Kɛɛradzin neè faadziɛ 10
10
Ŋaablà re mɛ̀rɛ̀kɛ sɔn yeè e yɛrɛ kpadèu Kɔrɔnayì rà min niì
1Àyìwà, kpiri sɔn na ni Sezare wɔ̀ rɔ̀n, tɔ̀ tsoo yè bà ci Kɔrɔnayì. À na Ɔ̀rɔmùn kaadzin kuntsiɛ sɔn ni. Kɔrɔnayì na kaadzin kur'lìi kùntsiɛ̀ sɔn, tɔ̀ na kir'là, ci 'Itali kaadzin kur'là'. 2Tɔ̀ kpir'la na shia Ŋaablà jɔun, à ko e re fɔɔn re dzin neè sa yeè bà na Ŋaablà blabee kudɛyn. À naà Dzyèèsìbee mòdzin waa, à to na wɔɔ̀ Dzyèèsìbee mòdzin gbakɔɔn gir'la, è bà Ŋaablà mafyɛ̀ɛn kudɛyn. 3Àyìwà, sii sɔn see ɲɛ̀rɛɛ̀ rà, bwèè màciunma na, Ŋaablà yeè gè sɔn kpadè Kɔrɔnayì rà jɛ̀y ɲan. È Ŋaablà re mɛ̀rɛ̀kɛ sɔn ja panparapa, tɔ dɔ̀ɔn à re gbàà doùn. Mɛ̀rɛ̀kɛɛ̀ yè Kɔrɔnayì kiri ci: «Kɔrɔnayì !» 4Kɔrɔnayì yè mɛ̀rɛ̀kɛɛ̀ siin, à shiɲaankɔɔn yeè tey fa ci: «Fee rìì, Tsìfaà ?» Mɛ̀rɛ̀kɛɛ̀ yè dzin à ra ci: «Wo re màfyɛyn nèè, tà ko wo goowùù niì faa gbakɔɔn reè rà, Ŋaabla twɛy goo rèè kààwɔuna, à to yè e taa too wo re. 5Àwà dòònuùn, mòdzin ì ka bè Yɔpɛ̀, yè bè kpiri sɔn kir'na mìin nìi tsoo ci Shimɔ̀n, à tsoò sɔn ci Piyɛrì. 6À jàaŋnà kpiri sɔn ne tsii, tɔ̀ sa tsoo ci Shimɔ̀n. Tɔ tsùn làmɔnɔnbaa rìì, à re gàneè yè bà ni kòòyua tɛyn.»
7Àwà, mɛ̀rɛ̀kɛɛ̀ gooma dou Kɔrɔnayì ka min niì, è geren. À gereun min niì, Kɔrɔnayì yè e re faagoofadzian fii kiri, ko kaadzin soo, tɔ ni à tɛyn faagoò rà fɔ waatsi gbaan, è bà shia Ŋaablà jɔun sa. 8Tɔ̀un, goo o goo fau, Kɔrɔnayì yè bo tɔ̀ sapɛ jaa mà, à y'à dè è ra, è kòmànà tàrà, à yè è ka bè Yɔpɛ̀.
