Kɛɛradzin neè faadziɛ 11
11
Piyɛrì kpunan niì bou Yerusalɛmùn kàràndzin neè rà
1Àwà, kɛɛradzin niì reè, ko kàràndzin niì reè na ni Yude mar'la ɲàn, twɛy yè nà à myɛ̀n, ci kun kpɛrɛ mòdzin ì sa yeè e tsiiŋnà Ŋaablà re goomaa nà, nìì reè na Dzyèèsìbee mòdzin ì waa. 2Tɔ̀ doùn, Piyɛrì nàu e kpɛyn sèè Yerusalɛmùn waatsi riì bwèy, kàràndzin niì reè ni mɔn, yè bà Dzyèèsìbee mòdzin ì, twɛy yè e ɲinìnma dè Piyɛr'là. È ci à ra ci: 3«Wo sɔ̀bɛn ɔ Piyɛrì ! Wo yè bè dɔ̀n kun kpɛrɛ mòdzin ì nè tsii, nìì reè na shɛɔn waa, fɔ wo yè ɲwɛyn sa ɲɔn è ka kɛ̀ !»
4Tà shɔ̀ùn, à goò kuun nìi tsuru, Piyɛrì yè bo à jaa mà, à y'à sapɛ lakɛ̀ɛ̀y è ra soo soo, fɔ è bè vyɛ̀ e daùn. 5À ci: «Àwà, mun na ni Yɔpɛ̀ wɔ̀ rɔ̀n waatsi riì bwèy, è mun to Ŋaabla mafyɛɛ̀n nà, Ŋaabla gè sɔn kpadèu mun na jɛ̀y ɲan. Tɔ̀ gèè na ni a ci vya brìsi, è bà shiɔ̀ e nɔnkɔn nààleèn sapɛ ra. Àwà, vya rèe jàà bo nau ŋaablaxɔɔ̀ doùn, è nà fɔ mun tɛyn. 6Tɔ̀un, mun y'à siin to fur'lu, m'a jà shu kun sapɛ ni à doùn: sàn nààlèn ge ì ni, jòònshu ì ni, gè nìì reè yè e ger'na e don tsɛ, twɛy ni, kɛ̀yn neè yè bà ni. 7Tɔ̀un, mun yè vu sɔn myɛn, tɔ dziàn mun na ci: "Piyɛrì, fù, e shu rèe rèè sɔn vu, a tàà !"
8Mun to yè dzin ci: "Aa ɔ̀ɔɔn ! Tsìfaà, gè o ge ɲe cɛn, è bà nooŋnà, mun na tɔ̀ pɛn wɔ jà n dzu ŋe waa." 9Vuà to yè bo e jaa fiira ɲan kɔn jìran nɔ̀n, è dzin ci, Ŋaabla gè niì fɛnɛbeo, maà dzin tɔ nooŋnà waa. 10È fa tɔ̀ tsuru, fɔ jaa zhììgi, gèè sapɛ yeè kòmànà sen fu tèyn ŋaablaxɔɔ̀ doùn. 11Tɔ̀ waatsi soo yɛ̀r'la ɲàn, ɲe ni fɔɔn niì rè, kpiri mokun zhiigi yeè nà e tsiì tɔ̀ dɔ̀nmàdziɛ rà. È na twɛy kaɔ mun ne, yè bo Sezare wɔ̀ rɔ̀n. 12Ŋaablà re Dzia to yè dzin mun na, ci mun yè bè è ka, n mà n ciri siin tsu waa. Àwà, mùn neema kpiri tsunmɛn niì yɛ nèe, mun sa yeè twɛy bà n tɛy, ɲe yè dɔ̀n be Sezare. Tɔ̀un, kpir'liì mòdzin ì kau mun ne, ɲe yè bè dɔ̀n tɔ̀ re gbàà doùn. 13Àwà, ɲe bèu dɔ̀n mɔn, tɔ̀ kpir'la yè dzin ɲe ra, ci mɛ̀rɛ̀kɛ sɔn nàu e yɛrɛ kpadè wò ra e re gbàà doùn, è dzin wò ra ci, wò yeè mòò ka bè Yɔpɛ̀ wɔ̀ rɔ̀n, è bè kpiri sɔn kiri, nìi tsoo ci Shimɔ̀n, à tsoò sɔn yeè bà ci Piyɛrì. 14Tɔ̀un, ci wò ko e re fɔɔn re dzin neè dzia tsi nìi tsuru, ci à nà tɔ̀ dè wò ra. 15Àyìwà, tɔ̀ rii shɔ̀ùn, mun yè kòmànà n maa, min goomaa è ka. Mun ni goomaa nà, Ŋaablà re Dzi Fɛnɛɛ yè nà jàà è tsɛ, a ci à jàaŋ ɲe sa tsɛ nìi tsuru goo rèè dzii kun bwey rɔ̀n. 16#Kɛf 1.5.Tɔ̀ nɔ̀nkɔɔrɔn, mun taa yeè to Tsìfaà rè gooma ree re ci: "Yùxanà mòdzian jaara fooŋ Ŋaablà re shia goo rèè rà ko yu rìì ka. Ŋà, nìi ye, ye jaara nà fòò ko Ŋaablà re Dzi Fɛnɛɛ rìì ka."
