Lukì 20
20
Yesù teroun e re goo rèè faa shi taràmaà mà min niì
(Matsiyù 21.23-37; Marikì 11.27-33)
1Àwà, sii sɔn see, Yesù na mòdzian kàr'na Ŋaablà re gbà blàa doùn, è bà è toro kɔ̀ɔ Kùnàgoo Dziɔ̀ rà. Tɔ̀un, Saaka Jɔundzin neè, ko Sàrìyà Kaamoo reè, ko bɔɔ rèè yè nà à kpɛyn. 2È nàu wɔ, y'à tey ci: «Wo nèe goo rèe rèè faa dzi kɛɛn nì baraka ɲan ? Tsì rii yè è faa dzi siun wo ra ? À dè mùn na.» 3Yesù yè dzin è ra ci: «Mun sa nà ye tey goo soo ma. 4Tsì rii Yùxanà kau, ci è nà mòdzian jaara foò Ŋaablà re shia goo rèè rà ? À Ŋaablà rii làà, à mòdzian nì ? Ye tɔ̀ dè n na.»
5Tɔ̀un, yè e maa, yè dziàn e si ra ci: «Ɲe ye dzin ci à Ŋaablà rii, à nà ɲe tey, ci feera ɲe na ɲɛn Yùxanà nà ? 6Ɲe to ye dzin ci mòdzian nì y'à kau, jàmaà ko e kur'la nà ɲe dzyɛn vu kpàà reè ka, kàtsu à fyɛɔ ci Yùxanà na Ŋaablà re kɛɛra rii.» 7Yè dzin Yesù rà tɔ̀ rii ɲàn ci ye na à danmà tɔ̀ waa. 8È tà dèu, Yesù sa yeè dzin è ra ci: «Tà bwèy, mun sa nèe goo rèe rèè faa dzi riì baraka ɲan, mun tsu fa tɔ̀ dè ye ra waa.»
Yesù tàlen nìi baun gɔ̀ɔ̀dzuà faagoo fa reè swey tsɛ
(Matsiyù 21.33-46; Marikì 12.1-12)
9 #
Ekk 5.1. Àwà, tà shɔ̀ùn, Yesù yè e maa, è nèe gooma bɔɔ rèe dèe mòdzian nà. À ci: «Kpiri sɔn ɛ̀rɛ̀nzhɛ̀ndzu wɔu. Tɔ̀ shɔ̀ùn à y'à kɛ̀ɛ̀yfa to faagoofadzin neè swey mà, è kòmànà dɔ̀n be jìì rà, à nà bè cin min niì. 10À dɔ̀n bèumaà shɔ̀ùn, àwà gɔ̀ɔ̀dzian bo waatsi yeè nà wɔ. Tɔ̀ waatsi wɔu, à ɛ̀rɛ̀nzhɛ̀ndzuà kɛ̀ɛ̀yfa too nìì reè mà, è to mɔn, è re jòn nèè soo ka na twɛy rè, sànko nìi wò raa nìan, yè tɔ̀ sìn. Àwà, tɔ̀ jòòn nàu, ɛ̀rɛ̀nzhɛ̀ndzuà faagoo fa reè y'à ban, y'à sixɔɔma baji be. 11Tà shɔ̀ùn, gɔ̀ɔ̀dzùtsià yè jòn kpɛrɛ ka na kɔn. Tɔ̀ sa nàu wɔ, yè tɔ̀ sa ban, y'à cèù bo, y'à sixɔɔma baji be. 12Tɔ̀un, gɔ̀ɔ̀dzùtsià yè e re jòn nèè zhììgìra ka na kɔn. Tɔ nàu wɔ, yè tɔ̀ ban, fɔ y'à mɛ̀ɲɛ̀n, y'à kaa bo dzù rɔ̀n. 13Dzùtsià yè dzin tɔ̀ rii ɲàn ci: "Mun nà fee rìì fa ? Tà doùn, mun yè n dzin kpir'liì kɛ̀niɔ̀n mun nà tɔ̀ ka bè è re. Gè sɔn ge, è nà blà wɔ tɔ̀ ɲan."
