मत्ती 28
28
येशू सोम्बो लोक्पाते बात
(मर्कूस १६:१-८; लूका २४:१-१२; यूहन्ना २०:१-१०)
1सन्चारी छोमु काम खिता मेङच्येते बेला सिन्दा ओतान। थेमे आदेरी छोमु ङोमु ठोलाराङ मरियम मग्दलिनीताङ ज्येनते मरियम येशू रो ज्याक्सापा तार गाल्सुङ। 2थेमे थेरू चुक ओङसुङा सासीन स्वर्गनेकी प्रभु परमेश्वर दूतज्यीक लिच्युङ। वाकीन थेकी थे फुगी गोनापा ज्याक्पाते दो थेरूई पल्टे खाईन च्याकीन थे लाक्तु देत्सुङ। थे थोक खाला ओङजीन थेरू ज्यीबा लाङच्याई सेदेर्मु गाला ओतान। 3थे दूत चिलाम नाम्दाक च्योकराङ आउदी खाला टल्के खित्च्याज्यीक ओतान। थेकी खोन्दाते खोलाकचेन ओमे थोपो च्योकराङ कार्मुज्यीक ओतान। 4थे दूत थोक खाला ओङजीन थेरू स्युङाला देताते मिल्टेरी जतिचेन ज्यीबेकी थुरथुर दारगीनकामा ज्याङे ज्याङे रिल्गीन स्याप च्योकराङ गाल्सुङ। 5तर परमेश्वर दूतकी थे फेम्मे मिओनलाचेन “ख्योकोन छ्याःङ ज्यीबा माकेत। स्यिङगी थामला टाँए खाईन सेताते येशूला छोलाला ख्योकोन दुरू वाबाते ईन सिन ङाला छ्या ओत। थेला दुरू माछोल, 6थेनी दुरू मेत। थेनी थे खोरोङगी गोमा साबा च्योकराङ खाईन स्यिसादुकी सोम्बो लोक्पा ओत। लो तार स्योक। थे रो ज्याक्पाते ठाउँ दिराङ ईन। 7था ख्योकोन दुरूकी होत्ता येशू चेलाओन ओत्सादु ग्युक। गाल्ला थेबाला येशू स्यिसादुकी सोम्बो लोक्तुक। थे ख्योकोन भन्दाङ गोमा गोमा गालीलपा डुइओत्लो। थेमे थेला ख्योकोनगी थेपाराङ ठेत्क्योत्लो सिन लोःप। लो ग्युक, ङे ख्योकोनला सिरा फाप्च्येते बात गाङे साबा ओत,” सिन थेबाला थेरूई ताङसुङ।
8थेरू थोक ओङनामेई थेबा ङिबो ज्यीबा खिन तर येशू सोम्बो लोक्पाते बात थोजीन गाङ खिनकामा थेरू ओङाते गाङे बात येशू चेलातेबाला लाःपाला थेरूकी छ्योङगीन गाल्सुङ। 9थेबा थोक खाला लामला डुइन डुइनलाराङ येशूकी थेबाला ठेता खाईन “ख्योकोनला लेमु ओङस्यीत,” सिन सिदुक। थोक ओङजीन थेबेकीङ थेला मान खिन से खासुङ। 10थेरूई थेकी “ख्योकोन ज्यीबा माकेत। लो ग्युक, ङात्ताङ ख्याम्कान्ते न्वाओनला गालीलपा ग्युक्लो सिन सि। थेबेकी ङाला थेपाराङ ठेत्क्यो,” सिन थेबाला थेरूकीङ ताङसुङ।
येशू रो स्युङकान्ते मिल्टेरीओनगी साबाते बात
11थे फेम्मे मि ङिबो थोक खाला लोन केलाला डुइन ओते बेलालाराङ फुकदु येशू रो स्युङकान्ते कोई कोई मिल्टेरीओनगी सारनापा छ्य्वाकीन गाल्गीन थेपा च्यि च्यि ओङसुङा सिन गाङे बात छ्ये छ्ये पूजारीला लाःप्सुङ। 12दि बातओन थोनामेकी छ्ये छ्ये पूजारीताङ यहूदीओन छ्ये छ्ये मि गाङेराङ जम्मा ओङगीन था च्यि खित्च्ये सिन ठो खासुङ। ठो खानामेई थेबेकी थे मिल्टेरीओनला आउदी काल्बातेन्दे घूस तेरगीन 13“च्यि च्यि ओङसुङा सिन छ्याःङ मिसिरा खाला ख्योकोनगी मिओनला चुक सिसे सासीन ‘ङ्योकोनबरी ग्वाका ङिक गाला ओते बेलाला थे चेलातेबेकी वाकीन थे रो कुकीन खेरदुक,’ सिन सि। 14ख्योकोनला सि साबाते बात रोमी गेल्बो हाकिमगी थोला थेरू च्यिला लेमु खाईन मास्युबे सिन खेराङला सजाय तेरगीता सिन छ्याःङ ज्यीबा माकेत। ङ्योकोन थेत्ताङ बात खाला ख्योकोनला छ्याःङ खित मुज्युदो,” सिन बात लाप्सुङ। 15पैसा लाकीन थेबेकीङ खोपरोङला लापा च्योकराङ सासुङ। थे छोमुमेकी थातासाकोङ यहूदीओन नाङ दि बातराङ खिन ओत।
