मर्कूस 1
1
बप्तिस्मा तेरकान्ते यूहन्ने बात
(मत्ती ३:१-१२; लूका ३:१-१८; यूहन्ना १:१९-२८)
1परमेश्वर फुज्युङ येशू ख्रीष्टते गा लाङच्येते बात चुक खाईन शुरू ओङसुङा सिरच्येते बात दुरू टिबा ओत।
2दि गा लाङच्येते बातचेन परमेश्वर बात खित्कान्ते यशैयेकी टिबा ओता च्योकराङ खाईन शुरू ओङसुङ। येशू ख्रीष्ट ओङजीन चुक ओङगीते सिन परमेश्वरगी साबाते बात यशैयेकी दोक सिन टिबा ओतान। चुक सासीन “खोल्ला तोङा भन्दा गोमा ङा मिज्यीकला तोङगो। थेकीराङ खुई लाईदु जेसुकै ठीक खिओ,” सिन टिबा ओतान। 3परमेश्वरगी तोङगो साबाते होथे मि बात खिन यशैयेकी
“रीला मिज्यीगी छेरा खिनकामा ‘था प्रभु परमेश्वर दुरू ओङे बेला लेप्सुङ। थोगी मिवे, थे ओङगो सिन लेमु खाला लाम जो।
थे ख्याम्बाला लाम सम्म जो,’ सिन सिओ,” सिनोङ टिबा ओतान।#यशैया ४०:३
4होथे मिचेन बप्तिस्मा तेरकान्ते यूहन्नाराङ ओतान। री नाङला वाकीन थेकी मिओनला दोक सिन लोपाला स्यूसुङ। थेकी “मिवे, ख्योकोनगी खेराङ पापी दुका सिन छ्या स्येला परमेश्वर छ्य्वापा लै खि। थेमे छ्युला लुक्ला तेरच्येते बप्तिस्मा लोङ। दोक खानामेई परमेश्वरगी ख्योकोनगी खाबाते पाप माफ तेरग्यो,” सिन लोप्कीन ओतान। 5यहूदिये अञ्चल नाङलेई थेमे यरूशलेम सारगी नाङलेई मि गाङेराङ यूहन्ने बात ङेन्दाला थेरू वाबा ओतान। थेमे थेबाबरीकी ङ्योकोनगी दोक दोक पाप खाबाप, थोक खाबाते लेमु मेन्दाक्वा सिन सानामेई यूहन्नेकी थेबाला यर्दन चाङबोदुराङ छ्युला लुगीन बप्तिस्मा बिन्सुङ।
6यूहन्नेकी ऊँटकी पुज्येकी ल्हाबाते खोलाक खोन्दा ओतान। थेमे कोक्तेन पेटी च्यिबा ओतान। थेकी छ्युच्युपेताङ ठाःगी राङ सेइन ओतान।
7थोक खाला मिओनला परमेश्वर बात लोप्जीन थेकी “था ङे तिरी मिज्यीक ओङगो। थेचेन ङा भन्दा खापान खापान छ्ये ईन। सिइराङ सासीन ङानी थेते योक्पो ओङला थेकी खोन्दाते काचाप टोल्ला तेरालाङ सोई मिक्किओ। 8ङे ख्योकोनला खालि छ्युलाकामा लुगीन बप्तिस्मा बिन्दा ओत। थेकीचेन ख्योकोनला परमेश्वर आत्माराङ तेरग्यो,” सिन ओतान।
येशूकी बप्तिस्मा लाबाते
(मत्ती ३:१३-१७; लूका ३:२१-२२)
9यूहन्ना दोक खिन ओते बेलाला येशू गालील अञ्चलदु फाप्च्येते नासरतदुकी यूहन्ना ओत्सादु लेप्सुङ। थेमे यूहन्नेकी थेला यर्दन चाङबोदुराङ छ्युला लुगीन बप्तिस्मा बिन्सुङ। 10थोक खानामेई छ्युदुकी पाङला थेन्दासात्तु च्यि ओङसुङा सासीन स्वर्गे गो फेत्कीन थेनेकी परमेश्वर आत्मा गन्दीमा च्य्वाबेई गाल्गीन थे ओत्सामा वाकीन थे खोरोङ लाक फापाते येशूकी थोङसुङ। 11थेमे स्वर्गनेईराङ “फुज्यो, ङा खोल्ला आउदी ङिङज्ये खिओ। ङा खोत्ताङ आउदी खुशी ओत,” सिन परमेश्वरगी साबाते बात थोसुङ।
