Jân 18
18
1O Jisus a běki ndaga těkadi kalango, ka Mâ‐a puma na beyokwedi beaju na jabuwa o viho Kidrân, omě o diyakindi na mwanga umuaju u ngakiyedi na beyokwedi beaju. 2Judas t‘ i kândâkidě Mâ, a yowâkidětě iboko tě: ’kabojana Jisus a ma kěkěndi na beyokwedi beaju omě mběmbě. 3Jâ ndi ja Judas ja viya omě, o mâ‐a běkidi pahiyango njamba ya bato na benami oviya prist ja meolo na Farisi ba jadi, ba vaka na litwa, na meanyo, na bevolani. 4Jisus a yowakiděte belombo beěhěpi be ka viyě o Mâ‐a jadi, A kěkindi ka Mâ‐a vâ na bâ, na, O butaka li nja? 5Ka bâ‐ba yavwana Mâ, na, Jisus ja Nasarět. Jisus a vâki na bâ, na, Umba nd‘ekaně. Judas e kândâkidě Mâ, a těměki tepě na bâ. 6O Mâ‐a vâki na bâ, na, Umba nd‘ekaně, ba timbaki na mbuhwa, ka bâ‐ba kwa o he. 7Jâ ndi jaju ja uwa pě bâ, na, A lě nj‘ uanyu a butakě? Ba vâki, na, Jisus ja Nasarět. 8Jisus a yavwanaki bâ, na, Mbi ma languwate inyěni, na, Umba nd‘ekaně: ndi oningě na o butakandi ’Mbani, hulwakiděni ekaba ba kěkě: 9Ovaně nd‘ o ndaga ’aju e kalakidi e ka hohonganě, na, Ibâvě ba věki ’Mba, Mbu nyangě n‘ umbâkâ. 10Saimân Pitě a diyaki n‘ ukwala mu‘ ibâtâ, a hodwaki muâ ka mâ‐a koka muâ uhayi mua prist ya molo, na lenaka ditâ jaju iyomi. Dina ja uhayi tě ndi Malkâs. 11Jâ ndi ja Jisus ja vâ na Pitě, na, Vamakě ukwala muâvě o egolo: Mbi mâtâke kâpi ya Paia e věki ’Mba?
12Jâ ndi ja njamba na ngâwě na benami bea Jiu, ja nângâ Jisus ka bâ‐ba kata Mâ. 13Ka bâ‐ba valana Mâ o bohoboho o Anas a jadi, (’kabojana a diyakindi ukiy‘ a Keafas, e diyakidi prist ya molo upuma těmuně). 14Nandi Keafas mâ nd‘ a kelevakidě Jiu na, e ndi lukango na moto umbâkâ a waka o pěl‘ ’a bato.
15Ka Saimân Pitě a vitě Jisus, na eyokwedi epâkwě. Eyokwedi těene e diyakindi yowaněngo na prist ya molo, ka yâ‐ya ngiya na Jisus o ikenga ja prist ya molo. 16Ndi Pitě a těměkindi obwebwe o ubiyâ. Jâ ndi ja eyokwedi tě epâkwě e diyakidi yowaněngo na prist ya molo, ya puma ka kala n‘ itângâ i tataki jâmbě, ka mâ‐a ngidě Pitě. 17Jâ ndi j‘ itângâ tě i tataki jâmbě ja vâ na Pitě, na, O ’bě tepě ua beyokwedi bea momo těkaně? A vâki, na, Mbi ’bě. 18Bahayi na benami ba těměkind‘ omě ba diyaki ba haka veya via mala; (’kabojana i diyakind‘ ivěvu:) na bâ‐ba lâlâkâ: Pitě a těměki na bâ, a lâlâkâ veya.
