ACTS 6
6
Bo, Pang" Thoug Wa Shid, Mo Byu Nyhed' Yug Khyen: Yu Khyoo:
1Hau: thang: atoung" myang" ri cangzoo: yi: gi myo: loung: lo nyid wigi Grid" myeing" kaid da" Yuda byu yi yo' Yuda myeing" kaid' da" Yuda yi da" agyoo: moo myeing" myoo: goo" wa khyoo: thu' lo da. Khasu" wim gari Grid", myeing" kaid da" Yuda yi gi nyid" khang" moo" nyangnu" da" coung" moo" myhi, yi ri gam, byid: da" zookhoo: ngei ri ngab, sho' - agam byid: boem ga: tid nyid ago". 2Houg: yoomo lagyoo: yi da axe: eig youg bang: gi loem" jeung" da" phung: byu dangain" bang: ri khe: yu lho: ngoonu" gi Mangso da" mungdang: ri kho" kyoo" wa ayo, ri shu' to" lho: Alu ngei zoem: pyoo: gam, byid: da" moo" ri zei: wa shid re" gi ayo, aboo nghoid da. 3Mang: nhung" yi we" hougsu" nghoid nyid yoomo gyeungshang: da" Venyi byeung" ziyo' phajhi" bo da" byu nyhed yug ri nanu" da" phung mo khyen: thu yu ge'. He: da" moozoo" ri Aseing: koid lho: zei: nyid wa shid re" ngoonu" gi nyangnu" ri nyheung too" ca" wa zi nghoid. 4Ngoonu" koem gi akyu" mho' ziyo' kho' kyo" da" moozoo" voin vu, da" jang" moo ayo, byeung" sho' byid: pyam' ca" nyid ga: tid ago".
5Loem khoug: bang: daphung goin" gi lagyoo: yi tid fang da" dang: khoin" ri gyo: ngei boem bye- houg: yoomo nyangnu" gi loem" jeung" da" nheigloem: gyi: ziyo' gyeungshang: Venyi byeung" da- Stephain ga: su- Philib, Prokuru- Nikanora- Timun- Parmena- yo' Nikola ri khyen: yu boem ago". Hau: Nikola ga:" su: gi Antioki Voogung mo, Yuda noku thung" khoug: mo wigi phung: vang lo da- tungbau byumyu" nghoid. 6Phung byu yi gi hau: khyen: yu too" bang: ri lagyoo: yi da" shid' khoin" moo nyid nhang: to" ago- lagyoo: yi gi houg: bang: tho' moo lo, ke" lho: wigi Akyu" mho' byid: ago".
7Houg: yoomo Mangso da" mungda in: gi xo' loo: xo' je" fu" nheung loo" bye- Yerusalem voomoo" mo da" cangzoo: yi gi je" je, myo: tham: lo wigi khainjung agyi yi myoo" sho' mo, we' - loem" jeung" lo boem ago".
Stephain Ri: Myheug Lo" Zi Shau" khyoo:
8Stephain rigi agoin ago" da" mainkaid jeju" yo' yoem: vhoo" byeung" sho' byid: too" yoomo mung" byu yi da" shid khoin" moo mau" pho" da" alhoo: again joem yo' mau" pho" moozoo" gyi sho' koid shug byid: bye. 9Nghoid loug we' Alesandru yo' Koreni voogung mo Yuda byu yi we' bo da- lhoid pyoin kaid' zi shau" mo, da" tarha" jung moo bo nyid mo, dayham" gi Stephain ri ngeug pyam boem ago". Nyang: nu" yo' kiliki- Asia meing: mo mo, Yuda byu yi gi Stephain yo' coem, tid byo, go" nyid boem. 10Nghoid loug we' gyeungshang: Venyi gi Stephain ri phajhi" zeing byid: too" yoomo Stephain tid kaid' da" dang: ri nyangnu" ayo" phoug tu" nghoid ago". 11Houg: yoomo nyangnu" gi byu dayham" ri khoug: vhoid' byid: lho: byu he: yug gi Moshe ri we' Mangsoo ri we' - juang" gei, sang: dang: tid nyid ziri ngoonu" shaug" gyoo: bye- ga: tid nhang: ago". 12Hougsu" wigi nyangnu" gi mung" byu yi mo vhu" jhung: koid da" ludaid' yi yo' tarha" sara yi ri lu: to' loo nhang: ago". Nyang: nu" gi Stephain ri myheug yu lho: tarha" yab, do' khyoo: shu" yu to" ago". 13Hau: thang: ri nyangnu" gi Stephain da" Khyoo: ri mhau' da" sagsi: kham, wa da" byu dayham" ri we' khe: to" ago". Hau: sagsi: kham, wa mo, gi Byu he: yug gi hau: noku yhoem: moo" ri we' Moshe da" tarha" ri khanham we' juang" yi gei sang: nyid. 14Nazared mo Yesu gi hau: Mangso da" yhoem: moo" ri phyo' pyam' lho: Moshe ngoonu" ri byid: to" da" thung" tarha" ri thed' pyam' byid: loo wa ga: he: yug tid nyid ziri ngoonu" shaug" gyoo: bye:- ga: sagsi: kham, byid: boem ago". 15Tarha" yab, do' moo zhoung: jo, mo, dangain" gi Stephain ri zheung: yu" zhoug to" uri Stephain da" myonhoo: gi mauglagyo: myonhoo: yo' du, lo" ziri shau" myang yu ago".
Currently Selected:
ACTS 6: LCL
Highlight
Share
Copy
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.