Piyɛrì jɛ̀y fau goo rìi tsɛ
9Àyìwà, tɔ̀ raa gbey rɔn, faagoofadzin fiɛ̀, ko kaadzian bèkɔɔn nà shia rè, yè tsyɛnbe beè Yɔpɛ̀ wɔ̀ɔ̀ rà. Tɔ̀ y'a tàrà Piyɛr'laa Ŋaabla mafyɛn bwey wɔɔ, è tèyn gbàmaa tsɛ, ci wo nà Ŋaablà mafyɛ̀n, è kòrò bwèè ni sènfi. 10È Piyɛrì to mɔn, dzu y'à kun. À sàò na ni, wò yeè ɲwɛyn ɲɔn. Tɛy fa reè ni tɛɛ̀ rà Piyɛrì kɔ̀, Ŋaablà yeè gè sɔn kpadè à ra jɛ̀y ɲan. 11Tɔ̀un, è ŋaablaxɔɔ̀ dzii saunma jà. È gè sɔn ja, tɔ ni a ci vya brìsi, à shiɔ̀ e nɔnkɔn nààleèn sapɛ ra, è bà jàà naà dzɔn kèrè. 12Shu kun sapɛ na ni tɔ̀ gè ree doùn: sàn nààlèn ge ì ni, gè nìì reè yè e ger'na e don tsɛ, twɛy ni ko kɛ̀yn neè. 13Tɔ̀un, Piyɛrì yè vu sɔn myɛn, tɔ dziàn à ra ci: «Piyɛrì, fù, e shu ree reè sɔn vu, a tàà !» 14Ŋà, Piyɛrì yè dzin ci: «Aa ɔ̀ɔɔn ! Tsìfaà, gè o ge ɲe cɛn, è bà nooŋnà, mun na tɔ̀ pɛn wɔ jà n dzu ŋe waa.» 15Ŋà, vuà yè sèè è dzin à ra e jaa fiira ɲan ci: «Ŋaabla gè niì fɛnɛbeo, maà dzin ci tɔ nooŋnà waa !» 16À goò yè fa tɔ̀ tsuru, fɔ jaa zhììgi, gè ree yè kòmànà sen fu tèyn ŋaablaxɔɔ̀ doùn.
Kɔrɔnayì rè kɛɛra reè wɔu Piyɛrì tsɛ min niì
17Tɔ̀un, Piyɛrì duungoo yeè dò. À duungoo doumaà tɔ̀ tsuru, à goo nìi jàu, è maa, è yɛrɛ teè tɔ̀ dzuun ma. Tɔ̀ y'a tàrà, Kɔrɔnayì sa mòkun zhiigi niì reè kaɔ, twɛy sa naɔ̀ dɔ̀n wɔ̀ɔ̀ doùn, yè tey fa, ci Shimɔ̀n nè gàneè ni min. Àyìwà, gàneè kpàdèu twɛy rà, yè bè e tsiì fɔɔn dɔ̀nmàdziɛ rà. 18È tsìiŋmaà mɔn, yè kiri fa fɔɔn doùn, yè tey fa ci: «Shimɔ̀n, nìi tsoo ci Piyɛrì, tɔ jàaŋnà mìin nì ɔ̀n ?»
19Tɔ̀ sapɛ ɲan, Piyɛrì goo nìi jàu, tɔ̀ dzuɔn nìi, arì she à na e kɛsɛɛ̀ tɔ̀ ra ŋe. Tà doùn, Ŋaablà re Dzia yè dzin à ra ci: «Piyɛrì, a toro wɔ, mòkun zhiigi wo gaa. 20Fù, e jàà, a wa è ka, maà a ciri siin tsu waa, kàtsu mun nì yè è ka naɔ.»
Ŋaabla nìi ka à kpàdèu Piyɛr'là, ci wò na mòò bo mòò ɲàn waa
21Piyɛrì yè jàà tɔ̀un, è nà kpiri zhiigia rà, è dzin è ra ci: «Mun yɛ nèe, ye mòò riì gaa, à mun nì. Ye nà kuàn fee rìì ?» 22Twɛy yè dzin ci: «Kaadzin kuntsii niì tsoo ci Kɔrɔnayì, tɔ̀ rii ɲe ka naɔ. À mòdzin tereonma, à Ŋaablà blabee, à tsoo dzi yeè bà ni Dzyèèsìbee mòdzin neè sapɛ dzu. Ŋaablà re mɛ̀rɛ̀kɛ sɔn y'a gaaŋnà à re, ci è wo kiri na e re tsii, ci gooma ni wo re, wo y'à dè à ra.» 23Tɔ̀un, Piyɛrì yè kpiri zhiigia dɔ̀n fɔɔn rè, à y'à to yè feèn fa wò ka mɔn.
Piyɛrì bèu Kɔrɔnayì rè kir'là lamyɛn min niì
Tɔ̀ raa gbey rɔn, è shia kun ko è ka, Yɔpɛ̀ raa kàràndzin neè swey sa yeè à sàn mà ji. 24Àyìwà, jìɛ̀ raa gbey rɔn, yè bè wɔ Sezare. Tɔ̀ y'a tàrà Kɔrɔnayì na è màshua, è bà na e re mòò rèè ko e dzunwɛynsi jaawuen reè kiriɔ. 25Àwà, Piyɛrì nàu wɔ, à ci e ye dɔ̀n fɔɔn rè min niì, Kɔrɔnayì yè nà à kùùntsi. È kunun gban à bììn, à tswà blàbèma. 26Ŋà, Piyɛrì y'à kun fù, è dzin à ra ci: «Fù ! Mun sa mòdzin ni, a ci wo.»
