یُوحنّا 2

قانا ءچ ہِک شادی

1وَل تریجھے ڈینہہ گلیل دی وستی قانا ءچ ہِک شادی تھئی تے یسُوع دی ماء اُتھاں ہئی۔ 2یسُوع تے اُوندے شاگرداں دی وی اُوں شادی ءچ دعوت ہئی۔ 3جِیں ویلے انگُور دا رَس ختم تھی گِیا تاں یسُوع دی ماء اُونکُوں آکھیا جو ”اُنہاں دے کولھ انگُور دا رَس مُک گِیا ہے۔“

4یسُوع اُونکُوں آکھیا، ”ماء#2‏:4 متن ءچ عورت! لِکھیا ہے۔ یُونانی معاشرے ءچ ایہ بے ادبی دی گالھ نئیں۔ ! میکُوں ایہ کیوں آدھی ہیں؟ اجنڑ میڈا وقت نئیں آیا۔“

5اُوندی ماء نوکراں کُوں آکھیا، ”جیہڑا کُجھ او تُہاکُوں آکھے، او کرو۔“

6اُتھاں پتھر دے چِھی مٹکے رکھے ہَن جِنہاں کُوں یہُودی طہارت کیتے اِستعمال کریندے ہَن۔ ہر مٹکے ءچ ڈُو ڈُو ترے ترے مَنڑ پانڑی دی گُنجائش ہئی۔ 7یسُوع اُنہاں کُوں آکھیا، ”مٹکیاں ءچ پانڑی بھر ڈیؤ۔“ بس اُنہاں مٹکیاں کُوں مُنہ تئیں بھر ڈِتا۔

8وَل اُوں اُنہاں کُوں آکھیا، ”ہُنڑ کڈھ تے دعوت دا اِنتظام چلاوݨ آلے کولھ گِھن ونجو۔“ بس او گِھن گئے۔

9دعوت دا اِنتظام چلاوݨ آلے او پانڑی چَکھیا جیہڑا ہُنڑ انگُور دا رَس بنڑ گِیا ہا۔ اُونکُوں پتہ نہ ہا جو او انگُور دا رَس کِتھوں آئے پر نوکر جِنہاں پانڑی بھریا ہا جانڑدے ہَن۔ وَل دعوت دا اِنتظام چلاوݨ آلے گھوٹ کُوں سڈیا تے اُونکُوں آکھیا، 10”ہر بندہ شروع ءچ انگُور دا چنگا رَس پیش کریندے تے بعد ءچ جیہڑے ویلے مہمان پی گِھندن، ہلکا رَس پیش کریندے، پر تَیں انگُور دا چنگا رَس ہُنڑ تئیں رکھ چھوڑیا ہے۔“

11ایہ یسُوع دا پہلا معجزہ ہا جیہڑا اُوں گلیل دی وستی قانا ءچ ڈِکھا تے آپنڑاں جلال ظاہر کیتا تے اُوندے شاگرد اُوندے اُتے اِیمان گِھن آئے۔

12اِیندے بعد او، اُوندی ماء تے بِھرا تے اُوندے شاگرد کفرنحُوم کُوں چلے گئے تے اُتھاں کُجھ ڈینہہ ریہے۔

یسُوع ہیکل ءچ ویندے

13جِیں ویلے یہُودیاں دی عید ِ فسح نیڑے ہئی تاں یسُوع یروشلیم دو روانہ تھیّا۔ 14اُوں ہیکل دے صحن ءچ ڈاند، بھیڈاں تے کبوتر ویچنڑ آلیاں کُوں تے پیسے بدلاوݨ آلیاں#2‏:14 ہیکل ءچ ہدیے کیتے مخصوص سِکے ہَن، اِیں واسطے ایہ لوک سِکے تبدیل کرݨ دا کاروبار کریندے ہَن۔ کُوں بیٹھے ڈِٹھا، 15تے رسیاں دا کوڑا بنڑا تے بھیڈاں تے ڈانداں سمیت ساریاں کُوں ہیکل ءچوں کڈھ ڈِتا۔ اُوں پیسے بدلاوݨ آلیاں دے سِکے کِھنڈا ڈِتے، تے اُنہاں دے پھٹے پُٹھے کر ڈِتے، 16تے کبوتر فروشاں کُوں آکھیا، ”اِنہاں کُوں اِتُھوں گِھن ونجو۔ میڈے باپ دے گھر کُوں مَنڈی نہ بنڑاؤ۔“ 17اُوندے شاگرداں کُوں یاد آیا جو کلام ءچ لِکھیا ہے ”تیڈے گھر دی غیرت میکُوں کھا ویسی#زبُور 69‏:9۔۔“

18بس یہُودیاں جواب ءچ اُونکُوں آکھیا، ”اِنہاں کماں دے دفاع ءچ تُوں ساکُوں کیہڑا معجزہ ڈِکھا سگدیں؟“

19یسُوع جواب ءچ اُنہاں کُوں آکھیا ”اِیں ہیکل کُوں سَٹ ڈیؤ تاں مَیں ترے ڈینہہ ءچ ولا کھڑا کر ڈیساں۔“

20یہُودیاں جواب ڈِتا، ”اِیں ہیکل دے بنڑاوݨ ءچ چھتالیہہ سال لگ گئے ہِن، تے کیا تُوں ترے ڈینہہ ءچ اِینکُوں ولا بنڑا ڈیسیں؟“ 21پر یسُوع آپنڑے جِسم دی ہیکل دے بارے ءچ آکھیا ہا۔ 22بس جِیں ویلے او مُردیاں ءچوں زندہ تھیّا تاں اُوندے شاگرداں کُوں یاد آیا جو اُوں ایہ آکھیا ہا تے اُنہاں کُوں خُدا دے کلام تے یسُوع دے آکھے ہوئے لفظاں اُتے یقین آ گِیا۔

یسُوع اِنسان دی فطرت کُوں جانڑدے

23جِیں ویلے یسُوع فسح دی عید کیتے یروشلیم ءچ ہا تاں بہُوں سارے لوک اُوندے معجزے ڈیکھ تے اُوندے اُتے اِیمان گِھن آئے، 24پر یسُوع کُوں اُنہاں اُتے اعتبار نہ ہا، اِیں کیتے جو او ساریاں کُوں جانڑدا ہا۔ 25اُونکُوں اِیندی ضرورت نہ ہئی جو کوئی اُونکُوں اِنسان دے بارے ءچ ڈساوے کیوں جو او اِنسان دے دل دا حال جانڑدا ہا۔

Currently Selected:

یُوحنّا 2: SKRV

Highlight

Copy