Acts 2
2
Keanana Kapu ehamai
1Keaho keꞌai Pentecost, nahakina ana la eꞌuku hakoa. 2Vahola oia, nakama la ulono kemuu, ehau poi kemakani emaili iho ikaha ma kevaelani, noulu iloko hale puikana nakama la enoho la. 3Kena nakama la uꞌike kemea ehau poi keahi eula. Ia keula keahi la umaseu nomoe iluna kekama ma kekama. 4Ia kena Keanana Kapu ukau iloko nakama la, noau aꞌe namahi nakama la pela lakou ilavaa keme aꞌe nakakala kela lakou semakino.
5Komaꞌi na{Jiu} kela ehakina Keakua uo mai nahenua hakoa kemaalama nei nonoho iloko Jerusalem. 6Nakama la elono kemuu la, kena io aꞌe hakoa, kena emasalo. Maikinimea kekama ma kekama elono nakakala lakou la. 7Nakama la uoho nomasalo haeꞌo, kena ime aꞌe, “Nakama ekakala nei eo mai Galilee. 8Ia kakou elono nakama la ekakala nakakala kakou pehe? 9Kakou eo mai Parthia, Media, Elam, Mesopotamia, Judea, Cappadocia, Pontus, Asia, 10Phrygia, Pamphylia, Egypt, alaꞌina i Libya kapili Cyrene, ia ma kemakaꞌina Rome. Alakama kakou ehanau iho ni{Jiu}. Ia alakama kakou ehakina poi na{Jiu} la. 11Kakou eo mai Crete ma Arabia hoi. Ia kakou hakoa elono nakama nei eme aꞌe nakakala kakou, ikakala aꞌe namea kaualeꞌa Keakua epena la.” 12Nakama la hakoa umasalo haeꞌo, kena ivasisili solakou. “Anei nimea pehe?”
13Ia alakama ukakala hahiaka ma, “Nakama na eunu kemevale oia.”
Peter ekaukaꞌu kelono kaualeꞌa
14Peter ma sanahulu ma kahi nakama heheaꞌu Jesus la ukuu iluna. Kena iko Peter ikakala hamaloa aꞌe keonohenua la. “Okou na{Jiu} ia ma nakama kela enoho i Jerusalem. Okou halono mai imakino okou hea eapihi mai. 15Nakama nei seunu kemevale poi hea okou ehakaꞌoko. Kenei o kesivo kahaka oia. 16Ia kenei hea Joel, kama hakae nakakala Keakua nime aku imua,
17‘Keakua eme mai pela, kapili keaho haoki,
Anau meiau iho Keanana Kapu anau iluna nakama hakoa.
Nakaupeala okou ia ma nakaupu okou la meihakae nakakala anau,
Nakamakane okou la meisi keꞌike nahakaꞌoko lakou,
Ia nakanaka makua okou la memiki.
18Anau meiau iho Keanana Kapu anau iluna nakanaka ia ma nahine kela eheheaꞌu ma anau, kena nakama la meihakae nakakala anau.
19Anau meihuli aku namea kaualeꞌa i kevaelani iluna,
ia nahaꞌaku iloko kemaalama ilalo nei
Poi kekoko ma keahi, ia napuleulehu ma keꞌohu.
20Ia kelaa la meipouli,
ia kemalama iluna meihuli mo koko,
Namenei meihuli aku keaho hamakua Keakua.
21Oai kekama eloku aꞌe Kealiꞌi ikonaꞌi aia,
kama la meola.’
22“Okou nakama Israel halono mai. Keakua ehaunalia iho Jesus, hekama kemakaꞌina Nazareth. Okou hakoa emakino kemela, maikinimea Jesus ehuli aku namahi Keakua, ma namea kaualeꞌa ia ma nahaꞌaku. 23Keakua epenapena hakaꞌoko aia iau aku Jesus. Ia Keakua namakino avale pela okou mekaa kama la nomake. Okou eau aꞌe Jesus i nalima nakama saꞌino la, nokii lia kama la iluna {kolosi}. 24Ia Keakua ehamasiꞌe Jesus ikaha ma kemake, maikinimea kemake seisi namahi ikekaohi kama la. 25David nikakala ia Jesus penei,
‘Anau eꞌike Kealiꞌi ekuu kahi imua anau.
Anau mesekipuaina, maikinimea kama la enoho kapili mai.
