كولوسي 1

1من ُبولس وهو رسول للمسيح يسوع بإرادة الله، ومِنَ الأخْ تِيمُوثَاوُسَ، 2للاخوان القديسين والأُمنا في المسيح، العايشين في مدينة كُولُوسِّي. ادعي لكُم بالنِعمة والسَّلام مِنَ الله أبونا والرب يسوع المسيح

شكر وصلاة

3إحنا دايما بِنشكر الله، ابو ربنا يسوع المسيح لما بنصلي عشانكم۔ 4لأنو وصلنا خبر ايمانكم بالمسيح يسوع والمحبة اللي عِندَكُم لِكُلَّ القديسين، 5بسبب الرجا المحفوظ لَكُم في السماوات، الرجا اللي سمعتو فيه مِن قَبِل في كِلمَة الحق اللي في الإنجيل 6واللي وصلت ليكم زي ما بتنتشرفي العالم كلو دحين، وتنتج الثمر وتكبر، زي ما بيصير بينكم من وقت ما سمعتو بنعمة الله وامتحنتوها بالحق، 7على حسب اللي تعلمتو من أَبَفْرَاس شريكنا العبدَ الحبيب، والخادم الأمين للمسيح عِندَكم 8وهوا نفسو قللنا عن محبتكم في الروح

9علشان إحنا كمان، من اليوم اللي سمعنا فيه بأخباركم، لسانا بنصلِّي وبنِخشع علشانكم، علشان يكتمل عندكم معرِفَة مشيئة الله في كُل حِكمَة وإدراك روحي، 10علشان تِمشو بطَريق كويس مع الرب ومقبول في كل شي، مثمرين في كل عمل صالح وناميين في معرفة الله الين التمام، 11متمسكين بكُل قوة موافقة لقدرتو ومجدو، علشان تقدرو تتحمَّلو وبالكم يكون طويل، 12شاكرين بكل رضا وسعادة للأب اللي خلَّاكُم أهل علشان تشتركو في ميراث القديسين في النور، 13هوا اللي ساعدنا إننا نخرج من سلطة الظلام ونقلنا لمَلَكُوت ابن محبتو 14اللي فيه لينا التضحية، يعني غفران الزنوب۔

ميلاد المسيح

15هوا صورة الله اللي ما ينشاف، البكر على كل اللي اتخلق، 16لِأنو فيه كُلَّ الحاجات اتخلقت: اللي في السماوات واللي في الارض، اللي بيتشاف واللي وما بيتشاف، لو كانت مناصب، أو زعامات او رِئاسات او سُلُطات۔ كلَّ اللي في الكون اتخَلَق به وعلشانو 17هوا موجود قبْلِ كُلِّ شي، وفيه بيدوم كل شي۔ 18وهوا راسَ الجَسَد، يعني الكنيسة؛ هوا البداية وأول القايمين من بين الاموات، علشان يكون ليه المقامَ الأوَل في كل حاجة۔ 19وفي أتبسَطَ الله انه يحل فيه بكماله كلُّو، 20وانو يصالح فيه كل حاجة مع نفسه، ونشرالسلام بدمُّو على الصليب، وفيه بيصالح كل حاجة، لو كانت على الارض او في السماوات۔

21وانتو، يا اللي كنتو من قَبِلْ غرباء وأعداء في التفكير، بأعمالكم الشريرة، 22صالحكم دحين في جسد بَشَرِيَّة (ابنو) بالموت۔ ودا عشان يجيبكم وتوقفوا قدامو وانتو قديسين بدون زنب ولا لوم۔ 23وعليكم تصمدوا بجد في الايمان متأسسين وصامدين ومو متغيِّرين عن رجا الانجيل اللي سمِعتوه، اللي اتبَشَّر بيه للخلايق كلَّهم تحت السما، وله صرت أنا بُولُسَ خادم۔

جهاد بولس عشان الكنيسة

24ودحين أنا افرح في الأوجاع اللي أعاني منها علشانكم، و أكمِّل في جِسمي اللي نقص من ضِيقاتَ المَسيح علشان جسدو اللي هوا الكنيسة، 25وليها انا صرت خادم حسب تدبير الله اللي مديه ليَّا علشانَكُم، وهوا إني أكمِّل كِلمَة الله، بإعلان 26السر اللي كان مخبى كل العصور والأجيال، بس دحين صار باين لقديسيه، 27اللي همه بغى الله انو يقول لهم عن غنى مجد دا السر بين الأمم: انو المسيح فيكم، وهوا رجا المجد؛ 28دا السر بِنِعلِنو إحنا، بِنوَعي كُل إنسان، وبِنعلِّم كُل انسان، في كل حكمة، علشان نجيب كل انسان كامل في المسيح۔ 29وعلشان كدا أنا بَتعَب وِ بَجَاهِد، بسبب قُدرَتواللي تتحرك فياَّ بقوة۔

Currently Selected:

كولوسي 1: HNAV

Highlight

Copy