19Prist ya molo e batakiděndi Jisus o pěl‘ ’a beyokwedi beaju, na iyokwanidi viaju. 20Jisus a yavwanaki mâ, na, Mbi kalakindi na he o bwebwe; Mbi yokwakiděte o sinegâg na o těmpěl, o Jiu ba pâkě mběmbě; Mbi ’bě vângo elombo ikutakuta. 21O uwaka lě ’Mba nande? uwaka ba yokaki ’Mba‐mbi kalaka, nyanga ’amě e vâki na bâ: umbwakiyate, ba yowuděte nyanga ’amě e vâkidi. 22O Mâ‐a běki nonaně kalango, enami yâkâ e diyaki těměngo, e bweyaki Jisus ibanjo, na, O yavwanakandi prist ya molo nonaně? 23Jisus a yavwanaki mâ, na, Oningě na Mbi ma kali bobe, pakwaka o pěl‘ ’a bobe: nd‘ oningě bwam‘ o bomaka lě ’Mba nande? 24(Anas a diyakindi a validě Mâ katwěngo o prist ya molo, Keafas, a jadi.)
25Saimân Pitě a diyakite de a lâlâkidě nyolo ’aju. Ba vâki na ju, na, O ’bě ua beyokwedi beaju? A hâhâkindi ka mâ‐a vâ na, na, Mbi ’bě. 26Uhayi umbâkâ mua prist ya molo, (a diyakidi ijawe na mâ ua Pitě a lenaki ditâ,) a vâki na ju, na, Mbu yěněkě âvě na ju o mwanga? 27Jâ ndi ja Pitě ja hâhâ pě: elěngiaha tepě kuba e kâkâlâkâ.
28Jâ ndi jabu ja validě Jisus oviya Keafas a jadi nala o ndabo ya yěkě: e diyaki n‘ ubwa: bâ mětě bu ngakiya o ndabo ya yěkě, obanga ba bevě nyolo; ovaně nd‘ o bâ‐ba ka jě isango j‘ Ikunduwa. 29Jâ ndi ja Pailat ja puma o bâ‐ba jadi, ka mâ‐a vâ na bâ, na, E lě nja ebuke eanyu e vanakě o pěl‘ ’a moto těkaně? 30Ba yavwanaki mâ, na, A jaka a diye mot‘ ube, te hu vě âvě Mâ. 31Jâ ndi ja Pailat ja vâ na bâ, na, Nângâki Mâni n‘ inyěni oa yěkidi Mâni hohonganěngo na elekanako ’anyu. Jiu ba vâki na ju, na, E ’bě twětwě na hwě ho weyaka moto: 32Ovaně nd‘ o ndaga ya Jisus e kalakidi e ka hohonganě, eaju e vâkidi ilevidě j‘ iwedo jaju i ka wě.
33Jâ ndi ja Pailat ja ngiya pě o ndabo ’a yěkě a ndakiyi Jisus, ka mâ‐a vâ na ju, na, O ndi Upolo mua Jiu? 34Jisus a yavwanaki mâ, na, Âvě mětě t‘ o vâkě elombo těkae, ipě bato bapâkwě ndi ba ma languwa âvě yâ o pěl‘ ’amě? 35Pailat a yavwanaki, na, Mbi tepě ua Jiu? Etomba ’vě mětě na prist ja meolo ndi ba didi âvě ’mba věngo. 36O lě hango nde? Jisus a yavwanakindi, na, Ipangiya jamě i ’bě ja he těkaně: ipangiya jamě i jaka ja he těkaně, te bahayi bamě ba ka yanate nana Mbi věkwě Jiu: ndi ipangiya jamě i ’be ja ’kava. 37Ka Pailat a vâ na ju, na, Ndi, o nd‘ upolo? Jisus yavwanaki, na, O vâki na Mbi nd‘ upolo. Ihuku těkadi ndi ijamě i janakudwě, na tina těkaně ndi eamě e vanakidi o he, nana Mbi pakwake pâkwěpâkwě. Uěhěpi a di ua pâkwěpâkwě, a yokaki joyi jamě. 38Pailat a vâki na ju, na, Pâkwěpâkwe e lě nde?
O mâ‐a běkidi ekae vângo ka mâ‐a puma pě o Jiu ba jadi, ka mâ‐a vâ na bâ, na, Mbi ’bě duwango njěnji o Mâ‐a jadi na vilolombo. 39Nd‘ inyěni o ndini na mběmbâ na mbi ka hulakidě inyěni umbâkâ o isango j‘ Ikunduwa: o ka bâtâteni mbi hulakid‘ inyěni Upolo mua Jiu? 40Jâ ndi jabu ja běhěpi ja yama pě, na, Hanga ekaně, ndi Barabas. Nandi Barabas a diyakindi upatuwi.
Currently Selected:
Jân 18: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895.
