लुका 13
13
ताइको कुकरम मानितेङ परमेस्वरपाहा घुरिसु
1इदोङ घुरिहि इन्ता हिका द्याङगेलाइ इसुहेङ दोअ्हि, “गालिलको द्याङगेलाइ थान्ता भोकपिका पहरता पिलातस दोअ्का रोमको बारा हाकिम हेथे द्याङगेलाइहेङ सेअ्लि हुकुम पिहि। कालाउ ओबालाइकोङ हिति ओबालाइको भोगपिका हितिदोसाङ मिसालाइन्हाहि।” 2इसु एम्बालाइहेङ दोअ्हि, “एसापा सेअ्का इङको गालिलको द्याङगेलाइ बो गालिलि खान्तेङ हेन्जाङ कुकरमि हिघाहि दोअ्तेङ नेलाइ फोमपासुखेना? 3एन्सा माको, का नेलाइहेङ दोअ्ताङका; ताताइको कुकरम मानेतेङ परमेस्वरपाहा माघुरिपासुन्हा पानु नेलाइ बुङ एन्साङ पातेङ सिस्वाना। 4आरोङ सिलोआमको धारारा उन्धिलाउ सिका तेयेअ्मि द्याङगेलाइ यरुसलेम पुरता हिका बो द्याङगेलाइ खान्तेङ कुकरमि हिघाहि दोअ्तेङ नेलाइ फोमपासुखेना? 5एन्सा माको, कालाउ का नेलाइहेङ दोअ्ताङका, ताताइको कुकरम मानेतेङ परमेस्वरपाहा माघुरिपासुन्हा पानु नेलाइ बुङ एन्साङ पातेङ सिस्वाना।”
फल मासेका सिङको तुलना
6इङकोन्हुअ्सो इसु एम्बालाइहेङ एलोङ तुलनाको आकारता इसिका काथा दोअ्हि, “एमि द्याङ ताइको अङगुरबारिता दुमिरिको एलोङ सिङ थिङका हिघाहि। वा इन्ता जेलाउ सेलाउ दोङ दुम्रि सेहोइ बे दोअ्तेङ खाङलि लोलाउ हेअ्लाउ बुङ सेका मातिङघाहि। 7कालाउ वा इङको अङगुरबारिता काम पाकाहेङ दोअ्हि, ‘का सुम बाअ्सारसो इदोइ दुम्रि स्यावा बे दोअ्तेङ खाङदोङखा कालाउ या बोन्दइ मासेहि। हाइपालि एन्साङ थामे र्हुअ्लि पिलि? एला यासिहेङ पाल्गिल!’ 8कालाउ बारिता काम पाका द्याङ दोअ्हि, ‘मालिक, आरोङ एबासार झोको यासिहेङ र्हुमाइने। का यासिहेङ चारबितिङ तोतेङ मल जल पाप्याङका। 9भेनेङ बाअ्सार सेनु ते रेम्फाङ ज्याङ, मासेनु पाल्गिलाइने।’”
इसु रोगाइका बेबालहेङ एल्पाका
10एखे पुनित माइसाका दिना इसु कचहरिसाअ्ता बिद्या पिदोङघाहि। 11इन्ता एमि तेयेअ् बाअ्सारसो मासान लागितेङ हिका एमि बेबाल हिघाखे। वा गान्धि कुकुरुतेङ सोझा जेङलि मादोघाखे। 12इसु इङको बेबालहेङ तिन्तेङ वाको भेर्पा काइतेङ दोअ्हि, “ओइ आनाउ, एला ना रोगसो एल्होइना।” 13कालाउ इसु ताइको खुर इङको बेबाल र्हुता ताअ्हि रो उदोङघरि वाको गान्धि सोझातेङ परमेस्वरहेङ बाखिन्लि तेङहि।
14इसु इङको बेबालहेङ पुनित माइसाका दिनाता एल्पाका तिङतेङ कचहरिसाअ्को हाकिम चेरताम्पाहि। कालाउ वा इन्ता हिका द्याङगेलाइहेङ दोअ्हि, “काम पालि ए आथारता तु नि हिदोङ हि! पुनित माइसाका दिनाता एल्लि हाइपालि लोसुखेना? हाइ इदोइ दिना माकोसिङ भेनेङ दिना मान्थु कुनु?”#दामालाअ्का २०:९-१०; नियम ५:१३-१४
15इसु एम्बालाइहेङ दोअ्हि, “ओइ चिम्काटागेलाइ, हाइ पुनित माइसाका दिनाता नेलाइ गाइ पिया रो गाधाहेङ खाइतेङ चि आम्पालि माचुम्पुसुखेना कुनु? 16या आब्राहामको खालको चामिन्दिहेङ दियाबलस तेयेअ् बाअ्सारसो ताइको काब्जाता ताअ्का हिघाहि। हाइ पुनित माइसाका दिना एइ दोअ्तेङ वासेहेङ काब्जासो ओल्हेलि मागोयाङ कुनु?” 17इसुको इसिका दोअ्का हिङतेङ बिरोध पाकालाइ झाराङ लेदेरहि। कालाउ जोम्तेङ हिका द्याङगेलाइ इसुको गोताङ भारभुसाइका काम पाका तिङतेङ लेङचाहि।