14Tɔ̀un, è dzin kpir'la ka bè. Ɛ̀rɛ̀nzhɛ̀ndzuà faagoo fa reè dzin kpirimaa jàu min niì, yè dzin e si ra ci: "À shɛnsenbaà rìì yɛ nèe. Y'a wa, m'a vu, sànko shɛɛ̀n yè bà mùn naa." 15Tɔ̀un, à nàu wɔ è tsɛ, y'à kun, yè bo à ka ɛ̀rɛ̀nzhɛ̀ndzuà bònè, yè b'a vu.»
Àwà, Yesù tà goomaa dè dòu min niì, è dzin jàmaà nà tɔ̀ rii ɲàn ci: «Ye re o, dzùtsià ɛ̀rɛ̀nzhɛ̀ndzuà kɛ̀ɛ̀yfa too nìì reè mà, à nà fee rìì fa twɛy rà ? 16Àwà, dzùtsià nà nà è sapɛ vu rii, è re ɛ̀rɛ̀nzhɛ̀ndzuà kɛ̀ɛ̀yfa mòò kpɛrɛkuru ì mà.» Mòdzian tɔ̀ goomaa myɛ̀un min niì, yè dzin ci: «Ee, Ŋaa yè mùn tààn tɔ̀ mà !»
17 #
Zab 118.22. Tɔ̀un, Yesù yè è siin, è dzin ci: «Gooma sɔn sɛbɛɔ̀n Ŋaablà re Goomaa doùn nèe tsuru ci:
"Gbà ji reè kpàà niì maaŋ,
tɔ̀ rii nàu sèè, è bà gbàà nɔ̀nkɔ̀n kpaa,
nìi ni kpàà dzyee reè sapɛ jɔun."
Ye re o, tà goomaa dzuɔn fee rìì ? 18Mòò o moò ye mɛɛy kpàà ree tsɛ, tɔ̀ min niì sapɛ nà kɛɛy kɛɛy. À to nà mɛɛy mòò o moò tsɛ, à nà tɔ̀ tsìfa jɔjɔ.»
È gooma niì ka myɛ̀ɛ̀n ɲɛun Yesù jɔun xɔnsɔɔn goo tsɛ
(Matsiyù 22.15-22; Marikì 12.13-17)
19Àwà, Yesù tà goomaa dèu tà tsuru min niì, tɔ̀ gàne soo ɲàn, Sàrìyà Kaamoo reè, ko Saaka Jɔundzin neè yè e maa, y'à gaa kunàma, kàtsu, è na à tɔ̀, ci Yesù nèe gooma bɔɔ rèe dè siɔ̀n ye rìì là. Ŋà, yè shi jàmaà jɔun. 20Tɔ̀un, yè e maa yè Yesù kààwɔɔ̀. Àwà, yè siin tɔ̀un, yè nanmara moo ì ka à kpɛyn. Tà tsuru twɛy ye be wɔ, yè e yɛrɛ ba mòdzin cereoma ì, gè riì ni à to yè dzi myɛ̀ɛ̀n ɲɛn à jɔun, y'à kun e dzugoomaa sɔn ka. Tɔ̀ ye fa, è nà dzi à wɔ fàan suun, tɔ̀ yeè sàrìyaa vwɛ̀yn à tsɛ. 21Àwà, twɛy mòdzin neè y'à tey tɔ̀ rii ɲàn nèe tsuru ci: «Mùn kàrànfaà, ɲe y'à tɔ̀, ci wo nìi dèe, ko wo nìi sapɛ kar'na mùn na, à sapɛ tereòn. Mòdzian sapɛ soo wo re. Ŋaablà to ci mìn re jaamabee shi jiì nìi tsuru, wo re kàr'nà tɔ̀ sààbeen rìì xu kpadèe. 22Àwà, ɲe nà wo tey ɔ, mùn yeè xɔnsɔɔn sàrà Ɔ̀rɔmùn màsà kpiri blàa rè, tɔ dàaŋnà ràà, à na dàaŋnà ?» 23Ŋà, è kàjaa riì kaà tɔ̀ goomaa ka, Yesù yè tɔ̀ jà. È dzin è ra tɔ̀un ci: 24«Ye ɲɛɛn taman soo kpadè n na siin !»