Jân 18
18
1O Jisus a běki ndaga těkadi kalango, ka Mâ‐a puma na beyokwedi beaju na jabuwa o viho Kidrân, omě o diyakindi na mwanga umuaju u ngakiyedi na beyokwedi beaju. 2Judas t‘ i kândâkidě Mâ, a yowâkidětě iboko tě: ’kabojana Jisus a ma kěkěndi na beyokwedi beaju omě mběmbě. 3Jâ ndi ja Judas ja viya omě, o mâ‐a běkidi pahiyango njamba ya bato na benami oviya prist ja meolo na Farisi ba jadi, ba vaka na litwa, na meanyo, na bevolani. 4Jisus a yowakiděte belombo beěhěpi be ka viyě o Mâ‐a jadi, A kěkindi ka Mâ‐a vâ na bâ, na, O butaka li nja? 5Ka bâ‐ba yavwana Mâ, na, Jisus ja Nasarět. Jisus a vâki na bâ, na, Umba nd‘ekaně. Judas e kândâkidě Mâ, a těměki tepě na bâ. 6O Mâ‐a vâki na bâ, na, Umba nd‘ekaně, ba timbaki na mbuhwa, ka bâ‐ba kwa o he. 7Jâ ndi jaju ja uwa pě bâ, na, A lě nj‘ uanyu a butakě? Ba vâki, na, Jisus ja Nasarět. 8Jisus a yavwanaki bâ, na, Mbi ma languwate inyěni, na, Umba nd‘ekaně: ndi oningě na o butakandi ’Mbani, hulwakiděni ekaba ba kěkě: 9Ovaně nd‘ o ndaga ’aju e kalakidi e ka hohonganě, na, Ibâvě ba věki ’Mba, Mbu nyangě n‘ umbâkâ. 10Saimân Pitě a diyaki n‘ ukwala mu‘ ibâtâ, a hodwaki muâ ka mâ‐a koka muâ uhayi mua prist ya molo, na lenaka ditâ jaju iyomi. Dina ja uhayi tě ndi Malkâs. 11Jâ ndi ja Jisus ja vâ na Pitě, na, Vamakě ukwala muâvě o egolo: Mbi mâtâke kâpi ya Paia e věki ’Mba?
12Jâ ndi ja njamba na ngâwě na benami bea Jiu, ja nângâ Jisus ka bâ‐ba kata Mâ. 13Ka bâ‐ba valana Mâ o bohoboho o Anas a jadi, (’kabojana a diyakindi ukiy‘ a Keafas, e diyakidi prist ya molo upuma těmuně). 14Nandi Keafas mâ nd‘ a kelevakidě Jiu na, e ndi lukango na moto umbâkâ a waka o pěl‘ ’a bato.
15Ka Saimân Pitě a vitě Jisus, na eyokwedi epâkwě. Eyokwedi těene e diyakindi yowaněngo na prist ya molo, ka yâ‐ya ngiya na Jisus o ikenga ja prist ya molo. 16Ndi Pitě a těměkindi obwebwe o ubiyâ. Jâ ndi ja eyokwedi tě epâkwě e diyakidi yowaněngo na prist ya molo, ya puma ka kala n‘ itângâ i tataki jâmbě, ka mâ‐a ngidě Pitě. 17Jâ ndi j‘ itângâ tě i tataki jâmbě ja vâ na Pitě, na, O ’bě tepě ua beyokwedi bea momo těkaně? A vâki, na, Mbi ’bě. 18Bahayi na benami ba těměkind‘ omě ba diyaki ba haka veya via mala; (’kabojana i diyakind‘ ivěvu:) na bâ‐ba lâlâkâ: Pitě a těměki na bâ, a lâlâkâ veya.
