فيلبي 4
4
افرحوا في الرب دايماً
1اذاً، ياخواني الاحباء واللي مشتاق ليهم، و فرحي واكليلي، كذا اثبتوا في الرب يا حبايبي.
2بنصح أفودية، زي ما بنصح سنتيخي، انو يكون ليهم، في الرب، نفس التفكير، نصيحة وحث 3إيوه، بطلب منك انت كمان، يا زميلي المُخلص، انك تساعدهم، لانهم الاثنين تعبو معايه بخدمة الانجيل، هم و َأَكْلِيمَنْدُس والناس اللي ساعدوني كمان، الي مكتوبة اسمائهم في كتاب الحياة.
نصايح نختم فيها
4افرحوا في الرب دايما، و أقول كمان: افرحوا. 5ولازم الكل يعرف عن صبركم. و الرب قريب. 6لا تقلقوا من أي حاجة، خلو طلباتكم معروفة عند الله، بالصلاة والدعاء، مع الشكر. 7وسلام الله، اللي يفوق كل العقول، يحمي قلوبكم وافكاركم في المسيح يسوع.
8و في النهاية يا اخوان: كل شي حق، كل شي شريف، كل شي عادل، كل شي طاهر و كل شي مستحب، و كل شي سُمعتو طيبة، و كل شي فيه فضيلة وصفة طيبة، اشغلو افكاركم فيه. 9اشتغلو بكل حاجة اتعلمتوها واستقبلتوها وسمعتوها مني وشفتوها فيَّا. و إله السلام يكون معاكم.
الشكر عشان العطايا
10و بعدين أنا افرح بالرب فرح مرة كثير لأنكم جدَّدتو فيَّا اهتمامكم مرة ثانية. و مع انو كان ليكم زي ذا الاهتمام، بس الفرصة ما جات ليكم من قبل. 11ما بقصد اني كنت محتاج، فأنا أتعلمت اني اكون مقتنع على كل حال. 12و أعرف كيف اعيش و انا محتاج، و كيف لمَّا اعيش في البركة. انا بكل شي، و بكل الاحوال، متعود على الشبع وعلى الجوع، و اني أعيش في العز أو في الحاجة. 13إني بقدر على كل حاجة، و المسيح هواللي بيديني القوة. 14بس انتو عملتو الخير انتو ساعدتوني في اني اعدي أزمتي.
15و تعرفو كمان، يا مؤمنين فيلبي، انو لما بدأت خدمتي للانجيل، كانت بداية جيَّتي من منطقة مقدونية، وما في كنيسة ساعدتني و ساهمت في العطاء الا انتو بس. 16حتى وانا بمدينة تَسَالُونِيكِي، ادّيتوني كل حاجة كنت ابغاها، و اكثر من مرة كمان. 17و الحقيقة اني ما ادور على العطايا، ادور على الفايدة الكبيرة لحسابكم.
18و عندي دحين كل اللي ابغاه وزيادة. انا في عيشة هنية و أخذت من أَبَفْرُودِيتُس اللي ارسلتولي هو، عطر ريحتو مرة حلوة، ذبيحة بيقبلها الله ويفرح بيها.َ 19و ربي راح ييسد حاجاتكم كلها بالكامل بحسب غناه في المجد، في المسيح يسوع. 20لربنا و ابونا، المجد الى دهر الدهور. آمين!
تحيات ختامية
21سلمو على كل قديس في المسيح يسوع.
22الإخوان اللي معايا يسلمو عليكم. ويسلمو عليكم كل القديسين، وبالذات اللي هَّم كمان من جماعة القيصر. 23نعمة ربنا يسوع المسيح تكون مع روحكم. آمين!
Currently Selected:
فيلبي 4: HNAV
Highlight
Share
Copy
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group
