Lukì 14
14
Faridziɲɛn jɔundzin sɔn Yesù kiriu ɲwɛɛ̀n nà min niì
1 Ɲànwɔsii sɔn ma, Faridziɲɛn jɔundzin sɔn yeè Yesù kiri, ci ye yè bè ɲwɛyn fa wò re tsii. Nìì reè na ni tɔ̀ ɲwɛyn ɲɔnma nɔ̀n, è sapɛ na Yesù sɛ̀r'na. 2Tɔ̀ y'a tàrà, kpiri sɔn na ni mɔn Yesù jaaterema, fuu ɲìnìn yè bà ni tɔ̀ rà. 3Tɔ̀un, Yesù yè goomaa sen, è Sàrìyà Kaamoo reè, ko Faridziɲɛn rèè tey nèe tsuru ci: «Ɲe re sàrìyaa doùn ɔn, e mòò cɛrɛmabe ɲànwɔsiɛ̀ mà, tɔ dàaŋnà ràà, à na dàaŋnà ?» 4Yè e mɛnshɛ̀n, è na gèsɔn dè waa. Tɔ̀un, Yesù yè ɲìnìnkɔɔn kun e si ra, à y'à cɛrɛmabe, è dzin à ra, ci è bè tsii. 5#Mat 12.11.Tà shɔ̀ùn, è dzin è ra ci: «Ye sɔn dzin yè mɛɛy kɔ̀rɔ̀n doùn, tàmafa ye re nìì, arì à kɛ̀nsɛɛn ye ba ɲànwɔsiɛ̀ mà, à tsìfa fa à sɔ̀ɔ̀n bo tabe o ?» 6È na dzi gèsɔn pɛn jà dè, y'à ka twɛy gooma reè latsi à re waa.
7Àyìwà, Yesù yè nà à kààwɔ, ci nìì reè kiriɔ ɲwɛɛ̀n nà, twɛy sapɛ ni tsùùmà wùù gaa rìì là. Tɔ̀un, è nèe gooma bɔɔ rèe ka tàlen ban è re nèe tsuru ci: 8#Tak 25.6,7.«Kɔnɲɔn goo jaaravi ye ba ni mòò rè, à ye a kiri, ci e bè ɲwɛyn fa wò re jaaravià rè, e be wɔ, tsùùma nìi wù è geren dzyee rèè sapɛ tsɛ, maà dzin, ci a tsuɔ mɔn waa. Wo y'a tsuù, gè sɔ̀n ge mòdzian sɔn sa kiriɔ jaaravi rèe re, nìi ni dziira è geren wo tsɛ. 9Tɔ̀ tsìfa ye na nà, mòò riì ye sa dzyeèmaa kiriɔ, tɔ̀ nà nà dzin wo ra nèe tsuru ci: "Fù e nèe tsùùma rèe sìn à rà." Tɔ̀ ye de, w'a tɔ̀ wo ko seey rìì nà fù, wo yè b'à tsuù fɔ bònè kèrè dɛ ! 10Sani e tɔ̀ fa, e kiri tɔ̀ tsuru goò rà, e be wɔ, b'à tsuù bònè kèrè. Tɔ̀ ye fa, tsùùma wùù niì reè ni jɔun, wo ye ba wù twɛy sɔn ka, mòò riì wo kiriɔ, tɔ̀ nà nà dzin wo ra nèe tsuru ci: "N dzunwɛynsi, fù e b'à tsuù jɔun." Tɔ̀ ye fa, wo ko nìi reè sapɛ tsùuŋnà ɲwɛɛ̀n nà, tɔ̀ nà bà blà rii wɔuma wo ɲan twɛy sapɛ jaa ra. 11#Mat 23.12; Luk 18.14.A jà min tɔ̀ dè, wo mòò o moò y'à yɛrɛ ɲanseen, wo ma nà jàà. Wo mòò o moò to y'à yɛrɛ majàa, wo ɲan nà sen.»
