Acts 13
13
Keanana Kapu ehilihili Barnabas laua ma Saul
1Kenei namale nakama hakae nakakala Keakua ia ma nakama eaoaꞌo nahakina ana kehale loku i Antioch iloko Syria,
Barnabas,
Simeon, esui ma o Niger,
Lucius, hekama Cyrene,
Manaen, kama kela namakua Herod nipulu,
kena Saul.
2Keualoko nakama la ehasese hiꞌai, ihamalu Keakua, Keanana Kapu eme aꞌe nakama la, “Kini Barnabas laua ma Saul ipena kaukali namea anau hihai la.”
3Nakama la uoki keloku ma kehasese hiꞌai, kena ihapili nalima lakou iluna koꞌolua la, kena ihaunalia koꞌolua la nokaꞌa.
Paul laua ma Barnabas iloko Cyprus
4Keanana Kapu ehaunalia Barnabas laua ma Saul, ikaꞌa nokae i Seleucia, kena ihulo kevaꞌa nokae henua emale ma Cyprus. 5Koꞌolua la ukae kemakaꞌina Salamis, kena ikaukaꞌu nakakala Keakua iloko nahale loku na{Jiu} la. Ia John Mark ekonaꞌi koꞌolua la.
6Nakama la eo valoko henua la hakoa nokae kemakaꞌina Paphos, nokili kekama ha{Jiu} kela ekakahao napanamu, kanamale Bar-Jesus. Kama la ehamamahi maia elavaa kehakakae nakakala Keakua, ia kama la enuku laoi oia. 7Bar-Jesus eheaꞌu ma Sergius Paulus, kama hamakua henua la. Paulus emakonu lo. Kama la eanaa aꞌe Barnabas laua ma Saul, maikinimea aia ehihalono nakakala Keakua. 8Ia Bar-Jesus ehakauoki lakou. (Bar-Jesus esui Elymas i nakakala henua la.) Kama la ehai ma iusuusu kama hamakua la isehakina ia Jesus. 9Keanana Kapu ekau iloko Saul, (kelaa male aia la Paul). Kama la ekoꞌa hamakonu ia Elymas, kena ime aꞌe, 10“Aꞌoe hekama hakipua saꞌino, kena aꞌoe eliloko i namea hakoa ekonu. Aꞌoe enuku laoi iusuusu keonohenua la, ihaꞌike ma ihuli nakipukipu ekonu Kealiꞌi nosala. 11Namahi Keakua meipui naꞌalemaka aꞌoe iseni hakoa. Aꞌoe meselavaa keꞌike kemasina kelaa.”
Vahola oia, keunahi pouli eꞌuhi naꞌalemaka Elymas noseꞌike, kena kama la uhaele ma ilave hekama ikaohi kelima aia ihakaꞌi aia. 12Keualoko kama hamakua la eꞌike naꞌalemaka Elymas useni, kama la umasalo i keaoaꞌo la, kena uhakina Kealiꞌi.
Paul laua ma Barnabas iloko Antioch-Pisidia
13Paul ia ma nakama ekaꞌa maia la euhu i Paphos, kena ihulo nokae kemakaꞌina Perga iloko Pamphylia. Ia John Mark ukiaꞌi nakama la, kena ivaꞌai nokae i Jerusalem. 14Kena nakama la ukaꞌa ikaha ma Perga nokae i kemakaꞌina Antioch-Pisidia. Keaho kapu la, nakama la uo noloku iloko hale loku na{Jiu} la. 15Nakama hale loku la epau nakuaa Moses ia ma nalauniu nakama hakae nakakala Keakua. Kena ihaunalia kekama nome aꞌe Paul laua ma Barnabas, “Nakaina makou. Poi olua eailoa nakakala ihapulupulu keonohenua nei, kaualeꞌa, kakala aꞌe nakama nei.”
16Kena Paul umasiꞌe iluna nohaiauna aꞌe keonohenua la ihalono i aia, kena ikakala ma, “Okou nakama Israel ma alakama kela ehamalumalu Keakua, halono mai. 17Keakua keonohenua Israel ehilihili nakipuna kakou la ime mo onohenua aia. Kulana nakama kakou la ninoho iloko Egypt, Keakua ekonaꞌi nakama la nokuku laoi. Kena kama la ehuli aꞌe namahi aia nohakaꞌi nakama la ikaha ma Egypt. 18Niaina nakipukipu nakama la esaꞌino, Keakua elolosi hakaualeꞌa nakama la kipuhaa nahekau iloko keꞌina kukuaha. 19Keakua eseu ehiku naonohenua iloko Canaan, kena iau aꞌe henua la ma nakama kakou la. Ia nakama la enoho iloko keꞌina la haa huikalau kipulima nahekau.