26Hakaꞌoko anau ehihia,
Kena anau ekakala hihia lo.
Anau meinoho kali kama la.
27Maikinimea aꞌoe mesekiaꞌi anau i keꞌina kemake,
ia mesekiaꞌi kama hokahi ekapu aꞌoe la ipala iloko kaluma.
28Aꞌoe ehuli mai anau kipukipu keola eola kahi.
Anau mehihia keualoko anau menoho kapili aku aꞌoe.’
29“Aukaina, anau eme aku okou pela kipuna kakou imua la David nimake nokanu lia iloko kaluma. Ia kehaku iluna kaluma aia la oikaꞌoko nokae keaho nei. 30David ehakae nakakala Keakua. Kela hea kama la eailoa pela Keakua ekakala hamaoni aꞌe i aia. Pela Keakua meikini hekama iloko kehaleaina David la ikuꞌu, ihau poi David la imua. 31David uailoa hea meiapihi mai. Kena kama la eme aꞌe pela keMesaea la meimasiꞌe muli ikaha ma kemake. Eme pela ‘Keakua meselavaa kekiaꞌi kinokama keMesaea la iloko keꞌina kemake, kena kinokama kama la mesepala.’ 32Keakua uhamasiꞌe Jesus ikaha ma kemake. Kena kakou hakoa uꞌike kama la uola muli. 33Jesus usaua iluna nokae kevaelani, nonoho i kevahi kelima laua Keakua. Kama la eau aꞌe Keanana Kapu ia Jesus, ehau poi hea aia nikakala aꞌe la. Namea hakoa kela okou eꞌike ia elono keaho nei ehamai Keanana Kapu la. 34Ia niaina David sehaele nokae kevaelani, kama la emea ma,
‘Keakua eme aꞌe kauAliꞌi,
Nonoho mai i kevahi laua anau,
35Ikae kulana anau mekuꞌu nakama eliloko aꞌoe la,
ilalo namahi aꞌoe.’
36“Okou nakama Israel ekau keailoa pela Keakua ekini Jesus ime mo Mesaea, Kealiꞌi okou. Ia okou ekii Jesus iluna {kolosi}.”
37Keualoko keonohenua la elono nakakala nei, nakama la ukipuaina haeꞌo, kena ivasili aꞌe Peter ma alakama heheaꞌu Jesus la, “Aukaina, hea makou meipena?”
38Peter ume aꞌe nakama la, “Kiꞌe ikaha ma nahaisala okou, kena makou mehaauꞌau kapu okou i kemale Jesus Christ. Ia kena Keakua mesolo nahaisala okou la ikaha, kena ihoꞌi aku Keanana Kapu. 39Kama la ekakala hamaoni aku okou ma nakamaliꞌi okou, ia ma alakama enoho emao. Anei nikama kela Keakua kakou Aliꞌi ekini la.”
40Peter ekakala kahi aꞌe keonohenua la ihamakaꞌu aꞌe nakama la ma, “Konaꞌi okou soꞌokou, kena kehalono lihu nakaukama saꞌino nei meisekae aku.” 41Kena nahakina ana la ehaauꞌau kapu nakama kela ehakina nakakala Peter. Ia kena koukolu nasimaka nakama esuꞌui ma nahakina ana la.
Keola nahakina ana
42Nahakina ana la ekauhano ikehalono naaoaꞌo nakama heheaꞌu Jesus la, kena isuꞌui lakou iꞌai kapu, ia ilokuloku kahi.
43Nakama la umasalo pela nakama heheaꞌu la ehuli aꞌe nahaꞌaku ia ma namea kaualeꞌa i namahi Keakua. 44Nahakina ana la esuꞌui hakoa, kena iaunahie kevavae aꞌe naheheaꞌu lakou la. 45Nakama la eau aꞌe naheheaꞌu lakou la isusui alakama, kena ivavae aꞌe namoni la i nakama haaloha. 46Keaho ma keaho nahakina ana la eꞌuku hakoa iloko hale kapu, kena iꞌai keꞌai kapu iloko nahale lakou. Nakama la ehihia kevavae halaoi naꞌai lakou la. 47Nahakina ana la ehamaha kahi Keakua, kena keonohenua la uhihai nakipukipu nakama la. Keaho ma keaho Keakua ekonaꞌi alakama iola, kena ihapaa aꞌe nakama la i keukulana nahakina ana la.