12Tɔ̀un, kpir'liì na Yesù kiri naɔ ci è nà ɲwɛyn fa wò re, Yesù yè dzin tɔ̀ ra ci: «Sii o sii, e ba nà ɲwɛyn ta ji e mòdzin ì kiri à ra, à bàu bwèytààrùùn ɲwɛyn ò, à to bàu fene ɲwɛyn ò, a naà nìì reè kiri à ra, maà to è bà a dzunwɛynsi reè, ko a ma moo rèè, ko a neema reè, ko a tsuùsi gètsi rèè waa. Wo ye tɔ̀ fa, twɛy sa dzia nà tɔ̀ tsuru fa sii sɔn see, yè wo sa kiri. Tà doùn, à bàu jàci è nàu nìi ɲɔn wo re, è tɔ̀ tsìɛ̀ rìì sàrà bou mɔn. 13E ba nà tɔ̀ tsuru fa, e bà nà mòdzin ì kiri, à to è bà gbakɔɔn reè, ko mòdzin nɔɔ̀rɔ̀kɔɔn reè, ko jaana reè. 14Tɔ̀ ye fa, wo raà nà wùbe, kàtsu twɛy mòdzin neè fa dzi à tsìì sàrà wo re waa. Kìyama tsìɛ̀ sii sèè, Ŋaablà rii nà tɔ̀ tsìɛ̀ sàrà wo re.»
Yesù tàlen nìi baun ɲwɛyn ta jiumaà raa goò tsɛ
(Matsiyù 22.1-10)
15Tɔ̀ ɲan, Yesù ko nìì reè ni ɲwɛɛ̀n nà e si re, twɛy mòò sɔn tɔ̀ goomaa myɛ̀un min niì, tɔ̀ yeè dzin Yesù ra ci: «Aa ! Mòò riì kpɛ̀ynto nà e raa ɲwɛɛ̀n ɲɔn Ŋaablà re màsàbee gàne rɔ̀n, tɔ̀ tsìfa raa nà wùbe.»
16Tɔ̀un, Yesù yè nèe gooma bɔɔ ree ka tàlen ban tɔ̀ kpir'la rè ci: «Sii sɔn see, kpiri sɔn ɲwɛyn giri ta jiu, è mòò giri kiri ɲwɛyn nèe ra. 17Ɲwɛɛ̀n waatsi nàu wɔ, è re jòn kpir'là ka, ci è bè mòdzian kiri, ci ɲwɛɛ̀n goojaa sapɛ jaa bo dòu, ci yè nà. 18Ŋà, jòn kpir'là bèu è gè o ge kiri, è soo sookɔɔn sapɛ yeè bè e ŋoòma dè à ra, yè yɛ̀rɛ̀to gaa à re. À bèu nìi jɔ̀na kiri, tɔ̀ yeè dzin à ra ci: "Mun dzù sɔn fiunà, fɔ min bè tɔ̀ siin. A sao Ŋaa sàò, mun fa wɔuma tàrà waa." 19Soo kpɛrɛ yè bè dzin à ra ci: "Mun fɛɛ fa niì tsyeùn fiɔ̀, mun to bèe è ka fɛɛ fa siin. A sao Ŋaa sàò, mun fa wɔuma tàrà waa." 20Tà shɔ̀ùn, soo kpɛrɛ yè bè dzin à rà kɔn ci: "Aa, mun furu faɔ̀ bwèy fii ree ɲan, mun fa wɔuma tàrà waa."
21Jòn kpir'là sa yeè sèè na tɔ̀un, è nà twɛy gooma reè dè e kuntsiɛ̀ rà. Kùntsiɛ̀ vunun taumaà tɔ̀un, è dzin jòn kpir'là rà ci: "Dɔ̀n tabe tabe wɔ̀ɔ̀ jaa rè, e bè gbakɔɔn reè, ko mòdzin nɔɔ̀rɔ̀kɔɔn reè, ko jaana reè kiri, ci yè nà mìin yè nà n ne ɲwɛɛ̀n ɲɔn." 22Tɔ̀un, jòn kpir'là yè bè twɛy mòdzin neè gaa na. À nàu wɔ, è dzin e kuntsiɛ̀ rà ci: "Kùntsiɛ̀ mun kpɛ̀yn wo re dèumaà fau, ŋà, gàneè na tsyɛn ŋe waa."