20“Kena Keakua ehilihili nakama hakonukonu ilolosi keonohenua la, hanokae keualoko Samuel ehakae nakakala Keakua. 21Kena iko keonohenua la iainoa hekuꞌu. Ia kena Keakua ehilihili Saul hekama Kish i keꞌaha Benjamin, ime mo kuꞌu nakama la. Kena Saul elolosi keonohenua la kipuhaa nahekau. 22Ia Keakua euhu Saul ikaha, kena ikini David mo kuꞌu iko kesao kekuꞌu Saul. Keakua ekakala ia David ma, ‘Anau elave David, kekama Jesse. David ehihai nia anau hihai, kena amepena namea hakoa kela anau hihai aia ipena.’ 23Keakua ekakala hamaoni pela hekama i nahaimopuna David la meikonaꞌi keonohenua Israel iola. Kemale kama la Jesus. 24John Baptist ekaukaꞌu aꞌe nakama Israel la ikiꞌe ikaha ma nahaisala lakou, kena ihaauꞌau kapu lakou imua Jesus nikae aꞌe. 25Keualoko John ukapili imake, kama la ekakala aꞌe keonohenua la ma, ‘Okou ehakaꞌoko ma oai anau? Anau seai o kekama Keakua ekakala la, kama la meihamai imuli anau. Ia anau sekau kehaana nakapuae aia ikaha.’
26“Aukaina, okou nahaimopuna Abraham ia ma alakama kela ehamalumalu Keakua. Keakua eau mai kakou nakakala aia nei ikonaꞌi kakou iola. 27Keonohenua i Jerusalem ma nakama hamakua lakou la seimakino oai Jesus, kena ihakonu konu kama la, ehau poi hea nakama hakae nakakala Keakua nikakaa mai imua. Ia okou epau nakakala lakou la i naaho kapu hakoa. 28Niaina nakama la sehihakaꞌoko elave meikaa Jesus imake, nakama la eainoa aꞌe ia Pilate ikaia kama la imake. 29Keonohenua la ehai haeꞌo kia Jesus, poi kelauniu kapu nikakaa mai. Kena nakama la ekuli kinokama Jesus ikaha ma {kolosi} la nohamoe iloko kaluma haku la. 30Ia Keakua ehamasiꞌe kama la ikaha ma kemake. 31Kena nakama nikaꞌa ma Jesus ikaha ma Galilee nokae i Jerusalem uꞌike kama la, ia kena ikakala aꞌe keonohenua la hea lakou eꞌike.
32“Makou/Maua ekaukaꞌu aku kelono kaualeꞌa penei. Keakua ekakala hamaoni i nakipuna kakou imua. 33Kena kama la ehamasiꞌe Jesus ikaha ma kemake, ihuli mai kakou, nahaimopuna lakou la, pela nakakala aia la ehamaoni. Nahua keloku hasiaoa la ekakala ma,
‘Aꞌoe o kaukama.
Keaho nei anau umemo kamana aꞌoe.’
34Keakua ehamasiꞌe Jesus ikaha ma kemake. Ia sekiaꞌi kinokama kama la nopala. Poi hea aia nikakala mai,
‘Anau meau aku kekama ekapu la,
Poi anau nimea aꞌe David.’
35Kela hua keloku ekakala ma,
‘Aꞌoe meiselavaa kekiaꞌi
Kinokama kokama ekapu la ipala.’
36“Keualoko David niola la, kama la ekonaꞌi keonohenua aia la ikaukali nia Keakua ehihai. Kulana David nimake, kinokama aia la emoe iloko kaluma nakipuna kakou la nopala. 37Ia Keakua ehamasiꞌe kelaa kama ikaha ma kemake, ia kinokama kama la sepala.
38“Aukaina. Anau eme aku pela Jesus elavaa kesolo nahaisala okou la ikaha. Ia nakuaa Moses la selavaa kemea okou iakea ikaha ma nahaisala okou. 39Ia Jesus elavaa kemea nakama kela ehakina i aia la iakea ikaha ma nahaisala lakou. 40Lolosi hamakonu! Aoki nakakala Keakua nei meikae aku.
41‘Halono! Okou nakama hakanaka.
Okou meimasalo, ia kena meimake.
Anau meihuli aku kemea kaualeꞌa.
