Jân 20
20
1Meri Magdalini a vakindi o buhwa boa wiki boa bohoboho, n‘ ubwa n‘ ubwa, n‘ ivititi viěhěpi, o malonga, ka mâ‐a yěně ilale věngudwěngo o malonga. 2Jâ ndi jaju ja vala membila, nala o Saimân Pitě a jadi, na eyokwedi epâkwě ya Jisus e ma tândâkâ, ka mâ‐a vâ na bâ, na, Ba nângindi Upangiyi oviya malonga, ndi hoa ’wě o bâ‐ba nangidě Mâ. 3Ovaně Pitě na eyokwedi tě epâkwě ba pumakindi, ka bâ‐ba pâ o malonga. 4Ba kěkěndi membila njamba: ka eyokwedi tě epâkwě ya kebě Pitě, ka mâ‐a pâ o malonga na bohoboho. 5A balamakindi, a ’mbwakiya utema, ka mâ‐a yěně menamba mea ivěla bya; ndi à ngakiya. 6Jâ ndi ja Saimân Pitě ja viya, a vitakě mâ, ka mâ‐a ngiya o malonga, a umbwakiya menamba mea ivěla bya; 7Na ’vělěhě tě e diyakidi o molo muaju, yu diyaka o menamba mea ivěla me jadi, ndi e diyakindi iboko n‘ iviaju mětě dingwěngo. 8Jâ ndi ja eyokwedi tě epâkwě e vakidi o malonga na bohoboho, ya ngiya, ka mâ‐a yěně, ka mâ‐a kamidě. 9Ikabojana ba diyakite ba t‘ o bweyidě Ilěndwě, na A ka pumbuwi pě oviya bawewe. 10Jâ ndi ja beyokwedi ja valanidě pě o ’abu.
11Ndi Meri a těměkind‘ o malonga o bwebwe, a yaka: o mâ‐a diyakidi a yaka, a balamakindi, a ka ’mbwakiya o malonga. 12A yěněkindi enjěl ibale diyango, n‘ ibâtâ itano, yâkâ o molo, epâkwě o beko, o ekengo ya Jisus e nangakiyedi. 13Ka bâ‐ba vâ na ju, na, Mwajo, o yaka lě nde? A vâki na bâ, na, Ikabojana ba nângindi Upangiyi muamě, n‘ umba‐mba ’wě o bâ‐ba nangidě Mâ. 14O mâ‐a diyaki nonaně vângo, a timbakiděndi iběyi, ka mâ‐a yěně Jisus de, ndi au yowakě na a Jisus. 15Jisus a vâki na ju, na, Mwajo, o yaka lě nde? o butaka lě nja? A piviyaki Mâ na ipě A ndi utati mua mwanga, a vâki na ju, na, Pa, ipě âvě nd‘ o bapidě Mâ okava, langwakiya ’mba iboko viâvě vi ma nangidě Mâ, mbi vale ka nângâ Mâ. 16Jisus a vâki na ju, na, Meri. A ulwakindi ka mâ‐a vâ na ju, na, Raboni; yeně ndi, na, Uyokwidi. 17Jisus a vâki na ju, na, O kupanakě ’Mba: ’kabojana Mbi ha betete o Paia a jadi; ndi kěkě o banabina ba jadi, o ka vâki na bâ, na, Mbi betakandi o Paia a jadi na Hângw‘ ’anyu, o Anyambě ’amě na Anyambě ’anyu a jadi. 18Meri Magdalini a vakindi ka mâ a languwa beyokwedi na a ma yěněndi Upangiyi, na na A kalaki na ju belombo těkabe.
19Na kolo ya buhwa tě boa bohoboho boa wiki, o mambě ma diyaki dibwědibwě o iboko via beyokwedi vi diyaki yolaněngo na jângâ ja Jiu, Jisus a vakindi, ka Mâ‐a těmě o hangan‘ ’abu, ka Mâ‐a vâ na bâ, na, Jonga n‘ inyěni. 20O Mâ‐a diyaki nonaně vângo, a levakidi bâ makadu maju na mbanja ’aju. Jâ ndi ja beyokwedi ja yěně mbya, o bâ‐ba yěněkidi Upangiyi. 21Jâ ndi ja Jisus ja vâ pě na bâ, na, Jonga n‘ inyěni: panika Hangwě a di ’Mba lomango, nonaně tepě Umba‐mbi lomaki inyěni. 22O Mâ‐a běki nonaně vângo, A vegumakindi o bâ‐ba jadi, ka Mâ‐a vâ na bâ, na, Pahakiyani Ilina Iyamu. 23Uanyu a ka věngidě mabe uěhěpi, ma ka věngudwi mâ; na uanyu a ka himbidě mabe uěhěpi, ma ka himbudwěndi.
