Kɛɛradzin neè faadziɛ 12
12
Erodzì Piyɛrì jiu min niì kàsoò doùn, mɛ̀rɛ̀kɛɛ̀ y'à bo
1Tɔ̀ waatsi rɔn, màsà kpiri Erodzì yè ɲɛynamoo kur'là mòdzin neè swey kun è byɛnbe ɲɛn twɛy tsɛ. 2Tɔ̀un, nìi kɛɛradzin Yùxanà raa tsìnà kpiri Yàkubà, à y'à to, yè tɔ̀ vu kaamunun ka. 3À y'à jàu ci tɔ̀ goò faumaà dzibeu Dzyèèsìbee mòdzin neè rà nìi fa, à y'à to yè Piyɛrì sa kun. À fau 'buru fu bɛɛ' sɛr'la waatsi rɔn nì. 4#Jdk 12.1-27.Piyɛrì kuun, à y'à to y'à ji kàsoò doùn. Tɔ̀un, è kaadzin kuru nààlen tsùù, kuru soo soo sa mòkun naàlen nààlen, ci twɛy yè Piyɛrì kplatsuɔ. À sàò na ni à re Geren n tsɛɛ̀ sɛr'là rìì yè dɔ̀n bo ŋe, Piyɛrì yè kòmànà bo è kitsi mòdzian jaa ra. 5Piyɛrì dzii tsyeeŋmaà kàsoò rà, kaadzin neè yè bà à kplatsuɔ, ɲɛynamoo kur'là kpɛ̀yn na Ŋaablà mafyɛ̀ɛn à re nìi tsuru, à na à màfyɛ̀ɛn à re tɔ̀ rii tsuru.
6Àwà, Erodzì na nà Piyɛrì bo kàsoò doùn gbey tsuru, è kitsi. Fen nɔ̀n, Piyɛrì na shiɔ̀ jɔ̀rɔ̀kɔ fii ka, è bà ɲɛɔ̀n, è ciɛ̀ kaadzin fii shiɲaanfi. Tɔ̀ y'a tàrà kaadzin neè swey sa na ni kàsò gbà dziɛ rà, twɛy yè bà tɔ̀ kplatsuɔ. 7Tɔ̀un, mùn Tsìfaà rè mɛ̀rɛ̀kɛ sɔn yeè nà bàràma bo jaa soo. Kàsò gbaà doòn sapɛ yeè bà vyevyee brìsi tà nɔ̀nkɔɔrɔn. Mɛ̀rɛ̀kɛɛ̀ yè Piyɛrì màban ban e gaakaa rà, à y'à kpunan, ci è fù tabe tabe. Tɔ̀ nɔ̀nkɔɔrɔn ko e sa, jɔ̀rɔ̀kɔ reè yè tɔrɔn bo Piyɛrì si rèè rà. 8Mɛ̀rɛ̀kɛɛ̀ yè sèè è dzin à ra kɔn ci: «A re ɲànshìàgee ka a ɲanshì, a re seereyn neè wɔ.» Piyɛrì yè tɔ̀ fa. Ta dòu, mɛ̀rɛ̀kɛɛ̀ yè dzin kɔn ci: «Dòònuùn a re mɛ̀yɛ blaa ji a ma, a gban n kpɛyn.»
9Tɔ̀un, Piyɛrì yè e gban à kpɛyn è bo. Mɛ̀rɛ̀kɛɛ̀ na ni tɔ̀ niì sapɛ ra, Piyɛrì naà à tɔ̀ ci à sààben goo taki rii waa. Tɔ̀ sapɛ ɲan, Piyɛrì na à siɛ̀n, ci wo sìràan rìì. 10Tɔ̀un, kaadzin niì reè y'à kplatsuɔ, twɛy kuru jɔnaa, yè nà dɔ̀n bo twɛy tɛyn. Kuru fiiraa, yè nà dɔ̀n bo twɛy sa tɛyn. Yè kòmànà wɔ dziɛ̀ tsɛ, myɛ̀ɛ̀n koon ka tɔ̀ tsyeeŋna, à jaa yè bà jiɔ̀ wɔ̀ɔ̀ rà. È wɔu mɔn, tɔ̀ dzii rèe yè siin, è san e yɛrɛ ma. Dziɛ̀ saun, yè bo tɔ̀un, yè geren shi sɔn ka. È bèkɔɔn, Piyɛrì jaa yè nà bè bàràma fɔ mɛ̀rɛ̀kɛɛ̀ rà.
