मत्ति 10
10
तेन्हे साल्तेङ दिङगिल्कालाइको काम
(मर्कुस ३:१३-१९; ६:७-१३; लुका ६:१२-१६; ९:२-६)
1इसु ताइको तेन्हे चात्यागेलाइहेङ काइतेङ मासानगेलाइ ओल्हेपाका, गोताङखाल्को मासाअ्धेका रो रोगाइकालाइ एल्पाका खाबारा पिहि।
2तेन्हे साल्तेङ दिङगिल्कालाइको मिङ इदोइ एइ: लाङ, पत्रुस जाइहेङ सिमोन बुङ दोअ्खे रो वाको ओने अन्द्रियास, जब्दियाको चानगेलाइ याकुब रो वाको ओने युहन्ना, 3फिलिप रो बारथोलोमाइ, थोमा रो तिरो ल्होपाका मत्ति, अल्फयसको चान याकुब रो थेदियस, 4मुलुकभक्त सिमोन कनानि रो यहुदा इस्करियोत, जाइ जालपातेङ इसुहेङ रिम्पाहि।
5इसु इदोइ तेन्हे चात्यागेलाइहेङ एसा दोअ्तेङ हुकुम पितेङ दिङगिल्हि, “बोजात्यागेलाइको माझाता मान्हेसु रो सामरिगेलाइको पुरता मादुल्सु। 6कालाउ बुङ इस्राएल द्याङगेलाइकोता हानेसु जाइ राम्का भेरागेलाइभाइपा जेङका हि। 7‘सादेलको सारभि भेर्पाङ लोकाहि’ दोअ्तेङ हिम्पासु। 8मासाअ्धेकालाइहेङ एल्पासु, सिकालाइहेङ सिन्हुपासु, रोग्याल्होकालाइहेङ चोखाइसु रो मासानगेलाइहेङ ओल्हेपासु। नेलाइ एन्साङ निङसुन्हा, एन्साङ पिसु। 9नेलाइ ताइको तेपानाता सोना, रुपा रो तामाको टाका माचुम्सु, 10हाइदोनु हाउलिगेलाइ वाको गोइका चिज निङलिङ गोयाङ।#१ कोरिन्थि ९:१४; १ तिमोथि ५:१८
11“जेदोङ पुर रो देराता नेलाइ दुलस्वाना, इन्ता बान्सा बुझाइका द्याङगेलाइ भोसु रो बेदाङगि मापिसाधाउ इन्ताङ हिसु। 12इङको साअ्ता दुल्लाउ ‘सहसाम्पा ज्याको’ दोअ्तेङ सेउपासु। 13इङको साअ्को द्याङ बान्सा बुझाइका हिनु, नेलाइको पिका सहसाम्पा इङको साअ्ता ह्याको। कालाउ बुङ इङको साअ्ता बान्सा बुझाइका द्याङ मान्थुनु, नेलाइको पिका सहसाम्पा नेलाइदोफाङ घुरितेङ ल्वाको। 14हासुङ नेलाइहेङ मान मापानु रो नेलाइको कथन माहिङनु, इङको साअ् माकोनु पुरसो ओल्हेलाउ ताइको खोकोइको धुला थिपिगिल्सु।#साल्तेङ दिङगिल्का १३:५१ 15जातिङको, का नेलाइहेङ दोअ्खा, नियाको दिनाता इङको पुरको हालात खान्तेङ भुरुङ सदोम रो गमोरा पुरको दासा हेन्जा सहेलि दोका ज्यावा।#मत्ति ११:२४; सिरजाइ १९:२४-२८; लुका १०:४-१२
लोलि तोम्का सान्ताइका
(मर्कुस १३:९-१३; लुका २१:१२-१७)