येशूकी चेलातेबाताङ ठेत्कीन बात खाबाते
16येशू स्यिसादुकी सोम्बो लोक्पाते बात थोकीन चेलातेबा च्युच्यीक गालील अञ्चलपा गाल्गीन थेकी ग्युक साबाते बोमज्यीकने जेसुङ। 17थेरू लेप्नामेकी थेबेकी थेला ठेत्कीन खोबुकला देत्कीन थेला मान खासुङ। ईन्सीनोङ थेबा कोई कोईकीनी थे सोम्बो लोगीन थेरू वाबाते ईन्दा मेन्दा सिन शंकाङ खासुङ। 18थेमे थेबे दोन्दुराङ वाकीन थेकी “स्वर्गताङ पृथ्वीदु गाङेपा गाङेला राज्य खित्च्येते अधिकार परमेश्वरगी ङाला बिन्दा ओत। 19थोगी था गाङे लुङबा लुङबाला गाल्ला गाङेपे मिओनला ङे चेला जो। चुक सासीन आबा परमेश्वर, परमेश्वर फुज्युङ थेमे परमेश्वर आत्मे मिनगी छ्य्वापेई थेबाला बप्तिस्मा बिन। 20थेमे ङे ख्योकोनला खि सिन गोमामेई थातासाक लोप्कीन वाबाते बात गाङे थेबालाङ लाप्ला थोकराङ खि सिन लोप। ख्योकोन छ्याःङ ज्यीबा माकेत। च्यिला सासीन ङा ख्योकोनला नोमुङ मोतोङो, दि जुग सिन सिनसाकराङ ङा ख्योकोनताङ ङ्योम्बुराङ देत्क्यो,” सिन बात खासुङ।
Currently Selected:
मत्ती 28: JUL
Highlight
Share
Copy
Want to have your highlights saved across all your devices? Sign up or sign in
© 1992 Wycliffe Bible Translators Inc. All rights reserved.
मत्ती 28
28
येशू सोम्बो लोक्पाते बात
(मर्कूस १६:१-८; लूका २४:१-१२; यूहन्ना २०:१-१०)
1सन्चारी छोमु काम खिता मेङच्येते बेला सिन्दा ओतान। थेमे आदेरी छोमु ङोमु ठोलाराङ मरियम मग्दलिनीताङ ज्येनते मरियम येशू रो ज्याक्सापा तार गाल्सुङ। 2थेमे थेरू चुक ओङसुङा सासीन स्वर्गनेकी प्रभु परमेश्वर दूतज्यीक लिच्युङ। वाकीन थेकी थे फुगी गोनापा ज्याक्पाते दो थेरूई पल्टे खाईन च्याकीन थे लाक्तु देत्सुङ। थे थोक खाला ओङजीन थेरू ज्यीबा लाङच्याई सेदेर्मु गाला ओतान। 3थे दूत चिलाम नाम्दाक च्योकराङ आउदी खाला टल्के खित्च्याज्यीक ओतान। थेकी खोन्दाते खोलाकचेन ओमे थोपो च्योकराङ कार्मुज्यीक ओतान। 4थे दूत थोक खाला ओङजीन थेरू स्युङाला देताते मिल्टेरी जतिचेन ज्यीबेकी थुरथुर दारगीनकामा ज्याङे ज्याङे रिल्गीन स्याप च्योकराङ गाल्सुङ। 5तर परमेश्वर दूतकी थे फेम्मे मिओनलाचेन “ख्योकोन छ्याःङ ज्यीबा माकेत। स्यिङगी थामला टाँए खाईन सेताते येशूला छोलाला ख्योकोन दुरू वाबाते ईन सिन ङाला छ्या ओत। थेला दुरू माछोल, 6थेनी दुरू मेत। थेनी थे खोरोङगी गोमा साबा च्योकराङ खाईन स्यिसादुकी सोम्बो लोक्पा ओत। लो तार स्योक। थे रो ज्याक्पाते ठाउँ दिराङ ईन। 7था ख्योकोन दुरूकी होत्ता येशू चेलाओन ओत्सादु ग्युक। गाल्ला थेबाला येशू स्यिसादुकी सोम्बो लोक्तुक। थे ख्योकोन भन्दाङ गोमा गोमा गालीलपा डुइओत्लो। थेमे थेला ख्योकोनगी थेपाराङ ठेत्क्योत्लो सिन लोःप। लो ग्युक, ङे ख्योकोनला सिरा फाप्च्येते बात गाङे साबा ओत,” सिन थेबाला थेरूई ताङसुङ।