19Prist ya molo e batakiděndi Jisus o pěl‘ ’a beyokwedi beaju, na iyokwanidi viaju. 20Jisus a yavwanaki mâ, na, Mbi kalakindi na he o bwebwe; Mbi yokwakiděte o sinegâg na o těmpěl, o Jiu ba pâkě mběmbě; Mbi ’bě vângo elombo ikutakuta. 21O uwaka lě ’Mba nande? uwaka ba yokaki ’Mba‐mbi kalaka, nyanga ’amě e vâki na bâ: umbwakiyate, ba yowuděte nyanga ’amě e vâkidi. 22O Mâ‐a běki nonaně kalango, enami yâkâ e diyaki těměngo, e bweyaki Jisus ibanjo, na, O yavwanakandi prist ya molo nonaně? 23Jisus a yavwanaki mâ, na, Oningě na Mbi ma kali bobe, pakwaka o pěl‘ ’a bobe: nd‘ oningě bwam‘ o bomaka lě ’Mba nande? 24(Anas a diyakindi a validě Mâ katwěngo o prist ya molo, Keafas, a jadi.)
25Saimân Pitě a diyakite de a lâlâkidě nyolo ’aju. Ba vâki na ju, na, O ’bě ua beyokwedi beaju? A hâhâkindi ka mâ‐a vâ na, na, Mbi ’bě. 26Uhayi umbâkâ mua prist ya molo, (a diyakidi ijawe na mâ ua Pitě a lenaki ditâ,) a vâki na ju, na, Mbu yěněkě âvě na ju o mwanga? 27Jâ ndi ja Pitě ja hâhâ pě: elěngiaha tepě kuba e kâkâlâkâ.
28Jâ ndi jabu ja validě Jisus oviya Keafas a jadi nala o ndabo ya yěkě: e diyaki n‘ ubwa: bâ mětě bu ngakiya o ndabo ya yěkě, obanga ba bevě nyolo; ovaně nd‘ o bâ‐ba ka jě isango j‘ Ikunduwa. 29Jâ ndi ja Pailat ja puma o bâ‐ba jadi, ka mâ‐a vâ na bâ, na, E lě nja ebuke eanyu e vanakě o pěl‘ ’a moto těkaně? 30Ba yavwanaki mâ, na, A jaka a diye mot‘ ube, te hu vě âvě Mâ. 31Jâ ndi ja Pailat ja vâ na bâ, na, Nângâki Mâni n‘ inyěni oa yěkidi Mâni hohonganěngo na elekanako ’anyu. Jiu ba vâki na ju, na, E ’bě twětwě na hwě ho weyaka moto: 32Ovaně nd‘ o ndaga ya Jisus e kalakidi e ka hohonganě, eaju e vâkidi ilevidě j‘ iwedo jaju i ka wě.
33Jâ ndi ja Pailat ja ngiya pě o ndabo ’a yěkě a ndakiyi Jisus, ka mâ‐a vâ na ju, na, O ndi Upolo mua Jiu? 34Jisus a yavwanaki mâ, na, Âvě mětě t‘ o vâkě elombo těkae, ipě bato bapâkwě ndi ba ma languwa âvě yâ o pěl‘ ’amě? 35Pailat a yavwanaki, na, Mbi tepě ua Jiu? Etomba ’vě mětě na prist ja meolo ndi ba didi âvě ’mba věngo. 36O lě hango nde? Jisus a yavwanakindi, na, Ipangiya jamě i ’bě ja he těkaně: ipangiya jamě i jaka ja he těkaně, te bahayi bamě ba ka yanate nana Mbi věkwě Jiu: ndi ipangiya jamě i ’be ja ’kava. 37Ka Pailat a vâ na ju, na, Ndi, o nd‘ upolo? Jisus yavwanaki, na, O vâki na Mbi nd‘ upolo. Ihuku těkadi ndi ijamě i janakudwě, na tina těkaně ndi eamě e vanakidi o he, nana Mbi pakwake pâkwěpâkwě. Uěhěpi a di ua pâkwěpâkwě, a yokaki joyi jamě. 38Pailat a vâki na ju, na, Pâkwěpâkwe e lě nde?
O mâ‐a běkidi ekae vângo ka mâ‐a puma pě o Jiu ba jadi, ka mâ‐a vâ na bâ, na, Mbi ’bě duwango njěnji o Mâ‐a jadi na vilolombo. 39Nd‘ inyěni o ndini na mběmbâ na mbi ka hulakidě inyěni umbâkâ o isango j‘ Ikunduwa: o ka bâtâteni mbi hulakid‘ inyěni Upolo mua Jiu? 40Jâ ndi jabu ja běhěpi ja yama pě, na, Hanga ekaně, ndi Barabas. Nandi Barabas a diyakindi upatuwi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895.