येशूला ल्हन्डीक गेल्बो शैतानगी ल्वा चालाते
(मत्ती ४:१-११; लूका ४:१-१३)
12थेरू थोक थोक ओङगीन सिन्नामेई होत्ताराङ परमेश्वर आत्मेकी येशूला री नाङपा टीकीन खेरसुङ। 13थेमे येशू ङीमा खाल ङिसाक री नाङलाराङ देत्सुङ। थेङला री रीदाकओनोङ ओतान। थोक खाला देत्जीन ल्हन्डीक गेल्बो शैतानगी थेला परी परी खाईन लुकीन पाप खित ज्युता चाल्सुङ। थेजीन परमेश्वर दूतओनगी येशूला च्यि खाला तेरा फाप्कीका थोक खिन ओतान।
येशूकी थे खोरोङ काम खिताला स्यूबाते
(मत्ती ४:१२-१७; लूका ४:१४-१५)
14तिरी यूहन्नाला जेलला लुक्नामेई येशू गालील अञ्चलपा गाल्सुङ। थेमे थेरू मिओनला परमेश्वरते गा लाङच्येते बात लोपाला स्यूसुङ। 15थेकी थेबाला “मिवे, थाचेन बेला लेप्कीन सिन्सुङ। था परमेश्वर राज्य दुरू ओङा खाबा ओत। थोगी ख्योकोनगी खेराङ पापी दुका सिन छ्या स्येला परमेश्वर छ्य्वापा लै खि। थेमे गा लाङच्येते बात ङेन,” सिन लाप्सुङ।
येशूकी गाङे भन्दा गोमा छाने खाबाते चेलाओन
(मत्ती ४:१८-२२; लूका ५:१-११)
16ङीमाई येशू गालील समुन्द्रे छेउकी नाङपा ख्याम्गीन ओतान। ख्याम्गीन डोजीन थेकी थेरू ङ्या सेत्कान्ते मेन्दा ङि मिला थोङसुङ। थेबाचेन शिमोनताङ थे आज्यो अन्द्रियास ओतान। थेबा पुन ङिबो ङ्या सेताला जाल देगीन ओतान। 17येशूकी थेबाला “ए ख्योकोन ङिबो देपा स्योक, ङात्ताङ ख्योम। ङा ख्योकोनला ज्येनला परमेश्वर छ्य्वापा लै खित ज्युत्कान्ते मि जोइओ,” सिन काताङसुङ। 18थेकी थोक सिरासात्तु थेबा ङिबो जालोङ थेङलाराङ ज्यागीन थेत्ताङ ख्याम्सुङ।
19थेरूई टिक्पी फजेकपा गाल्नामेकी थेकी याङराङ ज्येन पुन ङिलाङ थोङसुङ। थेबा ङिबोचेन जब्दी फुज्युङ याकूबताङ यूहन्ना ओतान। थेबा ङिबो आबातेताङराङ डुङ्गे नाङ देत्ला ङ्या सेत्च्येते जाल तुने खिन ओतान। 20थेबाला थोङनामेई थेकी थेबा पुन ङिबोलाङ थेत्ताङ ख्याम्बाला स्योक सिन काताङसुङ। थेकी काताङनामेई थेबा ङिबोङ आबाते थेमे थेरू ङ्या सेत खुलाबाते मिओनला डुङ्गे नाङराङ ताङगीन दाक थेत्ताङ ख्याम्सुङ।
येशूकी मिला खोबाते ल्हन्डीक तेन्गीन ताङाते
(लूका ४:३१-३७)