8थेरू थोक ओङनामेई थेबा ङिबो ज्यीबा खिन तर येशू सोम्बो लोक्पाते बात थोजीन गाङ खिनकामा थेरू ओङाते गाङे बात येशू चेलातेबाला लाःपाला थेरूकी छ्योङगीन गाल्सुङ। 9थेबा थोक खाला लामला डुइन डुइनलाराङ येशूकी थेबाला ठेता खाईन “ख्योकोनला लेमु ओङस्यीत,” सिन सिदुक। थोक ओङजीन थेबेकीङ थेला मान खिन से खासुङ। 10थेरूई थेकी “ख्योकोन ज्यीबा माकेत। लो ग्युक, ङात्ताङ ख्याम्कान्ते न्वाओनला गालीलपा ग्युक्लो सिन सि। थेबेकी ङाला थेपाराङ ठेत्क्यो,” सिन थेबाला थेरूकीङ ताङसुङ।
येशू रो स्युङकान्ते मिल्टेरीओनगी साबाते बात
11थे फेम्मे मि ङिबो थोक खाला लोन केलाला डुइन ओते बेलालाराङ फुकदु येशू रो स्युङकान्ते कोई कोई मिल्टेरीओनगी सारनापा छ्य्वाकीन गाल्गीन थेपा च्यि च्यि ओङसुङा सिन गाङे बात छ्ये छ्ये पूजारीला लाःप्सुङ। 12दि बातओन थोनामेकी छ्ये छ्ये पूजारीताङ यहूदीओन छ्ये छ्ये मि गाङेराङ जम्मा ओङगीन था च्यि खित्च्ये सिन ठो खासुङ। ठो खानामेई थेबेकी थे मिल्टेरीओनला आउदी काल्बातेन्दे घूस तेरगीन 13“च्यि च्यि ओङसुङा सिन छ्याःङ मिसिरा खाला ख्योकोनगी मिओनला चुक सिसे सासीन ‘ङ्योकोनबरी ग्वाका ङिक गाला ओते बेलाला थे चेलातेबेकी वाकीन थे रो कुकीन खेरदुक,’ सिन सि। 14ख्योकोनला सि साबाते बात रोमी गेल्बो हाकिमगी थोला थेरू च्यिला लेमु खाईन मास्युबे सिन खेराङला सजाय तेरगीता सिन छ्याःङ ज्यीबा माकेत। ङ्योकोन थेत्ताङ बात खाला ख्योकोनला छ्याःङ खित मुज्युदो,” सिन बात लाप्सुङ। 15पैसा लाकीन थेबेकीङ खोपरोङला लापा च्योकराङ सासुङ। थे छोमुमेकी थातासाकोङ यहूदीओन नाङ दि बातराङ खिन ओत।
येशूकी चेलातेबाताङ ठेत्कीन बात खाबाते
16येशू स्यिसादुकी सोम्बो लोक्पाते बात थोकीन चेलातेबा च्युच्यीक गालील अञ्चलपा गाल्गीन थेकी ग्युक साबाते बोमज्यीकने जेसुङ। 17थेरू लेप्नामेकी थेबेकी थेला ठेत्कीन खोबुकला देत्कीन थेला मान खासुङ। ईन्सीनोङ थेबा कोई कोईकीनी थे सोम्बो लोगीन थेरू वाबाते ईन्दा मेन्दा सिन शंकाङ खासुङ। 18थेमे थेबे दोन्दुराङ वाकीन थेकी “स्वर्गताङ पृथ्वीदु गाङेपा गाङेला राज्य खित्च्येते अधिकार परमेश्वरगी ङाला बिन्दा ओत। 19थोगी था गाङे लुङबा लुङबाला गाल्ला गाङेपे मिओनला ङे चेला जो। चुक सासीन आबा परमेश्वर, परमेश्वर फुज्युङ थेमे परमेश्वर आत्मे मिनगी छ्य्वापेई थेबाला बप्तिस्मा बिन। 20थेमे ङे ख्योकोनला खि सिन गोमामेई थातासाक लोप्कीन वाबाते बात गाङे थेबालाङ लाप्ला थोकराङ खि सिन लोप। ख्योकोन छ्याःङ ज्यीबा माकेत। च्यिला सासीन ङा ख्योकोनला नोमुङ मोतोङो, दि जुग सिन सिनसाकराङ ङा ख्योकोनताङ ङ्योम्बुराङ देत्क्यो,” सिन बात खासुङ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992 Wycliffe Bible Translators Inc. All rights reserved.