Amun Gigiuang A Dor Vaamaravazang Pana A Baar Angkari
A Dor Vaamaravazang Pana A Baar Angkari
A baar angkari Luk ka varaar. Ka uzaa varaxai wana a varumaraiang a baar zina ina naa ra varaar wana a Dorang Daxa zin Iesu Kaarisito. Lamaskana a baar angkari dia di raamin amun dorang pana Pita ma Pol ma azanon paamua rawarak sin aubina di inaxam paazaai wana Iesu Kaarisito. Aubina di inaxam paazaai di tabung iziar Judia ma Gaalili, lamur di waan farawuk Samaaria ma Siria ma Itiopia ma Grik ma Rom. A lemlem aubina di inaxam paazaai xa rauxin amun Judaa ma aubina xawit amun Judaa lamaskana.
Azaan laba azaxai naan a varumaraiang iwana a vaamuzazang sin a Laklagaai a Raabu lamaskana aubina di inaxam paazaai la raan a Pentikos.
Luk ka saxat sin Pol wana azanon sangazang sina. Taamin 16:10-17, 20:5-21, 27:1-28:16. A maariaas iwana fararang ka malasing AD 63.
A baar Amun Gigiuang ka malasing kari:
(1) 1:1-8:40 Aubina varaviraai di fazei wana a Dorang Daxa Jerusalem ma Gaalili ma Samaaria
(2) 9:1-31 Pol xa inaxam paazaai wana Iesu
(3) 9:32-12:25 A Dorang Daxa xa waan Fonisia ma Saaipras ma Entiok
(4) 13:1-15:35 A Dorang Daxa xa waan Frigia ma Galesia
(5) 15:36-21:16 A Dorang Daxa xa waan la pira zin amun Grik
(6) 21:17-28:31 A Dorang Daxa xa waan la pira zin amun Rom
Currently Selected:
Amun Gigiuang A Dor Vaamaravazang Pana A Baar Angkari: NAL
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Australia All Rights Reserved