लुका 12
12
कपट पाकालाइहेङ इसुको चेतानि
(मत्ति १०:२६-२७)
1इङको पहर इन्ता गान्देलि मादोपाङ हेन्जाङ द्याङगेलाइ जोम्नाङसिङ मिचामिच दोङ ज्याङभाइपा जेङका हिघाहि। कालाउ इङको पहर इसु लाम्फा ताइको चात्यागेलाइहेङ दोअ्हि, “नेलाइ फरिसिगेलाइको तोले फुलिपाका सोडासो जोगेतेङ हिसु! इङको सोडा नेलाइको कपटि आनिबानि एइ।#मत्ति १६:६; मर्कुस ८:१५ 2हाइदोनु थुमन्हाका काथा जेथे हि, इङको गोताङ एनि तिनावा। म्होन्हाका काथा जेथे हि, इङको गोताङ परमेस्वर तिमप्यावा।#मर्कुस ४:२२; लुका ८:१७ 3नेलाइ कितिकितिकाता दोअ्का काथागेलाइ फाइसालामकाता झाराङ हिनावा। कोठालिअ्ता सिकापा दोअ्का काथा साअ्को धुरिसो पारचार जेनावा।”
परमेस्वरदोफा थिसु
(मत्ति १०:२८-३३; १२:३२)
4इसु आरोङ दोअ्हि, “ओइ काङको सानाइति गेलाइ, का नेलाइहेङ दोअ्ताङका, नेलाइहेङ सेअ्लि खाङका द्याङगेलाइदोफा माथिसु। एम्बालाइ ते नेलाइको जिउहेङ खिनिङ सेअ्लि द्वावा कालाउ नेलाइको आत्माहेङ एम्बालाइ हाइ दोङ पालि माद्वावा। 5का नेलाइहेङ दोअ्खा, परमेस्वर दोफा खिनिङ थिसु। हाइदोनु वाको दोफा खिनिङ जिउहेङ सेअ्तेङ पातेलता थाल्पिका सरबङ हि। इदोइखातिर वाको दोफाङ दोङ थिसु! 6कालाउ खाङसु, न्हे टाकाता नालोङ बागाराइ माबिकाइखे कुनु? बागाराइ इदोइ झोको सस्तो हिलाउबुङ परमेस्वर एलोङहेङ बुङ मानिल्खे। 7हाइदोनु परमेस्वर नेलाइको एलोङ एलोङपा पुरिङको पुसिङ सुदाङ गान्देका हि। एन्साङ माथिसु, नेलाइ ते हेन्जा बागाराइ खान्तेङ झन मुल्यबान हिसुन्हा।
8“का नेलाइहेङ दोअ्ताङका, जाइ कासेहेङ द्याङको आगाता काङको प्रभु दोअ्तेङ स्विकार पावा, वासेहेङ का द्याङको चान बुङ सादेलचरको आगाता ताइको दोअ्तेङ मन्जुर पाङका। 9कुलाउ जाइ कासेहेङ द्याङगेलाइको आगाता मानाल्खा दोअ्तावा, इङकोहेङ का बुङ परमेस्वरको सादेलचरगेलाइको आगाता मानाल्खा दोअ्ताङका। 10कालाउ का द्याङको चानको खिलापता धुइकालाइ माफ निनावा। कालाउ जाइ पुनित हाङसाको खिलापता बादनामिपातेङ धुइखे वा हेअ्लाउ बुङ छमा मानिनावा।#मत्ति १२:३२; मर्कुस ३:२९
11“जेलाउ एम्बालाइ नेलाइहेङ कचहरिसाअ्गेलाइ, हाकिमगेलाइ रो नियापाका थामेता चुमावा, कोलाउ नेलाइ हेसापा रो हाइ दोअ्लिगोया दोअ्तेङ सुर्ता मापासु।#मत्ति १०:१९-२०; मर्कुस १३:११; लुका २१:१४-१५ 12उदोङघरि पुनित हाङसा नेलाइहेङ दोअ्लि गोइका काथा धिरपावा।”
बुद्धि मान्थुका गिह्रि द्याङ
