يعقوب 5

تحذير للأغنياء الظالمين

1يا اَغْنِيَاءُ، ابكوا واحزنوا بسبب الشقاء والاهوال اللي بتنتظركم.

2ثرواتكم الكثيرة فسدت، وملابسكم الْفَاخِرَةَ أَكَلَهَا الْعُثُّ 3ذَهَبُكُمْ وَفِضَّتُكُمْ أتآكلت، وراح يكون تَآكُلُهُم هاذا شَاهِداً ضِدَّكُمْ، وَ وراح يَأْكُلُ لَحْمَكُمْ زي النار جمعتوها ثَرْوَةً لِلأَيَّامِ الأَخِيرَةِ؟ 4وَهاذي أُجْرَةُ الْعُمَّالِ اللي حَصَدُوا في حُقُولَكُمْ، هاذي الأُجْرَةُ اللي بالظلم مانعينها عنهم، هذي هي تصرخ، والله رَبُّ الْجُنُود سمع لصراخهمِ! 5انتوا بتعيشوا عَلَى الأَرْضِ في رَفَاهِيَّةٍ وبتهتموا بالبهجة وَاللَّذَّاتِ؛ وقلوبكم صارت سمينه وكأنها جاهزه للذبح. 6وَالْبَرِيءُ حَكَمْتُوا عَلَيْهِ وَقَتَلْتُوه، وَهُوَ ما يقاومكم!

الصبر وقت الألم

7وانتوا يَا إِخْوَتِي، اصْبِرُوا وانتظروا رجوع الرَّبِّ. واتعلموا مِنَ الْفَلّاحِ: اللي بيَنْتَظِرُ أَنْ الأَرْضُ تديه غلة ثَمِينَةً، وبيصبر عَلَى الزَّرْعِ لحد ما يَشْرَبَ مِنْ مَطَرِ الْخَرِيفِ وَمَطَرِ الرَّبِيعِ. 8فَاصْبِرُوا أَنْتُوا كمان، وخلوا قُلُوبَكُمْ قوية علشان مجئ الرب قريب. 9يا اخْوَةُ، لا تتذمروا عَلَى بَعْضٍ، علشان مايصدر عليكم حكم. وخليكم فاكرين دايما أَنَّ الدَّيَّانَ قَرِيبٌ جِدّاً، هو على الابواب. 10يَا إِخْوَاتِي، اقتدوا باحْتِمَالِ الآلامِ وَالصَّبْرِ عَلَيْهَا، بِالأَنْبِيَاءِ اللي اتَكَلَّمُوا بِاسْمِ الرَّبِّ. 11احنا بنقول اللي بيصبروا على الألم: «يابختهم!» وانتوا سَمِعْتُوا بِصَبْرِ أَيُّوبَ، وشفتوا كيف اتعامل معاه الرَّبُّ فِي النِّهَايَةِ. وَهاذا بيُبَيِّنُ أَنَّ الرَّبَّ كَثِيرُ الرَّحْمَةِ وَالشَّفَقَةِ. 12وَلكِنْ قَبْلَ كُلِّ شَيْءٍ، يَا إِخْوَاني، لَا تَحْلِفُوا، لَا بِالسَّمَاءِ، وَلا بِالأَرْضِ وَلا بِأَيِّ قَسَمٍ تاني. لكن كَلامُكُمْ المفروض يكون «نَعَمْ» إِنْ كَانَ نَعَمْ، وَ«لا» إِنْ كَانَ لا. وَهاذا علشان ما تكونوا تحت الحكم.

صلاة الايمان

13هل أحد فيكم بيتألم؟ المفروض يصلي! وهل أحد فيكم سَعِيدٌ؟ المفروض يرنم! 14ولو أحد مِنْكُمْ مَرِيض، فيطلب من شُيُوخَ الْكَنِيسَةِ علشان يصلوا عليه وَيَدْهُنُوهُ بِزَيْتٍ بِاسْمِ الرَّبِّ. 15لان الصلاة اللي بايمان تَشْفِي الْمَرِيضَ، والله يرجع له صحته. ولو كَانَ مَرَضُهُ هاذا بِسَبَبِ خَطِيةٍ ، الرَّبُّ راح يغفرها ليَهُ. 16كل واحد منكم يعترف لاخوه بأخطائة، وَصَلُّوا كل واحد للتاني، علشان تِنْشفوا. علشان الصَّلاةَ الْحَارَّةَ اللي بيَرْفَعُهَا الْبَارُّ لَها قوة عَظِيمَةٌ. 17ايليا كمان كان بشر زينا وَطَلَبَ مِنَ اللهِ بِالصَّلاةِ أَنْه يوقف الْمَطَرَ. وحصل فعلا، وما مطرت لمدة تلات سنين وستة شهور 18وبعدين صلى مره تانيه، فَمْطَرَتِ السَّمَاءُ والأَرْضُ اعطت ثِمَرَهَا!

19يا اِخْوَةُ، لو أحد منكم ضَلَّ عَنِ الْحَقِّ، ورجعه شخص تاني، 20فاللي يرد خاطي عن ضلالة، يكون بيُنْقِذُ نَفْس مِنَ الْمَوْتِ، وَيَسْتُرُ خَطَايَا كَثِيرَةً!

Currently Selected:

يعقوب 5: HNAV

Highlight

Copy