17Àwà, ɲe ɲɛunmaà doùn Tsìfa Yesù Kirisà rà, Ŋaablà yeè e re Dzi riì ka ɲe blàbeu, à tà soo rìì ka nèe rèè sa blabeu. Mun to tsì rii, mun yè b'à ni dzi Ŋaablà sɔswɛy ?»
18È dziu twɛy gooma reè myɛ̀n Piyɛrì dzu min niì, tɔ̀ yeè è vunun cin. Yè blàbe ɲɛn Ŋaablà tsɛ, yè dzin ci: «À sààben taki, nìì reè na Dzyèèsìbee mòdzin ì waa, twɛy nà dzi seè bo gooɲaan kpɛyn, yè e re jaamabee fau'n kur'la lakere nìi tsuru, yè jaamabe takia tàrà, Ŋaablà yeè e tsiiŋ tɔ̀ ra twɛy rè.»
Mòò giri bàmaà Yesù rè kàràndzin Antsiyɔshì wɔ̀ rɔ̀n
19 #
Kɛf 8.1-4. Àyìwà, Etsiyɛnìn vuumaà shɔ̀ùn, Dzyèèsìbee mòdzin neè byɛnbe ɲaùn nìi jiu Yesù rè kàràndzin neè tsɛ, tɔ̀ na è vwɛ̀yn jeeŋna min niì sapɛ. È ɲan, swey bèu fɔ jàmàan sɔn ɲan, ci Fenisi, swey yè bè Shipùrù jàmàan nɔ̀n, swey yè bè wɔ̀ sɔn ɲan, ci Antsiyɔshì. Ŋà, Dzyèèsìbee mòdzin neè boshɔ̀ùn, è naà mòò kpɛrɛ toro kɔ̀ɔ Ŋaablà re goomaa nà waa. 20Tɔ̀ y'a tàrà, swey na ni è ɲan, twɛy yè bà boò Shipùrù jàmàan nɔ̀n, ko Sirɛnìn wɔ̀ rɔ̀n. Tà doùn, twɛy yè bè Antsiyɔshì, yè bè mòdzin ì toro kɔ̀ Tsìfa Yesù rè Kùnàgoo Dziɔ̀ goomaa nà, nìì reè na Dzyèèsìbee mòdzin ì waa. 21Mùn Tsìfa Ŋaablà na ni twɛy kàràndzin neè ka, è bà wɔɔ̀ è ra. Tɔ̀ baraka rɔ̀n, mòò giri yè ɲɛn è ra, yè e tsiì Tsìfaà rà.
22Tɔ̀ ɲan, ɲɛynamoo kur'lìi ni Yerusalɛmùn, tɔ tɔ̀ kùnàgoo myɛ̀un min niì, yè Barinabasì ka bè Antsiyɔshì. 23Àwà, Barinabasì bèu wɔ mɔn, goo nìi fau twɛy mòdzin neè rè, Ŋaablà baraka rɔ̀n, à jaadzin yeè ɲɛn tɔ̀ mà. Tɔ̀un, à taama yè dzibe cɛyn. À yè è màxɔ̀n, ci yè e shi tsùù Ŋaablà ra kudɛyn, è mà bo tɔ̀ tsɛ waa. 24Barinabasì na mòò riì kuru, àwà, à na mòdzin jaawuen, Ŋaablà re Dzi Fɛnɛɛ ni à ɲan, è bà ɲɛɔ̀n Ŋaablà ra. Tà doùn, mòò giri yè e shi Tsìfaà rà. 25Tà shɔ̀ùn, Barinabasì yè bè Tarisì, è bè Sɔlì gàne gaa. 26Àwà, à Sɔlì jàu, yè bè esire Antsiyɔshì. Tɔ̀un, yè to esire faagoò rà mɔn, ko tɔ̀ gàneè ɲɛynamoo kur'là ka, è bè tàrà, fɔ jii soo. Tà doùn, yè mòò giri kàràn Ŋaablà re shia goo rèè rà. Yesù rè kàràndzin neè yè kiri 'kèrètsyɛn', nìi dzuɔn Yesù kpɛyn dzin neè, tɔ jɔ̀un Antsiyɔshì rìì.
