بطرس الأولى 1

1مِنْ بُطْرُسَ، رَسُولِ يَسُوعَ الْمَسِيحِ للمتشتتين المتغربين فِي بُنْطُسَ وَغَلاطِيَّةَ وَكَبَّدُوكِيَّةَ وَآسِيَّا وَبِيثِينِيَّةَ، 2هذول اللي اخْتَارَهُمُ اللهُ الآبُ بمعرفته السابقة وقَدَّسَهُمْ بِالرُّوحِ علشان يطيعوا يَسُوعَ الْمَسِيحَ وَيتَطْهُرُوا بِرَشِّ دَمِهِ عَلَيْهِمْ.

من النِّعْمَةِ وَالسَّلام يكونوا معاكم بزيادة وكترة .

تسبيح الله لأجل الرجاء الحي

3مبارك هو اللهُ أَبُو رَبِّنَا يَسُوعَ الْمَسِيحِ، اللي من كتر رَحْمَتِهِ الْعَظِيمَةِ خلَّانا نتولد ولادة تانية، مليانة رَّجَاءِ بسبب قِيَامَةِ يَسُوعَ الْمَسِيحِ مِنْ بَيْنِ الأَمْوَاتِ، 4وورث ما ينتهي ولا يفسد ولا يزول، مَحْفُوظ لَكُمْ فِي السَّمَاوَاتِ. 5لإنَّكم انتوا محفوظين بقوة اللهِ اللي بتعمل فيكم بالايمان، إلين ما تَفُوزُوا بِالْخَلاصِ النِّهَائِيِّ اللي متجهز لكم، واللي راح يظهر فِي الزَّمَانِ الأَخِيرِ. 6وَهاذا يخليكم تفرحوا، مَعَ انكم لازم تحزنوا الان لفترة قصيرة بسبب التَّجَارِبِ المختلفة! 7لكن لازم تعرفوا ان هدف هاذي التَّجَارِبِ هو اخْتِبَارُ إِيمَانِكُمْ. زي ما الدهب بتختبره النار وتنقيه، التَّجَارِبُ كمان بتختبر إِيمَانِكُمْ، واللي هو أغلى كتير مِنَ الدهَبِ الزايل. وبكدة، يَكُونُ إِيمَانُكُمْ مستحق للمدح وَالإِكْرَامٍ والَتَمْجِيدٍ لكُمْ، لمَّن يرجع يَسُوعُ الْمَسِيحُ ويظهر في مَجْدِهِ. 8انتوا ما شفتوا الْمَسِيحَ دحِّين، وَلكِنَّكُمْ بتحبوه. وَمَعَ أَنَّكُمْ ما بتشوفوه الآنَ، لكن بتأمنوا بهِ وبتسعدوا وتفرحوا بشكل لا يوصف. 9لانكم بتنالوا هَدَفَ إِيمَانِكُمْ، وَهُوَ خَلاصُ نُفُوسِكُمْ. 10كثير فَتَّشَ الأَنْبِيَاءُ زمان وَبَحَثُوا عَنْ هاذا الْخَلاصِ! فَهُمْا اتنبأوا عَنْ نِعْمَةِ اللهِ اللي كَانَ مجهزها لكُمْ انتوا، 11وسعوا انهم يعرفوا الزَّمَانِ وَالأَحْوَالِ اللي كَانَ بيقصدها رُوحُ الْمَسِيحِ اللي كَانَ بيعمل فِيهِمْ، لمَّن خبرهم قبل باللي بيَنْتَظِرُ الْمَسِيحَ مِنْ آلالامٍ، وبالأمجاد اللي راح تيجي بعدهاٍ. 12وَلَكِنَّ اللهَ أَوْحَى لهم إِنو اجْتِهَادَهُمْ هاذا ما كان لِمَصْلَحَتِهِمْ هُماْ، لكن لِمَصْلَحَتِكُمْ أَنْتُوا. لإِنوكل هاذا كان علشان الْبِشَارَةِ اللي نقلها لكم في الوقت الحالي مُبَشِّرُينَ بقوة وتأييد الرُّوحُ الْقُدُسُ اللي هو مرسول مِنَ السَّمَاءِ. هاذي هي أمور عظيمة يَتَمَنَّى حَتَّى الْمَلائِكَةُ إِنَّهم يعرفوها أو يشوفوها!

