloa, ia esemakaꞌu kekakala aꞌe pela Keakua meilolosi hakaualeꞌa nahakina ana la. Keakua eau aꞌe namahi koꞌolua la, ihuli aꞌe nahaꞌaku ia ma namea kaualeꞌa, imakino keonohenua la pela nakakala laua la ehamaoni. 4Ia kena nakama Iconium la ehavaꞌee, alakama i kevahi na{Jiu} la, alakama i kevahi nakama heheaꞌu Jesus la.
5Nakama enoho pouli ma na{Jiu} lakou ma nakama hamakua la ehakaꞌoko pela ikakala halihu aꞌe Paul laua ma Barnabas, kena imaꞌa nahaku la ma ikaa koꞌolua la imake. 6Ia koꞌolua la eailoa nahakaꞌoko nakama la, kena ihalahi nokaꞌa namakaꞌina Lystra laua ma Derbe iloko Lycaonia ma naꞌina kapili aꞌe, 7nokaukaꞌu kelono kaualeꞌa Keakua.
Paul laua ma Barnabas iloko Lystra
8Kela hekama navae emake enoho kemakaꞌina Lystra. Kulana aia nihanau mai, kama la uselavaa kehahaele. 9Kama la ehalolono nakakala Paul. Ia Paul eꞌike kama la, kena umakino pela kama la ehakina pela Keakua elavaa kekonaꞌi aia ikaualeꞌa. 10Ia kena Paul ukakala hamaloa, “Kuu iluna.” Kena kanaka la ulee nokuu iluna nohaele.
11Keualoko keonohenua la eꞌike pela Paul ehuli aꞌe namahi la, nakama la uanaa hamaloa i nakakala Lycaonia la pela, “NaAkua uo iho poi nikanaka.” 12Kena nakama la ekapa Barnabas ma “Zeus”, ia ekapa Paul ma “Hermes”, maikinimea Paul ekakala aꞌe lakou. 13Haleaiku Zeus ekuu kapili aꞌe kemakaꞌina la. Kena kemaakua haleiku la eko aꞌe na{bulumakau} ia ma nahau la nokae kokoꞌa kemakaꞌina la. Kama la ehakaꞌoko kehoꞌi aꞌe na{bulumakau} la imua keonohenua ihamalumalu koꞌolua la poi niakua.
14Ia Paul laua ma Barnabas nikama heheaꞌu ma Jesus. Koꞌolua la elono nakakala keonohenua la, kena isae naauꞌahu laua la, kena isopo nohulo valoko keonohenua la, kena ianaa aꞌe, 15“Hea okou ehai? Maua nikama ehau poi okou oia. Maua ekaukaꞌu aku okou ikiꞌe ikaha ma nahakaꞌoko evale nei, nokaukali Keakua eola hamaoni. Kama la epena kevaelani la ma kemaalama nei, ia ma kelokai ma namea hakoa. 16Imua lo, Keakua ehakana naonohenua la ikaukali namakeala lakou la. 17Ia Keakua epena namea kaualeꞌa ihuli mai nakipukipu aia la. Keakua eau mai keua kevaelani isomo kaualeꞌa naꞌai kakou, ia iau mai kehuhui niu i kakou. Ia kena kakou ehihia lo.” 18Niaina Paul laua ma Barnabas ekakala penei, koꞌolua la ehainakaa kepui keonohenua la isehamalumalu laua.
19Ala{Jiu} eo mai i Antioch-Pisidia ia ma Iconium nokae Lystra. Nakama la haele usuusu keonohenua la ihakaukau lakou ma Paul. Kena nakama la emaꞌa nahaku la ma ikaa kama la imake. Nakama la ehakaꞌoko pela ma Paul umake, kena isolo kama la ikaha ma kemakaꞌina la. 20Ia keualoko nakama kaukali Jesus la emumui kevahi Paul, kama la umasiꞌe iluna novaꞌai muli kemakaꞌina la. Kena kela aho, Paul laua ma Barnabas ukaꞌa kemakaꞌina Derbe.