पासाइको चालाइ रो साउरिको तुलना
(मत्ति १३:३१-३३; मर्कुस ४:३०-३२)
18कालाउ इसु एम्बालाइहेङ दोअ्हि, “सादेलको सारभि हिसिका हि दोअ्तेङ यासिहेङ हाइदोफा दाज्याङका? 19या ते पासाइको चालाइ भाइका हि। एमि द्याङ इङको चालाइ चुम्पुतेङ ताइको बारिता बिअ्हि। कालाउ योतेङ बाराहि रो याको दालेङगेलाइता जिह्याँ जुइलेङगेलाइ लोतेङ भासा जोहि।”
20इसु आरोङ दोअ्हि, “सादेलको सारभिहेङ आरोङ का हाइभाइका हि दोअ्ताङका? 21या ते सोडा मोअ्का तोले भाइका हि। एमि बेबाल आतुइसा सोडा चुमातेङ हेन्जा तोलेता मोअ्खे कालाउ गोताङ तोलेहेङ फुलिपापिखे।”
चेअ्का फिनु
(मत्ति ७:१३-१४,२२-२३; ८:११-१२)
22इसु यरुसलेम हानेकाताङ पालाउ देरा देराता रो पुर पुरता दुल्तेङ द्याङगेलाइहेङ धिरपादोङघाहि। 23इङको पहर एमि द्याङ वासेहेङ हिअ्हि, “मास्टर, हाइ आतुइसा द्याङगेलाइ खिनिङ मुक्ति निनावा?” 24इसु एम्बालाइहेङ दोअ्हि, “चेअ्का फिनुसो सादेलको सारभिता लिअ्ता दुल्लि बल पासु। हाइदोनु का नेलाइहेङ दोअ्ताङका, हेन्जाङ द्याङगेलाइ चेअ्का फिनुसो लिअ्ता दुल्लि भोलाउबुङ दुल्लि माद्वावा। 25एन्सालाउ साअ्को मालिक ल्होतेङ फिनु गिअ्तावा कालाउ नेलाइ बाहारसो दोस्वाना ‘काङको मालिक केलाइको भाअ्सिङ फिनु हेपि।’ वा दोअ्तावा, ‘नेलाइ हासु? हितासो लोका हिसुन्हा? का नेलाइहेङ मानाल्खा!’ 26एन्सालाउ नेलाइ दोअ्स्वाना, ‘केलाइ नाङको दोफाङ योम्तेङ चाघान्हाहि। कालाउ ना केलाइकोङ देरा साअ्ता केलाइहेङ धिरपाघान्हा।’ 27कालाउ वा आरोङ दोअ्तावा, ‘का माग्याङका, नेलाइ हासु? का मानाल्खा। ओइ आसाति काम पाकालाइ; इतासो हानेसु!’#ले ६:८ 28कालाउ आब्राहाम, इसहाक, याकुब रो झाराङ आगाधुइकालाइहेङ सादेलको सारभिता तिङलाउ रो ताइमिचाहिँ बाहार थालन्हालाउ नेलाइ तासि रेअ्तेङ खारतेङ हिस्वाना।#मत्ति ८:११-१२; २२:१३; २५:३० 29द्याङगेलाइ नुहेँ, दिहेँ, दाहेँ माहेँ रो चारबितिङसो लोतेङ सादेलको सारभिता वाकोदोसा चालि योमावा। 30कालाउ खाङसु, एला न्हुअ् कालाइ लानावा रो एला लाङ कालाइ न्हुअ् तावा।”#मत्ति १९:३०; २०:१६; मर्कुस १०:३१
इसु यरुसलेमहेङ फोमपातेङ पिर जेङका
(मत्ति २३:३७-३९)
31उदोङघरि आधेमि फरिसिगेलाइ इसुकोता लोतेङ दोअ्हि, “ना इतासो ओल्हेतेङ भेनेङ थामे भारि हाने हाइदोनु राजा हेरोद एन्टिपास नासेहेङ सेअ्लि खाङदोङखे।” 32इसु एम्बालाइहेङ दोअ्हि, “हानेतेङ इङको स्याइलेहेङ एसा दोअ्पिसु, ‘नानि रो जुम्नि मासानगेलाइ ओल्हेपाका रो एल्पाका काम पाङका कालाउ इतिनि चाहिँ काङको काम दोपाङका।’ 33कालाउ नानि जुम्नि रो इतिनि थिकापा का यरुसलेम हानेलि दोङ गोयाङ। हाइदोनु यरुसलेमबिना बो थामेता आगाधुइकाहेङ मासेअ्तावा!
