Luke 16
16
Kama heheaꞌu makonu
1Jesus ekakala aꞌe nakama kaukali aia la ma, “Kela hekama elolosi naheheaꞌu kekama haimoni. Ia alakama ekamumu pela kama heheaꞌu aia la ememe puamu naheaꞌu la. 2Kena kama hamakua la eanaa kama heheaꞌu aia la ihaele aꞌe, kena ime aꞌe, ‘Alakama ekamoa haeꞌo i aꞌoe. Kakala mai anau kelolosi aꞌoe naheaꞌu anau la, kena anau mehaoki aꞌoe.’
3“Ko kama heheaꞌu la ihakaꞌoko soia, ‘Hea anau mehai? Kama hamakua anau nei mehaoki anau. Anau seivi keheheaꞌu haimahi.*f15* Ia anau enapa kekusoni. 4Anau makino hea anau meihai. Anau mehakeiho na{kaoni} alakama. Kena keualoko keheheaꞌu anau nei ameoki, nakama la mehihai ilolosi anau iloko nahale lakou la.’
5“Kena kama heheaꞌu la eanaa nakama kela ni{kaoni} namea kama hamakua aia la. Kena ime aꞌe kama amaka, ‘Ehia aꞌoe e{kaoni} kama hamakua anau la?’ 6Ko kama la ime aꞌe, ‘Evalu huikalau nalo sunu.’ Kena iko kama heheaꞌu la ime aꞌe kama la. ‘Ko kelauniu na{kaoni} aꞌoe la, ukakaa haa huikalau.’ 7Kena iko kama la ime aꞌe kama hasiaoa, ‘Ehia aꞌoe e{kaoni}?’ Ko kama hasiaoa la ime aꞌe, ‘Simaka naꞌopuu halaoa.’ Kena iko kama heheaꞌu la ime aꞌe, ‘Ko kelauniu na{kaoni} aꞌoe la, ukakaa valu huikalau.’ *f16* 8Ia niaina ma kama heheaꞌu la ehailavaꞌa namea kama hamakua aia la, kama hamakua la uhamaha kemakonu kama heheaꞌu aia la.”
Kena Jesus ime aꞌe, “Alakama ekaukali nakipukipu kemaalama nei. Kena nakama la emakonu i namaisu nakama kaukama nei. Elaꞌa iluna ma nakama kela ekaukali nakipukipu Keakua.*f17* 9Anau eme aku, okou ihoꞌi aꞌe naheheaꞌu okou la isoa ma alakama. Kena keualoko naheheaꞌu okou la meoki hakoa, nakama la meihihai ilolosi okou iloko nahale lakou naualoko hamau.
10“Kekama kela elolosi hakaualeꞌa nikamaa mea, melolosi hakaualeꞌa namea elahi hoi. Ia kekama kela selolosi hakaualeꞌa nikamaa mea, meselolosi namea elahi hoi. 11Poi okou selolosi hakaualeꞌa naheheaꞌu iloko kemaalama nei, kena Keakua meseau aku namea kaualeꞌa hamaoni ilolosi okou. 12Poi okou selolosi hakaualeꞌa naheheaꞌu kelaa kama, kena sehikama meau aku niheheaꞌu ma okou.
13“Selavaa hekama iheheaꞌu ma sakama hamakua. Kama la meilaoi kelaa kama, ia meililoko kelaa kama. Kama la mehalono kelaa kama, ia mehanaꞌino kelaa kama. Poi okou emanaꞌo namoni, kena okou meselavaa keheheaꞌu ma Keakua.”
14Kulana naFarasi la nihalono nakakala Jesus nei, nakama la ekousua oia.*f18* 15Kena iko Jesus ime aꞌe nakama la, “Okou hihai keonohenua la ihakaꞌoko pela okou ekonu. Ia Keakua emakino nahakaꞌoko okou. Keonohenua la ehamaha namea kela esaꞌino haeꞌo i namaisu Keakua.
Nakuaa Keakua selavaa keoki
(Mat 11.12-13; 5.31-32; Mrk 10.11-12)
16“Imua, keonohenua la ehalono nakuaa Moses ia ma nakama hakae nakakala Keakua la. Ia keualoko John nihamai nokaukaꞌu, keonohenua la ehalono kelono kaualeꞌa kenoholana Keakua. Kena keonohenua la ehai namahi lakou iulu kenoholana la. 17Kevaelani ma kemaalama nei meioki, ia nakakala nakuaa la selavaa keoki.
18“Poi hekama ekiaꞌi kehine aia la, kena iꞌavana kelaa hine, kama la uhaisala keꞌavana huli. Ia poi hekama eꞌavana kehine la, kama la uhaisala keꞌavana huli hoi.”
Kanaka haimoni laua ma Lazarus
19Kena Jesus eme aꞌe, “Kela hekama haimoni ekuku laoi. Kama la eauꞌahu naauꞌahu kaualeꞌa, kena inoho hihia keaho ma keaho. 20Ia kekama haaloha emale ma Lazarus enonoho i kevahi kokoꞌa kehale kama haimoni la. Kinokama Lazarus la ehaisanuꞌu hakoa. 21Ia kena napoi la emumui aꞌe noaliali nasanuꞌu aia la. Lazarus eꞌike namanunu kela emaoha ikaha ma {sevolo} kama haimoni la, kena hihai iꞌai namanunu la ipohu aia.