13कालाउ हेन्जाङ द्याङगेलाइको माझासो एमि द्याङ इसुहेङ दोअ्हि, “मास्टर, ‘ओनेको ताइको भाग खेङपि’ दोअ्तेङ काङको दादाहेङ दोअ्पि।” 14कालाउ इसु वासेहेङ दोअ्हि, “निधिमिको अङस बाखाराइपिलि कासेहेङ हासु दिङगिल्हि?” 15वा एम्बालाइहेङ दोअ्हि, “होस पासु, गोताङ खाल्को लाल्सासोजोगेका काम पासु, हाइपानु द्याङको ज्यान वाको टाकाकाउरि जेथे दोङ हेन्जा हिलाउ बुङ इङको द्याङहेङ जातिङको ज्यानचाहिँ माप्यावा।”
16इङकोन्हुअ्सो इसु एलोङ तुलनाको आकारता इसिका काथा दोअ्हि, “एमि धनि द्याङको मिलिङता हेन्जा उब्जनि जेङहि। 17वा ताइको मन्ताङ ठहर पाहि, ‘या गोताङ उब्जनि हिता ताअ्लि वाला? थामेदोङ मान्थु। हाइ पालि?’ 18कालाउ एला वा एसा पाङका दोअ्तेङ ताइको मनता ठहर पाहि इदोइ आतुतुइका उब्जनि ताअ्का थामेगेलाइ र्हाअ्तेङ बाबारका बान्हायाङका। कालाउ इन्ताङ गोताङ उब्जनि ताअ्ताङका। 19इङकोन्हुअ्सो वा ताइमिहेङ दोअ्तावा, ‘का हेथे भाग्यमानि हिघा! काङकोदोफा बाअ्सार बाअ्सार थिकापा थेम्का उब्जनि हि। कालाउ चाङका, आमाङका रो सुखता ह्याङका।’
20“कालाउ परमेस्वर वासेहेङ दोअ्हि, ‘ओइ बुद्धिमान्थुका द्याङ, नानिङ न्हिसिङताङ नाङको प्रान हानावा। कालाउ नाङको जोम्पातेङ ताअ्का टाका काउरि हासु चावा?’” 21कालाउ इसु इदोइ तुलना दोपातेङ दोअ्हि, “ताइको भाअ्सिङ टाका काउरि जोम्पातेङ ताअ्का द्याङको गति इसिका दोङ ज्यावा। परमेस्वर इसिकालाइहेङ टाका काउरि हिका फोम मापाखे।”
सादेलको सारभि भोसु रो पिर मापासु
(मत्ति ६:२५-३४)
22इङकोन्हुअ्सो इसु चात्यागेलाइहेङ दोअ्हि, “एन्साङ का नेलाइहेङ दोअ्ताङका, इदोइ बायु सिन्हुपालि भाअ्सिङ हाइ चाङका हाइ लागायाङका दोअ्तेङ सुर्ता मापासु। 23हाइदोनु चाकाआनेमाने खान्तेङ जिउ दोङ बाराका रो धाबाखेन्तारा खान्तेङ जिउदोङ बारा एइ। 24काह्वागेलाइहेङ खाङसु! एम्बालाइ मिलिङ बुङ माचोइखे, रोपाबुङ माथिङखे, कालाउ बालि नालि चेतेङ भाकारता बुङ मासान्तेखे। कालाउ परमेस्वर एम्बालाइहेङ चापादोङखे। खाङसु, नेलाइ ते इङको जिह्याँ जुइलेङ खान्तेङ बुङ हेन्जाङ मोलको हिसुन्हा।
25“हाइ नेलाइता हासु बुङ सुर्ता पातेङ ताइको आयु एघुरिको भाअ्सिङ बार्हेपालि दोस्वाना? 26इदिझोको म्हुइका काम बुङ पालि मादोनु ते बो काथाको सुर्ता हाइपालि पासुखेना? 27झारगेलाइता भार्का लिलि ल्हेअ्हेङ खाङसु, एम्बालाइ ते काम बुङ मापाखे रो लागाइलिको भाअ्सिङ धाबा बुङ माथिर्खे। कालाउ का नेलाइहेङ दोअ्ताङका, सोलोमन राजादोफा ओथेमाम्फा टाका काउरि हिलाउ बुङ वा ते इङको ल्हेअ्गेलाइ भाइपा सजि सजाउ जेङतेङ माहिघाहि।