È nàu tɔ̀ ka à kɔ̀, è dzin ci: «Tsì rii ɲɛyn, ko à tsoo ni taman ree tsɛ ?» Yè dzin ci: «À Sezar'lì.» 25Yesù yè dzin è ra tɔ̀un ci: «Tà bwèy nìi Sezar'laa, ye tɔ̀ sìn Sezar'là. Nìi to Ŋaablà raa, ye tɔ̀ sìn Ŋaablà ra.»
26Yesù na nìi dèe jàmaà jaa ra, è na dzi fìrìgoo pɛn jà tɔ̀ goomaa ɲàn, è nà à kun nìi ka waa. Ŋà, Yesù rè goomaa bònbàrè see jiu è sapɛ dzii tsɛ rìì, è mɛ̀nshɛ̀unma yè to kpleu.
Yesù teroun fùn nèè sèè kpunan goo mà min niì
(Matsiyù 22.23-33; Marikì 12.18-27)
27 #
Kɛf 23.8. Àyìwà, nìì reè kir'là Sadusiɲɛn rèè, twɛy nìì reè ci fùn nèè fa sèè kpunan waa, twɛy swey yè nà, yè Yesù tey. 28#Sdk 25.5.È ci: «Kàrànfaà, kɛɛra Musà nèe sàrìya ree sɛbɛn tou mùn ne nèe tsuru ci: "Àwà, kpir'la sɔn ye san, è re tààn to e shɔùn, è ma ba dzin tàraɔ̀ waa, tseyn ye ba ni kpir'lee re, tɔ wù è tàan rèe sen, à y'à bà e re tààn. À wù è tɔ̀ fa, sànko è dzin tàrà tàan rèe ka, tɔ̀ dziin nèe yè bà kpiri sanbaa rèe tsu."
29Àyìwà, keresima ɲɛɛ̀nun na ni, jɔ̀naà tàan seun, à na dzin tàrà tàan rèe ka waa. 30Tɔ̀un, nìi baɔ̀n à ra, tɔ̀ yeè tàan rèe sen. Àwà, tɔ̀ sa yeè nà san à tsu na dzin tàrà à ka waa. 31Àyìwà, nìi zhììgìraa, tɔ̀ sa tàan rèe seun, tɔ̀ sa raà yè kun tɔ̀ tsuru. Tɔ̀ tsuru fur'lu, fɔ dzin kpiri ɲɛɛ̀nun nèe sapɛ yeè bè dò, è pɛn na dzin tàrà tàan rèe ka waa. 32Tà shɔ̀ùn, taàn yɛ̀r'la sa yeè nà san. 33Àyìwà, fùn nèè to ye na sèè kpunan sii rìi sèè o, tààn rèe nà bà tsì rii soo raa keresima ɲɛɛ̀nun nèe ɲan sa ? È soo sookɔɔn sa to y'à sen jau e re tààn !»
