تسالونيكي الأولى 2
2
خدمة بولس في تسالونيكي
1وإنتو، يا اخوان، عارفين انو جيَّتنا لكم ما كانت غلط. 2ومع إننا كنا جربنا القسوة والوَجَعْ والبَهدَله في مدينة فِيلِبِّي، زي ما تعرفوا، إحنا أتجرَّأنا في إلَهَنا انو نكَلِّمكم بإنجيل الله محاربين في وجه المعارضة القوية. 3وما كانت تَوعِيتنا جاية عن ضلال ولا عن وساخه، وما اختلط معها خباثَه، 4لكن نحنا بنتكلم زي ما كان باين من اختبَار الله لهم انهم يُسْتأمنوا على الانجيل، عشان نِرْضي الله مو الناس اللي بيختبر قلوبَناَ. 5وزي ما تِعرِفوا كمان، إحنا ما راح نستعمل معاكم ابدا الكلام المعسول، ولا بنتحجّج عشان الطمع في حاجة بس الله شاهد 6ولا حاولنا ناخد مجد مِن الناس، لا مِنَّكُم ولا من غيِرَكُم، 7مع إنو لينا حق إنو نفرِض نفسَنا عليكُم كَوْنُو إحنا رُسل للمسيح۔ بس إحنا كناَّ حنونين عليكُم زَي أم بِترضْع عيالها۔ 8وازا كان حناننا عليكم شديد، رضينا نقدم لكم مو بس إنجيل الله بس حتى كمان أنفسنا، عشانكم صرتو محبوبين عِندنا. 9إنتو بِتتزكَّرو، يا اخوان، تعبنا وشقانا عليكم، لما جينا بشرناكم بإنجيل الله وإحنا شغالين ليل نهار عشان ما نثقل على أحد مِنَّكم۔ُ 10وإنتو شاهدين، والله ِيشهد، إيش سوينا بينَكُم، إنتوا المؤمنين، بطهارة واستقامه وبراءه من اللوم، 11كمان انتوا عارفين كيف عاملناكم زي معاملة الاب لعيالوا، فاكناَّ نوعي كُل واحِد فيكم ونشجِّعكُم 12ونحثكم انكم تمشو بطريق كويس يليق بالله، داك اللي بيناديكم لملكوتو ومجدو.
13وعشان كدا احنا بنشكر الله بدون ما نوقف، لانكم لما اخدتو مننا كِلمة البِشارة مِنَ الله، قِبلتوها مو كأنها كِلمة بشر، لكن زي ما هيَّا في الحقيقة: على أساس إنها كلمة الله اللي مُؤثِّرَة فيكم انتو المؤمنين. 14فإنتو، يا إخوان، صرتو على اخلاق كنايس الله اللي في منطقة اليهودية اللي هيَّا في المسيح يسوع. وانتو كمان عانيتو من عيال جلدتكم باللي عانوه همَّا كمان من اليهود 15اللي قتلو الرب يسوع والانبيا وقهرونا إحنا كمانا، وهما بيعصو الله وبيعادو الناس كُلَّهُم، 16بيمنعونا انو نبشِّر الأمم عشان يِخلَصو، وبكدا بيكملو زنوبهم كل شويه، بس الغضب نزِل عليهم مره.
شوق بولس لرؤية المؤمنين في تسالونيكي
17امَّا إحنا، يا اخوان، بعدنا عنَّكُم فترة قصيرة، بالوجه مو بالقلب، عِملنا مجهود أكتر بِكتير مره عشان نشوف وجوهكم واحنا مره مشتاقين لَكُم. 18و عشان كدا نوينا نجي ليكم، خصوصاً أنا بُولُسَ اكتر من مره ورا بعض، والشيطان عاندنا. 19طيب ايش هوا رجانا أو فرحنا أو تاج إفتخارنا قُدام ربنا يسوع في رَجعَتو؟ موهو إنتو؟ إلا،َّ 20عشان انتوا فخرنا ووناستنا.
Currently Selected:
تسالونيكي الأولى 2: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group