Niaina hekama ehaꞌali aku okou kemela,
Okou mesehakina.’ ”
42Keualoko Paul laua ma Barnabas nikaꞌa ikaha ma hale loku la, keonohenua la eme aꞌe koꞌolua la, “Vaꞌai mai i keaho kapu imuli la, nokaukaꞌu mai nakakala nei hoi.” 43Imuli keloku, komaꞌi na{Jiu} ia ma alakama kela ehamalumalu Keakua la ekaꞌa lakou ma koꞌolua la. Kena Paul laua ma Barnabas ehapulupulu aꞌe nakama la ihakina pela Keakua elolosi hakaualeꞌa lakou.
44Keaho kapu imuli la, kapili kemakaꞌina la hakoa ehaꞌuku nohalono nakakala Kealiꞌi. 45Keualoko na{Jiu} la eꞌike keonohenua la, nakama la usano haeꞌo, kena ikakala halihu aꞌe ia Paul, ihakauoki lakou namea kama la ekakala la.
46Ia Paul laua ma Barnabas semakaꞌu, kena ime aꞌe nakama la pela, “Maua ekau kekakala kelono kaualeꞌa nei ilono okou imua, ia okou sehihai. Okou ehakekele pela ma okou sekau keola naualoko hamau. Kena maua meio naꞌina nakama enoho pouli la. 47Maikinimea Keakua ekakala mai maua ma,
‘Anau ehakuu olua,
Poi heahi emasina iluna nakama enoho pouli la,
Ihuli aꞌe naonohenua kemaalama nei,
Pela anau meikonaꞌi lakou.’ ”
48Nakama enoho pouli la uhihia lo keualoko lakou nilono kakala nei, kena ihamaha nakakala Kealiꞌi la. Keakua ehilihili alakama ma iola naualoko hamau, kena nakama la ehakina.
49Nakakala Keakua ukoha hakiꞌe naꞌina la hakoa. 50Ia na{Jiu} la ehaele usuusu alakama hamakua kemakaꞌina la ia ma alahine kela ehamalumalu Keakua la. Nakama la uꞌamaka nohai haeꞌo kia Paul laua ma Barnabas, kena ihakui koꞌolua la ikaha ma keꞌina la. 51Kena Paul laua ma Barnabas ekaikahi nakaꞌele emau nakapuae laua la,*f9* kena io nokae Iconium. 52Nakama kaukali Jesus ilaa uhihia lo, ia Keanana Kapu unoho iloko lakou.
Currently Selected:
Acts 13: ojv
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
Acts 13
13
Keanana Kapu ehilihili Barnabas laua ma Saul
1Kenei namale nakama hakae nakakala Keakua ia ma nakama eaoaꞌo nahakina ana kehale loku i Antioch iloko Syria,
Barnabas,
Simeon, esui ma o Niger,
Lucius, hekama Cyrene,
Manaen, kama kela namakua Herod nipulu,
kena Saul.
2Keualoko nakama la ehasese hiꞌai, ihamalu Keakua, Keanana Kapu eme aꞌe nakama la, “Kini Barnabas laua ma Saul ipena kaukali namea anau hihai la.”
3Nakama la uoki keloku ma kehasese hiꞌai, kena ihapili nalima lakou iluna koꞌolua la, kena ihaunalia koꞌolua la nokaꞌa.
Paul laua ma Barnabas iloko Cyprus
4Keanana Kapu ehaunalia Barnabas laua ma Saul, ikaꞌa nokae i Seleucia, kena ihulo kevaꞌa nokae henua emale ma Cyprus. 5Koꞌolua la ukae kemakaꞌina Salamis, kena ikaukaꞌu nakakala Keakua iloko nahale loku na{Jiu} la. Ia John Mark ekonaꞌi koꞌolua la.
6Nakama la eo valoko henua la hakoa nokae kemakaꞌina Paphos, nokili kekama ha{Jiu} kela ekakahao napanamu, kanamale Bar-Jesus. Kama la ehamamahi maia elavaa kehakakae nakakala Keakua, ia kama la enuku laoi oia. 7Bar-Jesus eheaꞌu ma Sergius Paulus, kama hamakua henua la. Paulus emakonu lo. Kama la eanaa aꞌe Barnabas laua ma Saul, maikinimea aia ehihalono nakakala Keakua. 8Ia Bar-Jesus ehakauoki lakou. (Bar-Jesus esui Elymas i nakakala henua la.) Kama la ehai ma iusuusu kama hamakua la isehakina ia Jesus. 9Keanana Kapu ekau iloko Saul, (kelaa male aia la Paul). Kama la ekoꞌa hamakonu ia Elymas, kena ime aꞌe, 10“Aꞌoe hekama hakipua saꞌino, kena aꞌoe eliloko i namea hakoa ekonu. Aꞌoe enuku laoi iusuusu keonohenua la, ihaꞌike ma ihuli nakipukipu ekonu Kealiꞌi nosala. 11Namahi Keakua meipui naꞌalemaka aꞌoe iseni hakoa. Aꞌoe meselavaa keꞌike kemasina kelaa.”