24Ndi, umbâkâ ua jomu na babale, Tâmas, a tubakwě na Didimâs, à diyaka na bâ, o Jisus a pâkidi. 25Beyokwědi bepâkwě be vâki na ju, na, Ho yěnindi Upangiyi. Ndi a vâki na bâ, na, Kabo mba yěně makadu maju na mabeku ma hângâ, n‘ umba‐mba ngidě upenjo muamě o mabeku ma hângâ, n‘ umba‐mba ngidě ikadu jamě o mbanja ’aju, mba kamidě.
26Hwi logwambi tombango, beyokwedi beaju be lataki pě, Tâmas a diyaki na bâ: jâ ndi ja Jisus ja pâ, mambě ma diyaki dibwěngo, ka Mâ‐a těmě o hangan‘ ’abu, A vâki na bâ, na, Jonga i diyake n‘ inyěni. 27Jâ ndi jaju ja vâ na Tâmas, na, Hambakidě upenjo muâvě okava na nâvě oa hilě makadu mamě; na nâvě oa hambidě ikadu jâvě wa ngidě jâ o mbanja ’me; o diyake pě o diye n‘ ikamidě, ndi kamakidě. 28Tâmas a yavwanakindi ka mâ‐a vâ na Mâ, na, Upangiyi muamě, na Anyambě ’amě. 29Jisus a vâki na ju, na, Tâmas, o kamiděndi ’kabojana o yěni ’Mba: ibâtâ na ba kamakidě, ba yěně.
30Tepě Jisus a hakindi ndembo iitě ipâkwě o pwanja ya beyokwedi beaju, i ha ’bě lěndwěngo o ejanganangobo těkae. 31Ndi ekabe be ndi lěndwěngo na ovaně nd‘ inyěni o ka kamiděni na Jisus a ndi Kraist Mwana ua Anyambě: nana o inyěni o kamakidě o ka pahiyandini eměnâ na dina jaju.
Currently Selected:
Jân 20: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.
Jân 20
20
1Meri Magdalini a vakindi o buhwa boa wiki boa bohoboho, n‘ ubwa n‘ ubwa, n‘ ivititi viěhěpi, o malonga, ka mâ‐a yěně ilale věngudwěngo o malonga. 2Jâ ndi jaju ja vala membila, nala o Saimân Pitě a jadi, na eyokwedi epâkwě ya Jisus e ma tândâkâ, ka mâ‐a vâ na bâ, na, Ba nângindi Upangiyi oviya malonga, ndi hoa ’wě o bâ‐ba nangidě Mâ. 3Ovaně Pitě na eyokwedi tě epâkwě ba pumakindi, ka bâ‐ba pâ o malonga. 4Ba kěkěndi membila njamba: ka eyokwedi tě epâkwě ya kebě Pitě, ka mâ‐a pâ o malonga na bohoboho. 5A balamakindi, a ’mbwakiya utema, ka mâ‐a yěně menamba mea ivěla bya; ndi à ngakiya. 6Jâ ndi ja Saimân Pitě ja viya, a vitakě mâ, ka mâ‐a ngiya o malonga, a umbwakiya menamba mea ivěla bya; 7Na ’vělěhě tě e diyakidi o molo muaju, yu diyaka o menamba mea ivěla me jadi, ndi e diyakindi iboko n‘ iviaju mětě dingwěngo. 8Jâ ndi ja eyokwedi tě epâkwě e vakidi o malonga na bohoboho, ya ngiya, ka mâ‐a yěně, ka mâ‐a kamidě. 9Ikabojana ba diyakite ba t‘ o bweyidě Ilěndwě, na A ka pumbuwi pě oviya bawewe. 10Jâ ndi ja beyokwedi ja valanidě pě o ’abu.