27Tɔ̀un, Kɔrɔnayì fùu, Piyɛrì ko à yè geren goomaa rè, yè bè dɔ̀n gbàà doùn. È bèu dɔ̀n, Piyɛrì yè mòdzian ladzyeèŋma jà mɔn giri. 28Tɔ̀ ɲan, Piyɛrì yè dzin è ra ci: «Ye yɛ̀r'leè y'à tɔ̀, ci Dzyèèsìbee mòdzian sɔn yeè kun kpɛrɛ bà e dzyeèsi, tàmafa, è dɔ̀n à re gbàà doùn, tɔ̀ na dàaŋnà waa. Ŋà, Ŋaablà goo soo kpadeò mun na. Tà goò doùn, à ci mun mà mòò pɛn jɔun bo, ci à na fɛnɛɔ̀ waa, mun to mà dzin ci à nooŋnà waa. 29Tɔ̀ rii y'à to, ye mun kiriu, mun na à jà ɲaan, min nà ye re kir'là lamyɛn waa. Àwà dòònuùn, ye mun kiri naɔ kùn nìi soo ra, e dzia tɔ̀ dè n na ɔ ?» 30Kɔrɔnayì yè dzin ci: «À bwèy nààlen yɛ she, nèe waatsi ree yɛ̀r'la ɲàn, mun na ni n ne gàne rɔ̀n, min bà na ɲɛ̀rɛɛ̀ rɔ̀n Ŋaabla mafyɛɛ̀n faa. Tà doùn, mun yè nà bàràma, min kpiri sɔn tsiiŋma jà n jaaterema, à mà vya reè fyɛɔ tɛrɛ tɛrɛ, yè bà den deèn. 31È dzin mun na ci: "Kɔrɔnayì ! Ŋaabla wo re màfyɛyn nèè kuun. Wo to goowùù niì faa gbakɔɔn reè rà, à twɛy kààwɔuna, à to yè e taa too wo re. 32Mòdzin ì ka bè Yɔpɛ̀, yè bè Shimɔ̀n kir'na mìin, à tsoò sɔn ci Piyɛrì. À jàaŋnà kpiri sɔn ne tsii, tɔ̀ sa tsoo ci Shimɔ̀n. Tɔ tsùn làmɔnɔnbaa, à re gàneè yè bà ni kòòyua tɛyn."
33Mun sa to yè mòdzin ì fù suu, tɔ̀ rii ɲàn, ci yè bè wo kir'na. Àwà, à dzibe niì fau wo ra, wo yè nà, n ne tswɛy ni à re tɔ̀ ra. Dòònuùn, mùn sa dzyeèmaa yɛ mìin, Ŋaablà jaaterema. Tsìfaà ci wo yè nìi sapɛ de ɲe ra, tɔ̀ dè mùn y'a myɛ̀n.»
Nìi na ni è dè Kɔrɔnayì rà, Piyɛrì tɔ̀ dèu min niì
34 #
Sdk 10.17. Piyɛrì yè goomaa sen tɔ̀un, è dzin ci: «Dòònuùn, mun y'à tɔ̀u, ci mòdzian sapɛ soo Ŋaablà re. 35A bau kun o kun modzìn, a re blàbe ye ba ni Ŋaablà tsɛ, e bà goo tereonma faa, a goò dzi à ra. 36Ŋaablà yeè e re goomaa dèu Isirayɛlì mòdzin neè rà, nìi Kùnàgoo Dziɔ̀. À tɔ̀ xɛɛrɛ goòmàà dèu è ra, è bo à Jaara moo Yesù rìì ɲàn, tɔ̀ riì mòdzian sapɛ tsifaà. 37Yùxanà dziunmaà shɔ̀ùn mòdzian nà, ci y'à to yè è jaara foò Ŋaablà re shia goo rèè rà, goo nìi reè fau, è sen Galile mar'la ɲàn, è bè fɔ Yude mar'la min niì sapɛ, ye twɛy tɔ̀. 38Ŋaablà to yè e re Dzi Fɛnɛɛ jàaŋ Nazarɛtsika kpiri Yesù tsɛ nìi tsuru, è fààn sin à ra, ye tɔ tɔ̀. Ye yè bà à tɔ̀ sa, ci Yesù fùu tɔ̀un, è tsyeeree beè jàmaàn min niì sapɛ, è goowùɔ fa beè. Sànwɔbaà byɛnbe jiɔ̀ nìì reè sapɛ tsɛ, è twɛy sa cɛrɛmabeè, kàtsu Ŋaablà na ni à re.