Vahola oia, keunahi pouli eꞌuhi naꞌalemaka Elymas noseꞌike, kena kama la uhaele ma ilave hekama ikaohi kelima aia ihakaꞌi aia. 12Keualoko kama hamakua la eꞌike naꞌalemaka Elymas useni, kama la umasalo i keaoaꞌo la, kena uhakina Kealiꞌi.
Paul laua ma Barnabas iloko Antioch-Pisidia
13Paul ia ma nakama ekaꞌa maia la euhu i Paphos, kena ihulo nokae kemakaꞌina Perga iloko Pamphylia. Ia John Mark ukiaꞌi nakama la, kena ivaꞌai nokae i Jerusalem. 14Kena nakama la ukaꞌa ikaha ma Perga nokae i kemakaꞌina Antioch-Pisidia. Keaho kapu la, nakama la uo noloku iloko hale loku na{Jiu} la. 15Nakama hale loku la epau nakuaa Moses ia ma nalauniu nakama hakae nakakala Keakua. Kena ihaunalia kekama nome aꞌe Paul laua ma Barnabas, “Nakaina makou. Poi olua eailoa nakakala ihapulupulu keonohenua nei, kaualeꞌa, kakala aꞌe nakama nei.”
16Kena Paul umasiꞌe iluna nohaiauna aꞌe keonohenua la ihalono i aia, kena ikakala ma, “Okou nakama Israel ma alakama kela ehamalumalu Keakua, halono mai. 17Keakua keonohenua Israel ehilihili nakipuna kakou la ime mo onohenua aia. Kulana nakama kakou la ninoho iloko Egypt, Keakua ekonaꞌi nakama la nokuku laoi. Kena kama la ehuli aꞌe namahi aia nohakaꞌi nakama la ikaha ma Egypt. 18Niaina nakipukipu nakama la esaꞌino, Keakua elolosi hakaualeꞌa nakama la kipuhaa nahekau iloko keꞌina kukuaha. 19Keakua eseu ehiku naonohenua iloko Canaan, kena iau aꞌe henua la ma nakama kakou la. Ia nakama la enoho iloko keꞌina la haa huikalau kipulima nahekau.
20“Kena Keakua ehilihili nakama hakonukonu ilolosi keonohenua la, hanokae keualoko Samuel ehakae nakakala Keakua. 21Kena iko keonohenua la iainoa hekuꞌu. Ia kena Keakua ehilihili Saul hekama Kish i keꞌaha Benjamin, ime mo kuꞌu nakama la. Kena Saul elolosi keonohenua la kipuhaa nahekau. 22Ia Keakua euhu Saul ikaha, kena ikini David mo kuꞌu iko kesao kekuꞌu Saul. Keakua ekakala ia David ma, ‘Anau elave David, kekama Jesse. David ehihai nia anau hihai, kena amepena namea hakoa kela anau hihai aia ipena.’ 23Keakua ekakala hamaoni pela hekama i nahaimopuna David la meikonaꞌi keonohenua Israel iola. Kemale kama la Jesus. 24John Baptist ekaukaꞌu aꞌe nakama Israel la ikiꞌe ikaha ma nahaisala lakou, kena ihaauꞌau kapu lakou imua Jesus nikae aꞌe. 25Keualoko John ukapili imake, kama la ekakala aꞌe keonohenua la ma, ‘Okou ehakaꞌoko ma oai anau? Anau seai o kekama Keakua ekakala la, kama la meihamai imuli anau. Ia anau sekau kehaana nakapuae aia ikaha.’
26“Aukaina, okou nahaimopuna Abraham ia ma alakama kela ehamalumalu Keakua. Keakua eau mai kakou nakakala aia nei ikonaꞌi kakou iola. 27Keonohenua i Jerusalem ma nakama hamakua lakou la seimakino oai Jesus, kena ihakonu konu kama la, ehau poi hea nakama hakae nakakala Keakua nikakaa mai imua. Ia okou epau nakakala lakou la i naaho kapu hakoa. 28Niaina nakama la sehihakaꞌoko elave meikaa Jesus imake, nakama la eainoa aꞌe ia Pilate ikaia kama la imake. 29Keonohenua la ehai haeꞌo kia Jesus, poi kelauniu kapu nikakaa mai. Kena nakama la ekuli kinokama Jesus ikaha ma {kolosi} la nohamoe iloko kaluma haku la. 30Ia Keakua ehamasiꞌe kama la ikaha ma kemake. 31Kena nakama nikaꞌa ma Jesus ikaha ma Galilee nokae i Jerusalem uꞌike kama la, ia kena ikakala aꞌe keonohenua la hea lakou eꞌike.