16“खाङसु, का नेलाइहेङ स्याइलेको माझाता भेराभाइपा दिङगिलदोङखा। इदोइभाअ्सिङ नेलाइ पुह्याँभाइपाङ चान्डाल रो कुरजाभाइपाङ नोइका जेङसु।#लुका १०:३ 17कालाउ बुङ द्याङगेलाइसो होसपातेङ हिसु, हाइदोनु एम्बालाइ नेलाइहेङ कचहरिसाअ्ता चुमप्वावा रो एम्बालाइको कचहरिसाअ्गेलाइता चुम्पुतेङ नेलाइहेङ छरि म्हेअ्तावा।#मर्कुस १३:९-११; लुका १२:११-१२; २१:१२-१५ 18नेलाइ कासेहेङ खान्धुर पानाङसिङ एम्बालाइ बारा हाकिम रो राजागेलाइको आगाता जाअ्पावा। नेलाइ एम्बालाइ रो बोजात्यागेलाइको भाअ्सिङ दासि पिलि गोइस्वाना। 19कालाउ बुङ जेलाउ एम्बालाइ नेलाइहेङ रिमपाप्यावा, कालाउ हेसापा रो हाइ धुयाङका दोअ्तेङ पिर मापासु। नेलाइ हाइ धुइलिगोयाङ, इङकोङ पहर नेलाइहेङ दोअ्प्यावा। 20हाइदोनु धुइका नेलाइ ताइमिङ माजेङस्वाना, कालाउ बुङ नेलाइको परमेस्वर आबाको हाङसा नेलाइसो धुयावा।
21“दादा ओनेगेलाइ ताइकोङ दादा ओनेगेलाइहेङ सेअ्लिको भाअ्सिङ रिम्पावा। आबा चानचामिन्दिहेङ, चानचामिन्दिगेलाइ आबा आमाइको खिलापता ल्होकावा रो एम्बालाइहेङ सेअ्लि लागायावा।#मर्कुस १३:१२; लुका २१:१६ 22कासेहेङ पिताइनाङ झाराङसो नेलाइ हेला जेङस्वाना। कालाउ बुङ जाइ न्हुअ्थिकापा खान्धुरता आरितेङ हिखे, इङको सिन्हुतावा।#मत्ति २४:९,१३; मर्कुस १३:१३; लुका २१:१७ 23जेलाउ एम्बालाइ नेलाइहेङ एलोङ पुरता सान्तायावा कालाउ भेनाङता खाअ्तेङ हानेसु। हाइपानु जातिङको का नेलाइहेङ दोअ्खा, का द्याङको चान लोका खान्तेङ लाम्फा नेलाइ हिदिङ रितसो इस्राएलको गोताङ देरा पुरगेलाइता घुराइलिदोका मान्थुस्वाना।
24“चात्या ताइ मास्टरखान्तेङ रो बान्धाइ ताइको गिर्हिखान्तेङ बाराका जेङलि मादोखे।#लुका ६:४०; युहन्ना १३:१६; १५:२० 25चात्या ताइको मास्टरभाइपा रो बान्धाइ ताइको गिर्हिभाइपा जेङलि निङकाता लेङचा। एला एम्बालाइ साअ्को गिर्हिहेङ दोङ मासानको राजा दियाबलस#१०:२५ दियाबलस जाइको माने “तुइर्हाङको प्रभु” रो “मासानको गिर्हि” जेङखे। जाइहेङ यहुदिगेलाइ “दियाबलस” बुङ दोअ्घाखे। दोअ्काहिपानु, वाको खालगेलाइहेङ झन हेथे हेन्जा मारेम्का दोअ्तावा?#मत्ति ९:३४; १२:२४; मर्कुस ३:२२; लुका ११:१५
हासुदोफा थिलि?