22“Keaho Lazarus nimake, na{enselo} esau kama la nohanoho ma Abraham. Kena kama haimoni la umake hoi nokanu. 23Vahola, kama haimoni la ehalono lihu i keꞌina keahi, kena ila aꞌe noꞌike Abraham enoho emao ikaha maia, ia Lazarus ehapale aꞌe Abraham. 24Ko kama haimoni la ianaa aꞌe, ‘Kamana Abraham. Aloha mai anau. Haunalia mai Lazarus nokoꞌi mai kemakalima aia iloko kevai kea la nohasapu mai kealelo anau imaliꞌi. Anau ehalono lihu haeꞌo iloko keahi nei.’
25“Kena iko Abraham ime aꞌe, ‘Kaukama, aꞌoe emanaku keola aꞌoe imua la? Saika la, aꞌoe ekuku laoi, ia Lazarus ekuku haeꞌo. Ia vahonei, anau ehapoꞌi Lazarus inei, ia aꞌoe ehalono lihu i keꞌina keahi la. 26Kela mea hoi. Kelua elahi haeꞌo la emoe lakonu kaua, iselavaa hekama makou ikehaele aku. Ia iselavaa hekama okou kehamai inei.’ 27Kena iko kama haimoni la ime aꞌe, ‘Kamana Abraham. Anau eainoa aku aꞌoe. Haunalia Lazarus ihaele i kehale kamana anau la. 28Ikakala aꞌe kaulima nakaina anau la, iseo mai nakama la i keꞌina halono lihu nei.’
29“Kena iko Abraham ime aꞌe, ‘Nakaina aꞌoe la elavaa kepau nakuaa Moses ia ma nalauniu nakama hakae nakakala Keakua, ihalono nakakala nakama la.’ 30Ia kama haimoni la eme aꞌe, ‘Seai kamana Abraham. Ia poi hekama emake amekuu aꞌe soia i nakama la, nakama la mekiꞌe ikaha ma nahaisala lakou.’ 31Ko Abraham ime aꞌe kama la, ‘Poi nakaina aꞌoe la sehalono nakuaa Moses ia ma nakama hakae nakakala Keakua la, nakama na mesehalono kekama kela emasiꞌe imuli ikaha ma kemake la hoi.’ ”
Currently Selected:
Luke 16: ojv
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
Luke 16
16
Kama heheaꞌu makonu
1Jesus ekakala aꞌe nakama kaukali aia la ma, “Kela hekama elolosi naheheaꞌu kekama haimoni. Ia alakama ekamumu pela kama heheaꞌu aia la ememe puamu naheaꞌu la. 2Kena kama hamakua la eanaa kama heheaꞌu aia la ihaele aꞌe, kena ime aꞌe, ‘Alakama ekamoa haeꞌo i aꞌoe. Kakala mai anau kelolosi aꞌoe naheaꞌu anau la, kena anau mehaoki aꞌoe.’
3“Ko kama heheaꞌu la ihakaꞌoko soia, ‘Hea anau mehai? Kama hamakua anau nei mehaoki anau. Anau seivi keheheaꞌu haimahi.*f15* Ia anau enapa kekusoni. 4Anau makino hea anau meihai. Anau mehakeiho na{kaoni} alakama. Kena keualoko keheheaꞌu anau nei ameoki, nakama la mehihai ilolosi anau iloko nahale lakou la.’
5“Kena kama heheaꞌu la eanaa nakama kela ni{kaoni} namea kama hamakua aia la. Kena ime aꞌe kama amaka, ‘Ehia aꞌoe e{kaoni} kama hamakua anau la?’ 6Ko kama la ime aꞌe, ‘Evalu huikalau nalo sunu.’ Kena iko kama heheaꞌu la ime aꞌe kama la. ‘Ko kelauniu na{kaoni} aꞌoe la, ukakaa haa huikalau.’ 7Kena iko kama la ime aꞌe kama hasiaoa, ‘Ehia aꞌoe e{kaoni}?’ Ko kama hasiaoa la ime aꞌe, ‘Simaka naꞌopuu halaoa.’ Kena iko kama heheaꞌu la ime aꞌe, ‘Ko kelauniu na{kaoni} aꞌoe la, ukakaa valu huikalau.’ *f16* 8Ia niaina ma kama heheaꞌu la ehailavaꞌa namea kama hamakua aia la, kama hamakua la uhamaha kemakonu kama heheaꞌu aia la.”
Kena Jesus ime aꞌe, “Alakama ekaukali nakipukipu kemaalama nei. Kena nakama la emakonu i namaisu nakama kaukama nei. Elaꞌa iluna ma nakama kela ekaukali nakipukipu Keakua.*f17* 9Anau eme aku, okou ihoꞌi aꞌe naheheaꞌu okou la isoa ma alakama. Kena keualoko naheheaꞌu okou la meoki hakoa, nakama la meihihai ilolosi okou iloko nahale lakou naualoko hamau.