#१ राजा १०:४-७; २ इतिहास ९:३-६ 28नानि माउलाइका कालाउ जुम्नि दोङ चुअ्तेङ ओअ्पाका झारहेङ बुङ परमेस्वर एसापा वास्तापाखे दोअ्लाउ हाइ वा झन नेलाइहेङ वास्ता मापावा कुनु? खोइ नेलाइको खान्धुर? 29हाइ चाङका रो हाइ लागायाङका दोअ्तेङ भोतेङ माहिसु कालाउ इङकोको भाअ्सिङ सुर्ता बुङ मापासु। 30परमेस्वरहेङ मानाल्कालाइ कि इसिका सुर्ता पाखे। इदोइ गोताङ सामान नेलाइहेङ गोयाङ दोअ्तेङ परमेस्वर आबा दोङ ग्यावा। 31कालाउ परमेस्वरको सारभिहेङ भोसु कालाउ वा इदोइ गोताङ सामान नेलाइहेङ थपिप्यावा।”
सादेलको टाका काउरि
(मत्ति ६:१९-२१)
32इसु ताइको चात्यागेलाइहेङ दोअ्हि, “ओइ म्हुइका जेरको काङको चात्यागेलाइ, नेलाइ माथिसु! हाइदोनु परमेस्वर आबा नेलाइहेङ ताइको सारभि पिलि लेङचाका हि। 33नेलाइ दोफा हिका टाका काउरि पिअ्तेङ गरिबगेलाइहेङ पिसु। ताइको भाअ्सिङ हेअ्लाउ मादोका टाका काउरि सादेलता जोम्पासु। इन्ता ते खुकालाइ बुङ खुलिमाद्वावा रो पेअ्सा बुङ माचावा। 34हाइदोनु जेता नेलाइको टाका काउरि हि, इन्ताङ नेलाइको मन बुङ ह्यावा।”
चोङखो जेङतेङ हिसु
35इङकोन्हुअ्सो इसु दोअ्हि, “ताइको केङखेने जिङतेङ त्यार जेङतेङ हिसु रो गिसागेलाइ जोलाइतेङ ताअ्सु।#मत्ति २५:१-१३ 36नेलाइ बिहुचातेङ घुरिका मालिकको दामा खाङतेङ हिका कामत्यागेलाइ भाइपा जेङसु। मालिक लोतेङ द्वार चालापातेङसाङ ओबालाइ द्वार हेप्यावा।#मर्कुस १३:३४-३६ 37कालाउ मालिक लोलाउ जागा हिका इङको कामत्यागेलाइ च्याबासि निनावा। जातिङको का नेलाइहेङ दोअ्ताङका, इङको मालिक बान्सालाइहेङ भाइपा बान्सा बुझाइलि त्यार ज्यावा। कालाउ इङको कामत्यागेलाइहेङ रेम्फा योम्पातेङ चापावा।
38“कालाउ मालिक बेलोमतेङ आधा न्हिसिङता लोलाउ बुङ; झेङलि तोम्तेङ लोलाउ बुङ; ताइको कामत्यागेलाइहेङ जागा हिका तिङनु वा झन हेन्जा च्याबासि प्यावा।
39“कालाउ इदोइ फोमपातेङ ताअ्सु, खुकालाइ लोका बेला गेनु ते साअ्धनि खुकालाइहेङ साअ्ता दुल्लि दोङ मापिधावा।#मत्ति २४:४३-४४ 40एन्साङ नेलाइ बुङ चालाक जेङतेङ हिसु। हाइदोनु का द्याङको चान हिदोइ पहर ल्वाङका नेलाइ मामा गेस्वाना।”
इमानि रो बाइमानि कामत्याको तुलना
(मत्ति २४:४५-५१)