Paul laua ma Barnabas uvaꞌai i Antioch iloko Syria
21Paul laua ma Barnabas ekaukaꞌu kelono kaualeꞌa iloko Derbe, kena komaꞌi nakama ilaa ekaukali Kealiꞌi. Kena koꞌolua la uvaꞌai nokae Lystra, Iconium, ia ma Antioch-Pisidia. 22Koꞌolua la ehapulupulu nahakaꞌoko nakama kaukali Kealiꞌi la, ikaohi mau kehakina lakou la. Koꞌolua la eme aꞌe nakama la, “Kakou ekau kehalono lihu ikae kakou kenoholana Keakua.” 23Koꞌolua la ehasese hiꞌai ia ekauhano keloku ihilihili nakama i hamakua nahale loku la. Nakama hamakua la ehakina Kealiꞌi, kena koꞌolua la ehakapu nakama la ikaukali kama la.
24Paul laua ma Barnabas ukaꞌa valoko Pisidia nokae i Pamphylia. 25Koꞌolua la ekaukaꞌu kelono kaualeꞌa iloko kemakaꞌina Perga, kena ikaꞌa sala ilalo nokae i Attalia, kena iꞌae kevaꞌa nohulo i Antioch iloko Syria. 26Kenei o kemakaꞌina kela nahakina ana imua la nihaunalia koꞌolua la, pela Keakua melolosi hakaualeꞌa laua. Ia kena naheheaꞌu laua epena la uoki.
27Paul laua ma Barnabas ukae Antioch iloko Syria, kena ihaꞌuku nakama keloku la nome aꞌe nakama la hea Keakua ekonaꞌi laua, pela Keakua ekonaꞌi nakama enoho pouli la ihakina. 28Kena koꞌolua la enoho ma nakama kaukali Kealiꞌi la saika loloa.
Currently Selected:
Acts 14: ojv
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
Acts 14
14
Paul laua ma Barnabas iloko Iconium
1Keualoko Paul laua ma Barnabas nikae Iconium, koꞌolua la uo iloko hale loku na{Jiu} la nokaukaꞌu. Ia kena komaꞌi na{Jiu} ma nakama haGreek la uhakina. 2Ia na{Jiu} kela sehakina la uꞌamaka nousuusu nakama enoho pouli la nohakauoki ma nahakina ana la. 3Ia Paul laua ma Barnabas enoho iloko kemakaꞌina la saika loloa, ia esemakaꞌu kekakala aꞌe pela Keakua meilolosi hakaualeꞌa nahakina ana la. Keakua eau aꞌe namahi koꞌolua la, ihuli aꞌe nahaꞌaku ia ma namea kaualeꞌa, imakino keonohenua la pela nakakala laua la ehamaoni. 4Ia kena nakama Iconium la ehavaꞌee, alakama i kevahi na{Jiu} la, alakama i kevahi nakama heheaꞌu Jesus la.
5Nakama enoho pouli ma na{Jiu} lakou ma nakama hamakua la ehakaꞌoko pela ikakala halihu aꞌe Paul laua ma Barnabas, kena imaꞌa nahaku la ma ikaa koꞌolua la imake. 6Ia koꞌolua la eailoa nahakaꞌoko nakama la, kena ihalahi nokaꞌa namakaꞌina Lystra laua ma Derbe iloko Lycaonia ma naꞌina kapili aꞌe, 7nokaukaꞌu kelono kaualeꞌa Keakua.
Paul laua ma Barnabas iloko Lystra
8Kela hekama navae emake enoho kemakaꞌina Lystra. Kulana aia nihanau mai, kama la uselavaa kehahaele. 9Kama la ehalolono nakakala Paul. Ia Paul eꞌike kama la, kena umakino pela kama la ehakina pela Keakua elavaa kekonaꞌi aia ikaualeꞌa. 10Ia kena Paul ukakala hamaloa, “Kuu iluna.” Kena kanaka la ulee nokuu iluna nohaele.