Antsiyɔshì kàràndzin neè nìi fau Yude mar'la kàràndzin neè rè
27Àwà, mòdzin swey na ni, twɛy yè bà Ŋaablà re kɛɛrabee faa mòdzian rè. Tɔ̀un, twɛy mòdzin neè swey yè bo Yerusalɛmùn kàràndzin kur'là ɲàn tɔ̀ waatsi rɔn, yè bè Antsiyɔshì. 28#Kɛf 21.10.Mòò sɔn na ni è ɲan, tɔ̀ tsoo yè bà ci Agabusì. Tɔ̀ yeè fù, è dzin Ŋaablà re Dzia baraka rɔ̀n, ci sani dɛyn, dzu bla nà ji dziɲantsiɛ min niì sapɛ. Tɔ̀ dzu rèe nàu ji Ɔ̀rɔmùn màsà kpiri blà sɔn ni naa waatsi ɲan, nìi tsoo ci Kloodzì. 29Tà dzuà doùn, kàràndzin niì reè ni Antsiyɔshì, twɛy yè byɛ̀n à mà, ci ye e si ji e si tsɛ, è sa ko e bɛrɛ. Tɔ̀ tsuru, ye kàràndzìnsi niì reè ni Yude mar'la ɲàn, ye nà tɔ̀ ka bè è re, y'à ka e yɛrɛ dzwɛma. 30È to tɔ̀ rii fau. Yè e si ji e si tsɛ tɔ̀un, y'à sìn Barinabasì ko Sɔlì rà, ci yè b'a sìn Yude mar'la kàràndzìn kur'là jɔundzin neè rà.
Currently Selected:
Kɛɛradzin neè faadziɛ 11: BDZU
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International
Kɛɛradzin neè faadziɛ 11
11
Piyɛrì kpunan niì bou Yerusalɛmùn kàràndzin neè rà
1Àwà, kɛɛradzin niì reè, ko kàràndzin niì reè na ni Yude mar'la ɲàn, twɛy yè nà à myɛ̀n, ci kun kpɛrɛ mòdzin ì sa yeè e tsiiŋnà Ŋaablà re goomaa nà, nìì reè na Dzyèèsìbee mòdzin ì waa. 2Tɔ̀ doùn, Piyɛrì nàu e kpɛyn sèè Yerusalɛmùn waatsi riì bwèy, kàràndzin niì reè ni mɔn, yè bà Dzyèèsìbee mòdzin ì, twɛy yè e ɲinìnma dè Piyɛr'là. È ci à ra ci: 3«Wo sɔ̀bɛn ɔ Piyɛrì ! Wo yè bè dɔ̀n kun kpɛrɛ mòdzin ì nè tsii, nìì reè na shɛɔn waa, fɔ wo yè ɲwɛyn sa ɲɔn è ka kɛ̀ !»
4Tà shɔ̀ùn, à goò kuun nìi tsuru, Piyɛrì yè bo à jaa mà, à y'à sapɛ lakɛ̀ɛ̀y è ra soo soo, fɔ è bè vyɛ̀ e daùn. 5À ci: «Àwà, mun na ni Yɔpɛ̀ wɔ̀ rɔ̀n waatsi riì bwèy, è mun to Ŋaabla mafyɛɛ̀n nà, Ŋaabla gè sɔn kpadèu mun na jɛ̀y ɲan. Tɔ̀ gèè na ni a ci vya brìsi, è bà shiɔ̀ e nɔnkɔn nààleèn sapɛ ra. Àwà, vya rèe jàà bo nau ŋaablaxɔɔ̀ doùn, è nà fɔ mun tɛyn. 6Tɔ̀un, mun y'à siin to fur'lu, m'a jà shu kun sapɛ ni à doùn: sàn nààlèn ge ì ni, jòònshu ì ni, gè nìì reè yè e ger'na e don tsɛ, twɛy ni, kɛ̀yn neè yè bà ni. 7Tɔ̀un, mun yè vu sɔn myɛn, tɔ dziàn mun na ci: "Piyɛrì, fù, e shu rèe rèè sɔn vu, a tàà !"