39Yesù goo nìì reè sapɛ fau Dzyèèsìbee mòdzin neè rè jàmaàn doùn, ko Yerusalɛmùn wɔ̀ɔ̀ doùn, ɲe twɛy goo rèè sapɛ jau e jaadzin fiɛ̀ ka. Y'à gbaun gɔɔ̀ rà mɔn nì, y'à vu. 40Ŋà, à saunmaà bwèy zhììgìraa sii sèè, Ŋaablà y'a kpunan bou saàn ɲàn, è yɛrɛ kpadè jaama. 41À to na e yɛrɛ kpadè mòò pɛn na, fɔ ɲe, Ŋaablà na ɲe nìì reè bo tsùuŋnà bɔrɔɔ, ci ɲe yè bà shɛɛrɛ. Ɲe rìì ɲwɛɛ̀n ɲɔun à ka, ɲe yè mìɛn fa à ka, à sèè kpunaunmaà shɔ̀ùn è bo saàn ɲàn. 42Tà doùn, Yesù ɲe kau ci ɲe yè mòdzian toro kɔ̀ Kùnàgoo Dziɔ̀ rà, tà ko ɲe y'à dè, ci Ŋaabla wò rii tsùuŋnà fùn nèè ko jaama reè sa kitsibaà. 43Ŋaablà re kɛɛra reè sapɛ Yesù raa goò rìì dèu, ci mòo o moò ye ɲɛn à ra, Ŋaabla tɔ̀ tsìfa raa gooɲaantsiɛ mɛɛy boò tɔ̀ vu ra, à tsoò baraka rɔ̀n.»
Ŋaablà re Dzia jàaŋ kun kpɛrɛ mòdzin neè sa tsɛ min niì
44Àwà, Piyɛrì ni tɔ̀ goomaa nà, Ŋaablà re Dzi Fɛnɛɛ yè nà jàà à lamyɛnbaa rèè sapɛ tsɛ jaa soo. 45Dzyèèsìbee mòdzin niì reè na naɔ̀ Piyɛrì ka, yè bà Yesù rè kàràndzin, à goò yè ji twɛy dzii tsɛ, kàtsu y'à jàu, ci Ŋaablà yeè e re Dzi Fɛnɛɛ jàaŋnà kun kpɛrɛ ì sa tsɛ, nìì reè na Dzyèèsìbee mòdzin ì waa. 46Y'à tɔ̀u ci Ŋaablà re Dzia jàaŋnà twɛy mòdzin neè tsɛ, kàtsu è jaa na ni è ra, è goomaa kungoòmà kpɛrɛ ì ɲàn, yè bà tsoo dzi ɲɛɛn Ŋaablà tsɛ. 47Piyɛrì yè dzin tɔ̀un ci: «Ŋaablà re Dzi Fɛnɛɛ jàaŋmaà shɔ̀ùn nèe rèè tsɛ, a ci à jàaŋ ɲe tsɛ nìi tsuru, mòò ni dzi e nɔn ci è jaara fa fòò Ŋaablà re shia goo rèè rà ko yuà ka ɔ ?»
48Tɔ̀un, Piyɛrì yè shi sin, ci mòdzin nee reè jaara yeè foò Ŋaablà re shia goo rèè rà, Yesù Kirisà tsoò ka, Ŋaablà Jaara Modzìàn. Tà shɔ̀ùn, twɛy y'à màfyɛ̀n, ci è to ye ka, è bwèy dànman fa ŋe.