34“ओइ यरुसलेम! ना आगाधुइकालाइहेङ सेअ्ताना रो सादेलचरगेलाइहेङ उन्ठुइहोइ तोकाना। भुन्दिकिया किचानहेङ थुम्काभाइपाङ का हेअ्खे नाङको चान चामिन्दिहेङ जोम्पालि खाङघा, कुलाउ ना माकिअ्न्हा। 35खाङ, यरुसलेम पुरको द्याङगेलाइहेङ परमेस्वर लाअ्तावा। कालाउ का नेलाइहेङ दोअ्ताङका, जेलाउथिकापा परमप्रभुको मिङता लोकालाइहेङ ‘सहसाम्पा निङका द्याङ’ दोअ्तेङ मादोअ्पाधाउ नेलाइ कासेहेङ मातिङस्वाना।”#ले ११८:२६
Currently Selected:
लुका 13: DHIM
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
लुका 13
13
ताइको कुकरम मानितेङ परमेस्वरपाहा घुरिसु
1इदोङ घुरिहि इन्ता हिका द्याङगेलाइ इसुहेङ दोअ्हि, “गालिलको द्याङगेलाइ थान्ता भोकपिका पहरता पिलातस दोअ्का रोमको बारा हाकिम हेथे द्याङगेलाइहेङ सेअ्लि हुकुम पिहि। कालाउ ओबालाइकोङ हिति ओबालाइको भोगपिका हितिदोसाङ मिसालाइन्हाहि।” 2इसु एम्बालाइहेङ दोअ्हि, “एसापा सेअ्का इङको गालिलको द्याङगेलाइ बो गालिलि खान्तेङ हेन्जाङ कुकरमि हिघाहि दोअ्तेङ नेलाइ फोमपासुखेना? 3एन्सा माको, का नेलाइहेङ दोअ्ताङका; ताताइको कुकरम मानेतेङ परमेस्वरपाहा माघुरिपासुन्हा पानु नेलाइ बुङ एन्साङ पातेङ सिस्वाना। 4आरोङ सिलोआमको धारारा उन्धिलाउ सिका तेयेअ्मि द्याङगेलाइ यरुसलेम पुरता हिका बो द्याङगेलाइ खान्तेङ कुकरमि हिघाहि दोअ्तेङ नेलाइ फोमपासुखेना? 5एन्सा माको, कालाउ का नेलाइहेङ दोअ्ताङका, ताताइको कुकरम मानेतेङ परमेस्वरपाहा माघुरिपासुन्हा पानु नेलाइ बुङ एन्साङ पातेङ सिस्वाना।”
फल मासेका सिङको तुलना
6इङकोन्हुअ्सो इसु एम्बालाइहेङ एलोङ तुलनाको आकारता इसिका काथा दोअ्हि, “एमि द्याङ ताइको अङगुरबारिता दुमिरिको एलोङ सिङ थिङका हिघाहि। वा इन्ता जेलाउ सेलाउ दोङ दुम्रि सेहोइ बे दोअ्तेङ खाङलि लोलाउ हेअ्लाउ बुङ सेका मातिङघाहि। 7कालाउ वा इङको अङगुरबारिता काम पाकाहेङ दोअ्हि, ‘का सुम बाअ्सारसो इदोइ दुम्रि स्यावा बे दोअ्तेङ खाङदोङखा कालाउ या बोन्दइ मासेहि। हाइपालि एन्साङ थामे र्हुअ्लि पिलि? एला यासिहेङ पाल्गिल!’ 8कालाउ बारिता काम पाका द्याङ दोअ्हि, ‘मालिक, आरोङ एबासार झोको यासिहेङ र्हुमाइने। का यासिहेङ चारबितिङ तोतेङ मल जल पाप्याङका। 9भेनेङ बाअ्सार सेनु ते रेम्फाङ ज्याङ, मासेनु पाल्गिलाइने।’”
