Jân 19
19
1Jâ ndi ja Pailat ja nângâ Jisus ka mâ‐a bomidě Mâ. Ka sâjě ja longa korowa ya mayâ, 2ka bâ‐ba tědě ya o molo muaju, ka bâ‐ba bâtidě Mâ ibâtâ iveyu, 3Ba vâkâ, na, Mbolo, Upolo mua Jiu! ba bomaki Mâ na makadu mabu. 4Pailat a pumaki pě: ka mâ‐a vâ na bâ, na, Umbwakiyateni, mbi vanindi mâ o inyěni o jadi ovaně nd‘ inyěni o ka yowěni na mbu duwa njěnji o Mâ‐a jadi. 5Jâ ndi ja Jisus ja puma, bâtângo korowa ya mayâ na ibâtâ iveyu. Ka Pailat a vâ na bâ, na, Hilakěni momo tě! 6O prist ja meolo na benami ba yěněki Mâ, ba yamaki na ngudi, na, Kâmâkidě Mâ, kâmâkidě Mâ o krâsi. Pailat a vâki na bâ, na, Nângâki Mâni n‘ inyěni oa kâmidi Mâ ni: ’kabojana mbu duwa njěnji o Mâ‐a jadi. 7Jiu ba yavwanaki mâ, na, Ho na elekanako, hohonganěngo na elekanako ’ahu A lukakand‘ o wa, ’kabojana a pangakandi nyolo ’aju na A ndi Mwan‘ ’a Anyambě. 8O Pailat a yokaki ndaga těně, a bangaki pě wa; 9A ngakiyi pě o ikenga ja yěkě, ka mâ‐a vâ na Jisus, na, O viye lě na ově? Ndi Jisus a yavwanaka mâ. 10Jâ ndi ja Pailat ja vâ na ju, na, Oa kalaka n‘ umba e? oa ’wě na mbi na ngudii i kâmâkidě âvě o krâsi na ngudi těpě i hulakidě âvě? 11Jisus a yavwanaki mâ, na, O ’bě na ngudi i hakě ’Mba elombo, kabo ya věwě âvě oviya oba: vâkâna a věki Mba âvě, mâ ndi a di na bobe boněně wa. 12Ovaně nd‘ o Pailat a vahakidi o hulidě Mâ oviya ’gombe těene: ndi Jiu ba yamaki, na, Oningě oa hulidě momo těkaně, vâkâna o ’bě mbweyi ya Sisa. Uěhěpi a pangakě mâ mětě upolo, a kalakand‘ o pěl‘ ’a Sisa. 13O Pailat a yokakidi ndaga těně, a vanakindi Jisus o bwebwe ka mâ‐a diya o ’diya ya yěkě o iboko i tubakwě na Nděki yamalalě, ndi na Hibru, na, Gabata. 14I diyakindi ikenje j‘ isango j‘ Ikunduwa, na egombě ya jomu na mawěla mabale; ka mâ‐a vâ na Jiu, na, Hilakěteni Upolo muanyu! 15Ndi ba yamaki na ngudi, na, Věngěkidě Mâ, věngěkidě Mâ, kâmâkidě Mâ o krâsi. Pailat a vâki na bâ, na, Mbi kâmâkidě Upolo muanyu o krâsi? Prist ja meolo i yavwanaki, na, Ho ’be n‘ upolo kabo Sisa. 16Jâ ndi jaju ja vě Mâ o bâ‐ba jadi, na, A kěkě ka kâmudwě o krâsi. Ka bâ‐ba nângâ Jisus, na valanaka Mâ.
17Mâ krâsi ’aju bapěngo A kěkě o iboko vi tubakwě, na, Iboko via mbombo, vi tubakwě na Hibru, na, Gâlgâta: 18O bâ‐ba kâmâkidě Mâ, na bapâkwě babale na Ju, ekaně pělě pâkâ, ekâně pělě pâkâ, Jisus o hanganě. 19Pailat a lěnděkindi ulěndâ ka mâ‐a panidě mâ o krâsi. U diyaki lěndwěngo, na, JISUS JA NASARET, UPOLO MUA JIU. 20Jâ ndi ja ulěndâ těkamu ja langwě na Jiu iitě: ’kabojana iboko via Jisus vi kâmâkudwě, vi diyakindi piělě na mboka: u diyakindi lěndwěngo na Hibru, na Griki, na Latin. 21Jâ ndi ja prist ja meolo ja Jiu ja vâ na Pailat, na, O lěnděke na, Upolo mua Jiu; ndi kabo, na, ekaně a vâki, na, Umba ndi Upolo mua Jiu. 22Pailat a yavwanaki, na, Eamě e lěnděkidi e ndi lěndwěngo.