11Ndi Meri a těměkind‘ o malonga o bwebwe, a yaka: o mâ‐a diyakidi a yaka, a balamakindi, a ka ’mbwakiya o malonga. 12A yěněkindi enjěl ibale diyango, n‘ ibâtâ itano, yâkâ o molo, epâkwě o beko, o ekengo ya Jisus e nangakiyedi. 13Ka bâ‐ba vâ na ju, na, Mwajo, o yaka lě nde? A vâki na bâ, na, Ikabojana ba nângindi Upangiyi muamě, n‘ umba‐mba ’wě o bâ‐ba nangidě Mâ. 14O mâ‐a diyaki nonaně vângo, a timbakiděndi iběyi, ka mâ‐a yěně Jisus de, ndi au yowakě na a Jisus. 15Jisus a vâki na ju, na, Mwajo, o yaka lě nde? o butaka lě nja? A piviyaki Mâ na ipě A ndi utati mua mwanga, a vâki na ju, na, Pa, ipě âvě nd‘ o bapidě Mâ okava, langwakiya ’mba iboko viâvě vi ma nangidě Mâ, mbi vale ka nângâ Mâ. 16Jisus a vâki na ju, na, Meri. A ulwakindi ka mâ‐a vâ na ju, na, Raboni; yeně ndi, na, Uyokwidi. 17Jisus a vâki na ju, na, O kupanakě ’Mba: ’kabojana Mbi ha betete o Paia a jadi; ndi kěkě o banabina ba jadi, o ka vâki na bâ, na, Mbi betakandi o Paia a jadi na Hângw‘ ’anyu, o Anyambě ’amě na Anyambě ’anyu a jadi. 18Meri Magdalini a vakindi ka mâ a languwa beyokwedi na a ma yěněndi Upangiyi, na na A kalaki na ju belombo těkabe.
19Na kolo ya buhwa tě boa bohoboho boa wiki, o mambě ma diyaki dibwědibwě o iboko via beyokwedi vi diyaki yolaněngo na jângâ ja Jiu, Jisus a vakindi, ka Mâ‐a těmě o hangan‘ ’abu, ka Mâ‐a vâ na bâ, na, Jonga n‘ inyěni. 20O Mâ‐a diyaki nonaně vângo, a levakidi bâ makadu maju na mbanja ’aju. Jâ ndi ja beyokwedi ja yěně mbya, o bâ‐ba yěněkidi Upangiyi. 21Jâ ndi ja Jisus ja vâ pě na bâ, na, Jonga n‘ inyěni: panika Hangwě a di ’Mba lomango, nonaně tepě Umba‐mbi lomaki inyěni. 22O Mâ‐a běki nonaně vângo, A vegumakindi o bâ‐ba jadi, ka Mâ‐a vâ na bâ, na, Pahakiyani Ilina Iyamu. 23Uanyu a ka věngidě mabe uěhěpi, ma ka věngudwi mâ; na uanyu a ka himbidě mabe uěhěpi, ma ka himbudwěndi.
24Ndi, umbâkâ ua jomu na babale, Tâmas, a tubakwě na Didimâs, à diyaka na bâ, o Jisus a pâkidi. 25Beyokwědi bepâkwě be vâki na ju, na, Ho yěnindi Upangiyi. Ndi a vâki na bâ, na, Kabo mba yěně makadu maju na mabeku ma hângâ, n‘ umba‐mba ngidě upenjo muamě o mabeku ma hângâ, n‘ umba‐mba ngidě ikadu jamě o mbanja ’aju, mba kamidě.
26Hwi logwambi tombango, beyokwedi beaju be lataki pě, Tâmas a diyaki na bâ: jâ ndi ja Jisus ja pâ, mambě ma diyaki dibwěngo, ka Mâ‐a těmě o hangan‘ ’abu, A vâki na bâ, na, Jonga i diyake n‘ inyěni. 27Jâ ndi jaju ja vâ na Tâmas, na, Hambakidě upenjo muâvě okava na nâvě oa hilě makadu mamě; na nâvě oa hambidě ikadu jâvě wa ngidě jâ o mbanja ’me; o diyake pě o diye n‘ ikamidě, ndi kamakidě. 28Tâmas a yavwanakindi ka mâ‐a vâ na Mâ, na, Upangiyi muamě, na Anyambě ’amě. 29Jisus a vâki na ju, na, Tâmas, o kamiděndi ’kabojana o yěni ’Mba: ibâtâ na ba kamakidě, ba yěně.
30Tepě Jisus a hakindi ndembo iitě ipâkwě o pwanja ya beyokwedi beaju, i ha ’bě lěndwěngo o ejanganangobo těkae. 31Ndi ekabe be ndi lěndwěngo na ovaně nd‘ inyěni o ka kamiděni na Jisus a ndi Kraist Mwana ua Anyambě: nana o inyěni o kamakidě o ka pahiyandini eměnâ na dina jaju.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.