Currently Selected:
Kɛɛradzin neè faadziɛ 10: BDZU
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International
Kɛɛradzin neè faadziɛ 10
10
Ŋaablà re mɛ̀rɛ̀kɛ sɔn yeè e yɛrɛ kpadèu Kɔrɔnayì rà min niì
1Àyìwà, kpiri sɔn na ni Sezare wɔ̀ rɔ̀n, tɔ̀ tsoo yè bà ci Kɔrɔnayì. À na Ɔ̀rɔmùn kaadzin kuntsiɛ sɔn ni. Kɔrɔnayì na kaadzin kur'lìi kùntsiɛ̀ sɔn, tɔ̀ na kir'là, ci 'Itali kaadzin kur'là'. 2Tɔ̀ kpir'la na shia Ŋaablà jɔun, à ko e re fɔɔn re dzin neè sa yeè bà na Ŋaablà blabee kudɛyn. À naà Dzyèèsìbee mòdzin waa, à to na wɔɔ̀ Dzyèèsìbee mòdzin gbakɔɔn gir'la, è bà Ŋaablà mafyɛ̀ɛn kudɛyn. 3Àyìwà, sii sɔn see ɲɛ̀rɛɛ̀ rà, bwèè màciunma na, Ŋaablà yeè gè sɔn kpadè Kɔrɔnayì rà jɛ̀y ɲan. È Ŋaablà re mɛ̀rɛ̀kɛ sɔn ja panparapa, tɔ dɔ̀ɔn à re gbàà doùn. Mɛ̀rɛ̀kɛɛ̀ yè Kɔrɔnayì kiri ci: «Kɔrɔnayì !» 4Kɔrɔnayì yè mɛ̀rɛ̀kɛɛ̀ siin, à shiɲaankɔɔn yeè tey fa ci: «Fee rìì, Tsìfaà ?» Mɛ̀rɛ̀kɛɛ̀ yè dzin à ra ci: «Wo re màfyɛyn nèè, tà ko wo goowùù niì faa gbakɔɔn reè rà, Ŋaabla twɛy goo rèè kààwɔuna, à to yè e taa too wo re. 5Àwà dòònuùn, mòdzin ì ka bè Yɔpɛ̀, yè bè kpiri sɔn kir'na mìin nìi tsoo ci Shimɔ̀n, à tsoò sɔn ci Piyɛrì. 6À jàaŋnà kpiri sɔn ne tsii, tɔ̀ sa tsoo ci Shimɔ̀n. Tɔ tsùn làmɔnɔnbaa rìì, à re gàneè yè bà ni kòòyua tɛyn.»
7Àwà, mɛ̀rɛ̀kɛɛ̀ gooma dou Kɔrɔnayì ka min niì, è geren. À gereun min niì, Kɔrɔnayì yè e re faagoofadzian fii kiri, ko kaadzin soo, tɔ ni à tɛyn faagoò rà fɔ waatsi gbaan, è bà shia Ŋaablà jɔun sa. 8Tɔ̀un, goo o goo fau, Kɔrɔnayì yè bo tɔ̀ sapɛ jaa mà, à y'à dè è ra, è kòmànà tàrà, à yè è ka bè Yɔpɛ̀.
