بطرس الأولى 5
5
وصايا للشيوخ والصغار
1وَهاذي وَصِيَّتِي للشُّيُوخِ اللي بَيْنَكُمْ، باعتباري شَيْخ زيّيهم، وَشَاهِد لِآلامِ الْمَسِيحِ، وَشَرِيك فِي الْمَجْدِ اللي راح يظهر: 2ارْعَوْا خراف اللهِ اللي بَيْنَكُمْ، كَحُرَّاسٍ لَيهُ، مو لان هذا واجبكم، لكن تطوع منكم، زي ما يبغى الله منكم، ومن غير دافع الربح القبيح، لكن حب في الخدمة بِنَشَاطٍ. 3لا تَتَسَلَّطُوا وتتحكموا في الْقَطِيعِ اللي وَضَعَهُ اللهُ أَمَانَةً في أياديكم، لكن لازم تكونوا قُدْوَةً لَه. 4ولمن يجي و يَظْهَرُمرة تانيه رَئِيسُ الرُّعَاةِ، راح تنالوا إِكْلِيلَ الْمَجْدِ اللي ما يزول.
5انتوا كمان يا شَّبَابُ، كونوا خاضعين لِلشُّيُوخِ. كونوا متواضعين فِي تعاملكم مع بعض. لأَنَّ اللهَ يرفض الْمُتَكَبِّرِينَ، وبيُعْطِي الْمُتَوَاضِعِينَ نِعْمَةً. 6علشان كدة لازم، تتَوَاضَعُوا تَحْتَ ايَدِ اللهِ العالية علشان يَرْفَعَكُمْ لمن يَحِينُ الْوَقْتُ، 7وسيبوا همومكم كلها عليه، لأَنَّهُ هُوَ اللي بيَعْتَنِي بكُمْ.
8اصحوا وانتبهوا. علشان إِبْلِيسَ خصمكم زي الاسد يَزْأَرُ، وبيتجول يدور فَرِيسَةٍ يبلعها. 9لازم تقاوموه، وتثبتوا فِي الإِيمَانِ. وخليكم دايما فاكرين أَنَّ إِخْوَاتَكُمُ الْمُنْتَشِرِينَ فِي كل الْعَالَمِ بيمروا بنفس هاذي الالام.
10لانكم بعد ما تَتَأَلَّمُوا لِفَتْرَةٍ صغيرة، اللهَ، إِلَهَ كُلِّ نِعْمَةٍ، اللي دَعَاكُمْ للاشْتِرَاكِ فِي مَجْدِهِ الأَبَدِيِّ فِي الْمَسِيحِ، لازم راح يخليكم كَامِلِينَ وَثَابِتِينَ ومليانين قوة. 11لهُ الْمَجْدُ والسلطان إِلَى أَبَدِ الآبِدِينَ. آمِين! آمين!
تحيات ختامية
12انا برسلكم هاذي الرِّسَالَةَ الصغيرة مع سِلْوَانُسَ الأَخِ الأَمِينِ. وانا ابغى افكركم أَنَّ النِّعْمَةَ اللي بتتمتعوا بها هِيَ نِعْمَةُ اللهِ الْحَقِيقِيَّةُ اللي أَنْتُوا ثابتين فِيهَا.
13وَمِنْ بَابِلَ، بتُسَلِّمُ عَلَيْكُمْ هاذي اللي اخْتَارَهَا اللهُ مَعَاكُمْ، ومَرْقُسُ ابْنِي كمان. 14سَلِّمُوا عَلَى بَعْضٍ بِقُبْلَةِ الْمَحَبَّةِ.
لكم السَّلامُ كلكم ، أَنْتُوا إللّي فِي الْمَسِيحِ.
Currently Selected:
بطرس الأولى 5: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group