41कालाउ पत्रुस इसुहेङ हिअ्हि, “प्रभु, ना या काथा केलाइहेङ खिनिङ दोअ्का ना बो झाराङको भाअ्सिङ?” 42प्रभु दोअ्हि, “आकिलहिका रो कामता साअ्लिदोका खाजान्चिचाहिँ हिसिका द्याङ वाला? गिर्हि ताइको साअ्को गोताङ कामकाजको जिमा पिकान्हुसो वा बो कामत्यागेलाइहेङ उचित पहरता चाका इन्तिजाम पापिखे। 43मालिक घुरितेङ लोलाउ इङको कामत्याहेङ इन्सिकाङ काम पातेङहिका निङलाउ मालिक वासेहेङ च्याबासि प्यावा। 44जातिङको का नेलाइहेङ दोअ्खा, मालिक इङको खाजान्चिहेङ ताइको गोताङ ताका काउरि जिम्मा लागायावा। 45कालाउ खाजान्चिको मालिक न्हुअ्सो खिनिङ घुर्यावा दोअ्का फोमपातेङ जेसोओसोङ आम्तेङ बो कामत्या चाकर गेलाइहेङ दान्हाइतेङ हिनु ते 46वाको मालिक वाको माचिताइका पहरता लोतेङ वासेहेङ बारा डाँड प्यावा रो वाको गति परमेस्वरहेङ मामानेकालाइको भाइपाङ ज्यावा।
47“मालिकको लाल्सा गेतेङ बुङ पालि गोइका काम मापाका कामत्याहेङ मालिक लोतेङ बारा साजाइ प्यावा। 48कालाउ जाइ मालिकको लाल्सा मागेसिङ साजाइ निङलिगोइका काम पाका कामत्याहेङ वा आतुइसा साजाइ प्यावा। जाइहेङ हेन्जा पिका हि, वा हेन्जा पिलिगोयावा। एन्साङ पातेङ जाइहेङ हेन्जा जिम्मा पिका हि, वा दोफा झन हेन्जा र्हेकावा।”
परिबारता फाटो
(मत्ति १०:३४-३६)
49इसु दोअ्हि, “का सुमिङता मे धोलि लोघा रो लाम्फा दोङ मे ल्होनु ते रेम्काङ जेङधाङ! 50का एलोङ तु:को चिभुअ्लि र्हुलि गोयाङ। इङको चिभुअ्लि मार्हुपाधाउ कासेहेङ सुबिस्ता दोङ माज्यावा।#मर्कुस १०:३८ 51हाइ नेलाइ का सुमिङता मिलाप पालि लोघा दोअ्तेङ गेसुखिना? माको, काते खेङलि कि लोघा। 52एलासो एलोङ नामिको परिबारता ताताइमिङ खेङन्हावा। सुमि न्हेमिको खिलापता रो न्हेमि सुमिको खिलापता ल्होकावा। 53एन्साङ पातेङ आबा चानको खिलापता रो चान आबाको खिलापता, आमाइ चामिन्दिको खिलापता रो चामिन्दि आमाइको खिलापता, जुबे नामाको खिलापता रो नामा जुबेको खिलापता ल्होकावा।”#मिका ७:६
पहरको चिनो
(मत्ति १६:२-३; ५:२५-२६)
54कालाउ इसु इन्ता जोम्तेङ हिका द्याङगेलाइहेङ दोअ्हि, “नेलाइ दिहेँ बादेल तिन्तेङसाङ, ‘एला वाइ ल्वाङ’ दोअ्स्वाना कालाउ वाइ ल्वावा बुङ। 55माहेँसो भेर्मा लोलाउ एला भेमावा दोअ्न्हाखे, कालाउ एन्साङ ज्यावा। 56ओइ चिम्काटागेलाइ! नेलाइ बादेल रो सुमिङ खाङतेङ वाइ ल्वाङ बे माल्वाङ दोअ्तेङ गेलि ते दोस्वाना। कुलाउ इदोइ पहरता जेङलि लोका बारदातको चिनोचाहिँ नेलाइ हाइपालि मागेसुखेना? 57हिदोइ काथा ठिक हि, हिदोइ काथा बेठिक हि दोअ्तेङ नेलाइ ताइमिङ हाइपालि निधो मापासुखेना?