21थेमे येशूताङ थेबा स्यीबो कफर्नहुम सारनापा गाल्सुङ। थेमे सन्चारी छोमु येशू थेरू मिटिङ खित्च्येते खाम्बादु गाल्गीन मिओनला लोपाला स्यूसुङ। 22थेकी लापाते बात थोकीन थेरू मि गाङेराङ छक्क परे खासुङ। च्यिला सासीन थेकी थेबा खोपरोङ धर्मे गुरूओनगी च्योक खाला लोप्कीन मेतान। थेत्ताङ परमेश्वरगी बिन्दाते अधिकार ओतेकी थेकी आउदी लेमु खाला लोप्कीन ओतान। 23थे मिटिङ खित्च्येते खाम्बादुराङ मिज्यीकचेन ल्हन्डीक खोबाई ओतान। थेला खोबाते ल्हन्डीककी छेरा खिनकामा 24“ए नासरतपे येशू, खुई सेमला पाप सिराते छ्याःङ मेत, खोल्ला परमेश्वरगी ताङाते ईन सिन ङाला छ्या ओत। खो ङ्योकोनला दुक्पा तेराला च्यिला वाबे? ङ्योकोनला था नरककुण्डमा तोङच्या ईनज्योक मेन?” सिन सासुङ। 25थोक सिरजीन येशूकी “खो काल्बा बात माकेत। दि मिदुकी छिटो थेन्ला ग्युक,” सिन थे ल्हन्डीकला ङारसुङ। 26थेमे थे ल्हन्डीककी थे मिला जाङा जिङा खाईन जा लोङाच्योक खाईन टोले जोसुङ। थेमे कस्स्ये खाईन छेरा खाईन थेन्गीन गाल्सुङ।
27थेकी कोताते ल्हन्डीककीङ थोक खाईन ङेन्दा थोङगीन मि गाङेराङ छक्क परे खिन “आबिई, दि च्यि अचम्बज्यीक मि ईन्दाका। दिकी चुक अचम्ब खाला बात खिका। दित्ताङ ल्हन्डीक स्यिन्डीपला ग्याल्च्येते शक्ति ओतेकी थेबाला थेन्ला ग्युक सिराईताङ थेबा होत थेन्ला डुइदुक,” सिन खोपरोङ नाङ बात खिताला स्यूसुङ। 28थेकी खाबाते दि अचम्बते कामगी बात गालील अञ्चल खाङ गाङेपा फैले खासुङ।
येशूकी नाबाते मि काल्बेईला ठाक्पा खाबाते
(मत्ती ८:१४-१७; लूका ४:३८-४१)
29थेमे थे मिटिङ खित्च्येते खाम्बादुकी थेन्गीन येशू शिमोनताङ अन्द्रियासबे खाम्बापा गाल्सुङ। थेत्ताङ थेपा डोकान्तेबे नाङ याकूबताङ यूहन्नाङ ओतान। 30थेजीन शिमोन आबी ठास्युमगी नाकीन थला परे खाबा ओतान। येशू थेरू ख्योलासात्तु थे खाम्बे मिओनगी शिमोन आबी थला परे खाबा ओताते बात थेला लाःप्सुङ। 31थेमे शिमोनबे आबी ङ्याल्सापाराङ गाल्गीन थेकी थेला लाक्पाला जुम्गीन लाङसुङ। थोक खिताईताङ थेते ठास्युम दाक छ्याक्सुङ। थेमे थेकी लाकीन गाङेला साप जोकीन बिन्सुङ।
32शिमोन आबी ठाक्पाते बात थोनामेकी थेङले मिओनगी ङीमा गानामेकी थे छोमु ग्वासे नाबाते थेमे ल्हन्डीक स्यिन्डीप खोबाते मि गाङेला ठाक्पा खाला नाङ सिन येशू ओत्सादु खुला लिच्युङ। 33सार खाङगी मि गाङे थे खाम्बे स्याङकादु रूप्सुङ। 34थेरू खुलाबाते खुदुक खुदुक रोग लै खाईन नाबाते मि काल्बेईला थेकी ठाक्पा खासुङ। थोकराङ खाईन ल्हन्डीक खोबाते मिओनदुकी ल्हन्डीक काल्बेई तेन्गीन ताङसुङ, स्यिन्डीप खोबातेबालाङ ठाक्पा खासुङ। ल्हन्डीकओनगी थे खोरोङ सु ईन्दे सिन थेला ङो स्येक्यो सिन येशूला छ्या ओतेकी थेकी थेबाला छ्याःङ बात खित माच्युत्सुङ।
