Luke 14
14
Jesus ekonaꞌi nakama i keaho kapu
1Kela heaho kapu, Jesus uhaele kehale kama hamakua naFarasi la noꞌai ma nakama la. Ia nakama la hakoa ukoꞌa aꞌe Jesus. 2Kela hekama enoho imua Jesus, kinokama aia epapaha hakoa. 3Ko Jesus ime aꞌe naFarasi ma nakama polopolo nakuaa la, “Ame konu pela kakou ikonaꞌi nakama i keaho kapu, ma seai?”
4Ia nakama la enoho semuu oia. Kena Jesus uko kama lavea la, kena ikonaꞌi kama la nokaualeꞌa, kena ime aꞌe kama la ihaele. 5Kena Jesus ekakala aꞌe naFarasi la ma nakama polopolo nakuaa la, “Ame kamaliꞌi aꞌoe ma kemanu elahi aꞌoe la ekeiho iloko kelua enoko i keaho kapu, aꞌoe mesekuu iho noko kemanu la ikaha?”
6Ia nakama la selavaa kesui aꞌe kevasili Jesus la.
Kama pasemuu
7Jesus emakino pela nakama ealu mia keꞌai la ehihai inoho i keꞌina nakama hananiu enoho la. Kena iko Jesus ikakala aꞌe kakala hulihuli nei.
8“Poi hekama ealu aꞌoe ihaele aꞌe keꞌai keꞌavana, aꞌoe isenoho i keꞌina kama hananiu menoho la. Aoki kama hamakua keꞌai la amealu kekama hananiu iluna aꞌoe. 9Kena kama hamakua keꞌai la mehaele nome aku, ‘Au aꞌe keꞌina na inoho kama nei, kena aꞌoe uꞌene nonoho ilalo i keꞌina haoki la.’ Kena aꞌoe menapa haeꞌo.
10“Keualoko aꞌoe meialu mia, haele nonoho ma nakama moulalo. Kena kama hamakua keꞌai la mehaele nome aku aꞌoe ma, ‘Kausoa. Masiꞌe iluna. Hanuu nonoho ma nakama hananiu la.’ Kena nakama nialu mia la hakoa meihamaha aꞌoe. 11Pena hekama ehakanaka soia ihananiu, alakama meikuu kama na nomoulalo. Ia pena hekama ekuu soia nomoulalo, alakama mesapai kama na ihananiu.”
12Kena iko Jesus ime aꞌe kekama kela nialu aꞌe aia la, “Keualoko aꞌoe meikanakana naꞌai aꞌoe, aꞌoe sealu nasoa aꞌoe, nakaina aꞌoe, nahaleaina ia ma nakama kela haiheheaꞌu solakou. Aoki nakama la mealu muli aku aꞌoe iꞌai ma lakou, pela isui muli aku.
13“Ia keualoko aꞌoe mekanakana keꞌai, alu nakama haaloha hoi, ia ma nakama kokolo, nakama navae emake, ia ma nakama naꞌalemaka seni. 14Kena aꞌoe meihakapu lia Keakua. Nakama la meselavaa kesui muli aku aꞌoe. Ia Keakua soia mehoꞌi aku aꞌoe, keualoko nakama ekonu kahi la memasiꞌe ikaha ma kemake.”
Kakala hulihuli keꞌai elahi
(Mat 22.1-10)
15Kela hekama eꞌai ma Jesus, ia elono nakakala Jesus la. Kena iko kama la ime aꞌe, “Nakama eꞌai keꞌai iloko kenoholana iluna mehakapu lia Keakua.”
16Ko Jesus ime aꞌe kama la kakala hulihuli nei, “Kela hekama ekanakana keꞌai elahi, kena ialu komaꞌi haeꞌo nakama. 17Keualoko keꞌai la ukanakana iꞌai, ko kama la ihaunalia kama heheaꞌu aia la io nome aꞌe nakama aia nialu la ma io aꞌe, ‘Omai. Hakoa ukanakana.’
18“Ia nakama la ekakala hanonoa. Kama amaka ekakala ma, ‘Anau esui paupaꞌu. Anau amehaele nomaka paupaꞌu la. Alohai, anau apikia.’
19“Ko kelaa kama ikakala aꞌe, ‘Anau esui sanahulu na{bulumakau}. Anau mehaele nohaꞌike namanu anau la. Alohai, anau apikia.’
20“Kena kama hakoukolu ume aꞌe, ‘Anau eꞌavana vahonei ia. Kela hea anau mesehaele aku.’
21“Kena iko kama heheaꞌu la ivaꞌai muli nome aꞌe kama hamakua aia la hea aia nilono la. Ia kena kama hamakua la uloko haeꞌo, kena ime aꞌe, ‘Loha vave valoko naala kemakaꞌina la. Me aku nakama haaloha, nakama kokolo, nakama alemaka seni, ia ma nakama navae emake la io mai.’ 22Ia kama heheaꞌu la ume aꞌe, ‘Kealiꞌi, anau name aꞌe avale nakama la, ehau poi aꞌoe nime mai. Ia kehale aꞌoe nei sepii kekama.’ 23Ko kama hamakua la ime aꞌe kama heheaꞌu la, ‘Haele iloko naꞌina valoko, nome aku nakama la io mai. Pela imea kehale anau nei iꞌapi. 24Anau eme aku, nakama anau nialu imua la meselavaa keꞌai keꞌai anau nei.’ ”
Hakaꞌoko imua aꞌoe kaukali Jesus
(Mat 10.37-38)
25Komaꞌi naonohenua ekakaꞌa ma Jesus. Kena iko kama la ikakala haiauna aꞌe, 26“Poi hekama ehamai anau, ia ehakaꞌoko maha kamana aia, kina aia, keꞌavana aia, nakamaliꞌi aia, nakaina aia, naꞌave aia, ia ma keola aia. Kama la meselavaa kekaukali mai anau. 27Poi hekama seaunahie kehapili {kolosi} aia, nokaukali mai anau, kama la meselavaa kekaukali anau.
28“Poi aꞌoe hihai ihakuu kehale mouluna, aꞌoe ikau kenoho nohakaꞌoko kesui kehale la imua. Imakino aꞌoe pela namoni aꞌoe la ekau kehakuu kehale la. 29Aoki aꞌoe hakuu napou la, ia selavaa kehaoki hale la. Kena nakama kela eꞌike napou la mekokousua aꞌoe. 30Nakama la meme aku, ‘Kama nei eꞌamaka nohakuu hale na, ia selavaa kehaoki kehale na.’
31“Poi hekuꞌu ehihai haele novuhu ma kelaa kuꞌu, kama la ikau kenoho nohakaꞌoko imua. Imakino aia pela sehui nasimaka nakanaka aia la elavaa kevuhu ma kipulua nasimaka nakanaka kelaa kuꞌu la. 32Poi nakama kekuꞌu amaka la sekau, kaualeꞌa pela kama la mehaunalia napalekuꞌu aia la keualoko kelaa kuꞌu enoho imao, nokakala halaoi ma kekuꞌu la.
33“Okou ehau poi nakama la hoi. Pena okou sekiaꞌi namea okou la hakoa, okou mesekau kekaukali mai anau.
Kakala hulihuli ke{Solt}
(Mat 5.13; Mrk 9.50)
34“Ke{solt} ekaualeꞌa. Ia poi ke{solt} la evaisaa, namea la amemala muli pehe? 35Ke{solt} vaisaa la hemevale, sehimea kaualeꞌa. Kemela ekau kepesia ikaha oia. Pena okou hihai ailoa, kena halono mai.”
Currently Selected:
Luke 14: ojv
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