34Àyìwà, è re goomaa shɔ̀ùn, Yesù yè dzin è ra ci: «Dziɲan doùn mìin nɔn ni, kpiri tàan màgoo faa, tàan sa yeè e tsuù kpir'le. 35Ŋà gbey, tɔ̀ tsuru fa bà ni mɔn waa. Ŋaablà ye na à jà nìì reè wù yè sèè kpunan yè dɔ̀n arìjinɛɛ̀ doùn, twɛy nà to tɔ̀ rii tsuru mɔn. Kpiri fa tààn màgoo fa, tàan tsu to fa e tsuù kpir'le. 36È fa san dɛ, è nà bà a ci mɛ̀rɛ̀kɛ rèè. È nà bà Ŋaablà dzin ì, kàtsu è saun, yè sèè kpunan. 37#Jdk 3.6.Tɔ̀ doùn, Ŋaablà re kɛɛra Musà yɛ̀r'la y'à dè fyɛɔ, ci fùn nèè nà sèè kpunan. Gɔ̀ɔ̀kùìrii tsuunmaà goo dèu min niì sàà yè bà ni à ɲan, à mùn Tsìfa Ŋaablà kiriu mɔn ci: "Ibraximà rè Ŋaablà, ko Ishakà rè Ŋaablà, ko Yàkubà rè Ŋaablà." 38Àwà, Ŋaabla jaama ì rìì lè Ŋaablà, à na fùn ì raa waa, kàtsu twɛy gè o ge saun, è sapɛ jaama ni Ŋaablà re.»
39Àyìwà, twɛy gooma reè dèumaà shɔ̀ùn, Sàrìyà Kaamoo reè swey yè goomaa sen tɔ̀un, yè dzin ci: «Aa kàrànfaà, wo re goomaa wùbeu.»
40Àwà, è sen tɔ̀ jisee rà, mòò pɛn kùùn naà xɔ è Yesù tey goo sɔn pɛn na dɛ.
Ŋaablà Jaara Modziàn, ko Dawudà fia
(Matsiyù 22.41-46; Marikì 12.35-37)
41Tɔ̀un, Yesù yè dzin è ra ci: «Fèe kamà, mòdzian yè bà dziàn, ci Ŋaablà Jaara Modzìàn màsà kpiri Dawudà tsua dzin ? 42#Zab 110.1.Dawudà yɛ̀r'la to y'à dèe Zàbur'leè sɛbɛɛn doùn nèe tsuru ci:
"Mùn Tsìfa Ŋaabla dziun mun Tsìfaà rà ci:
Nà a tsuù n sirama si jaa rè.
43Nà a tsuù mɔn,
fɔ min b'à ɲan rèè sapɛ ba a santsuura."
44Àwà, Dawudà yɛ̀r'la ye ba Ŋaablà Jaara Modzìàn kir'là, ci wò Tsìfaà, tɔ̀ y'a kpàdèe, ci à na Dawudà tsua dzin basɔùn kɛ̀ !»
Yesù ci Sàrìyà Kaamoo reè ni nìi tsuru
(Matsiyù 23.1-36; 12.38-40)
45Àwà, jàmaà sapɛ ni Yesù lamyɛɛ̀n nà, è dzin e re kàràndzin neè rà ci: 46«Ye e yɛrɛ kaàwɔ Sàrìyà Kaamoo reè rà. Nìi dzi è ra, yè e ɲantsyeere beè mɛ̀yɛ bla bla reè ka e ma, tà ko mòdzian yè è tswà beè blàbèma jàmà gane reè ɲàn. È ba ŋaablabegba rèè doùn, tsùùma nìì reè ni jɔun, è gaa twɛy rìì là. Mòò to ye è kiri e re jaaravi ɲwɛyn na, è ye be wɔ, è gaa tsùùma rèè sapɛ ɲan wùù reè rìì là. 47È fùnshɔ̀ùntaan rèè màniɛ̀n, yè è suun gee sapɛ tsi è ra. Tɔ̀un, yè ba Ŋaablà mafyɛ̀ɛn, è tɔ̀ fa toò rìì fur'lu, yè tɔ̀ ka e juɔ mà mɛnɛn mòdzian mà. Àwà, byɛnbe riì nà ɲɛn è tsɛ tsìɛ̀ sii sèè, tɔ nà ɲanbe, fɔ è bè geren.»