11Tɔ̀un, Piyɛrì akiri nàu à jà, è dzin ci: «Dòònuùn, mun y'à jàu ci à sààben taki rii. Mùn Tsìfaà yè e re mɛ̀rɛ̀kɛɛ̀ ka nau, è nà mun tsi bo Erodzì suun. Dzyèèsìbee mòdzin neè sàò to na ni yè gooɲaan ge o ge fa mun na, è mun tsi twɛy sa ra.»
12Àwà, kàràndzin sɔn na ni ci Yùxanà, yè bà à kir'là ci Marikì. Piyɛrì nàu e akiri yaa bouma tàrà, è dɔ̀n be tɔ̀ Yùxanà tsoo naà rè tsii, tɔ̀ tsoo ci Mariyamùn. Kàràndzin neè giri na e ladzyèeŋnà mɔn, yè bà Ŋaablà mafyɛ̀ɛn. 13Piyɛrì bèu wɔ, à yè dɔ̀nmàdziɛ màban. Tɔ̀un, faagoofadzin cangur'lii sɔn na ni, tɔ̀ tsoo Òrodzì. Tɔ̀ yeè nà dziɛ̀ rà, è tey fa, ci à tsì rii. 14È Piyɛrì vuà tɔ̀. Tɔ̀un, à taama dzibe ɲaanfaa suun, sani è dziɛ̀ san, à na tɔ̀ fa waa. È vwɛ̀yn sèè, è bè dzin dzyee rèè rà ci: «À Piyɛr'lì ! À ni dziɛ̀ rà, da rɔ̀n.» 15Twɛy yè dzin à ra ci: «Fa jiɔ̀ wo ɲan gbɛ ?»
Tà ko e sa ra, cangur'la ci à wò rii taki. Yè dzin, ci tà bwèy, à y'à mɛ̀rɛ̀kɛɛ̀ rìì. 16Tà sapɛ ɲan, Piyɛrì ni dziɛ̀ màbaan rà. Yè nà dziɛ̀ san tɔ̀un. Y'à jàu min niì, è ji è sapɛ dzii tsɛ. 17Tà doùn, Piyɛrì yè e si ŋààn è ra, ci yè e mɛnshɛ̀n. Tà shɔ̀ùn, mùn Tsìfaà y'à bou nìi tsuru kàsoò doùn, è tɔ̀ sapɛ lakɛ̀ɛ̀y è ra. Yàkùbà tsoo kpɛrɛ nìi ni, è dzin, ci yè tɔ̀ ko kàràndzìn dzyee reè sapɛ toro kɔ̀ tɔ̀ goomaa nà. Tà shɔ̀ùn, è bo mɔn, è dɔ̀n be min kpɛrɛkuru.
18Jià nàu seey min niì, à goò yè bà akiri fu kaadzin neè rè. È ci Piyɛrì yè bà dɔ̀un min ? 19Erodzì yè mòdzin ì ji y'à gaa. Ŋà, è na à gaaŋma jà min sɔn pɛn. Tɔ̀un, è Piyɛrì kplatsuubaa kaadzin neè kiri, è twɛy tey. Tà doùn, è shia sìn, ci yè è vu. Àwà, Erodzì yè bo Yude mar'la ɲàn tɔ̀un, è dɔ̀n be Sezare, è bè waatsi danman fa mɔn.
