Jân 17
17
1Jisus a kalakindi ndaga těkadi ka Mâ‐a betě mihâ maju oba, na, Paia, iwěla i pândi; bendakě Mwan‘ ’avě, ovaně nd‘ o Mwan‘ ’âvě a ka bendě těpě Âvě: 2Pani ka Âvě o di Mâ věngo ngudi e pangakiyě mehoni meěhěpi, na A věkě tango ‘âvě e di Mâ věngo eměnâ ya egombe yěhěpi. 3Eměnâ ya egombe yěhěpi nd‘ ekae, na ovaně nd‘ o bâ‐ba ka yowě Âvě dipâ, Anyambě ya pâkwěpâkwě, na Jisus Kraist, uâvě a di lomango. 4Mbi nd‘ Âvě benděngo o he: Mbi hânjâbiděngo ehavu ’Âvě e věki ’Mba na Mbi hake. 5Nandi Paia o bendakě ’avě mětě, n‘ ivenda t‘ ijamě i diyanaki na nâvě, ovaně he e t‘ o diya. 6Mbi ndi leviděngo dina jâvě bato bâvě ba věki ’Mba o he: ba diyakindi ibâvě, ka Âvě oa vě ’Mba bâ; ba ndi tatango ndaga jâvě. 7Nandi ba yowuděndi na belombo beěhěpi ibeâvě be di ’Mba věngo, be ndi ibeâvě: 8Ikabojana Mbi vi bâ ndaga jâvě i yěki ’Mba; ba věhělidi jâ, ba tepě yowěngo pâkwěpâkwě na Mbi vakiyendi o Âvě o jadi, ba tepě kamiděngo na Âvě nd‘ o lomaki ’Mba. 9Mbi kalakiyand‘ o pěl‘ ’abu: Mba kalakiya o pěl‘ ’a he, ndi kabo o pěl‘ ibâvě ba di ’Mba věngo; ’kabojana ba ndi ibâvě. 10Ibamě běhěpi ba nd‘ ibâvě, ibâvě ba ndi ibamě; Mbi bendakwi na bâ. 11Mbi ’bě pě o he, nd‘ ekaba ba ngite o he; Mbi vakandi o Âvě o jadi. Paia ya holi, tataka bâ, na dina jâvě mětě, ibâvě ba věki ’Mba, ovaně nd‘ o bâ ba ka diyě mot‘ umbâkâ, pani ka hwě ho jadi. 12Mbi tataki bâ na dina jâvě, o ’Mb‘-’i diyaki na bâ o he: Mbi tatakindi ibâvě ba věki ’Mba, n‘ umbâkâ a ’bě nyangango kabo mwana u‘ inyanga; na ovaně nd‘ o Ilěndwě i ka hohanganě. 13Nandi Mbi vakandi o Âvě o jadi, Mbi kalakandi belombo těkabe o he, ovaně nd‘ o bâ ba ka pahiyě mbya ’amě londango o bâ‐ba jadi. 14Mbi věngo bâ ndaga jâvě; na he e binaki bâ, ’kabojana ba ibě ba he, pani k‘ Umba‐mbi ha ’be ua he. 15Mba kalakiya na, Věngěkidě bâ oviya he, ndi tataka bâ oviya bobe. 16Ba ibě ba he, pani k‘ Umba‐mbi ha ’be ua he. 17Nyěvěkidě bâ na pâkwěpâkwě ’âvě: Ndaga ’âvě e ndi pâkwěpâkwě. 18Pani ka ’vě o di ’Mba lomango o he, nonaně tepě Umba‐mbi di bâ lomango o he. 19O nyanga ’abu nd‘ eamě e nyěvěkidě nyolo ’amě mětě, ovaně nd‘ o bâ‐ba ka nyěvudwě na pâkwěpâkwě. 20Mba kalakiya kabo o pělě ea ’kaba pa; ndi Mbi kalakiyate na o pělě ea ba ka kamidi ’Mba na ndaga jabu: 21Ovaně nd‘ o bâ běhěpi ba ka diyě mot‘ umbâkâ, pani ka ’vě, Paia, o didi Umba mbi jadi, n‘ Umba o Âvě o jadi, na ba diyake mot‘ umbâkâ o hwě ho jadi: ovaně nd‘ o he e ka kamidě na Âvě nd‘ o lomaki ’Mba. 22Ivenda jâvě i věki ’Mba, Mbi vi bâ jâ; ovaně nd‘ o bâ‐ba ka diyě mot‘ umbâkâ, pani ka hwě ho jadi mot‘ umbâkâ; 23Umba na bâ, Âvě n‘ Umba, ovaně nd‘ o bâ‐ba ka diyě hânjâbiyěngo mot‘ umbâkâ; ovaně nd‘ o he e ka yowě na Âvě nd‘ o lomaki ’Mba, na na o tândâki bâ pani ka ’vě o tândâkě ’Mba. 24Paia, Mbi vahaki tepě na ibâvě ba věki ’Mba ekaba, ba diyake Umba‐mbi jadi; ovaně nd‘ o bâ‐ba ka yěně ivenda jamě ijâvě i vi ’Mba: ’kabojana o tândâkite ’Mba oviya he e t‘ o yalwě. 25Paia ya hohonganěngo, o he ea ’wě Âvě: ndi Mbi yowuděnd‘ avě; ekaba ba yowěngo na Âvě nd‘ o lomaki ’Mba. 26Mbi bâ pakuwango dina jâvě, n‘ Umba‐mbi ka pakuwa tepě jâ: na ovaně nd‘ o itânde jâvě i tândânâkě ’Mba, i ka diyě o bâ‐ba jadi, n‘ Umba tepě o bâ‐ba jadi.
Currently Selected:
Jân 17: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895.