58“हासुबुङ नाङकोर्हुता आदालतता मुद्दा चालाइतेङ न्याधिसकोता चुमपुनु दामाताङ झगरियादोफा मिलिलि बोल्पासु। माकुनु वा नासेहेङ न्याधिसकोता आगाता जाअ्पावा कालाउ वा पलटनहेङ जिम्मा प्यावा। एन्सालाउदोङ पलटन नासेहेङ चुमपुतेङ थुनाता व्हाअ्तावा। 59हाइदोनु का नासेहेङ दोअ्ताङका, तिरिलि गोइका गोताङ टाका मातिरिपाधाउ ना इन्तासो खाअ्लि मानिनाना।”
Currently Selected:
लुका 12: DHIM
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
लुका 12
12
कपट पाकालाइहेङ इसुको चेतानि
(मत्ति १०:२६-२७)
1इङको पहर इन्ता गान्देलि मादोपाङ हेन्जाङ द्याङगेलाइ जोम्नाङसिङ मिचामिच दोङ ज्याङभाइपा जेङका हिघाहि। कालाउ इङको पहर इसु लाम्फा ताइको चात्यागेलाइहेङ दोअ्हि, “नेलाइ फरिसिगेलाइको तोले फुलिपाका सोडासो जोगेतेङ हिसु! इङको सोडा नेलाइको कपटि आनिबानि एइ।#मत्ति १६:६; मर्कुस ८:१५ 2हाइदोनु थुमन्हाका काथा जेथे हि, इङको गोताङ एनि तिनावा। म्होन्हाका काथा जेथे हि, इङको गोताङ परमेस्वर तिमप्यावा।#मर्कुस ४:२२; लुका ८:१७ 3नेलाइ कितिकितिकाता दोअ्का काथागेलाइ फाइसालामकाता झाराङ हिनावा। कोठालिअ्ता सिकापा दोअ्का काथा साअ्को धुरिसो पारचार जेनावा।”
परमेस्वरदोफा थिसु
(मत्ति १०:२८-३३; १२:३२)
4इसु आरोङ दोअ्हि, “ओइ काङको सानाइति गेलाइ, का नेलाइहेङ दोअ्ताङका, नेलाइहेङ सेअ्लि खाङका द्याङगेलाइदोफा माथिसु। एम्बालाइ ते नेलाइको जिउहेङ खिनिङ सेअ्लि द्वावा कालाउ नेलाइको आत्माहेङ एम्बालाइ हाइ दोङ पालि माद्वावा। 5का नेलाइहेङ दोअ्खा, परमेस्वर दोफा खिनिङ थिसु। हाइदोनु वाको दोफा खिनिङ जिउहेङ सेअ्तेङ पातेलता थाल्पिका सरबङ हि। इदोइखातिर वाको दोफाङ दोङ थिसु! 6कालाउ खाङसु, न्हे टाकाता नालोङ बागाराइ माबिकाइखे कुनु? बागाराइ इदोइ झोको सस्तो हिलाउबुङ परमेस्वर एलोङहेङ बुङ मानिल्खे। 7हाइदोनु परमेस्वर नेलाइको एलोङ एलोङपा पुरिङको पुसिङ सुदाङ गान्देका हि। एन्साङ माथिसु, नेलाइ ते हेन्जा बागाराइ खान्तेङ झन मुल्यबान हिसुन्हा।
8“का नेलाइहेङ दोअ्ताङका, जाइ कासेहेङ द्याङको आगाता काङको प्रभु दोअ्तेङ स्विकार पावा, वासेहेङ का द्याङको चान बुङ सादेलचरको आगाता ताइको दोअ्तेङ मन्जुर पाङका। 9कुलाउ जाइ कासेहेङ द्याङगेलाइको आगाता मानाल्खा दोअ्तावा, इङकोहेङ का बुङ परमेस्वरको सादेलचरगेलाइको आगाता मानाल्खा दोअ्ताङका। 10कालाउ का द्याङको चानको खिलापता धुइकालाइ माफ निनावा। कालाउ जाइ पुनित हाङसाको खिलापता बादनामिपातेङ धुइखे वा हेअ्लाउ बुङ छमा मानिनावा।#मत्ति १२:३२; मर्कुस ३:२९