10“Kekama kela elolosi hakaualeꞌa nikamaa mea, melolosi hakaualeꞌa namea elahi hoi. Ia kekama kela selolosi hakaualeꞌa nikamaa mea, meselolosi namea elahi hoi. 11Poi okou selolosi hakaualeꞌa naheheaꞌu iloko kemaalama nei, kena Keakua meseau aku namea kaualeꞌa hamaoni ilolosi okou. 12Poi okou selolosi hakaualeꞌa naheheaꞌu kelaa kama, kena sehikama meau aku niheheaꞌu ma okou.
13“Selavaa hekama iheheaꞌu ma sakama hamakua. Kama la meilaoi kelaa kama, ia meililoko kelaa kama. Kama la mehalono kelaa kama, ia mehanaꞌino kelaa kama. Poi okou emanaꞌo namoni, kena okou meselavaa keheheaꞌu ma Keakua.”
14Kulana naFarasi la nihalono nakakala Jesus nei, nakama la ekousua oia.*f18* 15Kena iko Jesus ime aꞌe nakama la, “Okou hihai keonohenua la ihakaꞌoko pela okou ekonu. Ia Keakua emakino nahakaꞌoko okou. Keonohenua la ehamaha namea kela esaꞌino haeꞌo i namaisu Keakua.
Nakuaa Keakua selavaa keoki
(Mat 11.12-13; 5.31-32; Mrk 10.11-12)
16“Imua, keonohenua la ehalono nakuaa Moses ia ma nakama hakae nakakala Keakua la. Ia keualoko John nihamai nokaukaꞌu, keonohenua la ehalono kelono kaualeꞌa kenoholana Keakua. Kena keonohenua la ehai namahi lakou iulu kenoholana la. 17Kevaelani ma kemaalama nei meioki, ia nakakala nakuaa la selavaa keoki.
18“Poi hekama ekiaꞌi kehine aia la, kena iꞌavana kelaa hine, kama la uhaisala keꞌavana huli. Ia poi hekama eꞌavana kehine la, kama la uhaisala keꞌavana huli hoi.”
Kanaka haimoni laua ma Lazarus
19Kena Jesus eme aꞌe, “Kela hekama haimoni ekuku laoi. Kama la eauꞌahu naauꞌahu kaualeꞌa, kena inoho hihia keaho ma keaho. 20Ia kekama haaloha emale ma Lazarus enonoho i kevahi kokoꞌa kehale kama haimoni la. Kinokama Lazarus la ehaisanuꞌu hakoa. 21Ia kena napoi la emumui aꞌe noaliali nasanuꞌu aia la. Lazarus eꞌike namanunu kela emaoha ikaha ma {sevolo} kama haimoni la, kena hihai iꞌai namanunu la ipohu aia.
22“Keaho Lazarus nimake, na{enselo} esau kama la nohanoho ma Abraham. Kena kama haimoni la umake hoi nokanu. 23Vahola, kama haimoni la ehalono lihu i keꞌina keahi, kena ila aꞌe noꞌike Abraham enoho emao ikaha maia, ia Lazarus ehapale aꞌe Abraham. 24Ko kama haimoni la ianaa aꞌe, ‘Kamana Abraham. Aloha mai anau. Haunalia mai Lazarus nokoꞌi mai kemakalima aia iloko kevai kea la nohasapu mai kealelo anau imaliꞌi. Anau ehalono lihu haeꞌo iloko keahi nei.’
25“Kena iko Abraham ime aꞌe, ‘Kaukama, aꞌoe emanaku keola aꞌoe imua la? Saika la, aꞌoe ekuku laoi, ia Lazarus ekuku haeꞌo. Ia vahonei, anau ehapoꞌi Lazarus inei, ia aꞌoe ehalono lihu i keꞌina keahi la. 26Kela mea hoi. Kelua elahi haeꞌo la emoe lakonu kaua, iselavaa hekama makou ikehaele aku. Ia iselavaa hekama okou kehamai inei.’ 27Kena iko kama haimoni la ime aꞌe, ‘Kamana Abraham. Anau eainoa aku aꞌoe. Haunalia Lazarus ihaele i kehale kamana anau la. 28Ikakala aꞌe kaulima nakaina anau la, iseo mai nakama la i keꞌina halono lihu nei.’
29“Kena iko Abraham ime aꞌe, ‘Nakaina aꞌoe la elavaa kepau nakuaa Moses ia ma nalauniu nakama hakae nakakala Keakua, ihalono nakakala nakama la.’ 30Ia kama haimoni la eme aꞌe, ‘Seai kamana Abraham. Ia poi hekama emake amekuu aꞌe soia i nakama la, nakama la mekiꞌe ikaha ma nahaisala lakou.’ 31Ko Abraham ime aꞌe kama la, ‘Poi nakaina aꞌoe la sehalono nakuaa Moses ia ma nakama hakae nakakala Keakua la, nakama na mesehalono kekama kela emasiꞌe imuli ikaha ma kemake la hoi.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.