32“Makou/Maua ekaukaꞌu aku kelono kaualeꞌa penei. Keakua ekakala hamaoni i nakipuna kakou imua. 33Kena kama la ehamasiꞌe Jesus ikaha ma kemake, ihuli mai kakou, nahaimopuna lakou la, pela nakakala aia la ehamaoni. Nahua keloku hasiaoa la ekakala ma,
‘Aꞌoe o kaukama.
Keaho nei anau umemo kamana aꞌoe.’
34Keakua ehamasiꞌe Jesus ikaha ma kemake. Ia sekiaꞌi kinokama kama la nopala. Poi hea aia nikakala mai,
‘Anau meau aku kekama ekapu la,
Poi anau nimea aꞌe David.’
35Kela hua keloku ekakala ma,
‘Aꞌoe meiselavaa kekiaꞌi
Kinokama kokama ekapu la ipala.’
36“Keualoko David niola la, kama la ekonaꞌi keonohenua aia la ikaukali nia Keakua ehihai. Kulana David nimake, kinokama aia la emoe iloko kaluma nakipuna kakou la nopala. 37Ia Keakua ehamasiꞌe kelaa kama ikaha ma kemake, ia kinokama kama la sepala.
38“Aukaina. Anau eme aku pela Jesus elavaa kesolo nahaisala okou la ikaha. Ia nakuaa Moses la selavaa kemea okou iakea ikaha ma nahaisala okou. 39Ia Jesus elavaa kemea nakama kela ehakina i aia la iakea ikaha ma nahaisala lakou. 40Lolosi hamakonu! Aoki nakakala Keakua nei meikae aku.
41‘Halono! Okou nakama hakanaka.
Okou meimasalo, ia kena meimake.
Anau meihuli aku kemea kaualeꞌa.
Niaina hekama ehaꞌali aku okou kemela,
Okou mesehakina.’ ”
42Keualoko Paul laua ma Barnabas nikaꞌa ikaha ma hale loku la, keonohenua la eme aꞌe koꞌolua la, “Vaꞌai mai i keaho kapu imuli la, nokaukaꞌu mai nakakala nei hoi.” 43Imuli keloku, komaꞌi na{Jiu} ia ma alakama kela ehamalumalu Keakua la ekaꞌa lakou ma koꞌolua la. Kena Paul laua ma Barnabas ehapulupulu aꞌe nakama la ihakina pela Keakua elolosi hakaualeꞌa lakou.
44Keaho kapu imuli la, kapili kemakaꞌina la hakoa ehaꞌuku nohalono nakakala Kealiꞌi. 45Keualoko na{Jiu} la eꞌike keonohenua la, nakama la usano haeꞌo, kena ikakala halihu aꞌe ia Paul, ihakauoki lakou namea kama la ekakala la.
46Ia Paul laua ma Barnabas semakaꞌu, kena ime aꞌe nakama la pela, “Maua ekau kekakala kelono kaualeꞌa nei ilono okou imua, ia okou sehihai. Okou ehakekele pela ma okou sekau keola naualoko hamau. Kena maua meio naꞌina nakama enoho pouli la. 47Maikinimea Keakua ekakala mai maua ma,
‘Anau ehakuu olua,
Poi heahi emasina iluna nakama enoho pouli la,
Ihuli aꞌe naonohenua kemaalama nei,
Pela anau meikonaꞌi lakou.’ ”
48Nakama enoho pouli la uhihia lo keualoko lakou nilono kakala nei, kena ihamaha nakakala Kealiꞌi la. Keakua ehilihili alakama ma iola naualoko hamau, kena nakama la ehakina.
49Nakakala Keakua ukoha hakiꞌe naꞌina la hakoa. 50Ia na{Jiu} la ehaele usuusu alakama hamakua kemakaꞌina la ia ma alahine kela ehamalumalu Keakua la. Nakama la uꞌamaka nohai haeꞌo kia Paul laua ma Barnabas, kena ihakui koꞌolua la ikaha ma keꞌina la. 51Kena Paul laua ma Barnabas ekaikahi nakaꞌele emau nakapuae laua la,*f9* kena io nokae Iconium. 52Nakama kaukali Jesus ilaa uhihia lo, ia Keanana Kapu unoho iloko lakou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.