11“जेलाउ एम्बालाइ नेलाइहेङ कचहरिसाअ्गेलाइ, हाकिमगेलाइ रो नियापाका थामेता चुमावा, कोलाउ नेलाइ हेसापा रो हाइ दोअ्लिगोया दोअ्तेङ सुर्ता मापासु।#मत्ति १०:१९-२०; मर्कुस १३:११; लुका २१:१४-१५ 12उदोङघरि पुनित हाङसा नेलाइहेङ दोअ्लि गोइका काथा धिरपावा।”
बुद्धि मान्थुका गिह्रि द्याङ
13कालाउ हेन्जाङ द्याङगेलाइको माझासो एमि द्याङ इसुहेङ दोअ्हि, “मास्टर, ‘ओनेको ताइको भाग खेङपि’ दोअ्तेङ काङको दादाहेङ दोअ्पि।” 14कालाउ इसु वासेहेङ दोअ्हि, “निधिमिको अङस बाखाराइपिलि कासेहेङ हासु दिङगिल्हि?” 15वा एम्बालाइहेङ दोअ्हि, “होस पासु, गोताङ खाल्को लाल्सासोजोगेका काम पासु, हाइपानु द्याङको ज्यान वाको टाकाकाउरि जेथे दोङ हेन्जा हिलाउ बुङ इङको द्याङहेङ जातिङको ज्यानचाहिँ माप्यावा।”
16इङकोन्हुअ्सो इसु एलोङ तुलनाको आकारता इसिका काथा दोअ्हि, “एमि धनि द्याङको मिलिङता हेन्जा उब्जनि जेङहि। 17वा ताइको मन्ताङ ठहर पाहि, ‘या गोताङ उब्जनि हिता ताअ्लि वाला? थामेदोङ मान्थु। हाइ पालि?’ 18कालाउ एला वा एसा पाङका दोअ्तेङ ताइको मनता ठहर पाहि इदोइ आतुतुइका उब्जनि ताअ्का थामेगेलाइ र्हाअ्तेङ बाबारका बान्हायाङका। कालाउ इन्ताङ गोताङ उब्जनि ताअ्ताङका। 19इङकोन्हुअ्सो वा ताइमिहेङ दोअ्तावा, ‘का हेथे भाग्यमानि हिघा! काङकोदोफा बाअ्सार बाअ्सार थिकापा थेम्का उब्जनि हि। कालाउ चाङका, आमाङका रो सुखता ह्याङका।’
20“कालाउ परमेस्वर वासेहेङ दोअ्हि, ‘ओइ बुद्धिमान्थुका द्याङ, नानिङ न्हिसिङताङ नाङको प्रान हानावा। कालाउ नाङको जोम्पातेङ ताअ्का टाका काउरि हासु चावा?’” 21कालाउ इसु इदोइ तुलना दोपातेङ दोअ्हि, “ताइको भाअ्सिङ टाका काउरि जोम्पातेङ ताअ्का द्याङको गति इसिका दोङ ज्यावा। परमेस्वर इसिकालाइहेङ टाका काउरि हिका फोम मापाखे।”
सादेलको सारभि भोसु रो पिर मापासु
(मत्ति ६:२५-३४)
22इङकोन्हुअ्सो इसु चात्यागेलाइहेङ दोअ्हि, “एन्साङ का नेलाइहेङ दोअ्ताङका, इदोइ बायु सिन्हुपालि भाअ्सिङ हाइ चाङका हाइ लागायाङका दोअ्तेङ सुर्ता मापासु। 23हाइदोनु चाकाआनेमाने खान्तेङ जिउ दोङ बाराका रो धाबाखेन्तारा खान्तेङ जिउदोङ बारा एइ। 24काह्वागेलाइहेङ खाङसु! एम्बालाइ मिलिङ बुङ माचोइखे, रोपाबुङ माथिङखे, कालाउ बालि नालि चेतेङ भाकारता बुङ मासान्तेखे। कालाउ परमेस्वर एम्बालाइहेङ चापादोङखे। खाङसु, नेलाइ ते इङको जिह्याँ जुइलेङ खान्तेङ बुङ हेन्जाङ मोलको हिसुन्हा।