येशूकी गालील अञ्चल खाङ गा लाङच्येते बात लापाते
(लूका ४:४२-४४)
35थेमे ङारो च्योक्ते ङोमुका नुपलाराङ लाकीन येशू च्यिकराङ देताप सिन पाङगी नाङपा गाल्सुङ। थेमे थेरू परमेश्वरला प्रार्थना खिताला स्यूसुङ। 36थे थेरूकी गालाते थाहा ङेत्नामेई शिमोनताङ थे र्वाओन थेला छोलाला गाल्सुङ। 37थेमे थेला ठेत्नामेकी थेबेकी “गुरू, मि गाङेकी खो खापा गाल्ताका सिन ठिइदुक,” सिन सासुङ। 38थोक सिरजीन थेकी “ङा दि सारदुकामा देत्ला मेङगो। था ङुरूङ देङला फार छुर ओताते ज्येन सारताङ युलला डुइ। ङे थेङले मिओनलाङ गा लाङच्येते बात लोपा फाप्क्यो। थे बात लोपालाराङ ङा देमा वाबाते ईन,” सिन सिदुक। 39थेमे थे गालील अञ्चल नाङला गाङेपा युगीन थेङला ओताते मिटिङ खित्च्येते खाम्बे नाङला मिओनला गा लाङच्येते बात लोप्कीन ख्याम्सुङ। दोक खिन ख्याम्जीन ल्हन्डीक खोबाते मिओनदुकी ल्हन्डीकओन तेन्गीन ताङसुङ।
येशूकी जेबोला ठाक्पा खाबाते
(मत्ती ८:१-४; लूका ५:१२-१६)
40ङीमाई जेबोज्यीक येशू ओत्सादु लिच्युङ। वाकीन मान खिन खोबुकला देत्कीनकामा थेकी “खुई ङाला ठाक्पा खिता चाल्सीन ङा ठाक्च्या ओतान आङ गुरू,” सिन सासुङ। 41थेकी थोक खाबा थोङजीन येशूला ङिङज्ये लासुङ। थेमे लाक्पेकी थेला दोइनकामा “ङा खोल्ला ठाक्पा खिओ। लो खो ठाक्स्यीत,” सिन सिदुक। 42थोक सिराईताङ थे मिते जे तोरगीन थे दाक ठाक्सुङ। 43-44थेमे येशूकी थेला “खुई फार छुर गाल्ला दि बात सुङलाङ मासेर याङ। था खो दुरूकी सरासर पूजारी ओत्सादु खोरोङ ठाक्पाते तेन्दाला ग्युक। थेमे थे ओत्सादु गाल्ला मोशेकी टिबाते परमेश्वर नियमला जे खोबाते मिकी ठाक्नामेई च्यि च्यि चढे खिता फाप्क्यो साबा ओते थे परमेश्वरला चढे खि। थोक खानामेई खुई जे ठाक्तुक सिन ज्येनगी छ्या स्येक्यो,” सिन कोत्कीन थेरूई ताङसुङ।
45थेकी थोक सिन कोत्कीन ताङसीनोङ थे मिकीचेन येशूकी थे खोरोङला चुक खाईन ठाक्पा खासुङा सिन गाङेपा गाल्गीन मिओनला लाःप्सुङ। थे बात थोक खाईन गाङेपा फैले खानामेकी येशू गोमा च्योक गाङेकी छ्या स्येच्या खाला सारगी नाङपा जहाँसुकै ड्वा माथुप्सुङ। थे सारताङ युलगी नाङला मोन्डोबा खाईन पाङगी नाङला गाल्गीन देत्सुङ। थोक ईन्सीनोङ लोईन गाङेपेकी मिओन थे ओत्सादुराङ ओङाला स्यूसुङ।
Currently Selected:
मर्कूस 1: JUL
Highlight
Share
Copy
Want to have your highlights saved across all your devices? Sign up or sign in
© 1992 Wycliffe Bible Translators Inc. All rights reserved.
