NEHUM 2
2
1A vanjanganakě bepěhi a pândi o boho bwâvě; tataka bevolani bea ’duka, pepwaka njeya, pangaka ehena ’vě bokolo, yâdâkidě ipangiya jâvě na ngudi eitě.
2Jambojana Jěhova A timbaki pě ikebaně ja Jekâb, te ona ikebaně ja Isreěl; jambojana balopi ba lopi bâ vě, na ba umbanidě paha ja mekâdi meabu mea ivě.
3Nguba ya bamo baju ba pimba e veyudwěndi, bekahi bea bamo ba bâti mangâla; ndabo ja belape i kwědimaka na nyaangwa o buhwa bwa ikenja jaju, na makângâ ma vugumudwěndi na mahihi maitě.
4Ndabo ja belape i dunjaka o mehěngě, i dokanaka pâkâ o epâkwě o njeya eněně: ehin‘ ’abu e te ka myanyo i landakate ka bepělupělu.
5A yongakiděte ibaju ba weyango; ba kâbâkândi o iduliyedi viabu; ba hadivakiděndi na‐’la o kâtâ ’aju, na edibanako e kenjudwěndi.
6Mambe ma liho ma dubudwěndi, ikenga iněně i buludwěndi.
7Na Hâzab a bumudwěndi, a valanudwěndi, na lotângâ laju lo yaka ona na moyi ma lobembe, ba kumbaka ngonga jabu.
8Niniva a diyakit‘ oviya o vyo ona embwanga ya miba; tombekete nonaně ba kweyaniděndi, ba yamaka, na, Těměkěni! těměkěni! ndi ò diye na a tamwakiyě o mbuhwa.
9Nângâkâni imano ja hika‐’tano, nângâkâni imano ja hika‐eveyu, jambojana ikânjâ na ivenda ja mabâmâ mayamu měhěpi i ’bě n‘ ihuku.
10A ndi ebobolo, na ebolě, na jongoliyango: na ebumulema e unwaka, mabângâ ma dokanaka, na meadi me nd‘ o behena beěhěpi, na meoho meabu mea běhěpi mea běndi bavo.
11Ubwalange mua beamalě u l‘ ove, na iboko via betumbě bea beamalě vi jakiyě, o momi na mwadi mua amalě ba ma jopakiya, na lobâku la amalě, na o ’bě na wa bangidě bâ?
12Amalě e nyate bepěhi twětwě o pělě ya lobâku laju, na e vihamiyete o pělě ya meadi meaju mea beamalě, na ya londě mendu meaju na ebwelě, na mebwalange meaju na imano.
13Hilakěte, Mbi těnidi na nâvě, Jěhova ya Ndumba nd‘ A vâkě, n‘ Umba‐Mba tumba ndabo jâvě ja belape o itutu, ukwala u ka nyandi betumbě beâvě bea beamalě; n‘ Umba‐Mba lena ebwel‘ ’âvě oviya o he, na joyi ja magende mâvě jà yokane pě.
Currently Selected:
NEHUM 2: BNG1895
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.
NEHUM 2
2
1A vanjanganakě bepěhi a pândi o boho bwâvě; tataka bevolani bea ’duka, pepwaka njeya, pangaka ehena ’vě bokolo, yâdâkidě ipangiya jâvě na ngudi eitě.
2Jambojana Jěhova A timbaki pě ikebaně ja Jekâb, te ona ikebaně ja Isreěl; jambojana balopi ba lopi bâ vě, na ba umbanidě paha ja mekâdi meabu mea ivě.
3Nguba ya bamo baju ba pimba e veyudwěndi, bekahi bea bamo ba bâti mangâla; ndabo ja belape i kwědimaka na nyaangwa o buhwa bwa ikenja jaju, na makângâ ma vugumudwěndi na mahihi maitě.
4Ndabo ja belape i dunjaka o mehěngě, i dokanaka pâkâ o epâkwě o njeya eněně: ehin‘ ’abu e te ka myanyo i landakate ka bepělupělu.
5A yongakiděte ibaju ba weyango; ba kâbâkândi o iduliyedi viabu; ba hadivakiděndi na‐’la o kâtâ ’aju, na edibanako e kenjudwěndi.
6Mambe ma liho ma dubudwěndi, ikenga iněně i buludwěndi.
7Na Hâzab a bumudwěndi, a valanudwěndi, na lotângâ laju lo yaka ona na moyi ma lobembe, ba kumbaka ngonga jabu.
8Niniva a diyakit‘ oviya o vyo ona embwanga ya miba; tombekete nonaně ba kweyaniděndi, ba yamaka, na, Těměkěni! těměkěni! ndi ò diye na a tamwakiyě o mbuhwa.
9Nângâkâni imano ja hika‐’tano, nângâkâni imano ja hika‐eveyu, jambojana ikânjâ na ivenda ja mabâmâ mayamu měhěpi i ’bě n‘ ihuku.
10A ndi ebobolo, na ebolě, na jongoliyango: na ebumulema e unwaka, mabângâ ma dokanaka, na meadi me nd‘ o behena beěhěpi, na meoho meabu mea běhěpi mea běndi bavo.
11Ubwalange mua beamalě u l‘ ove, na iboko via betumbě bea beamalě vi jakiyě, o momi na mwadi mua amalě ba ma jopakiya, na lobâku la amalě, na o ’bě na wa bangidě bâ?
12Amalě e nyate bepěhi twětwě o pělě ya lobâku laju, na e vihamiyete o pělě ya meadi meaju mea beamalě, na ya londě mendu meaju na ebwelě, na mebwalange meaju na imano.
13Hilakěte, Mbi těnidi na nâvě, Jěhova ya Ndumba nd‘ A vâkě, n‘ Umba‐Mba tumba ndabo jâvě ja belape o itutu, ukwala u ka nyandi betumbě beâvě bea beamalě; n‘ Umba‐Mba lena ebwel‘ ’âvě oviya o he, na joyi ja magende mâvě jà yokane pě.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1895, 1926.