NEHUM 1
1
1Jumba ja Niniva. Ejanganangobo ya ehihila ya Nehum wa Elkosh.
2Jěhova A ndi Anyambě y‘ ivuva, na Mâ‐a kundanaka; Jěhova A kundanakandi, na Mâ londango na ngambi; Jěhova A nângâki ngundako o baloni baju, na Mâ‐a pigaka ngambi o pělě ya ndoba jaju.
3Jěhova A nd‘ unyângâ o ilinguwa, na boněně o ngudi, na À huludě a kobakě na pělě te pělě; Jěhova A na njey‘ ’aju o ngwěnyi na o ukudi, bevindi be ndi ubulubulu mua matambi maju.
4A kandakidě manga, na Mâ‐a banjakě mâ, na A banjakě liho lěhěpi, Beshan a nyâmbâkiyě, na Carměl, na ilângâ ja Lěbanân i nyâmbâkiyě.
5Mekodi me njengaki na Mâ, bekandangolo be hindwaka; na he e hevudwěndi o pwanj‘ ’aju oba, e, he na ba diyakě omě běhěpi.
6A lě nja a ka těmě o boho bwa jeku jaju? a lě nja a ka yâlě o diya o bwayě bwa malingwa maju? ngambi ’aju e hovakiyandi ona veya, malale ma pěhěkiyě bepěhi na Mâ.
7Jěhova A bwamu, budu bokolo o buhwa bwa njuke; A yowuděte bâ‐ba pitakidě Mâ.
8Ndi A ka hukiděndi iboko omě hukiděngo na ujambě u pupakě, na Mâ‐a yonganě ndoba jaju kwanga o ivititi.
9E lě nd‘ eanyu e yebakiyě těniděngo na Jěhova? A ka hukiděndi hukiděngo; etuniya yà pumiye njo ibale.
10Jambojana tombekete ba diyete pani‐ka mabo ma tinganiyango, na pâpiya, ona e jadi, o imâtâ jabu, ba ka tinudwěte bo‐hinakudwě, ona bekumu bea mbwisanga bea yahango.
11Umbâkâ a ndi pumango oviya o âvě‐o jadi a yebakiyě njuke těniděngo na Jěhova, a levanakě bobe.
12Kakana ndi ka Jěhova A vâkě; Tombekete bâ diyakate ngudi ti, na bwinge tepě, paniyango nonaně te ka bâ‐ba ka kwělwě, na Mâ‐a tomba. Tombekete ka Umba‐Mbi jadi âvě tukěngo, Mbà tukě pě âvě.
13N‘ Umba‐Mbi ka buki pang‘ ’aju oviya âvě‐o jadi kya těkaně, n‘ Umba‐Mbi ka patandi mekato meâvě bo‐pataka.
14Na Jěhova A věndi elekanako o pěl‘ ’âvě, na, ba dina jâvě bà liywě pě: Mbi ka lenandi tove ja bo‐pakakwě na tove ja bo‐hovakudwě oviya o ndabo ya beanyambě beâvě; Umba ndi Mbi ka hayě malonga mâvě; jambojana o nd‘ o beva.
15Hilakěte, matambi ma a vanakě sango eyamu o mekodi, a yanjakidě jonga! Juda‐O! tataka masango mâvě, timakě panga jâvě; jambojana moto‘ ube à pudungane pě âvě; a lenudwěndi kya.
Currently Selected:
NEHUM 1: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.
NEHUM 1
1
1Jumba ja Niniva. Ejanganangobo ya ehihila ya Nehum wa Elkosh.
2Jěhova A ndi Anyambě y‘ ivuva, na Mâ‐a kundanaka; Jěhova A kundanakandi, na Mâ londango na ngambi; Jěhova A nângâki ngundako o baloni baju, na Mâ‐a pigaka ngambi o pělě ya ndoba jaju.
3Jěhova A nd‘ unyângâ o ilinguwa, na boněně o ngudi, na À huludě a kobakě na pělě te pělě; Jěhova A na njey‘ ’aju o ngwěnyi na o ukudi, bevindi be ndi ubulubulu mua matambi maju.
4A kandakidě manga, na Mâ‐a banjakě mâ, na A banjakě liho lěhěpi, Beshan a nyâmbâkiyě, na Carměl, na ilângâ ja Lěbanân i nyâmbâkiyě.
5Mekodi me njengaki na Mâ, bekandangolo be hindwaka; na he e hevudwěndi o pwanj‘ ’aju oba, e, he na ba diyakě omě běhěpi.
6A lě nja a ka těmě o boho bwa jeku jaju? a lě nja a ka yâlě o diya o bwayě bwa malingwa maju? ngambi ’aju e hovakiyandi ona veya, malale ma pěhěkiyě bepěhi na Mâ.
7Jěhova A bwamu, budu bokolo o buhwa bwa njuke; A yowuděte bâ‐ba pitakidě Mâ.
8Ndi A ka hukiděndi iboko omě hukiděngo na ujambě u pupakě, na Mâ‐a yonganě ndoba jaju kwanga o ivititi.
9E lě nd‘ eanyu e yebakiyě těniděngo na Jěhova? A ka hukiděndi hukiděngo; etuniya yà pumiye njo ibale.
10Jambojana tombekete ba diyete pani‐ka mabo ma tinganiyango, na pâpiya, ona e jadi, o imâtâ jabu, ba ka tinudwěte bo‐hinakudwě, ona bekumu bea mbwisanga bea yahango.
11Umbâkâ a ndi pumango oviya o âvě‐o jadi a yebakiyě njuke těniděngo na Jěhova, a levanakě bobe.
12Kakana ndi ka Jěhova A vâkě; Tombekete bâ diyakate ngudi ti, na bwinge tepě, paniyango nonaně te ka bâ‐ba ka kwělwě, na Mâ‐a tomba. Tombekete ka Umba‐Mbi jadi âvě tukěngo, Mbà tukě pě âvě.
13N‘ Umba‐Mbi ka buki pang‘ ’aju oviya âvě‐o jadi kya těkaně, n‘ Umba‐Mbi ka patandi mekato meâvě bo‐pataka.
14Na Jěhova A věndi elekanako o pěl‘ ’âvě, na, ba dina jâvě bà liywě pě: Mbi ka lenandi tove ja bo‐pakakwě na tove ja bo‐hovakudwě oviya o ndabo ya beanyambě beâvě; Umba ndi Mbi ka hayě malonga mâvě; jambojana o nd‘ o beva.
15Hilakěte, matambi ma a vanakě sango eyamu o mekodi, a yanjakidě jonga! Juda‐O! tataka masango mâvě, timakě panga jâvě; jambojana moto‘ ube à pudungane pě âvě; a lenudwěndi kya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.