23À kùntsiɛ̀ yè dzin à ra tɔ̀un, ci: "Bo wɔ̀ɔ̀ kɛ̀yn, e bè shirii reè rè, e bè mòdzian kiri. A maxɔbe è kpɛyn ci yè nà, sànko mun ne gbàà yè tsyɛn. 24Àwà, mun nì ci e ra, mun mòdzin niì reè kiriu jɔ̀na, yè e nɔn, mun ne ɲwɛyn nèe soo na wɔɔ̀ twɛy sɔn dzu waa."»
Goo nìì reè mòò bàa Yesù rè kàràndzin
(Matsiyù 10.37-38)
25Twɛy goo rèè sapɛ shɔùn, Yesù yè shia kun, jàma brìsi yè bà ni à kpɛyn. Tɔ̀un, è nà e jaa kere è ra, è dzin è ra ci: 26#Mat 10.37.«Wo mòò riì ci wo nà a gban mun kpɛyn, wo ɲɛyn to ni a naà ko a faà tsɛ, wo ɲɛyn ni a re tààn ko a dzin nèè tsɛ, wo ɲɛyn ni a tsinà rèè ko a tseyn nèè tsɛ, wo ɲɛyn yè bà ni a yɛr'la sa tsɛ, wo na dzia bà mun ne kàràndzin waa. 27#Mat 10.38; 16.24; Mar 8.34; Luk 9.23.Mòò o moò ma e gbaàn gɔɔ̀ sen è gban mun kpɛyn fyeu, tɔ̀ na dzia bà mun ne kàràndzin waa. 28Y'a tɔ̀, ye sɔn ye ba nà sangaso ji, n ci ye yè tsuɔ rìì, ye akiri yaa bo fa à goo rèè tsɛ ŋe, ye ye ba nà dzi à ra, ye to ma ba nà dzi à ra o ? 29A ma tɔ̀ akiri yaa boo fa, e fu a dzii kun bè a kun nè, wo dzia nà gba à goo rèè dzyeè rà. Wo to ye gba, mòò o moò nà gbà ree dzun baumaà jà, è nà jiran wo mà. 30Yè dziàn nèe tsuru ci: "O ! Kpir'lee yè e re gbàà dzunbau, è nà gba à dzyeè rà."
31Tɔ̀ dɔ̀n bouma shɔ̀ùn, màsà kpir'la sɔn ye ba nà bè e masà kpìrì si kpɛrɛ dzii kun kaa ra, n ci è tsuɔ rìì, è akiri yaa bo fa à goo rèè tsɛ ŋe. Tà shɔ̀ùn, è kòmànà à siin à ko e re kaadzin gbaa tsyeòn ye ba nà dzi be tɔ̀ màsà kpir'la ko e re kaadzin gbaa mòò dzii kun o ? 32À y'a jà wò fa dzi, à y'à toò, tɔ̀ màsa kpir'la dàn yè bà gbàn, è mòdzin ì ka bè à kpɛyn, ci yè bè à màfyɛ̀n kaà yè dò. 33Tɔ̀ fau'n kuru soo tsuru, ye ɲan mòò o moò ma e ɲɛyn bo e suun ge reè sapɛ tsɛ, tɔ̀ tsìfa na dzia bà mun ne kàràndzin waa.»
34Tà shɔ̀ùn, Yesù yè dzin kɔn ci: «Kòo gè dziù rìì, ŋà, à ye maà, mòo dzia à sèè dzibe dzùrù kɔn ? 35Tɔ̀un, à na gèsɔn wùbee dzɔ̀nxɔɔ̀ mà, à to fa dzi ba noo. À bèe maa da rɔ̀n nì. Toro ì ye ba ni mòò riì rè, è bà è ka myɛ̀yn faa, è toro wɔu'n kuru wube dɛ !»