Erodzì saun nìi tsuru
20Àwà, Erodzì vunun na taɔ Tsiirika reè ko Sidɔnka reè kpɛyn fɔ è bè geren. Twɛy yè byɛ̀n à mà, ci ye nà mòdzin ì fù, twɛy yè b'a re, yè b'a sòròn. Kpiri sɔn na ni, ci Blasitusì. Wò rii na Erodzì ɲaangbaa goojaabobaa. Àwà, yè bè tɔ̀ kpir'la kpɛyn ŋe, yè bè tɔ̀ bà e dzunwɛynsi. È ko tɔ̀ byɛ̀unmaà shɔ̀ùn goo rèè mà, yè kòmànà wɔ Erodzì tsɛ, yè bè byɛ̀n gaa à re. È tɔ̀ fau, kàtsu, è raa jàmaàn ɲwɛyn dziɛ giri na boò Erodzì raa jàmaàn nì tsɛ. 21Tà doùn, Erodzì yè jisee tsuù, ci byɛ̀n nèe goomaa nà dè tɔ̀ sii sèè. Tɔ̀ jisee wɔu, Erodzì yè e re màsà vya reè ji e ma, è nà e tsuù e re màsà gbaaniɛn tsɛ, è kaangoo ji jàmaà nà. 22Tɔ̀un, mòdzian yè e vu bo fààn na nèe tsuru ci: «Nèe na mòdzin goomakɔɔn waa, à ni a ci Ŋaablà rii goomaa !» 23Tɔ̀ waatsi soo ɲàn, mùn Tsìfaà rè mɛ̀rɛ̀kɛ sɔn yeè nà Erodzì ban, kàtsu blàbe niì na wù Ŋaablà ka, à tɔ̀ bàu e yɛr'laa. Tɔ̀un, à jaamakɔɔn, tsùun ì yè dɔ̀n à ɲan, è san.
24Àwà, Ŋaablà re goomaa kpɛ̀yn na jee ji beè nìi tsuru, à na jee ji beè tɔ̀ rii tsuru. 25Barinabasì ko Sɔlì na ka beò kùn nìi nà Yerusalɛmùn kàràndzin neè rè, è tɔ̀ jaa bo dòu, yè e kpɛyn sèè. È sèèkɔɔn, yè sèè ko Yùxanà ka e suun, è tɔ̀ niì kir'là, ci Marikì.
Currently Selected:
Kɛɛradzin neè faadziɛ 12: BDZU
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International
Kɛɛradzin neè faadziɛ 12
12
Erodzì Piyɛrì jiu min niì kàsoò doùn, mɛ̀rɛ̀kɛɛ̀ y'à bo
1Tɔ̀ waatsi rɔn, màsà kpiri Erodzì yè ɲɛynamoo kur'là mòdzin neè swey kun è byɛnbe ɲɛn twɛy tsɛ. 2Tɔ̀un, nìi kɛɛradzin Yùxanà raa tsìnà kpiri Yàkubà, à y'à to, yè tɔ̀ vu kaamunun ka. 3À y'à jàu ci tɔ̀ goò faumaà dzibeu Dzyèèsìbee mòdzin neè rà nìi fa, à y'à to yè Piyɛrì sa kun. À fau 'buru fu bɛɛ' sɛr'la waatsi rɔn nì. 4#Jdk 12.1-27.Piyɛrì kuun, à y'à to y'à ji kàsoò doùn. Tɔ̀un, è kaadzin kuru nààlen tsùù, kuru soo soo sa mòkun naàlen nààlen, ci twɛy yè Piyɛrì kplatsuɔ. À sàò na ni à re Geren n tsɛɛ̀ sɛr'là rìì yè dɔ̀n bo ŋe, Piyɛrì yè kòmànà bo è kitsi mòdzian jaa ra. 5Piyɛrì dzii tsyeeŋmaà kàsoò rà, kaadzin neè yè bà à kplatsuɔ, ɲɛynamoo kur'là kpɛ̀yn na Ŋaablà mafyɛ̀ɛn à re nìi tsuru, à na à màfyɛ̀ɛn à re tɔ̀ rii tsuru.