Currently Selected:
Lukì 20: BDZU
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International
Lukì 20
20
Yesù teroun e re goo rèè faa shi taràmaà mà min niì
(Matsiyù 21.23-37; Marikì 11.27-33)
1Àwà, sii sɔn see, Yesù na mòdzian kàr'na Ŋaablà re gbà blàa doùn, è bà è toro kɔ̀ɔ Kùnàgoo Dziɔ̀ rà. Tɔ̀un, Saaka Jɔundzin neè, ko Sàrìyà Kaamoo reè, ko bɔɔ rèè yè nà à kpɛyn. 2È nàu wɔ, y'à tey ci: «Wo nèe goo rèe rèè faa dzi kɛɛn nì baraka ɲan ? Tsì rii yè è faa dzi siun wo ra ? À dè mùn na.» 3Yesù yè dzin è ra ci: «Mun sa nà ye tey goo soo ma. 4Tsì rii Yùxanà kau, ci è nà mòdzian jaara foò Ŋaablà re shia goo rèè rà ? À Ŋaablà rii làà, à mòdzian nì ? Ye tɔ̀ dè n na.»
5Tɔ̀un, yè e maa, yè dziàn e si ra ci: «Ɲe ye dzin ci à Ŋaablà rii, à nà ɲe tey, ci feera ɲe na ɲɛn Yùxanà nà ? 6Ɲe to ye dzin ci mòdzian nì y'à kau, jàmaà ko e kur'la nà ɲe dzyɛn vu kpàà reè ka, kàtsu à fyɛɔ ci Yùxanà na Ŋaablà re kɛɛra rii.» 7Yè dzin Yesù rà tɔ̀ rii ɲàn ci ye na à danmà tɔ̀ waa. 8È tà dèu, Yesù sa yeè dzin è ra ci: «Tà bwèy, mun sa nèe goo rèe rèè faa dzi riì baraka ɲan, mun tsu fa tɔ̀ dè ye ra waa.»
Yesù tàlen nìi baun gɔ̀ɔ̀dzuà faagoo fa reè swey tsɛ
(Matsiyù 21.33-46; Marikì 12.1-12)
9 #
Ekk 5.1. Àwà, tà shɔ̀ùn, Yesù yè e maa, è nèe gooma bɔɔ rèe dèe mòdzian nà. À ci: «Kpiri sɔn ɛ̀rɛ̀nzhɛ̀ndzu wɔu. Tɔ̀ shɔ̀ùn à y'à kɛ̀ɛ̀yfa to faagoofadzin neè swey mà, è kòmànà dɔ̀n be jìì rà, à nà bè cin min niì. 10À dɔ̀n bèumaà shɔ̀ùn, àwà gɔ̀ɔ̀dzian bo waatsi yeè nà wɔ. Tɔ̀ waatsi wɔu, à ɛ̀rɛ̀nzhɛ̀ndzuà kɛ̀ɛ̀yfa too nìì reè mà, è to mɔn, è re jòn nèè soo ka na twɛy rè, sànko nìi wò raa nìan, yè tɔ̀ sìn. Àwà, tɔ̀ jòòn nàu, ɛ̀rɛ̀nzhɛ̀ndzuà faagoo fa reè y'à ban, y'à sixɔɔma baji be. 11Tà shɔ̀ùn, gɔ̀ɔ̀dzùtsià yè jòn kpɛrɛ ka na kɔn. Tɔ̀ sa nàu wɔ, yè tɔ̀ sa ban, y'à cèù bo, y'à sixɔɔma baji be. 12Tɔ̀un, gɔ̀ɔ̀dzùtsià yè e re jòn nèè zhììgìra ka na kɔn. Tɔ nàu wɔ, yè tɔ̀ ban, fɔ y'à mɛ̀ɲɛ̀n, y'à kaa bo dzù rɔ̀n. 13Dzùtsià yè dzin tɔ̀ rii ɲàn ci: "Mun nà fee rìì fa ? Tà doùn, mun yè n dzin kpir'liì kɛ̀niɔ̀n mun nà tɔ̀ ka bè è re. Gè sɔn ge, è nà blà wɔ tɔ̀ ɲan."