23Jâ ndi ja sâjě ja nângâ ngâi jaju, o bâ‐ba diyakidi ba kâmidě Jisus, ka bâ‐ba ha ngabo inai, yâně sâjě ngabo; na koto ’aju tepě: koto yu diyaka n‘ ulânjâ, e diyakindi bolongakwě oviya oba nala o he. 24Ba vâkindi bâ mětě na bâ mětě, na, Ho nyaki yâni, ndi ho hodwaki yâni kwai, ya a ka nângě yâ: ovaně nd‘ o Ilěndwě i ka hohongane i vâkě, na,
Ba kabakindi ibâtâ jamě, bâ mětě na bâ mětě na bâ‐ba hodwaka kwai o pěl‘ ’a koto ’amě. Ovaně nd‘ o sâjě ba hakidi belombo těkabe.
25Omě o diyakindi de baka na krâsi ya Jisus, nyangwě, na iluku ja nyangwě, Meri mwad‘ ’a Klopas, na Meri Magdalini. 26O Jisus a yěněkidi nyangwě na eyokwedi tě eaju e ma tândâkâ, těměngo, a vâki na nyangwě, na, Mwajo, hilakě mwan‘ ’âvě! 27Jâ ndi jaju ja vâ na eyokwedi tě, na, Hilakě nyângwě! Oviya iwěla tědině ka eyokwedi těeně ya valana mâ o mbok‘ ’aju mětě.
28Jisus a yowakiděte, ekae tombango, na belombo beěhěpi be hânjâbiyendi, na ovaně nd‘ o Ilěndwě i ka hohonganě, a vâki, na, Mbi yokakandi evělě. 29Omě o diyakindi na eva tědwěngo, ti na vinigar: ka bâ‐ba londě nyândâ na vinigar, ka bâ‐ba kahidě yâ o hisâp, ka bâ‐ba vamě yâ o udumbu muaju. 30Nandi o Jisus a běki nângângo vinigar, a vâki, na, E hânjâbiyendi: A ka balakidě molo muaju, ka Mâ‐a vě ilina.
31Jiu ba hâhâlâkiděndi Pailat, ’kabojana bo diyakindi buhwa bo‘ ikenjě, na bekengo be diyake pě o krâs o buhwa bo‘ Iyâjâ, (’kabojana buhwa tě bo‘ Iyâjâ boně bo diyakindi buhwa boněně,) na ba bukakwě beko, na bâ‐ba ka věngěkudwě. 32Jâ ndi ja sâjě ja pâ, ka bâ‐ba buka beko bea ua bohoboho, n‘ upâkwě a kâmâkudwě na ju. Nd’ o bâ‐ba pâkidi o Jisus a jadi, 33na bâ na yěněki Mâ na a wendi pâni bu bukaka pě Mâ beko: 34Ndi sâjě pâkâ e sokaki Mâ o mbanja ’aju n‘ ikângâ, ka omě oa hungana o puma makiya na miba. 35A yěněki yâ, a pakwakindi, n‘ upako muaju u mbambaye: a yowěngo na a vâki mbambaye, ovaně nd‘ inyěni o ka kamiděni. 36Belombo těkabe be hamakindi, na ovaně nd‘ o Ilěndwě i ka timwě, na, Evehe ’aju ya bukwě. 37Tepě ilěndwě ipâkwě i vâki, na, Ba ka ’mbuwi Mâ, uabu a sokakidi.
38Ekae pa, Josěf ja Arimatia, (a diyaki eyokwedi ya Jisus, ikutakuta na jângâ ja Jiu,) a hâhâlâkiděndi Pailat na a věngěkidě ekengo ya Jisus: ka Pailat a bâbâ. A vakindi ka mâ‐a nângâ ekengo ya Jisus. 39Ka Nikodimâs a viya tepě omě, (a takidi o viya o Jisus a jadi na bulu,) a vanakidi mâr na alo hâbwěngo be pewaka ka kama ya mawěla. 40Jâ ndi jabu ja nângâ ekengo ’a Jisus, ka bâ‐ba dinga yâ na menamba mea ivěla na meyâmbâ ka salě ea Jiu e ma tonganaka. 41Nandi o iboko viaju vi kâmâkudwě o krâsi, o diyakindi na mwanga; mwanga tě u diyakindi na malonga ma kya, ma t‘ o nangudwě moto. 42Omě nd‘ o bâ‐ba nangakidě Jisus o pěl‘ ikenjě ja Jiu; ’kabojana malonga ma diyakite pango piělě.
Currently Selected:
Jân 19: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895.