6Àwà, Erodzì na nà Piyɛrì bo kàsoò doùn gbey tsuru, è kitsi. Fen nɔ̀n, Piyɛrì na shiɔ̀ jɔ̀rɔ̀kɔ fii ka, è bà ɲɛɔ̀n, è ciɛ̀ kaadzin fii shiɲaanfi. Tɔ̀ y'a tàrà kaadzin neè swey sa na ni kàsò gbà dziɛ rà, twɛy yè bà tɔ̀ kplatsuɔ. 7Tɔ̀un, mùn Tsìfaà rè mɛ̀rɛ̀kɛ sɔn yeè nà bàràma bo jaa soo. Kàsò gbaà doòn sapɛ yeè bà vyevyee brìsi tà nɔ̀nkɔɔrɔn. Mɛ̀rɛ̀kɛɛ̀ yè Piyɛrì màban ban e gaakaa rà, à y'à kpunan, ci è fù tabe tabe. Tɔ̀ nɔ̀nkɔɔrɔn ko e sa, jɔ̀rɔ̀kɔ reè yè tɔrɔn bo Piyɛrì si rèè rà. 8Mɛ̀rɛ̀kɛɛ̀ yè sèè è dzin à ra kɔn ci: «A re ɲànshìàgee ka a ɲanshì, a re seereyn neè wɔ.» Piyɛrì yè tɔ̀ fa. Ta dòu, mɛ̀rɛ̀kɛɛ̀ yè dzin kɔn ci: «Dòònuùn a re mɛ̀yɛ blaa ji a ma, a gban n kpɛyn.»
9Tɔ̀un, Piyɛrì yè e gban à kpɛyn è bo. Mɛ̀rɛ̀kɛɛ̀ na ni tɔ̀ niì sapɛ ra, Piyɛrì naà à tɔ̀ ci à sààben goo taki rii waa. Tɔ̀ sapɛ ɲan, Piyɛrì na à siɛ̀n, ci wo sìràan rìì. 10Tɔ̀un, kaadzin niì reè y'à kplatsuɔ, twɛy kuru jɔnaa, yè nà dɔ̀n bo twɛy tɛyn. Kuru fiiraa, yè nà dɔ̀n bo twɛy sa tɛyn. Yè kòmànà wɔ dziɛ̀ tsɛ, myɛ̀ɛ̀n koon ka tɔ̀ tsyeeŋna, à jaa yè bà jiɔ̀ wɔ̀ɔ̀ rà. È wɔu mɔn, tɔ̀ dzii rèe yè siin, è san e yɛrɛ ma. Dziɛ̀ saun, yè bo tɔ̀un, yè geren shi sɔn ka. È bèkɔɔn, Piyɛrì jaa yè nà bè bàràma fɔ mɛ̀rɛ̀kɛɛ̀ rà.
11Tɔ̀un, Piyɛrì akiri nàu à jà, è dzin ci: «Dòònuùn, mun y'à jàu ci à sààben taki rii. Mùn Tsìfaà yè e re mɛ̀rɛ̀kɛɛ̀ ka nau, è nà mun tsi bo Erodzì suun. Dzyèèsìbee mòdzin neè sàò to na ni yè gooɲaan ge o ge fa mun na, è mun tsi twɛy sa ra.»
12Àwà, kàràndzin sɔn na ni ci Yùxanà, yè bà à kir'là ci Marikì. Piyɛrì nàu e akiri yaa bouma tàrà, è dɔ̀n be tɔ̀ Yùxanà tsoo naà rè tsii, tɔ̀ tsoo ci Mariyamùn. Kàràndzin neè giri na e ladzyèeŋnà mɔn, yè bà Ŋaablà mafyɛ̀ɛn. 13Piyɛrì bèu wɔ, à yè dɔ̀nmàdziɛ màban. Tɔ̀un, faagoofadzin cangur'lii sɔn na ni, tɔ̀ tsoo Òrodzì. Tɔ̀ yeè nà dziɛ̀ rà, è tey fa, ci à tsì rii. 14È Piyɛrì vuà tɔ̀. Tɔ̀un, à taama dzibe ɲaanfaa suun, sani è dziɛ̀ san, à na tɔ̀ fa waa. È vwɛ̀yn sèè, è bè dzin dzyee rèè rà ci: «À Piyɛr'lì ! À ni dziɛ̀ rà, da rɔ̀n.» 15Twɛy yè dzin à ra ci: «Fa jiɔ̀ wo ɲan gbɛ ?»