Piyɛrì jɛ̀y fau goo rìi tsɛ
9Àyìwà, tɔ̀ raa gbey rɔn, faagoofadzin fiɛ̀, ko kaadzian bèkɔɔn nà shia rè, yè tsyɛnbe beè Yɔpɛ̀ wɔ̀ɔ̀ rà. Tɔ̀ y'a tàrà Piyɛr'laa Ŋaabla mafyɛn bwey wɔɔ, è tèyn gbàmaa tsɛ, ci wo nà Ŋaablà mafyɛ̀n, è kòrò bwèè ni sènfi. 10È Piyɛrì to mɔn, dzu y'à kun. À sàò na ni, wò yeè ɲwɛyn ɲɔn. Tɛy fa reè ni tɛɛ̀ rà Piyɛrì kɔ̀, Ŋaablà yeè gè sɔn kpadè à ra jɛ̀y ɲan. 11Tɔ̀un, è ŋaablaxɔɔ̀ dzii saunma jà. È gè sɔn ja, tɔ ni a ci vya brìsi, à shiɔ̀ e nɔnkɔn nààleèn sapɛ ra, è bà jàà naà dzɔn kèrè. 12Shu kun sapɛ na ni tɔ̀ gè ree doùn: sàn nààlèn ge ì ni, gè nìì reè yè e ger'na e don tsɛ, twɛy ni ko kɛ̀yn neè. 13Tɔ̀un, Piyɛrì yè vu sɔn myɛn, tɔ dziàn à ra ci: «Piyɛrì, fù, e shu ree reè sɔn vu, a tàà !» 14Ŋà, Piyɛrì yè dzin ci: «Aa ɔ̀ɔɔn ! Tsìfaà, gè o ge ɲe cɛn, è bà nooŋnà, mun na tɔ̀ pɛn wɔ jà n dzu ŋe waa.» 15Ŋà, vuà yè sèè è dzin à ra e jaa fiira ɲan ci: «Ŋaabla gè niì fɛnɛbeo, maà dzin ci tɔ nooŋnà waa !» 16À goò yè fa tɔ̀ tsuru, fɔ jaa zhììgi, gè ree yè kòmànà sen fu tèyn ŋaablaxɔɔ̀ doùn.
Kɔrɔnayì rè kɛɛra reè wɔu Piyɛrì tsɛ min niì
17Tɔ̀un, Piyɛrì duungoo yeè dò. À duungoo doumaà tɔ̀ tsuru, à goo nìi jàu, è maa, è yɛrɛ teè tɔ̀ dzuun ma. Tɔ̀ y'a tàrà, Kɔrɔnayì sa mòkun zhiigi niì reè kaɔ, twɛy sa naɔ̀ dɔ̀n wɔ̀ɔ̀ doùn, yè tey fa, ci Shimɔ̀n nè gàneè ni min. Àyìwà, gàneè kpàdèu twɛy rà, yè bè e tsiì fɔɔn dɔ̀nmàdziɛ rà. 18È tsìiŋmaà mɔn, yè kiri fa fɔɔn doùn, yè tey fa ci: «Shimɔ̀n, nìi tsoo ci Piyɛrì, tɔ jàaŋnà mìin nì ɔ̀n ?»
19Tɔ̀ sapɛ ɲan, Piyɛrì goo nìi jàu, tɔ̀ dzuɔn nìi, arì she à na e kɛsɛɛ̀ tɔ̀ ra ŋe. Tà doùn, Ŋaablà re Dzia yè dzin à ra ci: «Piyɛrì, a toro wɔ, mòkun zhiigi wo gaa. 20Fù, e jàà, a wa è ka, maà a ciri siin tsu waa, kàtsu mun nì yè è ka naɔ.»
Ŋaabla nìi ka à kpàdèu Piyɛr'là, ci wò na mòò bo mòò ɲàn waa
21Piyɛrì yè jàà tɔ̀un, è nà kpiri zhiigia rà, è dzin è ra ci: «Mun yɛ nèe, ye mòò riì gaa, à mun nì. Ye nà kuàn fee rìì ?» 22Twɛy yè dzin ci: «Kaadzin kuntsii niì tsoo ci Kɔrɔnayì, tɔ̀ rii ɲe ka naɔ. À mòdzin tereonma, à Ŋaablà blabee, à tsoo dzi yeè bà ni Dzyèèsìbee mòdzin neè sapɛ dzu. Ŋaablà re mɛ̀rɛ̀kɛ sɔn y'a gaaŋnà à re, ci è wo kiri na e re tsii, ci gooma ni wo re, wo y'à dè à ra.» 23Tɔ̀un, Piyɛrì yè kpiri zhiigia dɔ̀n fɔɔn rè, à y'à to yè feèn fa wò ka mɔn.
Piyɛrì bèu Kɔrɔnayì rè kir'là lamyɛn min niì
Tɔ̀ raa gbey rɔn, è shia kun ko è ka, Yɔpɛ̀ raa kàràndzin neè swey sa yeè à sàn mà ji. 24Àyìwà, jìɛ̀ raa gbey rɔn, yè bè wɔ Sezare. Tɔ̀ y'a tàrà Kɔrɔnayì na è màshua, è bà na e re mòò rèè ko e dzunwɛynsi jaawuen reè kiriɔ. 25Àwà, Piyɛrì nàu wɔ, à ci e ye dɔ̀n fɔɔn rè min niì, Kɔrɔnayì yè nà à kùùntsi. È kunun gban à bììn, à tswà blàbèma. 26Ŋà, Piyɛrì y'à kun fù, è dzin à ra ci: «Fù ! Mun sa mòdzin ni, a ci wo.»
