كورنثوس الثانية 13
13
تحذيرات أخيره
1دي المرة الثالثة اللي جيتكم فيها. بشهادة اثنين أو ثلاثة بتثبت كل شيْ. 2اعلنت قبل كذا، واقولها مقدما و انا غايب، زي ما قلت و انا حاضر عندكم بالمرة الثانية، للي غلطو المرة اللي فاتت و الباقيين كلهم: اذا أنا رجعت لكم ما رح اشفق عليكم، 3ما دام بتطلبو دليل أو برهان على انو المسيح بيتكلم فيَّا. و هو مو ضعيف ناحيتكم، لكن هو قوي بينكم. 4ومع انو اتصلب وهو بحالة ضعف، بس دحين هو بقدرة الله حي. و احنا كمان ضعفا فيه، و لكننا، بتصرفنا معكم، بنكون عايشين معاه بقدرة الله. 5عشان كذا امتحنو نفسكم عشان تشوفو اذا انتو في الايمان. اختبرو نفسكم. مو انتو عارفين نفسكم، انو يسوع المسيح فيكم، الَّا اذا تبين انو انتو فعلا فاشلين؟ 6هذا غير اني اتمنى انه بيبان لكم انو احنا مو فاشلين.
7و نصلي لله انو ما تعملو اي شر، مو عشان يبان انو احنا رجال فاضلين، لكن عشان تسوو اللي هو صحيح وحق، حتى لو إحنا كنا زي ما نكون فاشلين. 8احنا ما نقدر نسوي شي ضد الحق احنا بنسوي شي عشان الحق. 9و قَديش بننبسط لما نكون احنا ضعيفين وانتو اقويا؛ حتى اننا بنصلي بنطلب لكم الكمال! 10عشان كذا بكتب الحاجات ذي وانا غايب، و حتى اذا كنت موجود ما بضطر للحزم بدي السلطة اللي اداني هي ربنا عشان نبني مو للهدم.
تحيات ختامية
11و أخيرا، يا اخوان: افرحو؛ حسِنوا نفسكم؛ أتشجعو؛ اتفقو مع بعض في رأيكم؛ عيشو بسلام. وإله المحبة بيكون معاكم!
12سلمو على بعضكم ببوسه نضيفه. 13كل القديسين بيسلمو عليكم.
14وتكون معاكم كلكم نعمة ربنا يسوع المسيح، و محبة الله و شراكة الروح القدس. آمين!
Currently Selected:
كورنثوس الثانية 13: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group