Tà ko e sa ra, cangur'la ci à wò rii taki. Yè dzin, ci tà bwèy, à y'à mɛ̀rɛ̀kɛɛ̀ rìì. 16Tà sapɛ ɲan, Piyɛrì ni dziɛ̀ màbaan rà. Yè nà dziɛ̀ san tɔ̀un. Y'à jàu min niì, è ji è sapɛ dzii tsɛ. 17Tà doùn, Piyɛrì yè e si ŋààn è ra, ci yè e mɛnshɛ̀n. Tà shɔ̀ùn, mùn Tsìfaà y'à bou nìi tsuru kàsoò doùn, è tɔ̀ sapɛ lakɛ̀ɛ̀y è ra. Yàkùbà tsoo kpɛrɛ nìi ni, è dzin, ci yè tɔ̀ ko kàràndzìn dzyee reè sapɛ toro kɔ̀ tɔ̀ goomaa nà. Tà shɔ̀ùn, è bo mɔn, è dɔ̀n be min kpɛrɛkuru.
18Jià nàu seey min niì, à goò yè bà akiri fu kaadzin neè rè. È ci Piyɛrì yè bà dɔ̀un min ? 19Erodzì yè mòdzin ì ji y'à gaa. Ŋà, è na à gaaŋma jà min sɔn pɛn. Tɔ̀un, è Piyɛrì kplatsuubaa kaadzin neè kiri, è twɛy tey. Tà doùn, è shia sìn, ci yè è vu. Àwà, Erodzì yè bo Yude mar'la ɲàn tɔ̀un, è dɔ̀n be Sezare, è bè waatsi danman fa mɔn.
Erodzì saun nìi tsuru
20Àwà, Erodzì vunun na taɔ Tsiirika reè ko Sidɔnka reè kpɛyn fɔ è bè geren. Twɛy yè byɛ̀n à mà, ci ye nà mòdzin ì fù, twɛy yè b'a re, yè b'a sòròn. Kpiri sɔn na ni, ci Blasitusì. Wò rii na Erodzì ɲaangbaa goojaabobaa. Àwà, yè bè tɔ̀ kpir'la kpɛyn ŋe, yè bè tɔ̀ bà e dzunwɛynsi. È ko tɔ̀ byɛ̀unmaà shɔ̀ùn goo rèè mà, yè kòmànà wɔ Erodzì tsɛ, yè bè byɛ̀n gaa à re. È tɔ̀ fau, kàtsu, è raa jàmaàn ɲwɛyn dziɛ giri na boò Erodzì raa jàmaàn nì tsɛ. 21Tà doùn, Erodzì yè jisee tsuù, ci byɛ̀n nèe goomaa nà dè tɔ̀ sii sèè. Tɔ̀ jisee wɔu, Erodzì yè e re màsà vya reè ji e ma, è nà e tsuù e re màsà gbaaniɛn tsɛ, è kaangoo ji jàmaà nà. 22Tɔ̀un, mòdzian yè e vu bo fààn na nèe tsuru ci: «Nèe na mòdzin goomakɔɔn waa, à ni a ci Ŋaablà rii goomaa !» 23Tɔ̀ waatsi soo ɲàn, mùn Tsìfaà rè mɛ̀rɛ̀kɛ sɔn yeè nà Erodzì ban, kàtsu blàbe niì na wù Ŋaablà ka, à tɔ̀ bàu e yɛr'laa. Tɔ̀un, à jaamakɔɔn, tsùun ì yè dɔ̀n à ɲan, è san.
24Àwà, Ŋaablà re goomaa kpɛ̀yn na jee ji beè nìi tsuru, à na jee ji beè tɔ̀ rii tsuru. 25Barinabasì ko Sɔlì na ka beò kùn nìi nà Yerusalɛmùn kàràndzin neè rè, è tɔ̀ jaa bo dòu, yè e kpɛyn sèè. È sèèkɔɔn, yè sèè ko Yùxanà ka e suun, è tɔ̀ niì kir'là, ci Marikì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International