मर्कूस 1
1
बप्तिस्मा तेरकान्ते यूहन्ने बात
(मत्ती ३:१-१२; लूका ३:१-१८; यूहन्ना १:१९-२८)
1परमेश्वर फुज्युङ येशू ख्रीष्टते गा लाङच्येते बात चुक खाईन शुरू ओङसुङा सिरच्येते बात दुरू टिबा ओत।
2दि गा लाङच्येते बातचेन परमेश्वर बात खित्कान्ते यशैयेकी टिबा ओता च्योकराङ खाईन शुरू ओङसुङ। येशू ख्रीष्ट ओङजीन चुक ओङगीते सिन परमेश्वरगी साबाते बात यशैयेकी दोक सिन टिबा ओतान। चुक सासीन “खोल्ला तोङा भन्दा गोमा ङा मिज्यीकला तोङगो। थेकीराङ खुई लाईदु जेसुकै ठीक खिओ,” सिन टिबा ओतान। 3परमेश्वरगी तोङगो साबाते होथे मि बात खिन यशैयेकी
“रीला मिज्यीगी छेरा खिनकामा ‘था प्रभु परमेश्वर दुरू ओङे बेला लेप्सुङ। थोगी मिवे, थे ओङगो सिन लेमु खाला लाम जो।
थे ख्याम्बाला लाम सम्म जो,’ सिन सिओ,” सिनोङ टिबा ओतान।#यशैया ४०:३
4होथे मिचेन बप्तिस्मा तेरकान्ते यूहन्नाराङ ओतान। री नाङला वाकीन थेकी मिओनला दोक सिन लोपाला स्यूसुङ। थेकी “मिवे, ख्योकोनगी खेराङ पापी दुका सिन छ्या स्येला परमेश्वर छ्य्वापा लै खि। थेमे छ्युला लुक्ला तेरच्येते बप्तिस्मा लोङ। दोक खानामेई परमेश्वरगी ख्योकोनगी खाबाते पाप माफ तेरग्यो,” सिन लोप्कीन ओतान। 5यहूदिये अञ्चल नाङलेई थेमे यरूशलेम सारगी नाङलेई मि गाङेराङ यूहन्ने बात ङेन्दाला थेरू वाबा ओतान। थेमे थेबाबरीकी ङ्योकोनगी दोक दोक पाप खाबाप, थोक खाबाते लेमु मेन्दाक्वा सिन सानामेई यूहन्नेकी थेबाला यर्दन चाङबोदुराङ छ्युला लुगीन बप्तिस्मा बिन्सुङ।
6यूहन्नेकी ऊँटकी पुज्येकी ल्हाबाते खोलाक खोन्दा ओतान। थेमे कोक्तेन पेटी च्यिबा ओतान। थेकी छ्युच्युपेताङ ठाःगी राङ सेइन ओतान।
7थोक खाला मिओनला परमेश्वर बात लोप्जीन थेकी “था ङे तिरी मिज्यीक ओङगो। थेचेन ङा भन्दा खापान खापान छ्ये ईन। सिइराङ सासीन ङानी थेते योक्पो ओङला थेकी खोन्दाते काचाप टोल्ला तेरालाङ सोई मिक्किओ। 8ङे ख्योकोनला खालि छ्युलाकामा लुगीन बप्तिस्मा बिन्दा ओत। थेकीचेन ख्योकोनला परमेश्वर आत्माराङ तेरग्यो,” सिन ओतान।
येशूकी बप्तिस्मा लाबाते
(मत्ती ३:१३-१७; लूका ३:२१-२२)
9यूहन्ना दोक खिन ओते बेलाला येशू गालील अञ्चलदु फाप्च्येते नासरतदुकी यूहन्ना ओत्सादु लेप्सुङ। थेमे यूहन्नेकी थेला यर्दन चाङबोदुराङ छ्युला लुगीन बप्तिस्मा बिन्सुङ। 10थोक खानामेई छ्युदुकी पाङला थेन्दासात्तु च्यि ओङसुङा सासीन स्वर्गे गो फेत्कीन थेनेकी परमेश्वर आत्मा गन्दीमा च्य्वाबेई गाल्गीन थे ओत्सामा वाकीन थे खोरोङ लाक फापाते येशूकी थोङसुङ। 11थेमे स्वर्गनेईराङ “फुज्यो, ङा खोल्ला आउदी ङिङज्ये खिओ। ङा खोत्ताङ आउदी खुशी ओत,” सिन परमेश्वरगी साबाते बात थोसुङ।