8Mun to yè dzin ci: "Aa ɔ̀ɔɔn ! Tsìfaà, gè o ge ɲe cɛn, è bà nooŋnà, mun na tɔ̀ pɛn wɔ jà n dzu ŋe waa." 9Vuà to yè bo e jaa fiira ɲan kɔn jìran nɔ̀n, è dzin ci, Ŋaabla gè niì fɛnɛbeo, maà dzin tɔ nooŋnà waa. 10È fa tɔ̀ tsuru, fɔ jaa zhììgi, gèè sapɛ yeè kòmànà sen fu tèyn ŋaablaxɔɔ̀ doùn. 11Tɔ̀ waatsi soo yɛ̀r'la ɲàn, ɲe ni fɔɔn niì rè, kpiri mokun zhiigi yeè nà e tsiì tɔ̀ dɔ̀nmàdziɛ rà. È na twɛy kaɔ mun ne, yè bo Sezare wɔ̀ rɔ̀n. 12Ŋaablà re Dzia to yè dzin mun na, ci mun yè bè è ka, n mà n ciri siin tsu waa. Àwà, mùn neema kpiri tsunmɛn niì yɛ nèe, mun sa yeè twɛy bà n tɛy, ɲe yè dɔ̀n be Sezare. Tɔ̀un, kpir'liì mòdzin ì kau mun ne, ɲe yè bè dɔ̀n tɔ̀ re gbàà doùn. 13Àwà, ɲe bèu dɔ̀n mɔn, tɔ̀ kpir'la yè dzin ɲe ra, ci mɛ̀rɛ̀kɛ sɔn nàu e yɛrɛ kpadè wò ra e re gbàà doùn, è dzin wò ra ci, wò yeè mòò ka bè Yɔpɛ̀ wɔ̀ rɔ̀n, è bè kpiri sɔn kiri, nìi tsoo ci Shimɔ̀n, à tsoò sɔn yeè bà ci Piyɛrì. 14Tɔ̀un, ci wò ko e re fɔɔn re dzin neè dzia tsi nìi tsuru, ci à nà tɔ̀ dè wò ra. 15Àyìwà, tɔ̀ rii shɔ̀ùn, mun yè kòmànà n maa, min goomaa è ka. Mun ni goomaa nà, Ŋaablà re Dzi Fɛnɛɛ yè nà jàà è tsɛ, a ci à jàaŋ ɲe sa tsɛ nìi tsuru goo rèè dzii kun bwey rɔ̀n. 16#Kɛf 1.5.Tɔ̀ nɔ̀nkɔɔrɔn, mun taa yeè to Tsìfaà rè gooma ree re ci: "Yùxanà mòdzian jaara fooŋ Ŋaablà re shia goo rèè rà ko yu rìì ka. Ŋà, nìi ye, ye jaara nà fòò ko Ŋaablà re Dzi Fɛnɛɛ rìì ka."
17Àwà, ɲe ɲɛunmaà doùn Tsìfa Yesù Kirisà rà, Ŋaablà yeè e re Dzi riì ka ɲe blàbeu, à tà soo rìì ka nèe rèè sa blabeu. Mun to tsì rii, mun yè b'à ni dzi Ŋaablà sɔswɛy ?»
18È dziu twɛy gooma reè myɛ̀n Piyɛrì dzu min niì, tɔ̀ yeè è vunun cin. Yè blàbe ɲɛn Ŋaablà tsɛ, yè dzin ci: «À sààben taki, nìì reè na Dzyèèsìbee mòdzin ì waa, twɛy nà dzi seè bo gooɲaan kpɛyn, yè e re jaamabee fau'n kur'la lakere nìi tsuru, yè jaamabe takia tàrà, Ŋaablà yeè e tsiiŋ tɔ̀ ra twɛy rè.»