25“हाइ नेलाइता हासु बुङ सुर्ता पातेङ ताइको आयु एघुरिको भाअ्सिङ बार्हेपालि दोस्वाना? 26इदिझोको म्हुइका काम बुङ पालि मादोनु ते बो काथाको सुर्ता हाइपालि पासुखेना? 27झारगेलाइता भार्का लिलि ल्हेअ्हेङ खाङसु, एम्बालाइ ते काम बुङ मापाखे रो लागाइलिको भाअ्सिङ धाबा बुङ माथिर्खे। कालाउ का नेलाइहेङ दोअ्ताङका, सोलोमन राजादोफा ओथेमाम्फा टाका काउरि हिलाउ बुङ वा ते इङको ल्हेअ्गेलाइ भाइपा सजि सजाउ जेङतेङ माहिघाहि।#१ राजा १०:४-७; २ इतिहास ९:३-६ 28नानि माउलाइका कालाउ जुम्नि दोङ चुअ्तेङ ओअ्पाका झारहेङ बुङ परमेस्वर एसापा वास्तापाखे दोअ्लाउ हाइ वा झन नेलाइहेङ वास्ता मापावा कुनु? खोइ नेलाइको खान्धुर? 29हाइ चाङका रो हाइ लागायाङका दोअ्तेङ भोतेङ माहिसु कालाउ इङकोको भाअ्सिङ सुर्ता बुङ मापासु। 30परमेस्वरहेङ मानाल्कालाइ कि इसिका सुर्ता पाखे। इदोइ गोताङ सामान नेलाइहेङ गोयाङ दोअ्तेङ परमेस्वर आबा दोङ ग्यावा। 31कालाउ परमेस्वरको सारभिहेङ भोसु कालाउ वा इदोइ गोताङ सामान नेलाइहेङ थपिप्यावा।”
सादेलको टाका काउरि
(मत्ति ६:१९-२१)
32इसु ताइको चात्यागेलाइहेङ दोअ्हि, “ओइ म्हुइका जेरको काङको चात्यागेलाइ, नेलाइ माथिसु! हाइदोनु परमेस्वर आबा नेलाइहेङ ताइको सारभि पिलि लेङचाका हि। 33नेलाइ दोफा हिका टाका काउरि पिअ्तेङ गरिबगेलाइहेङ पिसु। ताइको भाअ्सिङ हेअ्लाउ मादोका टाका काउरि सादेलता जोम्पासु। इन्ता ते खुकालाइ बुङ खुलिमाद्वावा रो पेअ्सा बुङ माचावा। 34हाइदोनु जेता नेलाइको टाका काउरि हि, इन्ताङ नेलाइको मन बुङ ह्यावा।”
चोङखो जेङतेङ हिसु
35इङकोन्हुअ्सो इसु दोअ्हि, “ताइको केङखेने जिङतेङ त्यार जेङतेङ हिसु रो गिसागेलाइ जोलाइतेङ ताअ्सु।#मत्ति २५:१-१३ 36नेलाइ बिहुचातेङ घुरिका मालिकको दामा खाङतेङ हिका कामत्यागेलाइ भाइपा जेङसु। मालिक लोतेङ द्वार चालापातेङसाङ ओबालाइ द्वार हेप्यावा।#मर्कुस १३:३४-३६ 37कालाउ मालिक लोलाउ जागा हिका इङको कामत्यागेलाइ च्याबासि निनावा। जातिङको का नेलाइहेङ दोअ्ताङका, इङको मालिक बान्सालाइहेङ भाइपा बान्सा बुझाइलि त्यार ज्यावा। कालाउ इङको कामत्यागेलाइहेङ रेम्फा योम्पातेङ चापावा।
38“कालाउ मालिक बेलोमतेङ आधा न्हिसिङता लोलाउ बुङ; झेङलि तोम्तेङ लोलाउ बुङ; ताइको कामत्यागेलाइहेङ जागा हिका तिङनु वा झन हेन्जा च्याबासि प्यावा।
39“कालाउ इदोइ फोमपातेङ ताअ्सु, खुकालाइ लोका बेला गेनु ते साअ्धनि खुकालाइहेङ साअ्ता दुल्लि दोङ मापिधावा।#मत्ति २४:४३-४४ 40एन्साङ नेलाइ बुङ चालाक जेङतेङ हिसु। हाइदोनु का द्याङको चान हिदोइ पहर ल्वाङका नेलाइ मामा गेस्वाना।”
इमानि रो बाइमानि कामत्याको तुलना
(मत्ति २४:४५-५१)
