Jân 21
21
1Jisus a levakidi pě beyokwedi nyolo, belombo těkabe tombango, o manga ma Tiberiâs: kakana nd‘ o Mâ‐a levakidě nyolo. 2Omě o diyakindi lataniyango Saimân Pitě, na Tâmas e tubakwě na Didimâs, na Nataneěl ya Kena o Galili, na bana ba Sěbědi, na beyokwedi beaju bepâkwě bebale. 3Saimân a vâki na bâ, na, Mb‘ ’alandi o ’hombo. Ba vâki na ju, na, Ho ’alandi tepě na nâvě. Ka bâ‐ba vala na hunganaka o vama o elende; bu weyaka elombo ka ’lombo na bulu těboně. 4O ubwa u diyakidi u vaka, Jisus a těměkindi o uhěke; ndi beyokwedi bu yowakě pě na A ndi Jisus. 5Jisus a vâki na bâ, na, Bana, o iběni na elombo e jakwě? Ba yavwanaki Mâ, na, Nyawě. 6Ka Mâ‐a vâ na bâ, na, Uwakani elâba o pělě ya ’lende eyomi, vâkâna o duwindini. O bâ‐ba diyaki uwango, bu yâlâkě o dula elâba na bejaka bwinge. 7Jâ ndi ja eyokwedi ya Jisus e ma tândâkâ, ja vâ na Pitě, na, A ndi Upangiyi. Nandi o Saimân Pitě a yokakidi na a ndi Upangiyi, a tingakindi koto ’aju y‘ uhombo, (’kabojana a diyakindi uhamba,) ka mâ‐a ’hwa nyolo ’aju o manga. 8Beyokwedi bepâkwě be vakindi na elende ehâlě, (’kabojana bu diyaka yaviděngo na he, ndi ma diyakate masěi ma kama ja hambanâ ibale,) ba dulaka elâba na bejaka. 9O bâ‐ba diyaki ba jabuwedi o he, ba yěněki veya via mala, na bejaka omě bya, na pěmbě. 10Jisus a vâki na bâ, na, Vanakani bea bejaka beanyu be ma weya kya. 11Saimân Pitě a kěkindi, ka mâ‐a dula elâba o he, londango ti na bejaka beněně, kama pâkâ na mabo matano na bejaka belalo: ndi elâba yu nyakiya, tombekete ka beâ be diyaki beitě. 12Jisus a vâki na bâ, na, Okani, ka jakeni. Eyokwedi na ya yâkâ, e jakiyedi o uwa Mâ, na, Âvě lě a nja? bâ yowěngo na A ndi Upangiyi. 13Jâ ndi ja Jisus ja pâ, ka Mâ‐a nângâ pěmbě, ka Mâ‐a vě bâ tepě na bejaka. 14Njo y‘ ilalo nd‘ ekaně ya Jisus e levakidě nyolo ’aju o beyokwedi beaju be jadi, o Mâ‐a diyakidi pumbuwango oviya bawewe.