(लुका १२:२-७)
26“इदोङखातिर एम्बालाइदोफा माथिसु। हाइदोनु थुमन्हाका गोताङ काथा तिनावा रो म्होन्हाका गोताङ काथा ग्यावा।#मर्कुस ४:२२; लुका ८:१७ 27जेदोङ का नेलाइहेङ कितिकितिकाता दोअ्खा, इङको नेलाइ फाइसालाम्काता दोअ्पिसु। जेदोङ नेलाइ न्हातोङता सिपापा हिङस्वाना, इङको साअ्को तुन्हासो हिङपासु। 28नेलाइको जिउहेङ सेअ्लि दोकादोफा माथिसु। कालाउ बुङ नेलाइको हाङसा रो जिउ न्हेलोङहेङ पातेलता थुकापातेङ मुअ्पालि दोकादोफा थिसु। 29हाइ ए पाइसाता न्हेलोङ सारन्ह्या माबिकाइखे कुनु? कालाउ बुङ एलोङ सारन्ह्या बुङ नेलाइको परमेस्वर आबाको लाल्सा माकोसिङ भोनोता माहुलावा। 30नेलाइको पुरिङको पुसिङगेलाइ बुङ गोताङ गान्देन्हाका हि। 31इदोइखातिर नेलाइ माथिसु, नेलाइ सारन्ह्याखान्तेङ हेन्जा मोलको हिसुन्हा।
32“इदोइखातिर जाइ द्याङगेलाइको आगाता कासेहेङ मन्जुर पावा, का बुङ वासेहेङ सादेलता हिका काङको आबाको आगाता मन्जुर पाङका। 33कालाउ बुङ जाइ कासेहेङ द्याङगेलाइको आगाता नामन्जुरि पावा, का बुङ वासेहेङ सादेलता हितेङहिका काङको आबाको आगाता नामन्जुरि पाङका।#२ तिमोथि २:१२
चात्यागेलाइ सहेलि गोइका पिर
(लुका १२:५१-५३; १४:२६-२७)
34“का सुमिङता मेलजोल चुमालि लोका दोअ्तेङ माफोमपासु। मेलजोल चुमालि माको, कालाउ बुङ काति चालाइलि का लोका हिघा। 35हाइपानु का द्याङहेङ वाको आबाको खिलापता, चामिन्दिहेङ वाको आमाइको खिलापता रो नामाहेङ वाको जुबेको खिलापता चेरसुपालि लोका हिघा।#मिका ७:६ 36द्याङको दुस्मन वाको ताइको खाल लिअ्ताकोलाइ ज्यावा। 37जाइ कासेहेङ खान्तेङ हेन्जा ताइको आबा माकोनु आमाइहेङ इन्ताना पावा, वा काङको चात्या जेङलि लायकको माज्यावा। जाइ कासेहेङ खान्तेङ हेन्जा ताइको चान माकोनु चामिन्दिहेङ माया पावा, वा काङको चात्या जेङलि लायकको माज्यावा। 38जाइ ताइको कुरुस तोल्हेतेङ कासेहेङ मापितायावा, वा काङको चात्या जेङलि लायकको माज्यावा।#मत्ति १६:२४; मर्कुस ८:३४; लुका ९:२३ 39जाइ ताइको बायु जोगाइलि भोकावा, इङको होइपावा रो जाइ ताइको बायु काङको भाअ्सिङ होइपावा इङको बान्चेपावा।#मत्ति १६:२५; मर्कुस ८:३५; लुका ९:२४; १७:३३; युहन्ना १२:२५
इनामको बारेता
(मर्कुस ९:४१; लुका १०:१६)
40“नेलाइहेङ मन्जुरि पाका कासेहेङ मन्जुरि पावा रो कासेहेङ मन्जुरिपाका कासेहेङ दिङगिल्काहेङ मन्जुरि पावा।#लुका ९:४८; १०:१६; युहन्ना १३:२०; मर्कुस ९:३७ 41जाइ आगाधुइकाहेङ मन्जुरि पावा, इङको आगाधुइकाको इनाम निनावा। जाइ धरम जनहेङ धरम एइ दोअ्तेङ मन्जुरि पावा इङको धरम जनको भाइपाङ इनाम निनावा। 42जातिङको का नेलाइहेङ दोअ्खा, जाइ इदोइ म्हुइकालाइता एमिहेङ काङको चात्या मानितेङ ए बाति तिरका चि खिनिङ आम्लि प्यावा, इङको ताइको इनाम हेअ्लाउ बुङ माहोइपावा।”
Currently Selected:
मत्ति 10: DHIM
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