येशूला ल्हन्डीक गेल्बो शैतानगी ल्वा चालाते
(मत्ती ४:१-११; लूका ४:१-१३)
12थेरू थोक थोक ओङगीन सिन्नामेई होत्ताराङ परमेश्वर आत्मेकी येशूला री नाङपा टीकीन खेरसुङ। 13थेमे येशू ङीमा खाल ङिसाक री नाङलाराङ देत्सुङ। थेङला री रीदाकओनोङ ओतान। थोक खाला देत्जीन ल्हन्डीक गेल्बो शैतानगी थेला परी परी खाईन लुकीन पाप खित ज्युता चाल्सुङ। थेजीन परमेश्वर दूतओनगी येशूला च्यि खाला तेरा फाप्कीका थोक खिन ओतान।
येशूकी थे खोरोङ काम खिताला स्यूबाते
(मत्ती ४:१२-१७; लूका ४:१४-१५)
14तिरी यूहन्नाला जेलला लुक्नामेई येशू गालील अञ्चलपा गाल्सुङ। थेमे थेरू मिओनला परमेश्वरते गा लाङच्येते बात लोपाला स्यूसुङ। 15थेकी थेबाला “मिवे, थाचेन बेला लेप्कीन सिन्सुङ। था परमेश्वर राज्य दुरू ओङा खाबा ओत। थोगी ख्योकोनगी खेराङ पापी दुका सिन छ्या स्येला परमेश्वर छ्य्वापा लै खि। थेमे गा लाङच्येते बात ङेन,” सिन लाप्सुङ।
येशूकी गाङे भन्दा गोमा छाने खाबाते चेलाओन
(मत्ती ४:१८-२२; लूका ५:१-११)
16ङीमाई येशू गालील समुन्द्रे छेउकी नाङपा ख्याम्गीन ओतान। ख्याम्गीन डोजीन थेकी थेरू ङ्या सेत्कान्ते मेन्दा ङि मिला थोङसुङ। थेबाचेन शिमोनताङ थे आज्यो अन्द्रियास ओतान। थेबा पुन ङिबो ङ्या सेताला जाल देगीन ओतान। 17येशूकी थेबाला “ए ख्योकोन ङिबो देपा स्योक, ङात्ताङ ख्योम। ङा ख्योकोनला ज्येनला परमेश्वर छ्य्वापा लै खित ज्युत्कान्ते मि जोइओ,” सिन काताङसुङ। 18थेकी थोक सिरासात्तु थेबा ङिबो जालोङ थेङलाराङ ज्यागीन थेत्ताङ ख्याम्सुङ।
19थेरूई टिक्पी फजेकपा गाल्नामेकी थेकी याङराङ ज्येन पुन ङिलाङ थोङसुङ। थेबा ङिबोचेन जब्दी फुज्युङ याकूबताङ यूहन्ना ओतान। थेबा ङिबो आबातेताङराङ डुङ्गे नाङ देत्ला ङ्या सेत्च्येते जाल तुने खिन ओतान। 20थेबाला थोङनामेई थेकी थेबा पुन ङिबोलाङ थेत्ताङ ख्याम्बाला स्योक सिन काताङसुङ। थेकी काताङनामेई थेबा ङिबोङ आबाते थेमे थेरू ङ्या सेत खुलाबाते मिओनला डुङ्गे नाङराङ ताङगीन दाक थेत्ताङ ख्याम्सुङ।
येशूकी मिला खोबाते ल्हन्डीक तेन्गीन ताङाते
(लूका ४:३१-३७)