27Tɔ̀un, Kɔrɔnayì fùu, Piyɛrì ko à yè geren goomaa rè, yè bè dɔ̀n gbàà doùn. È bèu dɔ̀n, Piyɛrì yè mòdzian ladzyeèŋma jà mɔn giri. 28Tɔ̀ ɲan, Piyɛrì yè dzin è ra ci: «Ye yɛ̀r'leè y'à tɔ̀, ci Dzyèèsìbee mòdzian sɔn yeè kun kpɛrɛ bà e dzyeèsi, tàmafa, è dɔ̀n à re gbàà doùn, tɔ̀ na dàaŋnà waa. Ŋà, Ŋaablà goo soo kpadeò mun na. Tà goò doùn, à ci mun mà mòò pɛn jɔun bo, ci à na fɛnɛɔ̀ waa, mun to mà dzin ci à nooŋnà waa. 29Tɔ̀ rii y'à to, ye mun kiriu, mun na à jà ɲaan, min nà ye re kir'là lamyɛn waa. Àwà dòònuùn, ye mun kiri naɔ kùn nìi soo ra, e dzia tɔ̀ dè n na ɔ ?» 30Kɔrɔnayì yè dzin ci: «À bwèy nààlen yɛ she, nèe waatsi ree yɛ̀r'la ɲàn, mun na ni n ne gàne rɔ̀n, min bà na ɲɛ̀rɛɛ̀ rɔ̀n Ŋaabla mafyɛɛ̀n faa. Tà doùn, mun yè nà bàràma, min kpiri sɔn tsiiŋma jà n jaaterema, à mà vya reè fyɛɔ tɛrɛ tɛrɛ, yè bà den deèn. 31È dzin mun na ci: "Kɔrɔnayì ! Ŋaabla wo re màfyɛyn nèè kuun. Wo to goowùù niì faa gbakɔɔn reè rà, à twɛy kààwɔuna, à to yè e taa too wo re. 32Mòdzin ì ka bè Yɔpɛ̀, yè bè Shimɔ̀n kir'na mìin, à tsoò sɔn ci Piyɛrì. À jàaŋnà kpiri sɔn ne tsii, tɔ̀ sa tsoo ci Shimɔ̀n. Tɔ tsùn làmɔnɔnbaa, à re gàneè yè bà ni kòòyua tɛyn."
33Mun sa to yè mòdzin ì fù suu, tɔ̀ rii ɲàn, ci yè bè wo kir'na. Àwà, à dzibe niì fau wo ra, wo yè nà, n ne tswɛy ni à re tɔ̀ ra. Dòònuùn, mùn sa dzyeèmaa yɛ mìin, Ŋaablà jaaterema. Tsìfaà ci wo yè nìi sapɛ de ɲe ra, tɔ̀ dè mùn y'a myɛ̀n.»
Nìi na ni è dè Kɔrɔnayì rà, Piyɛrì tɔ̀ dèu min niì
34 #
Sdk 10.17. Piyɛrì yè goomaa sen tɔ̀un, è dzin ci: «Dòònuùn, mun y'à tɔ̀u, ci mòdzian sapɛ soo Ŋaablà re. 35A bau kun o kun modzìn, a re blàbe ye ba ni Ŋaablà tsɛ, e bà goo tereonma faa, a goò dzi à ra. 36Ŋaablà yeè e re goomaa dèu Isirayɛlì mòdzin neè rà, nìi Kùnàgoo Dziɔ̀. À tɔ̀ xɛɛrɛ goòmàà dèu è ra, è bo à Jaara moo Yesù rìì ɲàn, tɔ̀ riì mòdzian sapɛ tsifaà. 37Yùxanà dziunmaà shɔ̀ùn mòdzian nà, ci y'à to yè è jaara foò Ŋaablà re shia goo rèè rà, goo nìi reè fau, è sen Galile mar'la ɲàn, è bè fɔ Yude mar'la min niì sapɛ, ye twɛy tɔ̀. 38Ŋaablà to yè e re Dzi Fɛnɛɛ jàaŋ Nazarɛtsika kpiri Yesù tsɛ nìi tsuru, è fààn sin à ra, ye tɔ tɔ̀. Ye yè bà à tɔ̀ sa, ci Yesù fùu tɔ̀un, è tsyeeree beè jàmaàn min niì sapɛ, è goowùɔ fa beè. Sànwɔbaà byɛnbe jiɔ̀ nìì reè sapɛ tsɛ, è twɛy sa cɛrɛmabeè, kàtsu Ŋaablà na ni à re.