14Tɔ̀un, è dzin kpir'la ka bè. Ɛ̀rɛ̀nzhɛ̀ndzuà faagoo fa reè dzin kpirimaa jàu min niì, yè dzin e si ra ci: "À shɛnsenbaà rìì yɛ nèe. Y'a wa, m'a vu, sànko shɛɛ̀n yè bà mùn naa." 15Tɔ̀un, à nàu wɔ è tsɛ, y'à kun, yè bo à ka ɛ̀rɛ̀nzhɛ̀ndzuà bònè, yè b'a vu.»
Àwà, Yesù tà goomaa dè dòu min niì, è dzin jàmaà nà tɔ̀ rii ɲàn ci: «Ye re o, dzùtsià ɛ̀rɛ̀nzhɛ̀ndzuà kɛ̀ɛ̀yfa too nìì reè mà, à nà fee rìì fa twɛy rà ? 16Àwà, dzùtsià nà nà è sapɛ vu rii, è re ɛ̀rɛ̀nzhɛ̀ndzuà kɛ̀ɛ̀yfa mòò kpɛrɛkuru ì mà.» Mòdzian tɔ̀ goomaa myɛ̀un min niì, yè dzin ci: «Ee, Ŋaa yè mùn tààn tɔ̀ mà !»
17 #
Zab 118.22. Tɔ̀un, Yesù yè è siin, è dzin ci: «Gooma sɔn sɛbɛɔ̀n Ŋaablà re Goomaa doùn nèe tsuru ci:
"Gbà ji reè kpàà niì maaŋ,
tɔ̀ rii nàu sèè, è bà gbàà nɔ̀nkɔ̀n kpaa,
nìi ni kpàà dzyee reè sapɛ jɔun."
Ye re o, tà goomaa dzuɔn fee rìì ? 18Mòò o moò ye mɛɛy kpàà ree tsɛ, tɔ̀ min niì sapɛ nà kɛɛy kɛɛy. À to nà mɛɛy mòò o moò tsɛ, à nà tɔ̀ tsìfa jɔjɔ.»
È gooma niì ka myɛ̀ɛ̀n ɲɛun Yesù jɔun xɔnsɔɔn goo tsɛ
(Matsiyù 22.15-22; Marikì 12.13-17)
19Àwà, Yesù tà goomaa dèu tà tsuru min niì, tɔ̀ gàne soo ɲàn, Sàrìyà Kaamoo reè, ko Saaka Jɔundzin neè yè e maa, y'à gaa kunàma, kàtsu, è na à tɔ̀, ci Yesù nèe gooma bɔɔ rèe dè siɔ̀n ye rìì là. Ŋà, yè shi jàmaà jɔun. 20Tɔ̀un, yè e maa yè Yesù kààwɔɔ̀. Àwà, yè siin tɔ̀un, yè nanmara moo ì ka à kpɛyn. Tà tsuru twɛy ye be wɔ, yè e yɛrɛ ba mòdzin cereoma ì, gè riì ni à to yè dzi myɛ̀ɛ̀n ɲɛn à jɔun, y'à kun e dzugoomaa sɔn ka. Tɔ̀ ye fa, è nà dzi à wɔ fàan suun, tɔ̀ yeè sàrìyaa vwɛ̀yn à tsɛ. 21Àwà, twɛy mòdzin neè y'à tey tɔ̀ rii ɲàn nèe tsuru ci: «Mùn kàrànfaà, ɲe y'à tɔ̀, ci wo nìi dèe, ko wo nìi sapɛ kar'na mùn na, à sapɛ tereòn. Mòdzian sapɛ soo wo re. Ŋaablà to ci mìn re jaamabee shi jiì nìi tsuru, wo re kàr'nà tɔ̀ sààbeen rìì xu kpadèe. 22Àwà, ɲe nà wo tey ɔ, mùn yeè xɔnsɔɔn sàrà Ɔ̀rɔmùn màsà kpiri blàa rè, tɔ dàaŋnà ràà, à na dàaŋnà ?» 23Ŋà, è kàjaa riì kaà tɔ̀ goomaa ka, Yesù yè tɔ̀ jà. È dzin è ra tɔ̀un ci: 24«Ye ɲɛɛn taman soo kpadè n na siin !»