21थेमे येशूताङ थेबा स्यीबो कफर्नहुम सारनापा गाल्सुङ। थेमे सन्चारी छोमु येशू थेरू मिटिङ खित्च्येते खाम्बादु गाल्गीन मिओनला लोपाला स्यूसुङ। 22थेकी लापाते बात थोकीन थेरू मि गाङेराङ छक्क परे खासुङ। च्यिला सासीन थेकी थेबा खोपरोङ धर्मे गुरूओनगी च्योक खाला लोप्कीन मेतान। थेत्ताङ परमेश्वरगी बिन्दाते अधिकार ओतेकी थेकी आउदी लेमु खाला लोप्कीन ओतान। 23थे मिटिङ खित्च्येते खाम्बादुराङ मिज्यीकचेन ल्हन्डीक खोबाई ओतान। थेला खोबाते ल्हन्डीककी छेरा खिनकामा 24“ए नासरतपे येशू, खुई सेमला पाप सिराते छ्याःङ मेत, खोल्ला परमेश्वरगी ताङाते ईन सिन ङाला छ्या ओत। खो ङ्योकोनला दुक्पा तेराला च्यिला वाबे? ङ्योकोनला था नरककुण्डमा तोङच्या ईनज्योक मेन?” सिन सासुङ। 25थोक सिरजीन येशूकी “खो काल्बा बात माकेत। दि मिदुकी छिटो थेन्ला ग्युक,” सिन थे ल्हन्डीकला ङारसुङ। 26थेमे थे ल्हन्डीककी थे मिला जाङा जिङा खाईन जा लोङाच्योक खाईन टोले जोसुङ। थेमे कस्स्ये खाईन छेरा खाईन थेन्गीन गाल्सुङ।
27थेकी कोताते ल्हन्डीककीङ थोक खाईन ङेन्दा थोङगीन मि गाङेराङ छक्क परे खिन “आबिई, दि च्यि अचम्बज्यीक मि ईन्दाका। दिकी चुक अचम्ब खाला बात खिका। दित्ताङ ल्हन्डीक स्यिन्डीपला ग्याल्च्येते शक्ति ओतेकी थेबाला थेन्ला ग्युक सिराईताङ थेबा होत थेन्ला डुइदुक,” सिन खोपरोङ नाङ बात खिताला स्यूसुङ। 28थेकी खाबाते दि अचम्बते कामगी बात गालील अञ्चल खाङ गाङेपा फैले खासुङ।
येशूकी नाबाते मि काल्बेईला ठाक्पा खाबाते
(मत्ती ८:१४-१७; लूका ४:३८-४१)
29थेमे थे मिटिङ खित्च्येते खाम्बादुकी थेन्गीन येशू शिमोनताङ अन्द्रियासबे खाम्बापा गाल्सुङ। थेत्ताङ थेपा डोकान्तेबे नाङ याकूबताङ यूहन्नाङ ओतान। 30थेजीन शिमोन आबी ठास्युमगी नाकीन थला परे खाबा ओतान। येशू थेरू ख्योलासात्तु थे खाम्बे मिओनगी शिमोन आबी थला परे खाबा ओताते बात थेला लाःप्सुङ। 31थेमे शिमोनबे आबी ङ्याल्सापाराङ गाल्गीन थेकी थेला लाक्पाला जुम्गीन लाङसुङ। थोक खिताईताङ थेते ठास्युम दाक छ्याक्सुङ। थेमे थेकी लाकीन गाङेला साप जोकीन बिन्सुङ।
32शिमोन आबी ठाक्पाते बात थोनामेकी थेङले मिओनगी ङीमा गानामेकी थे छोमु ग्वासे नाबाते थेमे ल्हन्डीक स्यिन्डीप खोबाते मि गाङेला ठाक्पा खाला नाङ सिन येशू ओत्सादु खुला लिच्युङ। 33सार खाङगी मि गाङे थे खाम्बे स्याङकादु रूप्सुङ। 34थेरू खुलाबाते खुदुक खुदुक रोग लै खाईन नाबाते मि काल्बेईला थेकी ठाक्पा खासुङ। थोकराङ खाईन ल्हन्डीक खोबाते मिओनदुकी ल्हन्डीक काल्बेई तेन्गीन ताङसुङ, स्यिन्डीप खोबातेबालाङ ठाक्पा खासुङ। ल्हन्डीकओनगी थे खोरोङ सु ईन्दे सिन थेला ङो स्येक्यो सिन येशूला छ्या ओतेकी थेकी थेबाला छ्याःङ बात खित माच्युत्सुङ।