13علشان كذه خلوا أَذْهَانَكُمْ مُتَنَبِّهَةً ، واصحوا وأتنبهوا ، وخلوا رَجَاءَكُمْ كُلَّهُ عَلَى النِّعْمَةِ اللي راح تكون مِنْ نَصِيبِكُمْ لمَّن يرجع يَسُوعُ الْمَسِيحُ ويظهر في مجده!

كونوا قديسين

14وَبِمَا أَنَّكُمْ صرتوا أَوْلاداً لِلهِ الي بطيعوه، لا ترجعوا تطاوعوا الشَّهَوَاتِ اللي كَانَتْ بتُسَيْطِرُ عَلَيْكُمْ زمان فِي أَيَّامِ جَهْلِكُمْ. 15لكن احفظوا سلوككم مُقَدَّس فِي كُلِّ شئ، واتمثلوا بِالْقُدُّوسِ اللي دَعَاكُمْ، 16لإنٌّو مكتوب: «كُونُوا قِدِّيسِينَ، لأَنِّي أَنَا قُدُّوسٌ! »

17وبما انكم بتعترفوا بالله اللي هو أب ليكم، وَهُوَ اللي بيَحْكُمُ عَلَى كُلِّ إِنْسَانٍ حَسَبَ أَعْمَالِهِ من غير تحيزٍ، فلازم تسلكوا في مخافته في فترة حياتكم الْمُؤَقَّتَةِ عَلَى الأَرْضِ. 18وخليكم عارفين أَنَّهُ هو اللي دَفَعَ الْفِدْيَةَ علشان ِيُحَرِّرَكُمْ من ماضي حَيَاتِكُمُ القديمة اللي أَخَذْتُوهَا بتقليد آبائكم. وَهاذي الْفِدْيَةُ ما كانت شئ زايل زي الْفِضَّةِ أَوِ الذَّهَبِ، 19لكن كَانَتْ دَمً ثَمِين، دَمَ الْمَسِيحِ، هاذا الْحَمَلِ الطَّاهِرِ اللي ما فِيهِ عَيْبٌ وَلا دَنَسٌ! 20وَمَعَ أَنَّ اللهَ اختارهاذا من قَبْل تأسيس الْعَالَمِ، لكنه ما اعلنه إِلّا فِي هاذا الزَّمَنِ الأَخِيرِ لمصلحتكم 21انتوا اللي بتؤمنوا بالله من خلال المسيح قوَّمو مِنَ الْمَوْتِ وإِدَّالو الْمَجْدَ، حَتَّى ما يَكُونَ اللهُ هو هدف إِيمَانِكُمْ وَرَجَائِكُمْ. 22وبما انكم خضعتوا للحق ، فأطهَّرت نُفُوسُكُمْ وَصِرْتُوا قَادِرِينَ أَنْكم تُحِبُّوا بعضكم البعض بمَحَبَّةً أَخَوِيَّةً ما فيها رِيَاءَ، حِبُّوا بَعْضُكُمْ مَحَبَّةً قويَّة خارجة مِنْ قَلْبٍ طَاهِرٍ! 23لانكم اتولدتوا وِلادَةً ثَانِيَةً مو من زرع بشري زايل، لكن من اللي ما يزول: بِكَلِمَةِ اللهِ الْحَيَّةِ الْبَاقِيَةِ إِلَى الأَبَدِ. 24لان الْحَيَاةَ الْبَشَرِيَّةَ هي زي العشب ، وَمَجْدَهَا كُلَّهُ زي زَهْرِ الْعُشْبِ. ومصيرها إنَّها راح تزول زي ما يَيْبَسُ الْعُشْبُ وزَهْرُهُ يطيح ! 25بس كَلِمَةُ الله َرح تَبْقَى ثَابِتَةً للأبد ، وَهِيَ الْكَلِمَةُ اللي بِشَارَتُهَا وصلت لكم!

Currently Selected:

بطرس الأولى 1: HNAV

Highlight

Copy