Mòò giri bàmaà Yesù rè kàràndzin Antsiyɔshì wɔ̀ rɔ̀n
19 #
Kɛf 8.1-4. Àyìwà, Etsiyɛnìn vuumaà shɔ̀ùn, Dzyèèsìbee mòdzin neè byɛnbe ɲaùn nìi jiu Yesù rè kàràndzin neè tsɛ, tɔ̀ na è vwɛ̀yn jeeŋna min niì sapɛ. È ɲan, swey bèu fɔ jàmàan sɔn ɲan, ci Fenisi, swey yè bè Shipùrù jàmàan nɔ̀n, swey yè bè wɔ̀ sɔn ɲan, ci Antsiyɔshì. Ŋà, Dzyèèsìbee mòdzin neè boshɔ̀ùn, è naà mòò kpɛrɛ toro kɔ̀ɔ Ŋaablà re goomaa nà waa. 20Tɔ̀ y'a tàrà, swey na ni è ɲan, twɛy yè bà boò Shipùrù jàmàan nɔ̀n, ko Sirɛnìn wɔ̀ rɔ̀n. Tà doùn, twɛy yè bè Antsiyɔshì, yè bè mòdzin ì toro kɔ̀ Tsìfa Yesù rè Kùnàgoo Dziɔ̀ goomaa nà, nìì reè na Dzyèèsìbee mòdzin ì waa. 21Mùn Tsìfa Ŋaablà na ni twɛy kàràndzin neè ka, è bà wɔɔ̀ è ra. Tɔ̀ baraka rɔ̀n, mòò giri yè ɲɛn è ra, yè e tsiì Tsìfaà rà.
22Tɔ̀ ɲan, ɲɛynamoo kur'lìi ni Yerusalɛmùn, tɔ tɔ̀ kùnàgoo myɛ̀un min niì, yè Barinabasì ka bè Antsiyɔshì. 23Àwà, Barinabasì bèu wɔ mɔn, goo nìi fau twɛy mòdzin neè rè, Ŋaablà baraka rɔ̀n, à jaadzin yeè ɲɛn tɔ̀ mà. Tɔ̀un, à taama yè dzibe cɛyn. À yè è màxɔ̀n, ci yè e shi tsùù Ŋaablà ra kudɛyn, è mà bo tɔ̀ tsɛ waa. 24Barinabasì na mòò riì kuru, àwà, à na mòdzin jaawuen, Ŋaablà re Dzi Fɛnɛɛ ni à ɲan, è bà ɲɛɔ̀n Ŋaablà ra. Tà doùn, mòò giri yè e shi Tsìfaà rà. 25Tà shɔ̀ùn, Barinabasì yè bè Tarisì, è bè Sɔlì gàne gaa. 26Àwà, à Sɔlì jàu, yè bè esire Antsiyɔshì. Tɔ̀un, yè to esire faagoò rà mɔn, ko tɔ̀ gàneè ɲɛynamoo kur'là ka, è bè tàrà, fɔ jii soo. Tà doùn, yè mòò giri kàràn Ŋaablà re shia goo rèè rà. Yesù rè kàràndzin neè yè kiri 'kèrètsyɛn', nìi dzuɔn Yesù kpɛyn dzin neè, tɔ jɔ̀un Antsiyɔshì rìì.
Antsiyɔshì kàràndzin neè nìi fau Yude mar'la kàràndzin neè rè
27Àwà, mòdzin swey na ni, twɛy yè bà Ŋaablà re kɛɛrabee faa mòdzian rè. Tɔ̀un, twɛy mòdzin neè swey yè bo Yerusalɛmùn kàràndzin kur'là ɲàn tɔ̀ waatsi rɔn, yè bè Antsiyɔshì. 28#Kɛf 21.10.Mòò sɔn na ni è ɲan, tɔ̀ tsoo yè bà ci Agabusì. Tɔ̀ yeè fù, è dzin Ŋaablà re Dzia baraka rɔ̀n, ci sani dɛyn, dzu bla nà ji dziɲantsiɛ min niì sapɛ. Tɔ̀ dzu rèe nàu ji Ɔ̀rɔmùn màsà kpiri blà sɔn ni naa waatsi ɲan, nìi tsoo ci Kloodzì. 29Tà dzuà doùn, kàràndzin niì reè ni Antsiyɔshì, twɛy yè byɛ̀n à mà, ci ye e si ji e si tsɛ, è sa ko e bɛrɛ. Tɔ̀ tsuru, ye kàràndzìnsi niì reè ni Yude mar'la ɲàn, ye nà tɔ̀ ka bè è re, y'à ka e yɛrɛ dzwɛma. 30È to tɔ̀ rii fau. Yè e si ji e si tsɛ tɔ̀un, y'à sìn Barinabasì ko Sɔlì rà, ci yè b'a sìn Yude mar'la kàràndzìn kur'là jɔundzin neè rà.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International