41कालाउ पत्रुस इसुहेङ हिअ्हि, “प्रभु, ना या काथा केलाइहेङ खिनिङ दोअ्का ना बो झाराङको भाअ्सिङ?” 42प्रभु दोअ्हि, “आकिलहिका रो कामता साअ्लिदोका खाजान्चिचाहिँ हिसिका द्याङ वाला? गिर्हि ताइको साअ्को गोताङ कामकाजको जिमा पिकान्हुसो वा बो कामत्यागेलाइहेङ उचित पहरता चाका इन्तिजाम पापिखे। 43मालिक घुरितेङ लोलाउ इङको कामत्याहेङ इन्सिकाङ काम पातेङहिका निङलाउ मालिक वासेहेङ च्याबासि प्यावा। 44जातिङको का नेलाइहेङ दोअ्खा, मालिक इङको खाजान्चिहेङ ताइको गोताङ ताका काउरि जिम्मा लागायावा। 45कालाउ खाजान्चिको मालिक न्हुअ्सो खिनिङ घुर्यावा दोअ्का फोमपातेङ जेसोओसोङ आम्तेङ बो कामत्या चाकर गेलाइहेङ दान्हाइतेङ हिनु ते 46वाको मालिक वाको माचिताइका पहरता लोतेङ वासेहेङ बारा डाँड प्यावा रो वाको गति परमेस्वरहेङ मामानेकालाइको भाइपाङ ज्यावा।
47“मालिकको लाल्सा गेतेङ बुङ पालि गोइका काम मापाका कामत्याहेङ मालिक लोतेङ बारा साजाइ प्यावा। 48कालाउ जाइ मालिकको लाल्सा मागेसिङ साजाइ निङलिगोइका काम पाका कामत्याहेङ वा आतुइसा साजाइ प्यावा। जाइहेङ हेन्जा पिका हि, वा हेन्जा पिलिगोयावा। एन्साङ पातेङ जाइहेङ हेन्जा जिम्मा पिका हि, वा दोफा झन हेन्जा र्हेकावा।”
परिबारता फाटो
(मत्ति १०:३४-३६)
49इसु दोअ्हि, “का सुमिङता मे धोलि लोघा रो लाम्फा दोङ मे ल्होनु ते रेम्काङ जेङधाङ! 50का एलोङ तु:को चिभुअ्लि र्हुलि गोयाङ। इङको चिभुअ्लि मार्हुपाधाउ कासेहेङ सुबिस्ता दोङ माज्यावा।#मर्कुस १०:३८ 51हाइ नेलाइ का सुमिङता मिलाप पालि लोघा दोअ्तेङ गेसुखिना? माको, काते खेङलि कि लोघा। 52एलासो एलोङ नामिको परिबारता ताताइमिङ खेङन्हावा। सुमि न्हेमिको खिलापता रो न्हेमि सुमिको खिलापता ल्होकावा। 53एन्साङ पातेङ आबा चानको खिलापता रो चान आबाको खिलापता, आमाइ चामिन्दिको खिलापता रो चामिन्दि आमाइको खिलापता, जुबे नामाको खिलापता रो नामा जुबेको खिलापता ल्होकावा।”#मिका ७:६
पहरको चिनो
(मत्ति १६:२-३; ५:२५-२६)
54कालाउ इसु इन्ता जोम्तेङ हिका द्याङगेलाइहेङ दोअ्हि, “नेलाइ दिहेँ बादेल तिन्तेङसाङ, ‘एला वाइ ल्वाङ’ दोअ्स्वाना कालाउ वाइ ल्वावा बुङ। 55माहेँसो भेर्मा लोलाउ एला भेमावा दोअ्न्हाखे, कालाउ एन्साङ ज्यावा। 56ओइ चिम्काटागेलाइ! नेलाइ बादेल रो सुमिङ खाङतेङ वाइ ल्वाङ बे माल्वाङ दोअ्तेङ गेलि ते दोस्वाना। कुलाउ इदोइ पहरता जेङलि लोका बारदातको चिनोचाहिँ नेलाइ हाइपालि मागेसुखेना? 57हिदोइ काथा ठिक हि, हिदोइ काथा बेठिक हि दोअ्तेङ नेलाइ ताइमिङ हाइपालि निधो मापासुखेना?
58“हासुबुङ नाङकोर्हुता आदालतता मुद्दा चालाइतेङ न्याधिसकोता चुमपुनु दामाताङ झगरियादोफा मिलिलि बोल्पासु। माकुनु वा नासेहेङ न्याधिसकोता आगाता जाअ्पावा कालाउ वा पलटनहेङ जिम्मा प्यावा। एन्सालाउदोङ पलटन नासेहेङ चुमपुतेङ थुनाता व्हाअ्तावा। 59हाइदोनु का नासेहेङ दोअ्ताङका, तिरिलि गोइका गोताङ टाका मातिरिपाधाउ ना इन्तासो खाअ्लि मानिनाना।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.