Jân 17
17
1Jisus a kalakindi ndaga těkadi ka Mâ‐a betě mihâ maju oba, na, Paia, iwěla i pândi; bendakě Mwan‘ ’avě, ovaně nd‘ o Mwan‘ ’âvě a ka bendě těpě Âvě: 2Pani ka Âvě o di Mâ věngo ngudi e pangakiyě mehoni meěhěpi, na A věkě tango ‘âvě e di Mâ věngo eměnâ ya egombe yěhěpi. 3Eměnâ ya egombe yěhěpi nd‘ ekae, na ovaně nd‘ o bâ‐ba ka yowě Âvě dipâ, Anyambě ya pâkwěpâkwě, na Jisus Kraist, uâvě a di lomango. 4Mbi nd‘ Âvě benděngo o he: Mbi hânjâbiděngo ehavu ’Âvě e věki ’Mba na Mbi hake. 5Nandi Paia o bendakě ’avě mětě, n‘ ivenda t‘ ijamě i diyanaki na nâvě, ovaně he e t‘ o diya. 6Mbi ndi leviděngo dina jâvě bato bâvě ba věki ’Mba o he: ba diyakindi ibâvě, ka Âvě oa vě ’Mba bâ; ba ndi tatango ndaga jâvě. 7Nandi ba yowuděndi na belombo beěhěpi ibeâvě be di ’Mba věngo, be ndi ibeâvě: 8Ikabojana Mbi vi bâ ndaga jâvě i yěki ’Mba; ba věhělidi jâ, ba tepě yowěngo pâkwěpâkwě na Mbi vakiyendi o Âvě o jadi, ba tepě kamiděngo na Âvě nd‘ o lomaki ’Mba. 9Mbi kalakiyand‘ o pěl‘ ’abu: Mba kalakiya o pěl‘ ’a he, ndi kabo o pěl‘ ibâvě ba di ’Mba věngo; ’kabojana ba ndi ibâvě. 10Ibamě běhěpi ba nd‘ ibâvě, ibâvě ba ndi ibamě; Mbi bendakwi na bâ. 11Mbi ’bě pě o he, nd‘ ekaba ba ngite o he; Mbi vakandi o Âvě o jadi. Paia ya holi, tataka bâ, na dina jâvě mětě, ibâvě ba věki ’Mba, ovaně nd‘ o bâ ba ka diyě mot‘ umbâkâ, pani ka hwě ho jadi. 12Mbi tataki bâ na dina jâvě, o ’Mb‘-’i diyaki na bâ o he: Mbi tatakindi ibâvě ba věki ’Mba, n‘ umbâkâ a ’bě nyangango kabo mwana u‘ inyanga; na ovaně nd‘ o Ilěndwě i ka hohanganě. 13Nandi Mbi vakandi o Âvě o jadi, Mbi kalakandi belombo těkabe o he, ovaně nd‘ o bâ ba ka pahiyě mbya ’amě londango o bâ‐ba jadi. 14Mbi věngo bâ ndaga jâvě; na he e binaki bâ, ’kabojana ba ibě ba he, pani k‘ Umba‐mbi ha ’be ua he. 15Mba kalakiya na, Věngěkidě bâ oviya he, ndi tataka bâ oviya bobe. 16Ba ibě ba he, pani k‘ Umba‐mbi ha ’be ua he. 17Nyěvěkidě bâ na pâkwěpâkwě ’âvě: Ndaga ’âvě e ndi pâkwěpâkwě. 18Pani ka ’vě o di ’Mba lomango o he, nonaně tepě Umba‐mbi di bâ lomango o he. 19O nyanga ’abu nd‘ eamě e nyěvěkidě nyolo ’amě mětě, ovaně nd‘ o bâ‐ba ka nyěvudwě na pâkwěpâkwě. 20Mba kalakiya kabo o pělě ea ’kaba pa; ndi Mbi kalakiyate na o pělě ea ba ka kamidi ’Mba na ndaga jabu: 21Ovaně nd‘ o bâ běhěpi ba ka diyě mot‘ umbâkâ, pani ka ’vě, Paia, o didi Umba mbi jadi, n‘ Umba o Âvě o jadi, na ba diyake mot‘ umbâkâ o hwě ho jadi: ovaně nd‘ o he e ka kamidě na Âvě nd‘ o lomaki ’Mba. 22Ivenda jâvě i věki ’Mba, Mbi vi bâ jâ; ovaně nd‘ o bâ‐ba ka diyě mot‘ umbâkâ, pani ka hwě ho jadi mot‘ umbâkâ; 23Umba na bâ, Âvě n‘ Umba, ovaně nd‘ o bâ‐ba ka diyě hânjâbiyěngo mot‘ umbâkâ; ovaně nd‘ o he e ka yowě na Âvě nd‘ o lomaki ’Mba, na na o tândâki bâ pani ka ’vě o tândâkě ’Mba. 24Paia, Mbi vahaki tepě na ibâvě ba věki ’Mba ekaba, ba diyake Umba‐mbi jadi; ovaně nd‘ o bâ‐ba ka yěně ivenda jamě ijâvě i vi ’Mba: ’kabojana o tândâkite ’Mba oviya he e t‘ o yalwě. 25Paia ya hohonganěngo, o he ea ’wě Âvě: ndi Mbi yowuděnd‘ avě; ekaba ba yowěngo na Âvě nd‘ o lomaki ’Mba. 26Mbi bâ pakuwango dina jâvě, n‘ Umba‐mbi ka pakuwa tepě jâ: na ovaně nd‘ o itânde jâvě i tândânâkě ’Mba, i ka diyě o bâ‐ba jadi, n‘ Umba tepě o bâ‐ba jadi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895.