فيلبي 2

تتواضعوا زي تواضع المسيح

1لأنو لينا التشجيع في المسيح، والتعزية في المحبة، والشراكه في الروح، ولينا التراحم والحنان، 2فتكملو سعادتي بإنو يكون ليكم راي واحد ومحبة وحده ونفس وحده وفِكر واحد۔ 3ما يكون بيِنَكم شي من التحزب والافتخار البطَّال، وعلى كل واحد فيكم إنه يتواضع وانو يِعتَبِر غيرو احسن من نفسو، 4ما يهتم بمصلحتو هوَّا بس كمان يهتم بمصالح الباقين۔ 5وخلي يكون عندكم ذا الفِكر اللي عند المسيح يسوع۔ 6هوَّا انو، وهوا كائن زي شكل الله، ما اعتبر مساواتو با الله استغلال، او مكسب يِتمسَّك فيه؛ 7لكن خلَّا نفسو، بصورة عبد، يشبه البشر؛ 8و إذا بان على شَكِلْ إنسان، ركَّز في التذَلُّل، وصار مطيع الين الموت، موتَ الصليب۔ 9عشان كذا كمانا رفعو الله عالي جداً، وأدّالو إسم اللي فوق كل إسم، 10عشان تِنحني و تسجد لإسم يسوع كلِّ ركبة، سواءً كانت في السما او الارض او تحت الارض، 11و عشان يعترف كل لِسان بإنو يسوع المسيح هوا الرب، لِمجد الله الأب۔

سَووُّ كل حاجة بدون ما تِتأفأفو و تتذمرو

12طيب، حبايبي، زي ما كنتو بتطيعو دايما، مو لما انا موجود وبس، لكن الأحسن يكون اكثر وانا غايب، كمان اتعبو علشان تِكَمِّلو خلاصكم بخوف ورهبة، 13لِأنو الله هوا اللي يحط فيكم الارادة والشُغُل عشان رِضاه۔ 14وسَووُّ كُل شي بدون ما تتزمروا او تِهْرِجو كثِير، 15عشان تِكونو بدون اذيَّة و بُسَطا، اولاد ِلله بدون خطايا وسط جيل صايع و خربان، تنَوِّروا بيِنَهُم زيَّ النجوم في العالم، 16شايلين كِلمَة الحياة، عشان تِكونو في يومَ مجيء المسيح مفْتَخرِين إني ما تِعبت بس هرج ولا تعبت على الفاضي۔ 17حتى لو دمي إتهدر فوق ذبيحة ايمانكُم وخدمتو، فأنا افرح وأتونس معاكم كُلَّكُم۔ 18انتو كمان افرحوا ، افرحوا معايا۔

تيموثاوس وأبفروديتس

19وكمان أتمنى مِن الرب يسوع اني من قَريب راح أرسِلَّكُم تِيمُوثَاوُس، عشان ترتاح نفسي وانا عندي اخبارَكُم وظروفَكُم۔ 20ماعندي احد غيرو يهتم زييِّ بحياتكم بإخلاص۔ 21لإنو الكُل يدورو ورا مصالحهم الي تخُصَّهُم، مو عشان المسيح يسوع۔ 22أماَّ تِيمُوثَاوُسُ، فا انتو عارفين انو مُمتَحن، وترا خدم معايا في التبشير بالانجيل كأنو ولد بيساعد ابوه. 23أتمنى إني أرسلو لما يبان معايا كيف تصير ظروفي. 24بس عندي ثِقة في الرب إني، أنا نفسي، جاي ليكم قريب. 25لكن شُفت إنو لازِم ارسِلَّكم أَبَفْرُودِيتُسَ، أخويا ومعاوني وصَاحْبِي في الكِفاح، والمُرسل من عندكم عشان يِسُد عازتي، 26ترا كنتو واحشينو كلَّكُم، وزعلان عشان سِمِعْتو بمرضو۔ 27و مِرض إلين ما كان رح يموت، ولكن الله شفق عليه، و مو لوحدو، انا كمان معاه، عشان ما احزن زيادة فوق حزن. 28و عشان كذا استعجلت كثير إني أرسلو ليكم، عشان اذا شفتووه ثاني مره تفرحو انتو و أنا يقل حزني. 29و تقبلووه بالرب بكل سعاده، و عاملو اللي زيو كويس وبكرم. 30لانو بسبب عَمَلَ المسيح راح يموت، وخاطر بحياتو عشان يكمل نقص خدمتكم ليَّا.

Currently Selected:

فيلبي 2: HNAV

Highlight

Copy