كولوسي 3

أسس الحياة المقدسة

1و عشان انتو قمتو مع المسيح، دوروا على الاشياء اللي موجودة في العلالي، فالمسيح جالس عن يمين الله. 2خلو اهتمامكم بالحاجات اللي موجوده في السما، مو الحاجات اللي في الارض. 3انتو متو و حياتكم مستوره مع المسيح في الله. 4و لما يبان المسيح، و هو حياتنا، ساعتها انتو كمان راح تطلعوا مع المسيح في المجد.

5اذاً موتوا ميولكم الارضية: الفاحشة، الوساخة، العناد بالأهواء، الشهوة التعبانة، و الاكل بشراهة اللي هو من عبادة الاصنام. 6وعشان الذنوب دي ربنا بينزل علينا غضبو، 7اللي مشيتو فيها زمان، وكنتو بتعيشو فيها. 8بس دحين، شيلو عنكم، انتو كمان، الزنوب دي كلها: العصبيه، الكره، الخباثه، وتلفيق الكلام، والكلام القبيح اللي بيخرج من فمكم. 9ما يكدب واحد فيكم على التاني، لأنكم شيلتو منكم الانسان القديم وأعمالو 10وتلبسو الجديد واللي بيتجدد عشان يكمل المعرفة حسب صورة اللي خلقو، 11ما في فرق بين اليوناني و اليهودي، مختون ولا مو مختون، متحضر أو مومتحضر، أو بين عبد وحر، و لكن المسيح هو الكل في الكل.

12و باعتبار انكم جماعة اختارها الله قديسين محبوبين، دايما خلو عندكم مشاعر الحنان و اللطف و التواضع والصبر وطولة البال، 13أتحملو بعضكم، وسامحوا بعضكم. ازا كان واحد منكم شايل على التاني، زي ما سامحكم، انتو سوو كدا كمان. 14و فوق دا كلو خلو عندكم محبة، فهي شي بيكمل كل حاجة. 15خلو سلام المسيح يملك قلوبكم، فانتو اندعيتو ليه في الجسد االواحد؛ و خلوكم شاكرين!

16خلي كلمة المسيح جواكم كتيرمره، في كل حكمة، معلمين ومدرسيين بعضكم، متسلطنين بمزامير وتسابيح وأناشيد روحية في قلوبكم لله، وبتحمدوه. 17ومهما كان اللي بتعملوه، بالكلام أوالعمل، أربطوا اسم كل شيء باسم الرب يسوع، شاكرين الله الاب بيسوع.

وصايا للعايله المسيحية

18ياللي متزوجات خليكم في طاعة أزواجكم باللي يتناسب (بالعيشة) في الرب.

19و انتو يالازواج، حبو حريمكم، ولا تعامِلوهم بقساوة.

20يا عيال، اسمعو كلام امكم وابوكم في كل حاجة، لانو دا بيرضى الرب.

21يا آباء، ما تزيدو زعل عيالكم عشان ما يفشلو.

22يا خُدّام، اسمعو كلام اسيادكم من البشر، ما تشدو حيلك بالشغلل بس لما تكون عيون أسيادكم عليكم، زي اللي بيحاول يرضي الناس، لكن بقلب صادق خايفين من الرب. 23ومهما سويتو، اجتهدو بيه من قلبكم، و زي ما يكون للرب مو للناس، 24عارفين انكم رح تاخدو المكافاة بالورث من الرب. و انتو خدّام بتخدمو الرب المسيح 25و اللي بيعمل الشر بيلاقي الشر، و مافي مجامله .

Currently Selected:

كولوسي 3: HNAV

Highlight

Copy