15O bâ‐ba makidě ija, Jisus a vâki na Saimân Pitě, na, Saimân mwan‘ ’a Jonas, o tândâkâte ’Mba wa na ekaba? A vâki na ju, na, E, Upangiyi: o yowuděte na mbi tândâkând‘ Âvě. A vâki na ju, na, Bombaka bana bamě ba medâmbě. 16A vâki pě na ju njo y‘ ibalě, na, Saimân, mwan‘ ’a Jonas o tândâkâte ’Mba? A vâki na ju, na, E, Upangiyi: o te yowěngo na mbi tândâkând‘ ’Âvě. Jisus a vâki na ju, na, Jakidě medâmbě meamě. 17A vâki na ju njo y‘ ilalo, na, Saimân, mwan‘ ’a Jonas, o tândâkâte ’Mba? Pitě a yěněki ngěbě, ’kabojana a vâki na ju njo y‘ ilalo, na, O tândâkâte ’Mba? Ka mâ‐a vâ na ju, na, Upangiyi, o yowuděndi belombo beěhěpi; oa dimbakiya na mbi tândâkând‘ Âvě. Jisus a vâki na ju, na, Bombaka medâmbě meamě. 18Mbi vâki na nâvě pâkwěpâkwě mětě, na, o ’Âvě o diyakidi iwanja o ma tingakandi utumba o nyolo ’âvě, na nâvě o tamwaka o loboko lâvě lo vahakidi; ndi o âvě o ka wě o ka hambidi makadu mâvě n‘ upâkwě a ka bâtiděnd‘ âvě, na mâ‐a ka bapakě âvě, o iboko viâvě vi ka diyě o vahe. 19A kalakind‘ ekae, ilevidě ja jângâ j‘ iwedo jaju i ka bendaně Anyambě. O Mâ‐a diyaki nonaně vângo A vâki na ju, na, Vitakě ’Mba. 20Jâ ndi ja Pitě ja ’luwa, ka mâ‐a yěně eyokwedi tě ya Jisus e ma tândâkâ, e vitakě; (e diyakidi hikamiyango o ngonga ’aju o huma ya kolo, a vâki, na, Upangiyi, a lě a nja a kândâkě Âvě?) 21Pitě a yěněki mâ, ka mâ‐a vâ na Jisus, na, Upangiyi, momo těkaně a ka ha lě na? 22Jisus a vâki na ju, na, Oningě ’Mba vaha na a yěngěkidě kabo Mba pâ, eně e lě nde o âvě o jadi? Vitakěte âvě ’Mba. 23Jâ ndi ja ndaga těkadi ja vala o banabina ba jadi, na eyokwedi těeně ya we: ndi Jisus au vâkâ na ju, na, A we; kabo, na, Oningě Mba vaha na a yěngěkidě kabo Mba pâ, eně e lě nde o âvě o jadi.
24Ekae ndi eyokwedi tě e pakwakidi o pěl‘ ’a belombo těkabe, na e lěnděkidi belombo těkabe: na hwě ho yowěngo na upako muaju u ndi mbambaye.
25O tepě na belombo bepâkwě beitě, bea Jisus be hakidi, be jadi, oningě bea lěndwě beěhěpi, mbi piviyaki na te he yâ mětě, ya yâlě o huka bejanganangobo be ka lěndwě. Aměn.
Currently Selected:
Jân 21: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895.
Jân 21
21
1Jisus a levakidi pě beyokwedi nyolo, belombo těkabe tombango, o manga ma Tiberiâs: kakana nd‘ o Mâ‐a levakidě nyolo. 2Omě o diyakindi lataniyango Saimân Pitě, na Tâmas e tubakwě na Didimâs, na Nataneěl ya Kena o Galili, na bana ba Sěbědi, na beyokwedi beaju bepâkwě bebale. 3Saimân a vâki na bâ, na, Mb‘ ’alandi o ’hombo. Ba vâki na ju, na, Ho ’alandi tepě na nâvě. Ka bâ‐ba vala na hunganaka o vama o elende; bu weyaka elombo ka ’lombo na bulu těboně. 4O ubwa u diyakidi u vaka, Jisus a těměkindi o uhěke; ndi beyokwedi bu yowakě pě na A ndi Jisus. 5Jisus a vâki na bâ, na, Bana, o iběni na elombo e jakwě? Ba yavwanaki Mâ, na, Nyawě. 6Ka Mâ‐a vâ na bâ, na, Uwakani elâba o pělě ya ’lende eyomi, vâkâna o duwindini. O bâ‐ba diyaki uwango, bu yâlâkě o dula elâba na bejaka bwinge. 7Jâ ndi ja eyokwedi ya Jisus e ma tândâkâ, ja vâ na Pitě, na, A ndi Upangiyi. Nandi o Saimân Pitě a yokakidi na a ndi Upangiyi, a tingakindi koto ’aju y‘ uhombo, (’kabojana a diyakindi uhamba,) ka mâ‐a ’hwa nyolo ’aju o manga. 8Beyokwedi bepâkwě be vakindi na elende ehâlě, (’kabojana bu diyaka yaviděngo na he, ndi ma diyakate masěi ma kama ja hambanâ ibale,) ba dulaka elâba na bejaka. 9O bâ‐ba diyaki ba jabuwedi o he, ba yěněki veya via mala, na bejaka omě bya, na pěmbě. 10Jisus a vâki na bâ, na, Vanakani bea bejaka beanyu be ma weya kya. 11Saimân Pitě a kěkindi, ka mâ‐a dula elâba o he, londango ti na bejaka beněně, kama pâkâ na mabo matano na bejaka belalo: ndi elâba yu nyakiya, tombekete ka beâ be diyaki beitě. 12Jisus a vâki na bâ, na, Okani, ka jakeni. Eyokwedi na ya yâkâ, e jakiyedi o uwa Mâ, na, Âvě lě a nja? bâ yowěngo na A ndi Upangiyi. 13Jâ ndi ja Jisus ja pâ, ka Mâ‐a nângâ pěmbě, ka Mâ‐a vě bâ tepě na bejaka. 14Njo y‘ ilalo nd‘ ekaně ya Jisus e levakidě nyolo ’aju o beyokwedi beaju be jadi, o Mâ‐a diyakidi pumbuwango oviya bawewe.