Currently Selected:
Acts 2: ojv
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
Acts 2
2
Keanana Kapu ehamai
1Keaho keꞌai Pentecost, nahakina ana la eꞌuku hakoa. 2Vahola oia, nakama la ulono kemuu, ehau poi kemakani emaili iho ikaha ma kevaelani, noulu iloko hale puikana nakama la enoho la. 3Kena nakama la uꞌike kemea ehau poi keahi eula. Ia keula keahi la umaseu nomoe iluna kekama ma kekama. 4Ia kena Keanana Kapu ukau iloko nakama la, noau aꞌe namahi nakama la pela lakou ilavaa keme aꞌe nakakala kela lakou semakino.
5Komaꞌi na{Jiu} kela ehakina Keakua uo mai nahenua hakoa kemaalama nei nonoho iloko Jerusalem. 6Nakama la elono kemuu la, kena io aꞌe hakoa, kena emasalo. Maikinimea kekama ma kekama elono nakakala lakou la. 7Nakama la uoho nomasalo haeꞌo, kena ime aꞌe, “Nakama ekakala nei eo mai Galilee. 8Ia kakou elono nakama la ekakala nakakala kakou pehe? 9Kakou eo mai Parthia, Media, Elam, Mesopotamia, Judea, Cappadocia, Pontus, Asia, 10Phrygia, Pamphylia, Egypt, alaꞌina i Libya kapili Cyrene, ia ma kemakaꞌina Rome. Alakama kakou ehanau iho ni{Jiu}. Ia alakama kakou ehakina poi na{Jiu} la. 11Kakou eo mai Crete ma Arabia hoi. Ia kakou hakoa elono nakama nei eme aꞌe nakakala kakou, ikakala aꞌe namea kaualeꞌa Keakua epena la.” 12Nakama la hakoa umasalo haeꞌo, kena ivasisili solakou. “Anei nimea pehe?”
13Ia alakama ukakala hahiaka ma, “Nakama na eunu kemevale oia.”
Peter ekaukaꞌu kelono kaualeꞌa
14Peter ma sanahulu ma kahi nakama heheaꞌu Jesus la ukuu iluna. Kena iko Peter ikakala hamaloa aꞌe keonohenua la. “Okou na{Jiu} ia ma nakama kela enoho i Jerusalem. Okou halono mai imakino okou hea eapihi mai. 15Nakama nei seunu kemevale poi hea okou ehakaꞌoko. Kenei o kesivo kahaka oia. 16Ia kenei hea Joel, kama hakae nakakala Keakua nime aku imua,
17‘Keakua eme mai pela, kapili keaho haoki,
Anau meiau iho Keanana Kapu anau iluna nakama hakoa.
Nakaupeala okou ia ma nakaupu okou la meihakae nakakala anau,
Nakamakane okou la meisi keꞌike nahakaꞌoko lakou,
Ia nakanaka makua okou la memiki.
18Anau meiau iho Keanana Kapu anau iluna nakanaka ia ma nahine kela eheheaꞌu ma anau, kena nakama la meihakae nakakala anau.
19Anau meihuli aku namea kaualeꞌa i kevaelani iluna,
ia nahaꞌaku iloko kemaalama ilalo nei
Poi kekoko ma keahi, ia napuleulehu ma keꞌohu.
20Ia kelaa la meipouli,
ia kemalama iluna meihuli mo koko,
Namenei meihuli aku keaho hamakua Keakua.
21Oai kekama eloku aꞌe Kealiꞌi ikonaꞌi aia,
kama la meola.’
22“Okou nakama Israel halono mai. Keakua ehaunalia iho Jesus, hekama kemakaꞌina Nazareth. Okou hakoa emakino kemela, maikinimea Jesus ehuli aku namahi Keakua, ma namea kaualeꞌa ia ma nahaꞌaku. 23Keakua epenapena hakaꞌoko aia iau aku Jesus. Ia Keakua namakino avale pela okou mekaa kama la nomake. Okou eau aꞌe Jesus i nalima nakama saꞌino la, nokii lia kama la iluna {kolosi}. 24Ia Keakua ehamasiꞌe Jesus ikaha ma kemake, maikinimea kemake seisi namahi ikekaohi kama la. 25David nikakala ia Jesus penei,
‘Anau eꞌike Kealiꞌi ekuu kahi imua anau.
Anau mesekipuaina, maikinimea kama la enoho kapili mai.