इसु रोगाइका बेबालहेङ एल्पाका
10एखे पुनित माइसाका दिना इसु कचहरिसाअ्ता बिद्या पिदोङघाहि। 11इन्ता एमि तेयेअ् बाअ्सारसो मासान लागितेङ हिका एमि बेबाल हिघाखे। वा गान्धि कुकुरुतेङ सोझा जेङलि मादोघाखे। 12इसु इङको बेबालहेङ तिन्तेङ वाको भेर्पा काइतेङ दोअ्हि, “ओइ आनाउ, एला ना रोगसो एल्होइना।” 13कालाउ इसु ताइको खुर इङको बेबाल र्हुता ताअ्हि रो उदोङघरि वाको गान्धि सोझातेङ परमेस्वरहेङ बाखिन्लि तेङहि।
14इसु इङको बेबालहेङ पुनित माइसाका दिनाता एल्पाका तिङतेङ कचहरिसाअ्को हाकिम चेरताम्पाहि। कालाउ वा इन्ता हिका द्याङगेलाइहेङ दोअ्हि, “काम पालि ए आथारता तु नि हिदोङ हि! पुनित माइसाका दिनाता एल्लि हाइपालि लोसुखेना? हाइ इदोइ दिना माकोसिङ भेनेङ दिना मान्थु कुनु?”#दामालाअ्का २०:९-१०; नियम ५:१३-१४
15इसु एम्बालाइहेङ दोअ्हि, “ओइ चिम्काटागेलाइ, हाइ पुनित माइसाका दिनाता नेलाइ गाइ पिया रो गाधाहेङ खाइतेङ चि आम्पालि माचुम्पुसुखेना कुनु? 16या आब्राहामको खालको चामिन्दिहेङ दियाबलस तेयेअ् बाअ्सारसो ताइको काब्जाता ताअ्का हिघाहि। हाइ पुनित माइसाका दिना एइ दोअ्तेङ वासेहेङ काब्जासो ओल्हेलि मागोयाङ कुनु?” 17इसुको इसिका दोअ्का हिङतेङ बिरोध पाकालाइ झाराङ लेदेरहि। कालाउ जोम्तेङ हिका द्याङगेलाइ इसुको गोताङ भारभुसाइका काम पाका तिङतेङ लेङचाहि।
पासाइको चालाइ रो साउरिको तुलना
(मत्ति १३:३१-३३; मर्कुस ४:३०-३२)
18कालाउ इसु एम्बालाइहेङ दोअ्हि, “सादेलको सारभि हिसिका हि दोअ्तेङ यासिहेङ हाइदोफा दाज्याङका? 19या ते पासाइको चालाइ भाइका हि। एमि द्याङ इङको चालाइ चुम्पुतेङ ताइको बारिता बिअ्हि। कालाउ योतेङ बाराहि रो याको दालेङगेलाइता जिह्याँ जुइलेङगेलाइ लोतेङ भासा जोहि।”
20इसु आरोङ दोअ्हि, “सादेलको सारभिहेङ आरोङ का हाइभाइका हि दोअ्ताङका? 21या ते सोडा मोअ्का तोले भाइका हि। एमि बेबाल आतुइसा सोडा चुमातेङ हेन्जा तोलेता मोअ्खे कालाउ गोताङ तोलेहेङ फुलिपापिखे।”
चेअ्का फिनु
(मत्ति ७:१३-१४,२२-२३; ८:११-१२)