Currently Selected:
Lukì 14: BDZU
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International
Lukì 14
14
Faridziɲɛn jɔundzin sɔn Yesù kiriu ɲwɛɛ̀n nà min niì
1 Ɲànwɔsii sɔn ma, Faridziɲɛn jɔundzin sɔn yeè Yesù kiri, ci ye yè bè ɲwɛyn fa wò re tsii. Nìì reè na ni tɔ̀ ɲwɛyn ɲɔnma nɔ̀n, è sapɛ na Yesù sɛ̀r'na. 2Tɔ̀ y'a tàrà, kpiri sɔn na ni mɔn Yesù jaaterema, fuu ɲìnìn yè bà ni tɔ̀ rà. 3Tɔ̀un, Yesù yè goomaa sen, è Sàrìyà Kaamoo reè, ko Faridziɲɛn rèè tey nèe tsuru ci: «Ɲe re sàrìyaa doùn ɔn, e mòò cɛrɛmabe ɲànwɔsiɛ̀ mà, tɔ dàaŋnà ràà, à na dàaŋnà ?» 4Yè e mɛnshɛ̀n, è na gèsɔn dè waa. Tɔ̀un, Yesù yè ɲìnìnkɔɔn kun e si ra, à y'à cɛrɛmabe, è dzin à ra, ci è bè tsii. 5#Mat 12.11.Tà shɔ̀ùn, è dzin è ra ci: «Ye sɔn dzin yè mɛɛy kɔ̀rɔ̀n doùn, tàmafa ye re nìì, arì à kɛ̀nsɛɛn ye ba ɲànwɔsiɛ̀ mà, à tsìfa fa à sɔ̀ɔ̀n bo tabe o ?» 6È na dzi gèsɔn pɛn jà dè, y'à ka twɛy gooma reè latsi à re waa.
7Àyìwà, Yesù yè nà à kààwɔ, ci nìì reè kiriɔ ɲwɛɛ̀n nà, twɛy sapɛ ni tsùùmà wùù gaa rìì là. Tɔ̀un, è nèe gooma bɔɔ rèe ka tàlen ban è re nèe tsuru ci: 8#Tak 25.6,7.«Kɔnɲɔn goo jaaravi ye ba ni mòò rè, à ye a kiri, ci e bè ɲwɛyn fa wò re jaaravià rè, e be wɔ, tsùùma nìi wù è geren dzyee rèè sapɛ tsɛ, maà dzin, ci a tsuɔ mɔn waa. Wo y'a tsuù, gè sɔ̀n ge mòdzian sɔn sa kiriɔ jaaravi rèe re, nìi ni dziira è geren wo tsɛ. 9Tɔ̀ tsìfa ye na nà, mòò riì ye sa dzyeèmaa kiriɔ, tɔ̀ nà nà dzin wo ra nèe tsuru ci: "Fù e nèe tsùùma rèe sìn à rà." Tɔ̀ ye de, w'a tɔ̀ wo ko seey rìì nà fù, wo yè b'à tsuù fɔ bònè kèrè dɛ ! 10Sani e tɔ̀ fa, e kiri tɔ̀ tsuru goò rà, e be wɔ, b'à tsuù bònè kèrè. Tɔ̀ ye fa, tsùùma wùù niì reè ni jɔun, wo ye ba wù twɛy sɔn ka, mòò riì wo kiriɔ, tɔ̀ nà nà dzin wo ra nèe tsuru ci: "N dzunwɛynsi, fù e b'à tsuù jɔun." Tɔ̀ ye fa, wo ko nìi reè sapɛ tsùuŋnà ɲwɛɛ̀n nà, tɔ̀ nà bà blà rii wɔuma wo ɲan twɛy sapɛ jaa ra. 11#Mat 23.12; Luk 18.14.A jà min tɔ̀ dè, wo mòò o moò y'à yɛrɛ ɲanseen, wo ma nà jàà. Wo mòò o moò to y'à yɛrɛ majàa, wo ɲan nà sen.»