15O bâ‐ba makidě ija, Jisus a vâki na Saimân Pitě, na, Saimân mwan‘ ’a Jonas, o tândâkâte ’Mba wa na ekaba? A vâki na ju, na, E, Upangiyi: o yowuděte na mbi tândâkând‘ Âvě. A vâki na ju, na, Bombaka bana bamě ba medâmbě. 16A vâki pě na ju njo y‘ ibalě, na, Saimân, mwan‘ ’a Jonas o tândâkâte ’Mba? A vâki na ju, na, E, Upangiyi: o te yowěngo na mbi tândâkând‘ ’Âvě. Jisus a vâki na ju, na, Jakidě medâmbě meamě. 17A vâki na ju njo y‘ ilalo, na, Saimân, mwan‘ ’a Jonas, o tândâkâte ’Mba? Pitě a yěněki ngěbě, ’kabojana a vâki na ju njo y‘ ilalo, na, O tândâkâte ’Mba? Ka mâ‐a vâ na ju, na, Upangiyi, o yowuděndi belombo beěhěpi; oa dimbakiya na mbi tândâkând‘ Âvě. Jisus a vâki na ju, na, Bombaka medâmbě meamě. 18Mbi vâki na nâvě pâkwěpâkwě mětě, na, o ’Âvě o diyakidi iwanja o ma tingakandi utumba o nyolo ’âvě, na nâvě o tamwaka o loboko lâvě lo vahakidi; ndi o âvě o ka wě o ka hambidi makadu mâvě n‘ upâkwě a ka bâtiděnd‘ âvě, na mâ‐a ka bapakě âvě, o iboko viâvě vi ka diyě o vahe. 19A kalakind‘ ekae, ilevidě ja jângâ j‘ iwedo jaju i ka bendaně Anyambě. O Mâ‐a diyaki nonaně vângo A vâki na ju, na, Vitakě ’Mba. 20Jâ ndi ja Pitě ja ’luwa, ka mâ‐a yěně eyokwedi tě ya Jisus e ma tândâkâ, e vitakě; (e diyakidi hikamiyango o ngonga ’aju o huma ya kolo, a vâki, na, Upangiyi, a lě a nja a kândâkě Âvě?) 21Pitě a yěněki mâ, ka mâ‐a vâ na Jisus, na, Upangiyi, momo těkaně a ka ha lě na? 22Jisus a vâki na ju, na, Oningě ’Mba vaha na a yěngěkidě kabo Mba pâ, eně e lě nde o âvě o jadi? Vitakěte âvě ’Mba. 23Jâ ndi ja ndaga těkadi ja vala o banabina ba jadi, na eyokwedi těeně ya we: ndi Jisus au vâkâ na ju, na, A we; kabo, na, Oningě Mba vaha na a yěngěkidě kabo Mba pâ, eně e lě nde o âvě o jadi.
24Ekae ndi eyokwedi tě e pakwakidi o pěl‘ ’a belombo těkabe, na e lěnděkidi belombo těkabe: na hwě ho yowěngo na upako muaju u ndi mbambaye.
25O tepě na belombo bepâkwě beitě, bea Jisus be hakidi, be jadi, oningě bea lěndwě beěhěpi, mbi piviyaki na te he yâ mětě, ya yâlě o huka bejanganangobo be ka lěndwě. Aměn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895.