È nàu tɔ̀ ka à kɔ̀, è dzin ci: «Tsì rii ɲɛyn, ko à tsoo ni taman ree tsɛ ?» Yè dzin ci: «À Sezar'lì.» 25Yesù yè dzin è ra tɔ̀un ci: «Tà bwèy nìi Sezar'laa, ye tɔ̀ sìn Sezar'là. Nìi to Ŋaablà raa, ye tɔ̀ sìn Ŋaablà ra.»
26Yesù na nìi dèe jàmaà jaa ra, è na dzi fìrìgoo pɛn jà tɔ̀ goomaa ɲàn, è nà à kun nìi ka waa. Ŋà, Yesù rè goomaa bònbàrè see jiu è sapɛ dzii tsɛ rìì, è mɛ̀nshɛ̀unma yè to kpleu.
Yesù teroun fùn nèè sèè kpunan goo mà min niì
(Matsiyù 22.23-33; Marikì 12.18-27)
27 #
Kɛf 23.8. Àyìwà, nìì reè kir'là Sadusiɲɛn rèè, twɛy nìì reè ci fùn nèè fa sèè kpunan waa, twɛy swey yè nà, yè Yesù tey. 28#Sdk 25.5.È ci: «Kàrànfaà, kɛɛra Musà nèe sàrìya ree sɛbɛn tou mùn ne nèe tsuru ci: "Àwà, kpir'la sɔn ye san, è re tààn to e shɔùn, è ma ba dzin tàraɔ̀ waa, tseyn ye ba ni kpir'lee re, tɔ wù è tàan rèe sen, à y'à bà e re tààn. À wù è tɔ̀ fa, sànko è dzin tàrà tàan rèe ka, tɔ̀ dziin nèe yè bà kpiri sanbaa rèe tsu."
29Àyìwà, keresima ɲɛɛ̀nun na ni, jɔ̀naà tàan seun, à na dzin tàrà tàan rèe ka waa. 30Tɔ̀un, nìi baɔ̀n à ra, tɔ̀ yeè tàan rèe sen. Àwà, tɔ̀ sa yeè nà san à tsu na dzin tàrà à ka waa. 31Àyìwà, nìi zhììgìraa, tɔ̀ sa tàan rèe seun, tɔ̀ sa raà yè kun tɔ̀ tsuru. Tɔ̀ tsuru fur'lu, fɔ dzin kpiri ɲɛɛ̀nun nèe sapɛ yeè bè dò, è pɛn na dzin tàrà tàan rèe ka waa. 32Tà shɔ̀ùn, taàn yɛ̀r'la sa yeè nà san. 33Àyìwà, fùn nèè to ye na sèè kpunan sii rìi sèè o, tààn rèe nà bà tsì rii soo raa keresima ɲɛɛ̀nun nèe ɲan sa ? È soo sookɔɔn sa to y'à sen jau e re tààn !»