26Hakaꞌoko anau ehihia,
Kena anau ekakala hihia lo.
Anau meinoho kali kama la.
27Maikinimea aꞌoe mesekiaꞌi anau i keꞌina kemake,
ia mesekiaꞌi kama hokahi ekapu aꞌoe la ipala iloko kaluma.
28Aꞌoe ehuli mai anau kipukipu keola eola kahi.
Anau mehihia keualoko anau menoho kapili aku aꞌoe.’
29“Aukaina, anau eme aku okou pela kipuna kakou imua la David nimake nokanu lia iloko kaluma. Ia kehaku iluna kaluma aia la oikaꞌoko nokae keaho nei. 30David ehakae nakakala Keakua. Kela hea kama la eailoa pela Keakua ekakala hamaoni aꞌe i aia. Pela Keakua meikini hekama iloko kehaleaina David la ikuꞌu, ihau poi David la imua. 31David uailoa hea meiapihi mai. Kena kama la eme aꞌe pela keMesaea la meimasiꞌe muli ikaha ma kemake. Eme pela ‘Keakua meselavaa kekiaꞌi kinokama keMesaea la iloko keꞌina kemake, kena kinokama kama la mesepala.’ 32Keakua uhamasiꞌe Jesus ikaha ma kemake. Kena kakou hakoa uꞌike kama la uola muli. 33Jesus usaua iluna nokae kevaelani, nonoho i kevahi kelima laua Keakua. Kama la eau aꞌe Keanana Kapu ia Jesus, ehau poi hea aia nikakala aꞌe la. Namea hakoa kela okou eꞌike ia elono keaho nei ehamai Keanana Kapu la. 34Ia niaina David sehaele nokae kevaelani, kama la emea ma,
‘Keakua eme aꞌe kauAliꞌi,
Nonoho mai i kevahi laua anau,
35Ikae kulana anau mekuꞌu nakama eliloko aꞌoe la,
ilalo namahi aꞌoe.’
36“Okou nakama Israel ekau keailoa pela Keakua ekini Jesus ime mo Mesaea, Kealiꞌi okou. Ia okou ekii Jesus iluna {kolosi}.”
37Keualoko keonohenua la elono nakakala nei, nakama la ukipuaina haeꞌo, kena ivasili aꞌe Peter ma alakama heheaꞌu Jesus la, “Aukaina, hea makou meipena?”
38Peter ume aꞌe nakama la, “Kiꞌe ikaha ma nahaisala okou, kena makou mehaauꞌau kapu okou i kemale Jesus Christ. Ia kena Keakua mesolo nahaisala okou la ikaha, kena ihoꞌi aku Keanana Kapu. 39Kama la ekakala hamaoni aku okou ma nakamaliꞌi okou, ia ma alakama enoho emao. Anei nikama kela Keakua kakou Aliꞌi ekini la.”
40Peter ekakala kahi aꞌe keonohenua la ihamakaꞌu aꞌe nakama la ma, “Konaꞌi okou soꞌokou, kena kehalono lihu nakaukama saꞌino nei meisekae aku.” 41Kena nahakina ana la ehaauꞌau kapu nakama kela ehakina nakakala Peter. Ia kena koukolu nasimaka nakama esuꞌui ma nahakina ana la.
Keola nahakina ana
42Nahakina ana la ekauhano ikehalono naaoaꞌo nakama heheaꞌu Jesus la, kena isuꞌui lakou iꞌai kapu, ia ilokuloku kahi.
43Nakama la umasalo pela nakama heheaꞌu la ehuli aꞌe nahaꞌaku ia ma namea kaualeꞌa i namahi Keakua. 44Nahakina ana la esuꞌui hakoa, kena iaunahie kevavae aꞌe naheheaꞌu lakou la. 45Nakama la eau aꞌe naheheaꞌu lakou la isusui alakama, kena ivavae aꞌe namoni la i nakama haaloha. 46Keaho ma keaho nahakina ana la eꞌuku hakoa iloko hale kapu, kena iꞌai keꞌai kapu iloko nahale lakou. Nakama la ehihia kevavae halaoi naꞌai lakou la. 47Nahakina ana la ehamaha kahi Keakua, kena keonohenua la uhihai nakipukipu nakama la. Keaho ma keaho Keakua ekonaꞌi alakama iola, kena ihapaa aꞌe nakama la i keukulana nahakina ana la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.