येशूकी गालील अञ्चल खाङ गा लाङच्येते बात लापाते
(लूका ४:४२-४४)
35थेमे ङारो च्योक्ते ङोमुका नुपलाराङ लाकीन येशू च्यिकराङ देताप सिन पाङगी नाङपा गाल्सुङ। थेमे थेरू परमेश्वरला प्रार्थना खिताला स्यूसुङ। 36थे थेरूकी गालाते थाहा ङेत्नामेई शिमोनताङ थे र्वाओन थेला छोलाला गाल्सुङ। 37थेमे थेला ठेत्नामेकी थेबेकी “गुरू, मि गाङेकी खो खापा गाल्ताका सिन ठिइदुक,” सिन सासुङ। 38थोक सिरजीन थेकी “ङा दि सारदुकामा देत्ला मेङगो। था ङुरूङ देङला फार छुर ओताते ज्येन सारताङ युलला डुइ। ङे थेङले मिओनलाङ गा लाङच्येते बात लोपा फाप्क्यो। थे बात लोपालाराङ ङा देमा वाबाते ईन,” सिन सिदुक। 39थेमे थे गालील अञ्चल नाङला गाङेपा युगीन थेङला ओताते मिटिङ खित्च्येते खाम्बे नाङला मिओनला गा लाङच्येते बात लोप्कीन ख्याम्सुङ। दोक खिन ख्याम्जीन ल्हन्डीक खोबाते मिओनदुकी ल्हन्डीकओन तेन्गीन ताङसुङ।
येशूकी जेबोला ठाक्पा खाबाते
(मत्ती ८:१-४; लूका ५:१२-१६)
40ङीमाई जेबोज्यीक येशू ओत्सादु लिच्युङ। वाकीन मान खिन खोबुकला देत्कीनकामा थेकी “खुई ङाला ठाक्पा खिता चाल्सीन ङा ठाक्च्या ओतान आङ गुरू,” सिन सासुङ। 41थेकी थोक खाबा थोङजीन येशूला ङिङज्ये लासुङ। थेमे लाक्पेकी थेला दोइनकामा “ङा खोल्ला ठाक्पा खिओ। लो खो ठाक्स्यीत,” सिन सिदुक। 42थोक सिराईताङ थे मिते जे तोरगीन थे दाक ठाक्सुङ। 43-44थेमे येशूकी थेला “खुई फार छुर गाल्ला दि बात सुङलाङ मासेर याङ। था खो दुरूकी सरासर पूजारी ओत्सादु खोरोङ ठाक्पाते तेन्दाला ग्युक। थेमे थे ओत्सादु गाल्ला मोशेकी टिबाते परमेश्वर नियमला जे खोबाते मिकी ठाक्नामेई च्यि च्यि चढे खिता फाप्क्यो साबा ओते थे परमेश्वरला चढे खि। थोक खानामेई खुई जे ठाक्तुक सिन ज्येनगी छ्या स्येक्यो,” सिन कोत्कीन थेरूई ताङसुङ।
45थेकी थोक सिन कोत्कीन ताङसीनोङ थे मिकीचेन येशूकी थे खोरोङला चुक खाईन ठाक्पा खासुङा सिन गाङेपा गाल्गीन मिओनला लाःप्सुङ। थे बात थोक खाईन गाङेपा फैले खानामेकी येशू गोमा च्योक गाङेकी छ्या स्येच्या खाला सारगी नाङपा जहाँसुकै ड्वा माथुप्सुङ। थे सारताङ युलगी नाङला मोन्डोबा खाईन पाङगी नाङला गाल्गीन देत्सुङ। थोक ईन्सीनोङ लोईन गाङेपेकी मिओन थे ओत्सादुराङ ओङाला स्यूसुङ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992 Wycliffe Bible Translators Inc. All rights reserved.