39Yesù goo nìì reè sapɛ fau Dzyèèsìbee mòdzin neè rè jàmaàn doùn, ko Yerusalɛmùn wɔ̀ɔ̀ doùn, ɲe twɛy goo rèè sapɛ jau e jaadzin fiɛ̀ ka. Y'à gbaun gɔɔ̀ rà mɔn nì, y'à vu. 40Ŋà, à saunmaà bwèy zhììgìraa sii sèè, Ŋaablà y'a kpunan bou saàn ɲàn, è yɛrɛ kpadè jaama. 41À to na e yɛrɛ kpadè mòò pɛn na, fɔ ɲe, Ŋaablà na ɲe nìì reè bo tsùuŋnà bɔrɔɔ, ci ɲe yè bà shɛɛrɛ. Ɲe rìì ɲwɛɛ̀n ɲɔun à ka, ɲe yè mìɛn fa à ka, à sèè kpunaunmaà shɔ̀ùn è bo saàn ɲàn. 42Tà doùn, Yesù ɲe kau ci ɲe yè mòdzian toro kɔ̀ Kùnàgoo Dziɔ̀ rà, tà ko ɲe y'à dè, ci Ŋaabla wò rii tsùuŋnà fùn nèè ko jaama reè sa kitsibaà. 43Ŋaablà re kɛɛra reè sapɛ Yesù raa goò rìì dèu, ci mòo o moò ye ɲɛn à ra, Ŋaabla tɔ̀ tsìfa raa gooɲaantsiɛ mɛɛy boò tɔ̀ vu ra, à tsoò baraka rɔ̀n.»
Ŋaablà re Dzia jàaŋ kun kpɛrɛ mòdzin neè sa tsɛ min niì
44Àwà, Piyɛrì ni tɔ̀ goomaa nà, Ŋaablà re Dzi Fɛnɛɛ yè nà jàà à lamyɛnbaa rèè sapɛ tsɛ jaa soo. 45Dzyèèsìbee mòdzin niì reè na naɔ̀ Piyɛrì ka, yè bà Yesù rè kàràndzin, à goò yè ji twɛy dzii tsɛ, kàtsu y'à jàu, ci Ŋaablà yeè e re Dzi Fɛnɛɛ jàaŋnà kun kpɛrɛ ì sa tsɛ, nìì reè na Dzyèèsìbee mòdzin ì waa. 46Y'à tɔ̀u ci Ŋaablà re Dzia jàaŋnà twɛy mòdzin neè tsɛ, kàtsu è jaa na ni è ra, è goomaa kungoòmà kpɛrɛ ì ɲàn, yè bà tsoo dzi ɲɛɛn Ŋaablà tsɛ. 47Piyɛrì yè dzin tɔ̀un ci: «Ŋaablà re Dzi Fɛnɛɛ jàaŋmaà shɔ̀ùn nèe rèè tsɛ, a ci à jàaŋ ɲe tsɛ nìi tsuru, mòò ni dzi e nɔn ci è jaara fa fòò Ŋaablà re shia goo rèè rà ko yuà ka ɔ ?»
48Tɔ̀un, Piyɛrì yè shi sin, ci mòdzin nee reè jaara yeè foò Ŋaablà re shia goo rèè rà, Yesù Kirisà tsoò ka, Ŋaablà Jaara Modzìàn. Tà shɔ̀ùn, twɛy y'à màfyɛ̀n, ci è to ye ka, è bwèy dànman fa ŋe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International