كورنثوس الثانية 11
11
بولس والرسل اللي يكذبو
1ياريت تتحملوا غباوتي، بس إنتو في الحقيقة متحملينّي. 2وأنا أغار عليكم غيره من عند الله عشان أنا طلبتكم لراجل واحد هو المسيح، عشان اديكم لو زي البنت البكر المؤدبه. 3بس أنا أخاف انها تعمي قلوبكم عن الإخلاص والطهاره لناحية المسيح زي ما الحيَّه أغوت بخبثها حوا. 4وإذا كان اللي جاكم يبشر بيسوع ثاني ما بشَّرنا فيه إحنا أو كنتو نُلْتُو روح ثانيه، ما نُلتوها،أوتقبلوا انجيل ما قِد قبلتوه، وبكذا تتحملوا ذا بكل رضى وسرور. 5وأنا اعتبر نفسي مو متخلف عن ذول الرسل المتوفقين. 6ومع اني أتكلم كلام الناس البسيطين واللي ما فيه فصاحة، بس المعرفة ما تنقصني. وإحنا بيّنا لكم ذا في كل شيْ قدام الكل.
7يعني أنا أكون مذنب إذا، أني بشرتكم بالإنجيل من غير مقابل أوفلوس منكم، وبكذا نزلت وطيَّحت من مقامي وزودت مقامكم؟ 8وظلمت كنايس ثانية لما خليتها تشيل نفقة خدمتكم. 9ولما كنت عندكم و صرت محتاج، ما ثقلت على أحد منكم. لأنو الإخوان اللي جو من مقاطقة مقدونية أدّوني على قد حاجتي. وحفظت موية وجهي، ورح أحفظها كمان، وما حكون ثقيل عليكم بشيْ. 10وطول ما المسيح لو حق فيا، ما رح يقدر أحد أنو يوقف اعتباري لنفسي هذا في بلاد أخائية كلها! 11ليه؟ عشان أنا ما أحبكم؟ العلم عند الله! 12بس، أنا رح اسوي اللي أسويه دحين عشان ما يكون فيه حجه للي يدورو ورا حجة تبرر أنهم زيّنا في اللي يشوفو نفسهم فيه. 13اللي زي ذول همه رسل كذابين وخبيثين، يسووا نفسهم زي رسل المسيح. 14وما في شيْ عجيب: الشيطان كمان يسوي نفسه كأنو ملاك نوّر. 15ومو كثير على الشغالين عندو أنهم يسووا نفسهم زي خدام البِر. وأنو مصيرهم رح يكون على حسب عملهم.
بولس يعتز بأوجاعو
16أقوللكم مره ثانية: ما أحد يحسّبني غبي وإلا، إرضو فيا ولو كنت غبي، عشان أنا كمان أشوف نفسي وأثق فيها شويه! 17واللي أقولو هنا ما أقولو زي ما يقول الرب، بس زي ما يكون فيا غباوه، وعندي ذي الثقة في نفسي اللي تخليني افتخر: 18وزي ما في ناس كثير يفتخرو ويشوفو نفسهم على حسب الجسم، أنا كمان رح أشوف نفسي وأفتخر. 19وعشان انتو عاقلين، تتحملو الأغبيا وأنتوا مبسوطين! 20لأنكم تتحملو كل واحد يخليكم عبيد عندو، وياكلكم ويستغلكم، ويتكبر عليكم، ويكفخكم على وجوهكم. 21ايش المذِله هَذي! قد ايش كنا ضعيفين في تعاملنا معاكم!
بس مادام أنا أتكلم بغباوة، فكل شي يتطّاولو عليه ذولي، أنا أتطاول عليه كمان. 22إذا كانوا عبرانيين، أنا كمان عبراني؛ اذا كانوا اسرائيليين، أنا كمان إسرائيلي؛ إذا كانوا من عيال ابراهيم؛ أنا كمان من عيالو! 23وإذا كانوا خدامين للمسيح، أصير أتكلم كأني أتجننت، لأني متفوق عليهم: في التعب تعبت كتير مره، في الجلدات انجلدت فوق ما تتخيل، في السجون انسجنت أكثر، وكنت ممكن أموت أكثر منهم مرات. 24اليهود جلدوني خمس مرات، كل مرة تسعة وثلاثين جلده. 25وانضربت بالعصايه ثلاث مرات. ورموني بالحجاره مره. واتكسّرت السفينة فيا ثلاث مرات. وفضلت في نص البحر يوم كامل طول نهاره بليله. 26سافرت كثير؛ جات علَيا سيول جارفة، وجوني قطاع الطرق، وتعرضولي عيال قبيلتي، وعبدة الأصنام، ومصايب كمان في المدن، وخطر ومصايب البر، وخطرالبحر، ومن بينهم نصابين محتالين.
27و قدْ ايش تعبت وكدّيت وسهرت كثير، وتعبت من الجوع والعطش والصوم من غير أكل وقت كثير، وتعبت من البرد من غير ملابس. 28وفوق كل هذي المخاطر والصعوبات من الخارج، كمان زاد عليَّا الضغط يوم ورا يوم، لأني صرت شايل هم كل الكنايس. 29في أحد يضعف وانا ما أضعف، وفي أحد أموره متعثرة وأنا ما أتحرق عليه؟ 30إذا كان لا بد من شوفة النفس، أنا رح أشوف نفسي بضعفي. 31ويعلم الله أبو ربنا يسوع، المبارك للابد ، إني ما أكذب: 32لأنو الحاكم اللي عيَّنو الملك الحارث على مدينة دمشق، شدد الحراسة على مدينة دمشق، عشان يمسكوني، 33بس أنا ادلدلت في سله من شباك في السور، وشردت منو.
Currently Selected:
كورنثوس الثانية 11: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group