Jân 19
19
1Jâ ndi ja Pailat ja nângâ Jisus ka mâ‐a bomidě Mâ. Ka sâjě ja longa korowa ya mayâ, 2ka bâ‐ba tědě ya o molo muaju, ka bâ‐ba bâtidě Mâ ibâtâ iveyu, 3Ba vâkâ, na, Mbolo, Upolo mua Jiu! ba bomaki Mâ na makadu mabu. 4Pailat a pumaki pě: ka mâ‐a vâ na bâ, na, Umbwakiyateni, mbi vanindi mâ o inyěni o jadi ovaně nd‘ inyěni o ka yowěni na mbu duwa njěnji o Mâ‐a jadi. 5Jâ ndi ja Jisus ja puma, bâtângo korowa ya mayâ na ibâtâ iveyu. Ka Pailat a vâ na bâ, na, Hilakěni momo tě! 6O prist ja meolo na benami ba yěněki Mâ, ba yamaki na ngudi, na, Kâmâkidě Mâ, kâmâkidě Mâ o krâsi. Pailat a vâki na bâ, na, Nângâki Mâni n‘ inyěni oa kâmidi Mâ ni: ’kabojana mbu duwa njěnji o Mâ‐a jadi. 7Jiu ba yavwanaki mâ, na, Ho na elekanako, hohonganěngo na elekanako ’ahu A lukakand‘ o wa, ’kabojana a pangakandi nyolo ’aju na A ndi Mwan‘ ’a Anyambě. 8O Pailat a yokaki ndaga těně, a bangaki pě wa; 9A ngakiyi pě o ikenga ja yěkě, ka mâ‐a vâ na Jisus, na, O viye lě na ově? Ndi Jisus a yavwanaka mâ. 10Jâ ndi ja Pailat ja vâ na ju, na, Oa kalaka n‘ umba e? oa ’wě na mbi na ngudii i kâmâkidě âvě o krâsi na ngudi těpě i hulakidě âvě? 11Jisus a yavwanaki mâ, na, O ’bě na ngudi i hakě ’Mba elombo, kabo ya věwě âvě oviya oba: vâkâna a věki Mba âvě, mâ ndi a di na bobe boněně wa. 12Ovaně nd‘ o Pailat a vahakidi o hulidě Mâ oviya ’gombe těene: ndi Jiu ba yamaki, na, Oningě oa hulidě momo těkaně, vâkâna o ’bě mbweyi ya Sisa. Uěhěpi a pangakě mâ mětě upolo, a kalakand‘ o pěl‘ ’a Sisa. 13O Pailat a yokakidi ndaga těně, a vanakindi Jisus o bwebwe ka mâ‐a diya o ’diya ya yěkě o iboko i tubakwě na Nděki yamalalě, ndi na Hibru, na, Gabata. 14I diyakindi ikenje j‘ isango j‘ Ikunduwa, na egombě ya jomu na mawěla mabale; ka mâ‐a vâ na Jiu, na, Hilakěteni Upolo muanyu! 15Ndi ba yamaki na ngudi, na, Věngěkidě Mâ, věngěkidě Mâ, kâmâkidě Mâ o krâsi. Pailat a vâki na bâ, na, Mbi kâmâkidě Upolo muanyu o krâsi? Prist ja meolo i yavwanaki, na, Ho ’be n‘ upolo kabo Sisa. 16Jâ ndi jaju ja vě Mâ o bâ‐ba jadi, na, A kěkě ka kâmudwě o krâsi. Ka bâ‐ba nângâ Jisus, na valanaka Mâ.
17Mâ krâsi ’aju bapěngo A kěkě o iboko vi tubakwě, na, Iboko via mbombo, vi tubakwě na Hibru, na, Gâlgâta: 18O bâ‐ba kâmâkidě Mâ, na bapâkwě babale na Ju, ekaně pělě pâkâ, ekâně pělě pâkâ, Jisus o hanganě. 19Pailat a lěnděkindi ulěndâ ka mâ‐a panidě mâ o krâsi. U diyaki lěndwěngo, na, JISUS JA NASARET, UPOLO MUA JIU. 20Jâ ndi ja ulěndâ těkamu ja langwě na Jiu iitě: ’kabojana iboko via Jisus vi kâmâkudwě, vi diyakindi piělě na mboka: u diyakindi lěndwěngo na Hibru, na Griki, na Latin. 21Jâ ndi ja prist ja meolo ja Jiu ja vâ na Pailat, na, O lěnděke na, Upolo mua Jiu; ndi kabo, na, ekaně a vâki, na, Umba ndi Upolo mua Jiu. 22Pailat a yavwanaki, na, Eamě e lěnděkidi e ndi lěndwěngo.
