كورنثوس الثانية 9
9
1و مو لازم أكتب لكم في موضوع معاونة القديسين، 2مادام انا أعرف استعدادكم اللي افتخر فيه من جهتكم عند المقدونيين و أقول: منطقة أخائية جاهزة للمعاونة من السنة اللي مَرَّتْ. و حماسكم كان الدافع لكثير منَ الِاْخوان. 3ولكن ارسلت لكم الاخوة عشان ما يصير افتخارنا فيكم باطل وعشان تكونو جاهزين زي ما قلت؛ 4عشان ما ننجبر احنا، ولا اقول انتو، للخجل بهذي الثقة الكبيره و لما يكونو معايا المقدونيين يلاقوا انكم مو جاهزين. 5و عشان كذا انا شفت انو لازم اطلب من الاخوان انهم يسبقوني عندكم، عشان يجهزو لكم اول حاجة تبرعكم اللي اعلنا عنو قبل كذا، وتكون جاهزه بإنها بركة، مو واجب تقيل!
تشجيع السخاء
6الحق انو اللي بيزرع بالتقطير، بيحصد بالتقطير برضو، و اللي بيزرع بالبركات، بيحصد البركات كمان. 7أتبرعو باللي نويتووه في قلوبكم، مو بالاسف ولا منجبرين، لان الله يحب اللي يعطو وهم فرحانين. 8و الله قادر يخلي النعمة كبيرة مرة لكم، و تكونو مكتفيين في كل شي و بكل وقت، وتكثرو من العمل الصالح؛ 9و زي ما قال الكتاب: «وزع بكرم، وادّى الفقرا، بِرّو حيدوم للابد!» 10واللي بيدي البزره للي بيزرع، وعيش للاكل، حيديكم بخيركم من بذوركم كثير مره وحيزيد ثمر برّكم: 11بتصيرو اغنياء في كل حاجة، و هذا عشان كل تبرع من نفسكم يخلي فينا شكرا الله، 12و هذا لانو خدمة الله بهذي المساعدة ما بتسد حاجة القديسين و بس، شكرها شكر كبير لله. 13و القديسين، بيختبرو ذي الخدمة، بيمجدو الله على طاعتكم في الشهادة لإنجيل المسيح و على تبرعكم من نفسكم بالكرم ومشاركتكم لهم و للكل. 14وهم بيدعو عشانكم، متشوقين ليكم، بسبب انو نعمة الله الكبيرة ظهرت فيكم. 15و شكرا لله على عطيتو المجانية اللي هي فوق الوصف!
Currently Selected:
كورنثوس الثانية 9: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group