11Keualoko keonohenua la eꞌike pela Paul ehuli aꞌe namahi la, nakama la uanaa hamaloa i nakakala Lycaonia la pela, “NaAkua uo iho poi nikanaka.” 12Kena nakama la ekapa Barnabas ma “Zeus”, ia ekapa Paul ma “Hermes”, maikinimea Paul ekakala aꞌe lakou. 13Haleaiku Zeus ekuu kapili aꞌe kemakaꞌina la. Kena kemaakua haleiku la eko aꞌe na{bulumakau} ia ma nahau la nokae kokoꞌa kemakaꞌina la. Kama la ehakaꞌoko kehoꞌi aꞌe na{bulumakau} la imua keonohenua ihamalumalu koꞌolua la poi niakua.
14Ia Paul laua ma Barnabas nikama heheaꞌu ma Jesus. Koꞌolua la elono nakakala keonohenua la, kena isae naauꞌahu laua la, kena isopo nohulo valoko keonohenua la, kena ianaa aꞌe, 15“Hea okou ehai? Maua nikama ehau poi okou oia. Maua ekaukaꞌu aku okou ikiꞌe ikaha ma nahakaꞌoko evale nei, nokaukali Keakua eola hamaoni. Kama la epena kevaelani la ma kemaalama nei, ia ma kelokai ma namea hakoa. 16Imua lo, Keakua ehakana naonohenua la ikaukali namakeala lakou la. 17Ia Keakua epena namea kaualeꞌa ihuli mai nakipukipu aia la. Keakua eau mai keua kevaelani isomo kaualeꞌa naꞌai kakou, ia iau mai kehuhui niu i kakou. Ia kena kakou ehihia lo.” 18Niaina Paul laua ma Barnabas ekakala penei, koꞌolua la ehainakaa kepui keonohenua la isehamalumalu laua.
19Ala{Jiu} eo mai i Antioch-Pisidia ia ma Iconium nokae Lystra. Nakama la haele usuusu keonohenua la ihakaukau lakou ma Paul. Kena nakama la emaꞌa nahaku la ma ikaa kama la imake. Nakama la ehakaꞌoko pela ma Paul umake, kena isolo kama la ikaha ma kemakaꞌina la. 20Ia keualoko nakama kaukali Jesus la emumui kevahi Paul, kama la umasiꞌe iluna novaꞌai muli kemakaꞌina la. Kena kela aho, Paul laua ma Barnabas ukaꞌa kemakaꞌina Derbe.
Paul laua ma Barnabas uvaꞌai i Antioch iloko Syria
21Paul laua ma Barnabas ekaukaꞌu kelono kaualeꞌa iloko Derbe, kena komaꞌi nakama ilaa ekaukali Kealiꞌi. Kena koꞌolua la uvaꞌai nokae Lystra, Iconium, ia ma Antioch-Pisidia. 22Koꞌolua la ehapulupulu nahakaꞌoko nakama kaukali Kealiꞌi la, ikaohi mau kehakina lakou la. Koꞌolua la eme aꞌe nakama la, “Kakou ekau kehalono lihu ikae kakou kenoholana Keakua.” 23Koꞌolua la ehasese hiꞌai ia ekauhano keloku ihilihili nakama i hamakua nahale loku la. Nakama hamakua la ehakina Kealiꞌi, kena koꞌolua la ehakapu nakama la ikaukali kama la.
24Paul laua ma Barnabas ukaꞌa valoko Pisidia nokae i Pamphylia. 25Koꞌolua la ekaukaꞌu kelono kaualeꞌa iloko kemakaꞌina Perga, kena ikaꞌa sala ilalo nokae i Attalia, kena iꞌae kevaꞌa nohulo i Antioch iloko Syria. 26Kenei o kemakaꞌina kela nahakina ana imua la nihaunalia koꞌolua la, pela Keakua melolosi hakaualeꞌa laua. Ia kena naheheaꞌu laua epena la uoki.
27Paul laua ma Barnabas ukae Antioch iloko Syria, kena ihaꞌuku nakama keloku la nome aꞌe nakama la hea Keakua ekonaꞌi laua, pela Keakua ekonaꞌi nakama enoho pouli la ihakina. 28Kena koꞌolua la enoho ma nakama kaukali Kealiꞌi la saika loloa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.