كورنثوس الثانية 4
4
كنوز في مواعين من الفخار
1واذا الخدمة هذي برحمه من الله، ما بتِضعَف عَزيمَتنا. 2بس إحنا رفضنا الاساليب الخفية اللي تخجِّل، ما بنمشي بالمكر، ولا بنزوّر كلمة الله، لكن باعلاننا للحق بنمدح نفسنا عند ضمير كل واحد، قدام الله. 3بس اذا كان انجيلنا محجبوب، فهوا محجبوب عند الهالكين، 4عند اللي ما آمنو اللي أعمى إلَه هذا العالم عُقٌولَهُم عشان ما ينور لهم نور الانجيل اللي بيخُص مَجدَ المسيح اللي هو صورَة الله.
5إحنا ما بنبشر بنفسنا، إحنا بنبشر بالمسيح يسوع رب لينا، وماحنا الاّ عبيد لكم عشان يسوع. 6فا الله، اللي امر انو يِشرِق نور من الظلام، هوا اللي خلاَّ النور يِشرق في قلوبنا، عشان تشرق معرِفة مَجدَ الله، المتجلي في وجه المسيح.
7بس الكنز ذا بنحملوا احنا في مواعين من فخار، عشان يتبيَّن انو القُدرة العالية جاية من الله مو جايه و طالعه مننا. 8والصعوبات يتضيق علينا من كل ناحية، بس ما بننهار. ما بنلاقي حل مناسب، بس ما بنيأس. 9ويطاردنا القهر، بس ما يتخلى الله عننا. نترمي على الارض، بس ما نموت. 10وفين ما نروح، نحمل موت يسوع دايما في اجسامنا عشان تبان فيها كمان حياة يسوع. 11مع اننا لسا عايشين، إحنا بنتسلم دايما للموت عشان يسوع، عشان تبان في اجسادنا الفانية حياة يسوع كمان. 12وبكذا، الموت فعّال فينا؛ والحياة فعَّالة فيكم.
13وبما انو لنا روح الايمان نفسو، اللي اتكتب بخصوصو: «آمنت، عشان كذا اتكلمت»، وإحنا كمان نِؤْمن، عشان كذا نتكلم، 14واحنا عارفين اللي قوّم الرب يسوع من الموت راح يقومنا إحنا كمان مع يسوع، ويوقّفنا في حضرتو بصحبَتهم. 15وانو كل الحاجات بنعيش قسوتها علشانكم، حتى اذا زادت النعمة في الاكثرية منكم، بتخلي الشكر يزيد عشان مجد الله. 16عشان كذا، ما بتضعف عزيمتنا! بس، مادام الانسان الظاهر وباين فينا بيفنى، كمان الانسان الباطن فينا بيتجدد يوم ورا يوم. 17هذا لانو اللي بيضايقنا دحين من صعوبات بسيطة عابرة، بينتج لنا بنفس النسبه حياة ابدية من المجد، 18يعني بنرفع عيوننا عن الحاجات اللي نقدر نشوفها ونثبتها على الحاجات اللي ما نشوفها. والامور اللي نقدر نشوفها هيا بس لوقت قصير؛ واما اللي ما نشوفها فهِيَّ ابدية.
Currently Selected:
كورنثوس الثانية 4: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group