تسالونيكي الثانية 2
2
إنسان العصيان
1بس بالنسبة لرجعة ربنا يسوع المسيح واجتماعنا اليه مع بعض، نبغى منكم ياخوان 2انو ما تتلخبط أفكاركم وتقلقو، لا من ايحاء ولا من خبر ولا من رسالة اتنسبت لينا بالزور، بينقال فيها انو يوم الرب فعلا جانا. 3ما تخلو احد يخدعكم بأي طريقة! لانو اليوم دا ما راح يجي من قبل ما يسبقو خبر كثرة الناس اللي تكفر و ظهور انسان العصيان، ولد الهلاك، 4اللي بيتحدى كل اللي بيتسمى بالاله أو معبود، وبيعاديه وهو مترفع عنه. وكمان ياخذ من هيكل الله مكان له، وبيحاول يثبت انو إله.
5ما تتزكروا اني كتير قلتلكم الكلام دا لما كنت عندكم؟ 6وإنتو دحين بِتِعرِفو اللي محتجزه لأجل ما يبان إلاَّ في الوقت المناسب ليه. 7فالعصيان دَحين بيكون شغال بالخِفْيه كأنو سِر. لكن بس الين يترَفَع منَ الوسط داك اللي بيِحبس المُتمرد۔ 8وقتَها بس راح يبان الانسان المُتَمَرِّد بوضوح كَبير فبيخلِّص عليه الرب يسوع بنفخة فمٌّو وبيغطي عليه بجمال ظهورو وَقت رجعَتو. 9بس الحد اللي يوصلو المتمرد، راح يكون على قد قدرة الشيطان على المُعجِزات والعلامات والعجايب الوَهمية كُلها، 10وعلى كل انواع نشر الأكاذيب اللي بياخد الضاَّلين للعصيان، لإنْهُم ما قِبلو محبة الحق لأجل يخلَصو. 11ولأجل دا السبب، الله رح يِرسِل لِيهُم قدرة الضلال لاجل يِصَدِّقو اللي هو دجل، 12راح يكون عقاب على كُل اللي ما آمنو بالحق بالعكس كانو مبسوطين بالإثم.
اثبتو
13أما إحنا، من واجبنا إنو نِشكر الله دايماً لاجلكم، يا أخوان يا اللي الرب يحُبَّكُم، لإنو الله أختَارَكُم من البداية للخلاص، بِتَقديس الروح لِيكُم وإيمانَكُم بالحق. 14ولأجل دا الشي دعاكم بِبشارَتنا ليكُم، لأجل نِحَصّل مجد ربنا يسوع المسيح. 15أجل إثبتو، يا اخوان، وأتمَسَّكو بالتعاليم اللي حصَّلتوها وجات لكم مِننا، سواء اذا كان بالكلام او بِرِسالتنا. 16وياريت ربنا يسوع المسيح نفسو، والله أبونا، اللي حبنا وأدانا بِنِعمِتو راحة أبديه ورجا صالح ، 17يشجع قُلُوبَكُم ويثِّبِّتكُم في كل عمل صالح وكلام طيب!
Currently Selected:
تسالونيكي الثانية 2: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group