22इसु यरुसलेम हानेकाताङ पालाउ देरा देराता रो पुर पुरता दुल्तेङ द्याङगेलाइहेङ धिरपादोङघाहि। 23इङको पहर एमि द्याङ वासेहेङ हिअ्हि, “मास्टर, हाइ आतुइसा द्याङगेलाइ खिनिङ मुक्ति निनावा?” 24इसु एम्बालाइहेङ दोअ्हि, “चेअ्का फिनुसो सादेलको सारभिता लिअ्ता दुल्लि बल पासु। हाइदोनु का नेलाइहेङ दोअ्ताङका, हेन्जाङ द्याङगेलाइ चेअ्का फिनुसो लिअ्ता दुल्लि भोलाउबुङ दुल्लि माद्वावा। 25एन्सालाउ साअ्को मालिक ल्होतेङ फिनु गिअ्तावा कालाउ नेलाइ बाहारसो दोस्वाना ‘काङको मालिक केलाइको भाअ्सिङ फिनु हेपि।’ वा दोअ्तावा, ‘नेलाइ हासु? हितासो लोका हिसुन्हा? का नेलाइहेङ मानाल्खा!’ 26एन्सालाउ नेलाइ दोअ्स्वाना, ‘केलाइ नाङको दोफाङ योम्तेङ चाघान्हाहि। कालाउ ना केलाइकोङ देरा साअ्ता केलाइहेङ धिरपाघान्हा।’ 27कालाउ वा आरोङ दोअ्तावा, ‘का माग्याङका, नेलाइ हासु? का मानाल्खा। ओइ आसाति काम पाकालाइ; इतासो हानेसु!’#ले ६:८ 28कालाउ आब्राहाम, इसहाक, याकुब रो झाराङ आगाधुइकालाइहेङ सादेलको सारभिता तिङलाउ रो ताइमिचाहिँ बाहार थालन्हालाउ नेलाइ तासि रेअ्तेङ खारतेङ हिस्वाना।#मत्ति ८:११-१२; २२:१३; २५:३० 29द्याङगेलाइ नुहेँ, दिहेँ, दाहेँ माहेँ रो चारबितिङसो लोतेङ सादेलको सारभिता वाकोदोसा चालि योमावा। 30कालाउ खाङसु, एला न्हुअ् कालाइ लानावा रो एला लाङ कालाइ न्हुअ् तावा।”#मत्ति १९:३०; २०:१६; मर्कुस १०:३१
इसु यरुसलेमहेङ फोमपातेङ पिर जेङका
(मत्ति २३:३७-३९)
31उदोङघरि आधेमि फरिसिगेलाइ इसुकोता लोतेङ दोअ्हि, “ना इतासो ओल्हेतेङ भेनेङ थामे भारि हाने हाइदोनु राजा हेरोद एन्टिपास नासेहेङ सेअ्लि खाङदोङखे।” 32इसु एम्बालाइहेङ दोअ्हि, “हानेतेङ इङको स्याइलेहेङ एसा दोअ्पिसु, ‘नानि रो जुम्नि मासानगेलाइ ओल्हेपाका रो एल्पाका काम पाङका कालाउ इतिनि चाहिँ काङको काम दोपाङका।’ 33कालाउ नानि जुम्नि रो इतिनि थिकापा का यरुसलेम हानेलि दोङ गोयाङ। हाइदोनु यरुसलेमबिना बो थामेता आगाधुइकाहेङ मासेअ्तावा!
34“ओइ यरुसलेम! ना आगाधुइकालाइहेङ सेअ्ताना रो सादेलचरगेलाइहेङ उन्ठुइहोइ तोकाना। भुन्दिकिया किचानहेङ थुम्काभाइपाङ का हेअ्खे नाङको चान चामिन्दिहेङ जोम्पालि खाङघा, कुलाउ ना माकिअ्न्हा। 35खाङ, यरुसलेम पुरको द्याङगेलाइहेङ परमेस्वर लाअ्तावा। कालाउ का नेलाइहेङ दोअ्ताङका, जेलाउथिकापा परमप्रभुको मिङता लोकालाइहेङ ‘सहसाम्पा निङका द्याङ’ दोअ्तेङ मादोअ्पाधाउ नेलाइ कासेहेङ मातिङस्वाना।”#ले ११८:२६
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.