12Tɔ̀un, kpir'liì na Yesù kiri naɔ ci è nà ɲwɛyn fa wò re, Yesù yè dzin tɔ̀ ra ci: «Sii o sii, e ba nà ɲwɛyn ta ji e mòdzin ì kiri à ra, à bàu bwèytààrùùn ɲwɛyn ò, à to bàu fene ɲwɛyn ò, a naà nìì reè kiri à ra, maà to è bà a dzunwɛynsi reè, ko a ma moo rèè, ko a neema reè, ko a tsuùsi gètsi rèè waa. Wo ye tɔ̀ fa, twɛy sa dzia nà tɔ̀ tsuru fa sii sɔn see, yè wo sa kiri. Tà doùn, à bàu jàci è nàu nìi ɲɔn wo re, è tɔ̀ tsìɛ̀ rìì sàrà bou mɔn. 13E ba nà tɔ̀ tsuru fa, e bà nà mòdzin ì kiri, à to è bà gbakɔɔn reè, ko mòdzin nɔɔ̀rɔ̀kɔɔn reè, ko jaana reè. 14Tɔ̀ ye fa, wo raà nà wùbe, kàtsu twɛy mòdzin neè fa dzi à tsìì sàrà wo re waa. Kìyama tsìɛ̀ sii sèè, Ŋaablà rii nà tɔ̀ tsìɛ̀ sàrà wo re.»
Yesù tàlen nìi baun ɲwɛyn ta jiumaà raa goò tsɛ
(Matsiyù 22.1-10)
15Tɔ̀ ɲan, Yesù ko nìì reè ni ɲwɛɛ̀n nà e si re, twɛy mòò sɔn tɔ̀ goomaa myɛ̀un min niì, tɔ̀ yeè dzin Yesù ra ci: «Aa ! Mòò riì kpɛ̀ynto nà e raa ɲwɛɛ̀n ɲɔn Ŋaablà re màsàbee gàne rɔ̀n, tɔ̀ tsìfa raa nà wùbe.»
16Tɔ̀un, Yesù yè nèe gooma bɔɔ ree ka tàlen ban tɔ̀ kpir'la rè ci: «Sii sɔn see, kpiri sɔn ɲwɛyn giri ta jiu, è mòò giri kiri ɲwɛyn nèe ra. 17Ɲwɛɛ̀n waatsi nàu wɔ, è re jòn kpir'là ka, ci è bè mòdzian kiri, ci ɲwɛɛ̀n goojaa sapɛ jaa bo dòu, ci yè nà. 18Ŋà, jòn kpir'là bèu è gè o ge kiri, è soo sookɔɔn sapɛ yeè bè e ŋoòma dè à ra, yè yɛ̀rɛ̀to gaa à re. À bèu nìi jɔ̀na kiri, tɔ̀ yeè dzin à ra ci: "Mun dzù sɔn fiunà, fɔ min bè tɔ̀ siin. A sao Ŋaa sàò, mun fa wɔuma tàrà waa." 19Soo kpɛrɛ yè bè dzin à ra ci: "Mun fɛɛ fa niì tsyeùn fiɔ̀, mun to bèe è ka fɛɛ fa siin. A sao Ŋaa sàò, mun fa wɔuma tàrà waa." 20Tà shɔ̀ùn, soo kpɛrɛ yè bè dzin à rà kɔn ci: "Aa, mun furu faɔ̀ bwèy fii ree ɲan, mun fa wɔuma tàrà waa."
21Jòn kpir'là sa yeè sèè na tɔ̀un, è nà twɛy gooma reè dè e kuntsiɛ̀ rà. Kùntsiɛ̀ vunun taumaà tɔ̀un, è dzin jòn kpir'là rà ci: "Dɔ̀n tabe tabe wɔ̀ɔ̀ jaa rè, e bè gbakɔɔn reè, ko mòdzin nɔɔ̀rɔ̀kɔɔn reè, ko jaana reè kiri, ci yè nà mìin yè nà n ne ɲwɛɛ̀n ɲɔn." 22Tɔ̀un, jòn kpir'là yè bè twɛy mòdzin neè gaa na. À nàu wɔ, è dzin e kuntsiɛ̀ rà ci: "Kùntsiɛ̀ mun kpɛ̀yn wo re dèumaà fau, ŋà, gàneè na tsyɛn ŋe waa."