23Jâ ndi ja sâjě ja nângâ ngâi jaju, o bâ‐ba diyakidi ba kâmidě Jisus, ka bâ‐ba ha ngabo inai, yâně sâjě ngabo; na koto ’aju tepě: koto yu diyaka n‘ ulânjâ, e diyakindi bolongakwě oviya oba nala o he. 24Ba vâkindi bâ mětě na bâ mětě, na, Ho nyaki yâni, ndi ho hodwaki yâni kwai, ya a ka nângě yâ: ovaně nd‘ o Ilěndwě i ka hohongane i vâkě, na,
Ba kabakindi ibâtâ jamě, bâ mětě na bâ mětě na bâ‐ba hodwaka kwai o pěl‘ ’a koto ’amě. Ovaně nd‘ o sâjě ba hakidi belombo těkabe.
25Omě o diyakindi de baka na krâsi ya Jisus, nyangwě, na iluku ja nyangwě, Meri mwad‘ ’a Klopas, na Meri Magdalini. 26O Jisus a yěněkidi nyangwě na eyokwedi tě eaju e ma tândâkâ, těměngo, a vâki na nyangwě, na, Mwajo, hilakě mwan‘ ’âvě! 27Jâ ndi jaju ja vâ na eyokwedi tě, na, Hilakě nyângwě! Oviya iwěla tědině ka eyokwedi těeně ya valana mâ o mbok‘ ’aju mětě.
28Jisus a yowakiděte, ekae tombango, na belombo beěhěpi be hânjâbiyendi, na ovaně nd‘ o Ilěndwě i ka hohonganě, a vâki, na, Mbi yokakandi evělě. 29Omě o diyakindi na eva tědwěngo, ti na vinigar: ka bâ‐ba londě nyândâ na vinigar, ka bâ‐ba kahidě yâ o hisâp, ka bâ‐ba vamě yâ o udumbu muaju. 30Nandi o Jisus a běki nângângo vinigar, a vâki, na, E hânjâbiyendi: A ka balakidě molo muaju, ka Mâ‐a vě ilina.
31Jiu ba hâhâlâkiděndi Pailat, ’kabojana bo diyakindi buhwa bo‘ ikenjě, na bekengo be diyake pě o krâs o buhwa bo‘ Iyâjâ, (’kabojana buhwa tě bo‘ Iyâjâ boně bo diyakindi buhwa boněně,) na ba bukakwě beko, na bâ‐ba ka věngěkudwě. 32Jâ ndi ja sâjě ja pâ, ka bâ‐ba buka beko bea ua bohoboho, n‘ upâkwě a kâmâkudwě na ju. Nd’ o bâ‐ba pâkidi o Jisus a jadi, 33na bâ na yěněki Mâ na a wendi pâni bu bukaka pě Mâ beko: 34Ndi sâjě pâkâ e sokaki Mâ o mbanja ’aju n‘ ikângâ, ka omě oa hungana o puma makiya na miba. 35A yěněki yâ, a pakwakindi, n‘ upako muaju u mbambaye: a yowěngo na a vâki mbambaye, ovaně nd‘ inyěni o ka kamiděni. 36Belombo těkabe be hamakindi, na ovaně nd‘ o Ilěndwě i ka timwě, na, Evehe ’aju ya bukwě. 37Tepě ilěndwě ipâkwě i vâki, na, Ba ka ’mbuwi Mâ, uabu a sokakidi.
38Ekae pa, Josěf ja Arimatia, (a diyaki eyokwedi ya Jisus, ikutakuta na jângâ ja Jiu,) a hâhâlâkiděndi Pailat na a věngěkidě ekengo ya Jisus: ka Pailat a bâbâ. A vakindi ka mâ‐a nângâ ekengo ya Jisus. 39Ka Nikodimâs a viya tepě omě, (a takidi o viya o Jisus a jadi na bulu,) a vanakidi mâr na alo hâbwěngo be pewaka ka kama ya mawěla. 40Jâ ndi jabu ja nângâ ekengo ’a Jisus, ka bâ‐ba dinga yâ na menamba mea ivěla na meyâmbâ ka salě ea Jiu e ma tonganaka. 41Nandi o iboko viaju vi kâmâkudwě o krâsi, o diyakindi na mwanga; mwanga tě u diyakindi na malonga ma kya, ma t‘ o nangudwě moto. 42Omě nd‘ o bâ‐ba nangakidě Jisus o pěl‘ ikenjě ja Jiu; ’kabojana malonga ma diyakite pango piělě.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895.