34Àyìwà, è re goomaa shɔ̀ùn, Yesù yè dzin è ra ci: «Dziɲan doùn mìin nɔn ni, kpiri tàan màgoo faa, tàan sa yeè e tsuù kpir'le. 35Ŋà gbey, tɔ̀ tsuru fa bà ni mɔn waa. Ŋaablà ye na à jà nìì reè wù yè sèè kpunan yè dɔ̀n arìjinɛɛ̀ doùn, twɛy nà to tɔ̀ rii tsuru mɔn. Kpiri fa tààn màgoo fa, tàan tsu to fa e tsuù kpir'le. 36È fa san dɛ, è nà bà a ci mɛ̀rɛ̀kɛ rèè. È nà bà Ŋaablà dzin ì, kàtsu è saun, yè sèè kpunan. 37#Jdk 3.6.Tɔ̀ doùn, Ŋaablà re kɛɛra Musà yɛ̀r'la y'à dè fyɛɔ, ci fùn nèè nà sèè kpunan. Gɔ̀ɔ̀kùìrii tsuunmaà goo dèu min niì sàà yè bà ni à ɲan, à mùn Tsìfa Ŋaablà kiriu mɔn ci: "Ibraximà rè Ŋaablà, ko Ishakà rè Ŋaablà, ko Yàkubà rè Ŋaablà." 38Àwà, Ŋaabla jaama ì rìì lè Ŋaablà, à na fùn ì raa waa, kàtsu twɛy gè o ge saun, è sapɛ jaama ni Ŋaablà re.»
39Àyìwà, twɛy gooma reè dèumaà shɔ̀ùn, Sàrìyà Kaamoo reè swey yè goomaa sen tɔ̀un, yè dzin ci: «Aa kàrànfaà, wo re goomaa wùbeu.»
40Àwà, è sen tɔ̀ jisee rà, mòò pɛn kùùn naà xɔ è Yesù tey goo sɔn pɛn na dɛ.
Ŋaablà Jaara Modziàn, ko Dawudà fia
(Matsiyù 22.41-46; Marikì 12.35-37)
41Tɔ̀un, Yesù yè dzin è ra ci: «Fèe kamà, mòdzian yè bà dziàn, ci Ŋaablà Jaara Modzìàn màsà kpiri Dawudà tsua dzin ? 42#Zab 110.1.Dawudà yɛ̀r'la to y'à dèe Zàbur'leè sɛbɛɛn doùn nèe tsuru ci:
"Mùn Tsìfa Ŋaabla dziun mun Tsìfaà rà ci:
Nà a tsuù n sirama si jaa rè.
43Nà a tsuù mɔn,
fɔ min b'à ɲan rèè sapɛ ba a santsuura."
44Àwà, Dawudà yɛ̀r'la ye ba Ŋaablà Jaara Modzìàn kir'là, ci wò Tsìfaà, tɔ̀ y'a kpàdèe, ci à na Dawudà tsua dzin basɔùn kɛ̀ !»
Yesù ci Sàrìyà Kaamoo reè ni nìi tsuru
(Matsiyù 23.1-36; 12.38-40)
45Àwà, jàmaà sapɛ ni Yesù lamyɛɛ̀n nà, è dzin e re kàràndzin neè rà ci: 46«Ye e yɛrɛ kaàwɔ Sàrìyà Kaamoo reè rà. Nìi dzi è ra, yè e ɲantsyeere beè mɛ̀yɛ bla bla reè ka e ma, tà ko mòdzian yè è tswà beè blàbèma jàmà gane reè ɲàn. È ba ŋaablabegba rèè doùn, tsùùma nìì reè ni jɔun, è gaa twɛy rìì là. Mòò to ye è kiri e re jaaravi ɲwɛyn na, è ye be wɔ, è gaa tsùùma rèè sapɛ ɲan wùù reè rìì là. 47È fùnshɔ̀ùntaan rèè màniɛ̀n, yè è suun gee sapɛ tsi è ra. Tɔ̀un, yè ba Ŋaablà mafyɛ̀ɛn, è tɔ̀ fa toò rìì fur'lu, yè tɔ̀ ka e juɔ mà mɛnɛn mòdzian mà. Àwà, byɛnbe riì nà ɲɛn è tsɛ tsìɛ̀ sii sèè, tɔ nà ɲanbe, fɔ è bè geren.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Église Évangélique Mennonite du Burkina Faso (EEMBF) et SIL International