23À kùntsiɛ̀ yè dzin à ra tɔ̀un, ci: "Bo wɔ̀ɔ̀ kɛ̀yn, e bè shirii reè rè, e bè mòdzian kiri. A maxɔbe è kpɛyn ci yè nà, sànko mun ne gbàà yè tsyɛn. 24Àwà, mun nì ci e ra, mun mòdzin niì reè kiriu jɔ̀na, yè e nɔn, mun ne ɲwɛyn nèe soo na wɔɔ̀ twɛy sɔn dzu waa."»
Goo nìì reè mòò bàa Yesù rè kàràndzin
(Matsiyù 10.37-38)
25Twɛy goo rèè sapɛ shɔùn, Yesù yè shia kun, jàma brìsi yè bà ni à kpɛyn. Tɔ̀un, è nà e jaa kere è ra, è dzin è ra ci: 26#Mat 10.37.«Wo mòò riì ci wo nà a gban mun kpɛyn, wo ɲɛyn to ni a naà ko a faà tsɛ, wo ɲɛyn ni a re tààn ko a dzin nèè tsɛ, wo ɲɛyn ni a tsinà rèè ko a tseyn nèè tsɛ, wo ɲɛyn yè bà ni a yɛr'la sa tsɛ, wo na dzia bà mun ne kàràndzin waa. 27#Mat 10.38; 16.24; Mar 8.34; Luk 9.23.Mòò o moò ma e gbaàn gɔɔ̀ sen è gban mun kpɛyn fyeu, tɔ̀ na dzia bà mun ne kàràndzin waa. 28Y'a tɔ̀, ye sɔn ye ba nà sangaso ji, n ci ye yè tsuɔ rìì, ye akiri yaa bo fa à goo rèè tsɛ ŋe, ye ye ba nà dzi à ra, ye to ma ba nà dzi à ra o ? 29A ma tɔ̀ akiri yaa boo fa, e fu a dzii kun bè a kun nè, wo dzia nà gba à goo rèè dzyeè rà. Wo to ye gba, mòò o moò nà gbà ree dzun baumaà jà, è nà jiran wo mà. 30Yè dziàn nèe tsuru ci: "O ! Kpir'lee yè e re gbàà dzunbau, è nà gba à dzyeè rà."
31Tɔ̀ dɔ̀n bouma shɔ̀ùn, màsà kpir'la sɔn ye ba nà bè e masà kpìrì si kpɛrɛ dzii kun kaa ra, n ci è tsuɔ rìì, è akiri yaa bo fa à goo rèè tsɛ ŋe. Tà shɔ̀ùn, è kòmànà à siin à ko e re kaadzin gbaa tsyeòn ye ba nà dzi be tɔ̀ màsà kpir'la ko e re kaadzin gbaa mòò dzii kun o ? 32À y'a jà wò fa dzi, à y'à toò, tɔ̀ màsa kpir'la dàn yè bà gbàn, è mòdzin ì ka bè à kpɛyn, ci yè bè à màfyɛ̀n kaà yè dò. 33Tɔ̀ fau'n kuru soo tsuru, ye ɲan mòò o moò ma e ɲɛyn bo e suun ge reè sapɛ tsɛ, tɔ̀ tsìfa na dzia bà mun ne kàràndzin waa.»
34Tà shɔ̀ùn, Yesù yè dzin kɔn ci: «Kòo gè dziù rìì, ŋà, à ye maà, mòo dzia à sèè dzibe dzùrù kɔn ? 35Tɔ̀un, à na gèsɔn wùbee dzɔ̀nxɔɔ̀ mà, à to fa dzi ba noo. À bèe maa da rɔ̀n nì. Toro ì ye ba ni mòò riì rè, è bà è ka myɛ̀yn faa, è toro wɔu'n kuru wube dɛ !»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International